মরু ওইবা ৱাফমশিং:

• শ্রী লঙ্কাগী বুধিস্ত লাইনীংবা অমসুং স্রী লঙ্কা সরকারগী মন্ত্রীশিংনা শরূক য়াদুনা প্রধান মন্ত্রীনা এয়রপোর্ত শঙ্গারবা তুংদা মহাক্না বুধিস্ত লাইনীংগী মহাপরিনির্ভানা স্তুপা অমসুং লাইশঙদা পাংথোকপা থৌরমদা ৱা ঙাংগনি।
• কুশিনগরদা তুরিজম চাউখৎহন্নবা থৌরম অমসু তুরিজম্না শিন-লাঙলি অমসুং মসিদা বুধিস্ত সর্কিৎ শেন্নরিবা মরু ওইবা তুর ওপরেতরশিংসু শরুক য়াগনি।
• এয়রপোর্ত অমা লৈবনা তুরিস্ত লাকপগী চাংনা ২০%গী চাংদা (য়ু.পি. সরকারগী ইস্তিমেৎকী মতুং ইন্না) হেনগৎকনি হায়না থাজবা থম্লি। মসিনা লমদমসিগী মীয়ামশিংগী থবক্কী অহেনবা খুদোংচাবা কয়াসু লৈহনগনি।

প্রধান মন্ত্রী , শ্রী নরেন্দ্র মোদীনা ওক্তোবর ২০, ২০২১দা মীথুংলেন কয়া অমগা লোয়ননা উত্তর প্রদেশকী রাজ্যপাল, শ্রীমতি অনন্দিবেন পতেল; য়ু.পি.গী মুখ্য মন্ত্রী, শ্রী য়োগী অদিত্যনাথ; অমসুং সিভিল এভিএসনগী কেন্দ্র মন্ত্রী, শ্রী জ্যোতিরাদিত্য সিন্দিয়া য়াওবা থৌরম অমদা কুশিনগর ইন্তর্নেস্নেল এয়রপোর্ত শঙ্গারগনি। ইন্তর্নেস্নেল এয়রপোর্ত অসিনা মমাংদা লৈরম্বা চত্থোক-চৎশিন তৌবগী খুদোংচাদবা কয়াদা হেন্না লাইথোকহন্নবা হন্দক্কী চয়োলদগী মথৌ তৌবা হৌরগনি অমসুং মালেমগী বুধিস্ত লাইনীংবশিংনা ভারত মনুংদা এয়র ত্রাভেল তৌবগী তঙাই ফদবশিংদসু তেংবাংগনি। খ্বাইদগী অহানবা ফ্লাইৎনা এয়রপোর্ত অসিদা মীথুংলেন ১২৫ অমসুং বুধিস্ত লাইনীংবা কয়া তোংদুনা শ্রী লঙ্কাদগী লাক্তুনা তারগনি। অমসুং থৌওং অসিনা মালেম শিনবা থুংবগী বুধিস্তশিংনা ভগ্বান বুধগী মহাপরিনির্ভানাগী মফমদা লাকপদা হান্নদগী হেন্না খুদোংচারে হায়বা তাক্কনি।

এয়রপোর্ত ওথোরিতী ওফ ইন্দিয়ানা লৈবাক্কী এয়রপোর্ত ইনফ্রাস্ত্রকচরবু অপগ্রেদ তৌনবগীদমক্তা লেপ্তনা চত্থরক্লিবা থৌরাংগী মতুং ইন্না লৈবাক্কী অমসুং মালেমগী ভিজিতর অমসুং লমকোইবশিংগী অপাম্বশিংবু য়েংলদুনা উত্তর প্রদেশ সরকারগা খুৎশম্নদুনা লুপা করোর ২৬০ চঙদুনা স্ক্বার মীতর ৩৬০০কী পাক-চাউরবা অনৌবা তর্মিনেল অমগা লোয়ননা কুশিনগর এয়রপোর্তপু শেমগৎখি। অনৌবা তর্মিনেল অসিনা মী খ্বাইদগী তিনবা মতমদা পেসেঞ্জর ৩০০ শেন্নবা ঙম্নবা শেম-শাখ্রে। কুশিনগর অসি ভগ্বান বুধনা মহাপরিনির্ভানা ফংখিবা বুধ লাইনীংগী মালেমগী ওইবা লাইনীংফম অমনি। মসি লুম্বিনী, সার্নাথ অমসুং গায়াগী লাইনীংফম লৈবা বুধিস্ত সর্কিৎকী ময়াইদা লৈবা মরু ওইবা মফম অমনি। এয়রপোর্ত অসিনা লৈবাক মনুং অমসুং মীরম লৈবাক্তা লৈবা বুধ নীংজবা মীওইশিংগী পুক্নিং চিংশিনবদসু তেংবাংগনি অমসুং বুধিস্ততা য়ুম্ফম ওইবা সর্কিৎ শেমগৎপদসু তেংবাংগনি। বুধিস্ত সর্কিৎকী লুম্বিনী, বোধগায়া, সার্নাথ, কুশিনগর, শ্রাভাস্তী, রাজগীর, সঙ্কিসা অমসুং ভাইশালীগী খোঙচৎকী মতমসু তেনশিনহল্লগনি।

