ਦੇਸ਼ ਭਰ ਵਿੱਚ ਟੀਕਾਕਰਣ ਅਭਿਯਾਨ ਨੂੰ ਹੁਲਾਰਾ ਦੇਣ ਲਈ ਪ੍ਰਸਿੱਧ ਗਾਇਕ ਪਦਮਸ਼੍ਰੀ ਕੈਲਾਸ਼ ਖੇਰ ਦੁਆਰਾ ਇੱਕ ਆਡੀਓ-ਵਿਜ਼ੂਅਲ ਗੀਤ ਅੱਜ ਪੈਟ੍ਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਸ਼੍ਰੀ ਹਰਦੀਪ ਸਿੰਘ ਪੁਰੀ ਅਤੇ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ ਸ਼੍ਰੀ ਮਨਸੁਖ ਮੰਡਾਵਿਆ ਦੁਆਰਾ ਲਾਂਚ ਕੀਤਾ ਗਿਆ।  ਇਸ ਪ੍ਰੋਗਰਾਮ ਵਿੱਚ ਪੈਟ੍ਰੋਲੀਅਮ ਅਤੇ ਕੁਦਰਤੀ ਗੈਸ ਰਾਜ ਮੰਤਰੀ ਸ਼੍ਰੀ ਰਾਮੇਸ਼ਵਰ ਤੇਲੀ ,  ਸਕੱਤਰ ਪੀਐੱਨਜੀ ਸ਼੍ਰੀ ਤਰੁਣ ਕਪੂਰ ,  ਮੰਤਰਾਲਾ  ਅਤੇ ਤੇਲ ਅਤੇ ਗੈਸ ਪੀਐੱਸਯੂ ਦੇ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਸਨ।  ਇਸ ਗਾਣੇ ਨੂੰ ਆਇਲ ਐਂਡ ਗੈਸ ਪੀਐੱਸਯੂ ਨੇ ਪ੍ਰੋਡਿਊਸ ਕੀਤਾ ਹੈ ।  ਇਸ ਨੂੰ ਲਾਂਚ ਪ੍ਰੋਗਰਾਮ ਵਰਚੁਅਲੀ ਮਾਧਿਅਮ ਰਾਹੀਂ ਕੀਤਾ ਗਿਆ ।

https://twitter.com/HardeepSPuri/status/1449316686478282757

ਇਸ ਮੌਕੇ ‘ਤੇ ਬੋਲਦੇ ਹੋਏ ਸ਼੍ਰੀ ਪੁਰੀ ਨੇ ਕਿਹਾ ਕਿ ਭਾਰਤ ਅਗਲੇ ਹਫ਼ਤੇ 100 ਕਰੋੜ ਟੀਕਿਆਂ ਦਾ ਟੀਚਾ ਹਾਸਲ ਕਰਨ ਜਾ ਰਿਹਾ ਹੈ।  ਮਾਰਚ 2020 ਵਿੱਚ ਦੇਸ਼ ਵਿੱਚ ਲੌਕਡਾਉਨ ਲੱਗਿਆ ਸੀ ਅਤੇ ਭਾਰਤ ਪੀਪੀਈ ਕਿੱਟ,  ਵੈਂਟੀਲੇਟਰ ਅਤੇ ਹੋਰ ਜ਼ਰੂਰੀ ਮੈਡੀਕਲ ਸਪਲਾਈ ਲਈ ਆਯਾਤ ‘ਤੇ ਨਿਰਭਰ ਸੀ। ਲੇਕਿਨ ਥੋੜ੍ਹੇ ਸਮੇਂ ਦੇ ਅੰਦਰ ਅਸੀਂ ਇਨ੍ਹਾਂ ਸਾਰੀਆਂ ਚੀਜ਼ਾਂ ਦੇ ਘਰੇਲੂ ਪੱਧਰ ‘ਤੇ ਨਿਰਮਾਣ ਕਰਨ ਵਿੱਚ ਸਮਰੱਥ ਹੋਏ ਅਤੇ ਹੁਣ ਅਸੀਂ ਹਰ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਬਿਹਤਰ ਰੂਪ ਨਾਲ ਤਿਆਰ ਹਾਂ। ਇਹ ਸਾਰਿਆਂ ਦੇ ਯੋਗਦਾਨ ਅਤੇ ਪ੍ਰਧਾਨ ਮੰਤਰੀ ਦੀ ਦੂਰਦਰਸ਼ੀ ਅਗਵਾਈ ਦੇ ਕਾਰਨ ਸੰਭਵ ਹੋਇਆ ।  ਉਨ੍ਹਾਂ ਨੇ ਕਿਹਾ ਕਿ ਇਹ ਬਹੁਤ ਸੰਤੋਸ਼ ਦੀ ਗੱਲ ਹੈ ਕਿ ਨਕਾਰਾਤਮਕ ਕਹਾਣੀ ਬਣਾਉਣ ਦੀ ਕੋਸ਼ਿਸ਼ ਕਰਨ ਵਾਲੇ ਅਸਫਲ ਰਹੇ ਅਤੇ ਕੋਵਿਡ ਦੇ ਖ਼ਿਲਾਫ਼ ਲੜਾਈ ਨੇ ਇੱਕ ਜਨ ਅੰਦੋਲਨ ਦਾ ਰੂਪ ਲੈ ਲਿਆ ।  ਉਨ੍ਹਾਂ ਨੇ ਕਿਹਾ ਕਿ ਵਾਇਰਸ ਦੁਸ਼ਮਣ ਹੈ ਅਤੇ ਇਸ ਨਾਲ ਲੜਨ ਲਈ ਸਾਰੇ ਨੇ ਹੱਥ ਮਿਲਾਇਆ ਹੈ ।  ਸ਼੍ਰੀ ਪੁਰੀ ਨੇ ਕਿਹਾ ਕਿ ਗਾਇਕ ਲੋਕਾਂ ਦੀ ਕਲਪਨਾ ਨੂੰ ਬਿਹਤਰ ਤਰੀਕੇ ਨਾਲ ਫੜ੍ਹਦੇ ਹਨ ਅਤੇ ਸ਼੍ਰੀ ਖੇਰ ਦਾ ਇਹ ਗੀਤ ਮਿੱਥਾਂ ਨੂੰ ਦੂਰ ਕਰਨ ਅਤੇ ਟੀਕਾਕਰਣ  ਬਾਰੇ ਜਾਗਰੂਕਤਾ ਪੈਦਾ ਕਰਨ ਵਿੱਚ ਬਹੁਤ ਮਦਦ ਕਰੇਗਾ ।

