சுகாதாரம் மற்றும் குடும்ப நலத்துறை அமைச்சகம்

இந்தியாவில் செலுத்தப்பட்ட மொத்த கொவிட்-19 தடுப்பூசி எண்ணிக்கை 95 கோடியைக் கடந்தது

Posted On: 11 OCT 2021 9:29AM by PIB Chennai

நாட்டில் கடந்த 24 மணி நேரத்தில்  46,57,679 தடுப்பூசி டோஸ்கள் செலுத்தப்பட்டுள்ளன. இத்துடன் நாட்டில் செலுத்தப்பட்ட மொத்தக் கொவிட் தடுப்பூசிகளின் எண்ணிக்கை, இன்று காலை 7 மணி நிலவரப்படி 95 கோடியைக் (95,19,84,373) கடந்தது.  92,57,689 அமர்வுகள் மூலம் இந்தச் சாதனைப் படைக்கப்பட்டுள்ளது.

கடந்த 24 மணி நேரத்தில் 21,563 பேர் குணமடைந்துள்ளதால்,  இதுவரை குணமடைந்தோர் மொத்த எண்ணிக்கை 3,32,93,478 ஆக அதிகரித்துள்ளது.

இதைத் தொடர்ந்து குணமடைந்தோர் விகிதம் தற்போது 98 சதவீதமாக உள்ளது.  கடந்த 2020 மார்ச் முதல் இதுவே அதிகமான அளவு.

மத்திய, மாநில அரசுகளின் கூட்டு முயற்சிகளால், தினசரி கொவிட் பாதிப்பு தொடர்ந்து 106 நாட்களாக 50,000க்கும் கீழ் உள்ளது.

கடந்த 24 மணி நேரத்தில் 18,132 பேருக்குப் புதிதாகத் தொற்று ஏற்பட்டுள்ளது.

நாட்டில் கொவிட் சிகிச்சைப் பெறுபவர்களின் எண்ணிக்கை 2,27,347; கடந்த 209 நாட்களில் இது மிகக் குறைந்த எண்ணிக்கை. நாட்டில் மொத்தம் கொவிட் சிகிச்சை பெறுபவர்களின் விகிதம் தற்போது 0.67 சதவீதமாக உள்ளது.

கடந்த 24 மணி நேரத்தில் 10,35,797 கொவிட் பரிசோதனைகள் செய்யப்பட்டன. இதுவரை மொத்தம் 58.36 கோடி கொவிட் பரிசோதனைகள் (58,36,31,490) செய்யப்பட்டுள்ளன.

வாராந்திரத் தொற்று உறுதி விழுக்காடு தொடர்ந்து 108 நாட்களாக 3 சதவீதத்திற்கும் கீழே, 1.53 சதவீதமாகவும், தினசரித் தொற்று உறுதி தற்போது விகிதம் 1.75 சதவீதமாகவும் பதிவாகியுள்ளது. இந்த எண்ணிக்கை 42 நாட்களாக 3 சதவீதத்திற்குக் குறைவாகவும், தொடர்ந்து 125 நாட்களாக 5 சதவீதத்திற்குக் குறைவாகவும் உள்ளது.

மேலும் விவரங்களுக்கு இந்த ஆங்கில செய்திக் குறிப்பைக் காணவும்: https://pib.gov.in/PressReleasePage.aspx?PRID=1762814

******



(Release ID: 1762916) Visitor Counter : 37