প্রধানমন্ত্রীগী লোইশঙ
প্রধান মন্ত্রীনা পি.এম. গতি শক্তি হৌদোকখ্রে
পি.এম.না প্রগতি মৈদান্দা অনৌবা একজিবিসন কম্প্লেক্সসু শঙ্গাখি
“আত্মনিরভর ভারতকী খোঙফমগা লোয়ননা লাক্কদৌরিবা চহি ২৫গী ভারতগী য়ুম্ফম থোল্লি”
“ভারতকী মীয়াম, ভারতকী ইন্দস্ত্রী, ভারতকী বিজিনেস, ভারতকী মেনুফেকচরর, ভারতকী লৌমীশিং গতি শক্তি হায়রিবা অচৌবা কেম্পেন অসিগী ময়ায়দা লৈরি”
“ঐখোয়না প্রোজেক্তশিং মতম চানা লোইশিনবগী চৎনবী অমা শেমগৎপদা নত্তনা প্রোজেক্তশিং অসি থারিবা মতমগী মাঙওইননা লোইশিনবা ঙম্নবা হোৎনরি”
“লৈঙাক পুম্বা হায়বা পরিংসিগা লোয়ননা লৈঙাক্কী অপুনবা পাঙ্গলবু স্কিমশিং মপুং ফাহন্নবা শীজিন্নরি”
“গতি শক্তি অসি পুম্নমক শুরবা লৈঙাক্কী এক্সতেন্সন অমনি”
Posted On:
13 OCT 2021 1:50PM by PIB Imphal
প্রধান মন্ত্রী শ্রী নরেন্দ্র মোদীনা ঙসি মফমসিদা পি.এম. গতি শক্তি – মল্তি মোদেল কন্নেক্তিভিতীগী নেসনেল মাস্তর প্লান হৌদোকখ্রে। মহাক্না প্রগতি মৈদান্দা অনৌবা একজিবিসন কম্প্লেক্সসু শঙ্গাখি। কেন্দ্র মন্ত্রী শ্রী নিতিন গারকরি, শ্রী পিয়ুস গোয়ল, শ্রী হরদীপ পুরি, শ্রী সর্বনন্দ সোনোৱাল, শ্রী জ্যোতিরঅদিত্য সিন্দিয়া অমসুং অস্বিনি বৈষ্ণব, শ্রী আর.কে. সিংহ, মুখ্য মন্ত্রীশিং, লেফ্তনেন্ত গভর্নরশিং, স্তেতকী মন্ত্রীশিং, মমীং লৈরবা ইন্দস্ত্রিএলিস্তশিং থৌরমদুদা শরুক য়াখি। ইন্দস্ত্রীশিংগী মরক্তদগী শ্রী কুমার মঙ্গলম বির্লা, চেয়রমেন অদিত্য বির্লা গ্রুপ; মিস মলিকা স্রিনিভাসন, সি.এম.দি. ত্রেক্তর্স এন্দ ফার্ম ইকুইপমেন্ত; শ্রী তি.ভি. নরেন্দ্রন, সি.ই.ও., এম.দি. তাতা স্তীল অমসুং প্রেসিদেন্ত সি.আই.আই. অমদি শ্রী দীপক গর্গ, কো-ফাউন্দর রিভিগোনা থৌরমদুদা মখোয়গী ৱাখল্লোনশিং ফোঙদোকখি।
থৌরমদুদা ৱা ঙাঙলদুনা প্রধান মন্ত্রীনা শক্তিবু ইরাৎপা নুমিৎ, অস্তমিগী য়াইফরবা নুমিৎপু পল্লদুনা য়াইফরবা পুংফম অসিদা লৈবাক্কী চাউখৎ খোঙজেলসু অনৌবা শক্তি অমা ফংলি হায়না হায়খি। আত্মনিরভর ভারতকী খোঙফমগা লোয়ননা লাক্কদৌরিবা চহি ২৫গী ভারতগী য়ুম্ফম থোল্লি হায়না মহাক্না হায়খি। পি.এম. গতি শক্তি নেসনেল মাস্তর প্লান্না ভারতকী থাজববু মরোমদোম লেপচবা ভারতকী ৱাশক ওন্থোক্কনি। “হায়রিবা মাস্তরপ্লান অসিনা ২১শুবা চহিচাগী ভারত্তা অনৌবা ইনোৎ (গতি শক্তি) হাপকনি,” হায়না প্রধান মন্ত্রীনা হায়খি।