কুশিনগর এয়রপোর্ত শঙ্গাবনা লমদমসিগী বুধিস্তকী তোঙানবা মফমশিংদা চৎপা লাইহন্দুনা মালেম শিনবা থুংবগী বুধিস্ত লাইনীংবশিংদা য়াম্না তেংবাংগনি। খা এসিয়াগী লৈবাকশিংগা নোংথক্কী লম্বীদা হকথেংননা শম্নহনবনা শ্রী লঙ্কা, জাপান, তাইৱান, খা কোরিয়া, চাইনা, থাইলেন্দ, ভিএতনাম, সিঙ্গাপোরনচিংবগী চাউখৎলবা লমকোইবশিংনা কুশিনগর য়ৌরক্তুনা মফম অসিগী নীংথিরবা হেরিতেজ খঙবদা লাইহনগনি। ফ্লাইৎ অসি শঙ্গাবগা লোয়ননা তুরিস্ত লাকপগী চাংসু ২০%গী চাংদা হেনগৎকনি হায়বগী থাজবসু থম্লি।

কুশিনগর ইন্তর্নেস্নেল এয়রপোর্তনা লাইনীংফমশিংবু মালেমগী এভিএসন মেপ্তা থম্বতা নত্তনা লমদমসিগী শেন্মিৎলোন চাউখৎপদসু শাফু কয়া পীগনি। মসিনা হোতেলগী কারবার, তুরিজম এজেন্সী, রেস্তোরেন্তনচিংবা কয়াবু খুমাং চাউশিলহন্দুনা হোস্পিতালিতী ইন্দস্ত্রীদসু কান্নবা কয়া পীগনি। মসিনা ফীদর ত্রান্সপোর্ত সর্ভিস, লোকেল গাইদনচিংবগী হীরমদা লমদমসিগী মীওইশিংদা থবক্কী অনৌবা খুদোংচাবা কয়াসু ফংহনগনি। লোকেলগী ইন্দস্ত্রী অমসুং পোত্থোকশিংসু মালেম্না শকখঙলগনি। মসিনা ঐখোয়গী নাৎকী মতাংদা খঙহনবতা নত্তনা লোকেলগী চৎনবী অমসুং পুন্সি মহিংসু য়োকখৎপদা তেংবাংগনি।

কুশিনগরদা এয়রপোর্ত অমা শেমগৎপসিনা কুশিনগরবু বুধিস্ত লাইনীংফমগী মরু ওইবা মফম মরিগী মনুংদা অমা ওইনা চাউখৎহনবদসু তেংবাংগনি। মসিনা কুশিনগরবু বুধিস্ত সর্কিত্তা মফম অমা কনফম থোকপগী হকসু ফংহনগনি। মসিনা ভারতপু বুধিস্ত লাইনীংগী ওইবা অশেংবা মফম অমা ওইহনবদা তেংবাংবগা লোয়ননা বুধিজমগী ৱাখল্লোনবু মালেম শিনবা থুংনা শন্দোকপদসু তেংবাংগনি।

এয়রপোর্ত অসিনা চাউরাকপা জিলা ১০-১৫ কোনবনা মীওই করোর ২ হেনবদা তেংবাংগনি অমসুং নোংপোক উত্তর প্রদেশ অমসুং নোংচুপ/অৱাং বিহারগী মাইগ্রেন্তশিংদসু য়াম্না তেংবাংগনি। মসিনা লফোই, স্ত্রোবেরী অমসুং মশ্রুমগুম্বা হোর্তিকলচরগী পোত্থোকশিংবু মীরমদা থাদোকপগী খুদোংচাবা কয়াবুসু হেন্না খুমাং চাউশিলহনগনি।

*****