اسٹیل کے مرکزی وزیر جناب رام چندر پرساد سنگھ نے آج روسی توانائی ہفتہ کے دوران ماسکو میں روسی وفاق کے توانائی کے وزیر جناب نکولے شولگینوف سے ملاقات کی۔

دونوں ممالک کے مابین اسٹیل بنانے میں استعمال ہونے والے دھاتی کوئلے اور اسٹیل کے شعبے میں تحقیق و ترقی میں تعاون کے حوالے سے ایک مفاہمت نامے پر دستخط کئے گئے۔

یہ مفاہمت نامہ دھاتی کوئلے بشمول ہندستان کو اعلی معیار کے دھاتی کوئلے کی طویل مدتی فراہمی، کوکنگ کوئلے کے ذخائر اور لاجسٹکس کے فروغ ، دھاتی کوئلے کی پیداوار کے انتظام میں تجربے کے اشتراک، کان کنی کی ٹیکنالوجی، فائدے اور پروسیسنگ کے علاوہ تربیت کے محاذ پر میں مشترکہ منصوبوں/ تجارتی سرگرمیوں کو عمل میں لانے کا تصور پیش کرتا ہے۔

ملاقات کے دوران  دونوں رہنماؤں نے اسٹیل کے شعبے میں دھاتی کوئلے میں تعاون کے امکانات پر تبادلہ خیال کیا۔

ماسکو کے اپنے دو روزہ دورے کے دوران اسٹیل کے وزیر اسٹیل کے کئی معروف روسی اداروں اور کمپنیوں سے بھی ملاقات کریں گے۔

<><><><><>

 

 

ش ح،ع س، ج

U.No. : 10082

(Release ID: 1764083) Visitor Counter : 173