ভারতকী মীয়াম, ভারতকী ইন্দস্ত্রী, ভারতকী বিজিনেস, ভারতকী মেনুফেকচরর, ভারতকী লৌমীশিং গতি শক্তি হায়রিবা অচৌবা কেম্পেন অসিগী ময়ায়দা লৈরি হায়বা ৱাফম প্রধান মন্ত্রীনা থমখি। মসিনা ভারতকী হৌজিক্কী অমদি তুংগী মীরোলশিংদা ২১শুবা চহিচাগী ভারত শেমগৎনবা অনৌবা পাঙ্গল পীগনি অমদি মখোয়গী লম্বীদা লৈরম্বা অপনবশিং লৌথোক্কনি।
হৌখিবা চহিশিংসিদা ‘ৱর্ক ইন প্রোগ্রেস’ হায়রিবা সিগ্নেজ অসি থাজবা ৱাৎপগী খুদম ওইরে হায়না প্রধান মন্ত্রীনা হায়খি। চাওখৎপা হায়বসিদা খোঙজেল, হৈনিংবা অমদি পুন্না হোৎনমিন্নবা চঙই। ঙসিগী ২১শুবা চহিচাগী ভারত অসিনা অরিবা সিস্তেম অমসুং থৌওংশিং তুংওইনরম্লে হায়না মহাক্না হায়খি।
“ঙসিগী লাইৱাদি –
‘চাওখৎনবগী থবক’
চাওখৎনবগী লনথম
চাওখৎনবগী থৌরাং
চাওখৎনবগী প্রিফরেন্স হায়বসিনি।
“ঐখোয়না প্রোজেক্তশিং মতম চানা লোইশিনবগী চৎনবী অমা শেমগৎপদা নত্তনা প্রোজেক্তশিং অসি থারিবা মতমগী মাঙওইননা লোইশিনবা ঙম্নবা হোৎনরি,” হায়না মহাক্না মখা তাখি।
ঐখোয়গী লৈবাকসিদা ইনফ্রাস্ত্রকচরগী ৱাফম অসি অয়াম্বা পোলিতিকেল পার্তীগী প্রাইওরিতী ওইদে হায়না প্রধান মন্ত্রীনা পেন্দবা ফোঙদোকখি। মসি মখোয়গী মেনিফেস্তোদা ফাওবা মমি তাদে। হৌজিক্তি করম্বা ফীভমদা লাক্লবগে হায়ববু রাজনিতি দল খরদি লৈবাক্কী মথৌ তাবা ইনফ্রাস্ত্রকচর শাবদা ফাওবা শিথবা য়াওরক্লে হায়না প্রধান মন্ত্রীনা হায়খি। মতিং লৈবা ইনফ্রাস্ত্রকচর শেমগৎপনা শেন্মিৎলোনগী থবক থৌওং হেনগৎহনবা অমদি অচৌবা থাক্তা থবক পীবা তুং কোইবা চাওখৎপগী মালেম্না য়ানরবা ৱাফম লৈনা লৈনা ফীভমসি ওইরক্লিবনি হায়না প্রধান মন্ত্রীনা থমখি।
