সিবিল এবিয়েসন মন্ত্রালয়

সিভিল এভিএসন মন্ত্রী শ্রী জ্যোতিরাদিত্য সিন্ধিয়ানা রুত ৬ ভর্চ্যুএল ওইনা লমথাদুনা অৱাং-নোংপোক ভারত্তা এরিএল কনেক্তিবিতী পাকথোক-চাউথোকহনখ্রে

Posted On: 18 OCT 2021 1:39PM by PIB Imphal

কেন্দ্রগী সিভিল এভিএসন মন্ত্রী, শ্রী জ্যোতিরাদিত্য এম. সিন্ধিয়া, সিভিল এভিএসনগী এম.ও.এস. জেনরেল দা. ভি.কে. সিংহ (রিতায়র্দ) লোয়ননা সিভিল এভিএসন মন্ত্রালয় (এম.ও.সি.এ.)গী সেক্রেতরী, শ্রী রাজীব বন্সালনা ভর্চ্যুএল ওইনা রুত ৬ লমথদুনা অৱাং-নোংপোক ভারতকী এরিএল কনেক্তিবিতী পাকথোক-চাউথোকহনখ্রে। ঙসিদগী ওপরেসন হৌখিবা রুতশিং অদুদি কোলকাতা – গুৱাহাতী, গুৱাহাতী – আইজোল, আইজোল – শিলোং, শিলোং – আইজোল, আইজোল – গুৱাহাতী অমসুং গুৱাহাতী – কোলকাতা অসিনি।

https://static.pib.gov.in/WriteReadData/userfiles/image/image001SKQ4.jpg

 

https://static.pib.gov.in/WriteReadData/userfiles/image/image002LA61.jpg

 

https://static.pib.gov.in/WriteReadData/userfiles/image/image0038UDC.jpg

 

হকশেল অমসুং য়াইফ-য়ুম্বাল, হায়র এন্দ তেক্নিকেল এজুকেসন, কম্মর্স এন্দ ইন্দস্ত্রী মন্ত্রী, দা. আর. লালথাংলিয়ানা, স্পোর্তস এন্দ য়ুথ সর্ভিসেস, তুরিজম অমসুং ইনফোর্মেসন এন্দ কম্ম্যুনিকেসন তেক্নোলোজীগী রাজ্য মন্ত্রী, শ্রী রোবর্ত রোমাৱিয়া রোইতে লোয়ননা রাজ্য সরকারগী মরু ওইবা মীওইশিংনা থৌরম অসিদা ভর্চ্যুএল ওইনা মিজোরামগী আইজোলগী লেংপুই এয়রপোর্ত্তগী শরুক য়াখি।

এম.ও.সি.এ.দা পাঙথোকপা থৌরম অসিদা সিভিল এভিএসন মন্ত্রালয়গী জোইন্ত সেক্রেতরী, শ্রীমতি উশা পাধী, লোয়ননা এম.ও.সি.এ.গী অতৈ মকোক থোংবা ওফিসিএলশিংসু শরুক য়াখি।

কেন্দ্রগী সিভিল এভিএসন মন্ত্রী, শ্রী জ্যোতিরাদিত্য এম. সিন্ধিয়ানা হায়খি, “মিজোরাম অসি অৱাং-নোংপোক ভারতকী গেতৱেনি। শহর অসিদা মাগী তুরিজম অমসুং ইকনোমিক সেক্তরগীদমক মরু ওইবা কয়া অমা লৈ। রাজ্য খুদিংমক্কী লৈজরিবা তোপ-তোপ্পা অদু লৈবাক অসিগী প্রজা পুম্নমক্না খঙহন্নবা প্রধান মন্ত্রী শ্রী নরেন্দ্র মোদীগী ভিজিন অসি ঐখোয়না থুংহন্নবা হোৎনখি। এম.ও.এস. জেনরেল দা. ভি.কে. সিংহ (রিতায়র্দ) অমসুং ঐহাক্না হকথেংননা অথুবদা মিজোরামদা লাক্কি হায়না ঐহাক্না থাজবা পীখি।”

