হকশেল অমসুং য়াইফ-য়ুম্বাল মন্ত্রালয়

কোবিদ-১৯ ভেক্সিনেসনগী অন্ত্যোদয়াগী লম্বী য়াৎপাঃ সিরিঞ্জ এক্সপোর্ত তৌবদা মশিংগী অকক্নবা অথিংবা থম্বা

অথিংবসি থা ৩গী ওইনা সিরঞ্জ মখল কাংলুপ ৩দা থম্বনি

Posted On: 09 OCT 2021 11:15AM by PIB Imphal

লৈবাক্কী ভেক্সিন শাবা অমসুং সিরিঞ্জ শাবশিংনা ভারত্তা কোবিদকী তীকা থাবগী মালেমগী খ্বাইদগী চাউবা খোংথাং পায়খৎপদা মরু ওইবা অমসুং অরুবা থৌদাং য়ারি। ভারতনা হৌজিক ফাওবদা ভেক্সিন দোজ চাউরাক্না করোর ৯৪ কাপখ্রে অমসুং দোজ ১০০ য়ৌবগী ফিভম য়াম্না নকশিল্লক্লি। পন্দিৎ দীনদয়াল উপাধ্যায়না শৌগৎলম্বা ‘অন্ত্যোদয়া’গী ৱাখল্লোন পাংথোকপা ওইনা ভারতকী নাগ্রিক খুদিংদা তীকা কাপ্নবা খোঙফম চেৎপা ওইনা লৈবাক মনুংদা সিরিঞ্জ ফংবা হেনগৎহন্নবগীদমক্তা সরকারনা মীরমদা সিরিঞ্জ থাদোকপদা মশিংগী অকক্নবা থমখ্রে।

খ্বাইদগী অতেনবা মতমদা মতিক চাবা মীওই খুদিংদা তীকা থাবগী খোংজং লেপ্তনা চত্থবদা সিরিঞ্জকিসু মরু ওইবা তঙাই ফদবা লৈ। ভেক্সিন কাপ্পদা শিজিন্নরিবা সিরিঞ্জ ৱাত্তনা ফংহন্নবগীদমক্তা, ভারত সরকারনা মখাদা পীরিবা সিরিঞ্জ মখল খক্তদা মীরমদা থাদোকপগী মশিংগী অকক্নবা থম্বনিঃ

এম.এল. ০.৫ /এম.এল. ১ এ.দি. (ওতো-দিসেবল) সিরিঞ্জশিং

এম.এল. ০.৫ /এম.এল. ১/ এম.এল. ২/ এম.এল. ৩ দিজপোজেবল সিরিঞ্জশিং

এম.এল. ১/ এম.এল. ২/ এম.এল. ৩ আর.য়ু.পি. (রি-য়ুস প্রিভেন্সন) সিরিঞ্জশিং

 

মখল অমত্তগী সিরিঞ্জ মীরমদা থাদোকপদা অথিংবা থম্বা নত্তে, মথক্তা পনখ্রিবা মখলশিংগী অখন্নবা সিরিঞ্জশিং অসি খক্তমক থা অহুমগী ওইনা মীরমদা থাদোকপদা মশিংগী অকক্নবা থম্বনি হায়নসু ময়েক শেংনা তাক্লি। মখা তাবদা, মথক্তা পীরিবা সিরিঞ্জ মখলশিং নত্তনা অতোপ্পা সিরিঞ্জশিংদি হায়রিবা অথিংবসিগী মনুং চন্দে।

 

****



(Release ID: 1762418) Visitor Counter : 67