পেত্রোলিয়ম অমসুং নেচরেল গ্যাস মন্ত্রালয়
লৈবাক শিনবা থুংনা ভেক্সিনেসন দ্রাইব মীয়ামদা খঙহন্নবগীদমক শকপা পদ্মা শ্রী কাইলাস খরগী ইশৈ হৌদোকখ্রে
Posted On:
16 OCT 2021 4:36PM by PIB Imphal
লৈবাক শিনবা থুংনা ভেক্সিনেসন দ্রাইব মীয়ামদা খঙহন্নবগীদমক শক্নাইরবা শৈশকপা পদ্মা শ্রী কাইলাস খরগী ওদিও-ভিজুএল ওইবা ইশৈ অমা ঙসি পেত্রোলিয়ম অমসুং নেচুরেল গ্যাস মন্ত্রী শ্রী হার্দীপ সিংহ পুরি অমসুং হেলথ অমসুং ফেমিলী ৱেলফিয়র শ্রী মনসুখ মন্দাবিয়ানা হৌদোকখ্রে। পেত্রোলিয়ম অমসুং নেচুরেল গ্যাসকী রাজ্যগী মন্ত্রী শ্রী রামেস্বর তেলী, পি.এন.জি. সেক্ত্রেতরী তরুন কাপুর, মন্ত্রালয় অসিগী মকোক থোংবা ওফিসরশিং অমসুং ওইল অমসুং গ্যাসকী পি.এস.য়ু.শিংসু থৌরম অসিদা শরুক য়াখি। ইশৈ অসি ওইল অমসুং গ্যাস পি.এস.য়ু.শিংনা পুথোকপনি।
থৌরম অসিদা ৱা ঙাংলদুনা, শ্রী পুরিনা হায় মদুদি ভারতনা মথং চয়োলদা ভেক্সিন কোতি ১০০ কাপথোক্নবা পান্দম থম্লি। লৈবাক অসিনা ২০২০গী মার্চতগী লোকদাউন্দা লৈখিবদগী, ভারতনা পি.পি.ই. কিতশিং, ভেন্তিলেতরশিং অমসুং অতৈ তঙাইফদনা চংদ্রবা য়াদ্রবা মেদিকেল মচাকশিংগীদমক মপাল লমদা মীপাল তাংখি অদুবু অতেনবা মতমদা ঐখোয়না মসিগী পোৎলমশিং অসি ইরমদম্দা শাবা ঙমখি অমসুং হৌজিক্তি থাঙ্খাং কয়া অমা মায়োক্নবা হেন্না ফবা মচাকশিং লৈরে। অমদি হায়রিবা অসি মীপুম খুদিংংমক্না লৌবা থৌদাংশিং অমসং মিৎয়েং শানবা প্রধান মন্ত্রীগী লুচিংবনা ঙম্বনি। মহাক্না হায়খি মদুদি মসি লান্না পাউ শন্দোকপশিংনা মায়থিবা অসিগীদমক পেনজবা অমনি অমসুং কোবিদকী মায়োক্তা লান্থেংনবা অসিনা মীয়ামগী খোঙজং অমা ওইরি। মহাক্না হায়খি মদুদি ভাইরস অসি য়েক্নবা অমনি অমসুং মসিবু লান্থেংনবদা পুম্নমক্না খুৎশ্নখি। শ্রী পুরিনা হায়খি মদুদি শৈশকপা অসিনা মীয়ামগী ৱাখল্লোনশিং উবা ঙম্লি অমসুং মসিগী শ্রী খরনা শক্লিবা ইশৈ অসিনা মীয়ামগী চিংনবশিং মাংহনগনি অমসুং ভেক্সিনেসনগী মরমদা মীয়ামদা পাউজেল শন্দোক্কনি।
শ্রী মন্দাবিয়ানা হায় মদুদি লৈবাক অসিদা ভেক্সিনেসন কোতি ৯৭কী মথক্তা কাপথোকখ্রে। মহাক্না হায় মদুদি সরকার অমসুং মায়াম্না ঐখোয়গী সাইন্তিস্তশিং, রিসর্সরশিং অমসুং মেদিকেল কাংলুপশিংবু ইরমদমগী ভেক্সিন অসি শেমগৎ শাগৎপদা থাজবা (সবকা বিস্বাস) থম্লক্লি। অমদি পুম্নমক্কী হোৎনমল (সবকা পর্য়াস)না, ঐখোয়না লৈবাক অসিগী কাচিন কোয়া পুম্বদা ভেক্সিন য়েনবগী থবক পায়খৎপা ঙমখি অমসুং অতেনবা মতম অমদা মশিং য়াম্লবা ভেক্সিনেসন কাপথোকপা ঙমখি।
শ্রী কাইলাশ খরনা হায় মদুদি ইশৈ-নোংমাই অসি কুমহৈ-হরাও খক্তা নত্তনা মীয়াম্বু পুক্নিং থৌগৎনবগী মচাংশিং য়াওরি। মহাক্না হায়খি মদুদি ভারত অসি মালেম্না মহাক্কী তৌবা ঙম্বা অমসুং মায় পাকপা কয়া অমদা শকখঙলবা চাউরবা জাতি অমনি অরানবা ৱাখল্লোন খরা চুম্থোক্কদবা লৈরি। মহাক্না হায়খি মদুদি পুক্নিং থৌগৎপা য়াবা ইশৈগী খুত্থাংদা ৱাখল্লোনগী ওইবা মতেং অমসুং পাউজেল শন্দোকপা য়াই। মহাক্না থাজবা থম্লি মদুদি ইশৈ অসিনা অরানবা থাজবা কয়া অমা থাদোক্তুনা ভেক্সিনগী থাজবা হেনগৎলক্কনি।
****
(Release ID: 1764395)
Visitor Counter : 138