মন্ত্রীনা মখা তারদুনা হায়খি, “এলায়েন্স এয়রগী অয়াম্বা এ.তি.আর. এয়রক্রাফ অসি অৱাং-নোংপোক থংবা রুতশিংদা দিপ্লোই তৌরি হায়বা অসি পাউদমজবদা ঐহাক্না নুংঙাইবা পোকই। ঙসি, ঐখোয়না ফ্লাইত অমনা শহর ৪ ফাওনহন্দুনা অৱাং-নোংপোক ভারত পুম্বদা অপনবা লৈতনা কনেক্তিবিতী লৈহনবা ঙমখ্রে। ঐখোয়গী প্রধান মন্ত্রীগী লুচিং মখাদা সিভিল এভিএসন মন্ত্রালয়না অৱাং-নোংপোক থম্লিবা মীৎয়েং অদু উৎলি। উরান স্কীমগী মখাদা ঐখোয়না লৈবাক অসিগী এভিএসন মেপতা য়াওরমদবা শহরশিং অসি ঐখোয়না ফাওনহনখ্রে। ঐখোয়না এয়রপোর্ত ৬০ চল্লাইবা হৌখ্রে, এৱার্দ তৌখিবা রুত ৩৮৭গী মনুংদা ১০০দি অৱাং-নোংপোক খক্তগী ওইখি অমসুং ৫০না হান্নদগী চল্লাইবা হৌখ্রে। মসিগী মথক্তা ২০১৪দা অৱাং-নোংপোক্তা শুপ্নগী এয়রপোর্ত ৬ লৈরমখি হৌজিক্তি চহি ৭কী অতেনবা মতমগী মনুংদা এয়রপোর্ত ১৫দা হেনখৎখ্রে। মসিনা সরকার অসিনা অৱাং-নোংপোক থংবা রাজ্যশিংদা মরু ওইবা মীৎয়েং থম্লিবা অসি উৎলি। মসিগী মথক্তা ক্রিশি উরান য়োজনাগী মখাদা ঐখোয়না কার্গো মুফমেন্তশিং অমসুং এক্সপোর্তশিং অনিমক ফগৎহন্নবা লমদম অসিদা এক্সপোর্তকী খুদোংচাবশিং লৈহন্নবা এয়রপোর্ত ১৬ মশক খঙদোকখ্রে।”

ঙসি লোঞ্চ তৌখিবা ফ্লাইত অসিনা মমাংদা ফ্লাইতশিংনা কনেক্ত তৌরমদবা অৱাং-নোংপোক্তা লৈরিবা রাজ্য কয়াগী এরিএল কনেক্তিবিতী পাকথোক-চাউথোকহনখ্রে। রুতশিং অসিদা ফ্লাইত কনেক্তিবিতী অসি লৈহনবা হায়বা অসি লমদমশিং অসিদা লৈরিবা মীওইশিংনা মতম শাংনা ধাবি তৌরক্তুনা লাকখিবনি। নীংথিজরবা অশং-অমান্না থল্লবা তম্পাক্কী লমশিং, চীংদা চেল্লিবা লোক্কী ঈশিং, অশং-অমান্না থল্লবা উমং-ৱামংশিং, অচৌবা তী গার্দেনশিং, উন্না কুপ্পা চীংদোনশিং, অচৌবা তুরেলশিং, তআইবেলগী ফজবরবা নাৎ অমদি চৎনবী, মখোয়গী মখল কয়াগী হরাও-কুহ্মৈশিং অসিনা লমকোইবশিংবু নোংপোক থংবা ভারত্তা পুক্নীং চিংশিনখি। ফ্লাইতশিং অসিনা মহৌশাবু পামজবা, ত্রেবেলরশিং, লমকোইবশিংগীদমক্তা অপনবা লৈতবা গেতৱে অমসুং এরিএল এক্সেস ফংহল্লগনি। শিলোং অসি মাইকৈ পুম্নমক্ত চীংনা কোইশিল্লি। শহর অসি মমিং লৈরবা এজুকেস্নেল ইন্সতিত্যুসন কয়া লৈবগীদমক খঙনৈ, মসি অৱাং-নোংপোক ভারত পুম্বগী একুজেসন হব ওইরি। ফজবা অমসুং এজুকেসনগী তুংনফম ওইবগী মথক্তা শিলোং অসি নোং কন্না চুবা, শুরুংশিং, খ্বাইদগী ৱাংবা ঈশিং চায়বীশিং, নীংথিজরবা লমশিং অমসুং মখোয়গী মমল য়াম্লবা হেরিতেজ অমসুং কলচরগী খঙনরিবা মেঘালয়গী গেতৱেসু ওইরি। আইজোল অসি হোম ওফ হাইলেন্দরস হায়না খঙনৈ অমসুং ত্রাইবেলগী কলচরগী ওইবা নীংথিজরবা কয়াগী হৌরকফম ওইরি অমসুং মখোয়গী হেন্দিক্রাফকীদমক খঙনৈ। তাউন অসি মহৌশাগী ওইবা ফজবনা মগুন হাপ্পী।