মেক্রো প্লানিং অমসুং মাইক্রো ইমপ্লিমেন্তেসনগী মরক্তা চাউনা অহোবা লৈবা, কোওর্দিনেসন ৱাৎপা, খুমাঙ চাওশিনবা ঈ-পাউ ৱাৎপা, কাখল নাইবা ৱাখল্লোন অমসুং থবক মওংনা মরম ওইরগা শেমগৎ শাগৎপগী থবক্তা অপনবা অমদি বদজেত মাঙহনবা ওইরকই হায়না প্রধান মন্ত্রীনা হায়খি। মসিনা পাঙ্গল থৌনাবু পুনশিনবা হেন্না ফগৎহনবগী মহুত্তা খাইদোক্নহল্লি হায়না মহাক্না হায়খি। পি.এম. গতি শক্তি নেসনেল মাস্তর প্লান্না ৱাফমশিং অসিগী ৱাখৈ পুরক্কনি মরমদি মাস্তর প্লেন অসিদা য়ুম্ফম ওইদুনা থবক পায়খৎপনা রিসোর্সশিং মওং চুম্না শীজিন্নবা ঙমগনি।
মহাক্না প্রধান মন্ত্রী ওইনা থবক পুরকপা মতম ২০১৪দা পন্দুনা লৈরম্বা প্রোজেক্ত চা কয়া য়েংশিনখিবা, অমদি প্রোজেক্তশিং অদুবু ফম্পাক অমদা পুশিল্লক্তুনা অপনবশিং লৌথোক্নবা হোৎনখিববু মহাক্না নীংশিংখি। হৌজিক্তি কোওর্দিনেসন ৱাৎপনা মরম ওইরগা থেংথরম্বশিং কোহন্নবা মায়কৈদে পক্নিং চঙলে হায়না মহাক্না অপেনবা ফোঙদোকখি। হৌজিক্তি লৈঙাক পুম্বা হায়বা পরিংসিগা লোয়ননা লৈঙাক্কী অপুনবা পাঙ্গলবু স্কিমশিং মপুং ফাহন্নবা শীজিন্নরি হায়না প্রধান মন্ত্রীনা হায়খি। মসিনা মরম ওইরগা চহি কয়া চঙলগা লোইশিল্লমদবা প্রোজেক্ত কয়া লোইশিল্লক্লি। পি.এম. গতি শক্তি মাস্তর প্লান্না লৈঙাক্কী থৌওং অমসুং মসিগী তোঙান তোঙানবা স্তেকহোল্দরশিংবু পুনশিনবতা নত্তনা ত্রান্সপোর্তেসনগী তোঙান তোঙানবা পাম্বৈশিংবু পুনশিনবদসু মতেং পাংলি হায়না প্রধান মন্ত্রীনা ফোঙদোকখি। “মসি পুম্নমক শুরবা লৈঙাক্কী এক্সতেন্সন অমনি”, হায়না মহাক্না হায়খি।
ভারত্তা ইনফ্রাস্ত্রকচর শেমগৎপগী খোঙজেল হেনগৎহন্নবা লৌখৎলিবা খোঙথাঙশিংগী মতাঙদা প্রধান মন্ত্রীনা শন্দোক্না ৱাফম কয়া থমখি। ভারতকী অহানবা ইন্তরস্তেত নেচরেল গ্যাস পাইপলাইন ১৯৮৭দা কম্মিসন তৌখিবনি হায়না মহাক্না হায়খি। মসিগী মতুংদা ২০১৪ ফাওবদা হায়বদি চহি ২৭সিদা নেচরেল গ্যাস পাইপলাইন কিলোমিতর ১৫,০০০ শেমগৎলম্মি। ঙসিদি লৈবাক শিনবা থুংনা কিলোমিতর ১৬,০০০ হেন্না শাংবা গ্যাস পাইপলাইন শেমগৎপগী থবক চঙশিল্লি। হায়রিবা থবক অসি লাক্কদৌরিবা চহি ৫-৬সিদা লোইশিন্নবা পান্দম থম্লি।