ਸ਼੍ਰੀ ਮੰਡਾਵਿਆ ਨੇ ਕਿਹਾ ਕਿ ਦੇਸ਼ ਵਿੱਚ 97 ਕਰੋੜ ਤੋਂ ਅਧਿਕ ਟੀਕਾਕਰਣ ਕੀਤਾ ਜਾ ਚੁੱਕਿਆ ਹੈ ।  ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਅਤੇ ਲੋਕਾਂ ਨੇ ਸਵਦੇਸ਼ੀ ਵੈਕਸੀਨ ਵਿਕਸਿਤ ਕਰਨ ਵਿੱਚ ਸਾਡੇ ਵਿਗਿਆਨਿਕਾਂ, ਖੋਜਕਾਰਾਂ ਅਤੇ ਮੈਡੀਕਲ ਬਰਾਦਰੀ ਵਿੱਚ ਵਿਸ਼ਵਾਸ ਦਿਖਾਇਆ ਅਤੇ ਫਿਰ ਸਾਰਿਆਂ  ਦੇ ਯਤਨਾਂ ਦੇ ਕਾਰਨ,  ਅਸੀਂ ਦੇਸ਼  ਦੇ ਕੋਨੇ - ਕੋਨੇ ਵਿੱਚ ਟੀਕਿਆਂ ਨੂੰ ਵੰਡਣ ਅਤੇ ਇੰਨੀ ਘੱਟ ਮਿਆਦ ਵਿੱਚ ਇੰਨੀ ਵੱਡੀ ਸੰਖਿਆ ਵਿੱਚ ਟੀਕਾਕਰਣ ਕਰਨ ਦਾ ਕਠਿਨ ਕਾਰਜ ਕਰਨ ਵਿੱਚ ਸਮਰੱਥ ਸਨ।

ਸ਼੍ਰੀ ਕੈਲਾਸ਼ ਖੇਰ ਨੇ ਕਿਹਾ ਕਿ ਸੰਗੀਤ ਨਾ ਕੇਵਲ ਮਨੋਰੰਜਨ ਦਾ ਸਾਧਨ ਹੈ ਸਗੋਂ ਇਸ ਵਿੱਚ ਦੂਸਰਿਆਂ ਨੂੰ ਪ੍ਰੇਰਿਤ ਕਰਨ  ਦੇ ਗੁਣ ਵੀ ਹਨ ।  ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਇੱਕ ਮਹਾਨ ਰਾਸ਼ਟਰ ਹੈ ਜਿੱਥੇ ਦੁਨੀਆ ਆਪਣੀ ਸਮਰੱਥਾ ਅਤੇ ਉਪਲੱਬਧੀਆਂ ਨੂੰ ਪਹਿਚਾਣਦੀ  ਹੈ ਲੇਕਿਨ ਕੁਝ ਗਲਤ ਫਹਿਮੀਆਂ ਹਨ ਜਿਨ੍ਹਾਂ ਨੂੰ ਦੂਰ ਕਰਨ ਦੀ ਜ਼ਰੂਰਤ ਹੈ ।  ਉਨ੍ਹਾਂ ਨੇ ਕਿਹਾ ਕਿ ਪ੍ਰੇਰਕ ਗੀਤਾਂ ਦੇ ਮਾਧਿਅਮ ਰਾਹੀਂ ਨੈਤਿਕ ਸਮਰਥਨ ਅਤੇ ਜਾਗਰੂਕਤਾ ਪੈਦਾ ਕੀਤੀ ਜਾ ਸਕਦੀ ਹੈ ।  ਉਨ੍ਹਾਂ ਨੇ ਵਿਸ਼ਵਾਸ ਵਿਅਕਤ ਕੀਤਾ ਕਿ ਇਹ ਗੀਤ ਮਿੱਥਾਂ ਨੂੰ ਦੂਰ ਕਰਨ ਅਤੇ ਟੀਕੇ ਦੀ ਸਵੀਕਾਰਤਾ ਨੂੰ ਹੁਲਾਰਾ ਦੇਣ ਵਿੱਚ ਇੱਕ ਲੰਮਾ ਸਫਰ ਤੈਅ ਕਰੇਗਾ ।

****

 ਵਾਈਬੀ