অনৌবা ফ্লাইতশিং অসিগা লোয়ননা গুৱাহাতী, আইজোল অমসুং শিলোংদগী লাকপা ত্রেভেলরশিংনা লৈবাক অসিগী অতৈ শরুকশিংদা চৎনবগী কনেক্তিবিতীগী ওপ্সন কয়া ফংলগনি।

লৈবাক অসিগী রিজনেল কনেক্তিবিতী ফগৎহন্নবা লেপ্তনা হোৎনবা ওইনা ঙরাং তিরুপতি-দিল্লী রুতকী অহাবা দাইরেক্ত ফ্লাইত হৌদুনা লৈবাক অসিগী খ্বাইদগী অচৌবা লাইফম ওইরিবা শরুকশিংগী মনুংদা অমা ওইরিবা অসিগী লৈবাক্কী কোনুংদা ফাওনহনখ্রে।

ওক্তোবর ১৯ -২১দগী চৎনবা হৌগদবা সেদ্যুল মখাদা পীরি:

 

ফ্লাইত নম্বর

দগী

ফাওবা

ফ্রিক্বেন্সী

দিপারচরগী মতম

এরাইবলগী মতম

এয়রক্রাফ মখল

পাইবা হৌগদবা নুমিৎ

৯আই৭৫৫

কোলকতা

গুৱাহাতী

নিংথৌকাবা, লৈবাকপোকপা, শগোলশেল অমসুং থাংজ

০৭৫০

০৯২০

এ.তি.আর. ৭২

১৯-ওক্তোবর-২১

৯আই৭৫৫

গুৱাহাতী

আইজোল

নিংথৌকাবা, লৈবাকপোকপা, শগোলশেল অমসুং থাংজ

০৯৫০

১০4৫

এ.তি.আর.৭২

১৯-ওক্তোবর-২১

৯আই৭৫৫

আইজোল

শিলোং

নিংথৌকাবা, লৈবাকপোকপা, শগোলশেল অমসুং থাংজ

১১১৫

১২১৫

এ.তি.আর.৭২

১৯-ওক্তোবর-২১

৯আই৭৫৬

শিলোং

আইজোল

নিংথৌকাবা, লৈবাকপোকপা, শগোলশেল অমসুং থাংজ

১২4৫

১৩4৫

এ.তি.আর.৭২

১৯-ওক্তোবর-২১

৯আই৭৫৬

আইজোল

গুৱাহাতী

নিংথৌকাবা, লৈবাকপোকপা, শগোলশেল অমসুং থাংজ

১4১০

১৫১০

এ.তি.আর.৭২

১৯-ওক্তোবর-২১

৯আই৭৫৬

গুৱাহাতী

কোলকতা

নিংথৌকাবা, লৈবাকপোকপা, শগোলশেল অমসুং থাংজ

১৫৫৫

১৭২৫

এ.তি.আর.৭২

১৯-ওক্তোবর-২১

*******



(Release ID: 1764731) Visitor Counter : 97