২০১৪গী মমাঙগী চহি ৫দা রেলৱে লম্বী কিলোমিতর ১৯০০ খক্তা দব্লিং তৌবগী থবক পায়খৎলম্মি। হৌখিবা চহি ৭সিদা রেল লম্বী কিলোমিতর লিশিং ৯ হেন্না দবল তৌখ্রে। ২০১৪গী মমাঙগী চহি ৫দা রেল লম্বী কিলোমিতর ৩০০০খক্তমক ইলেক্ত্রিফাই তৌরম্মি। হৌখিবা চহি ৭সিদা রেল লম্বী কিলোমিতর ২৪০০০ হেন্না ইলেক্ত্রিফাই তৌরে হায়না শ্রী মোদীনা পাউদমখি। ২০১৪গী মমাঙদা মেত্রো রেল শুপ্নতগী কিলোমিতর ২৫০গী ত্রেক্তা চেল্লম্মি হায়না প্রধান মন্ত্রীনা ফোঙদোকখি। ঙসিদি মেত্রো অসি কিলোমিতর ৭০০ ফাওবা শাংদোক্লে অমদি অনৌবা মেত্রো লম্বী কিলোমিতর ১০০০গী থবক চঙশিল্লি। ২০১৪গী মমাঙগী চহি ৫দা পঞ্চায়ত ৬০খক্তমক ওপ্তিকেল ফাইবরনা শম্নহল্লম্মি। হৌখিবা চহি ৭সিদা ঐখোয়না গ্রাম পঞ্চায়ত লাখ ১.৫ ওপ্তিকেল ফাইবরনা শেম্নহল্লে।
লৈবাকসিগী লৌমী অমসুং ঙামীশিংগী শেন্থোক হেনগৎহন্নবগীদমক্তা প্রোসেসিংগা মরী লৈনবা ইনফ্রাস্ত্রকচরশিং থুনা পাকথোক চাউথোকহল্লি হায়না প্রধান মন্ত্রীনা হায়খি। ২০১৪দা লৈবাকসিদা মেগা ফুদ পার্ক ২খক্তমক লৈরম্মি। ঙসিদি মেগা ফুদ পার্ক ১৯ লৈবাকসিদা মথৌ তৌরি। হৌজিক্তি মশিং অসি ৪০গী মথক্তা লৈহন্নবা পান্দম থম্লি। ২০১৪দা ঈশিংগী লম্বী ৫ খক্তমক লৈরম্মি, ঙসিদি ভারতকী মথৌরিবা ঈশিংগী লম্বী ১৩ লৈরে। ভেসেলশিংনা হিথাংফমদা হল্লকপগী মতম ২০১৪দা পুং ৪১ ওইরম্বদগী পুং ২৭তা হন্থরে। লৈবাকসিনা ৱন নেসন ৱন গ্রিদকী ৱাশক ঙাক্লে। ঙসিদি ভারতকী পৱার ত্রান্সমিসন লাইন ২০১৪দা সর্কিক কিলোমিতর লাখ ৩ লৈরমবদগী সর্কিত লাখ ৪.২৫ য়ৌরে।
মতিং লৈবা ইনফ্রাস্ত্রকচর শেমগৎপনা ভারতনা মালেমগী লল্লোন ইতিক্কী কোনুং ওইনবগী মঙলান মঙফাওনহনবা ঙমগনি হায়বগী থাজবা প্রধান মন্ত্রীনা ফোঙদোকখি। ঐখোয়গী পান্দম তোপ তোপ্পি অমসি তোপ তোপ্না হোৎনবা চঙগনি। হায়রিবা পান্দমশিং অসি ফংবদা পি.এম. গতি শক্তিনা খ্বাইদগী হেন্না কান্নবা পাম্বৈ ওইগনি। মতোন অহুম লোঙবা জে.এ.এম. (জন ধন, আধার, মোবাইল)না লৈঙাক্কী ফেসিলিতীশিং মীয়ামদা ফংহনবগী থৌওংদা অওনবা পুরকখিবগুম পি.এম. গতি শক্তিনা হায়রিবা অওনবা অদুমক ইনফ্রাস্ত্রকচরগী লমদা পুরক্কনি হায়না মহাক্না মখা তাখি।
***
(Release ID: 1763696)
Visitor Counter : 256
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam