শেলথুম মন্ত্রালয়না ঙসি লেজিসলেচর লৈবা স্তেত অমদি য়ু.তি.শিংদা জি.এস.তি. কম্পেন্সেসনগী অৱাৎপা মেনখৎনবা বেক-তু-বেক লোন ওইনা লুপা করোর ৪০,০০০ থাদোকখ্রে‍। মমাঙদা জুলাই ১৫, ২০২১দা লেজিসলেচর লৈবা স্তেত অমসুং য়ু.তি.শিংদা লুপা করোর ৭৫,০০০ থাদোকখ্রবনি‍। হৌজিক থাদোক্লিবা শেনফমসিগা লোয়ননা চৎলিবা চহিসিদা জি.এস.তি. কম্পেন্সেসনগী মহুত্তা বেক তু বেক লোন ওইনা থাদোক্লিবা অপুনবা শেনফম লুপা করোর ১,১৫,০০০ শুখ্রে‍। থাদোক্লিবা শেনফম অসি তশেং-তশেংবা সেস কল্লেক্সনদগী থা ২ খুদিংগী থাদোক্লিবা নোর্মেল জি.এস.তি. কম্পেন্সেসনগী শেনফমগী মথক্তনি‍।

২৮.০৫.২০২১দা পাঙথোকখিবা ৪৩শুবা জি.এস.তি. কাউন্সিল মীফম মতুংদা কেন্দ্র লৈঙাক্না লুপা করোর লাখ ১.৫৯ ২০২১-২২দা পুদুনা লেজিসলেচর লৈবা স্তেত অমদি য়ু.তি.শিংদা শেনফম য়ামদনা খোমগৎলকপনা মরম ওইরগা কম্পেন্সেসন ফন্দদা শেনফম শুদনা থাদোকখিবগী অৱাৎপা মেনখৎনবা বেক-তু-বেক লোনগী মওংদা পীননবা ৱারেপ লৌখিবনি‍। শেনফম অসি শেনবা চহি ২০২০-২১দা মান্নবা মওংদা স্তেতশিংদা লুপা করোর লাখ ১.১০ থাদোকখিবদা শীজিন্নখিবা মান্নবা মওংগী খুদোংচাবা পীখিবদুদা য়ুম্ফম ওইরগা পীবনি‍।

স্তেতশিংদা বেক তু বেক লোন ওইনা পীগদৌরিবা লুপা করোর লাখ ১.৫৯গী শেনফম অসি চৎলিবা শেনবা চহিসিদা লেজিসলেচর লৈবা স্তেত/য়ু.তি.শিংদা থাদোক্কদবা চাউরাকপা লুপা করোর লাখ ১গী (সেস কল্লেক্সন্দা য়ুম্ফম ওইরগা) শেনফম অসিগী মথক্তনি‍। অপুনবা শেনফম লুপা করোর লাখ ২.৫৯ অসিনা শেনবা চহি ২০২১-২২দা তারক্কদবা জি.এস.তি. কম্পেন্সেসনগী শেনফমদগী হেল্লবা য়াই হায়না পারি‍।

ইলিজিবল ওইবা স্তেত অমসুং য়ু.তি. (লেজিসলেচর লৈবা) পুম্নমক্না বেক-তু-বেক লোন ফেসিলিতীগী মখাদা কম্পেন্সেসনগী শেনফা পীনবা শীল্লিবা থৌরাং অসিদা য়ারে‍। কোবিদ-১৯ লাইচৎ মওং তুম্না থেংননবগীদমক অমদি কেপিতেল এক্সপেন্দিচর হেনগৎহনবদা স্তেত অমসুং য়ু.তি. পুম্নমক্কী য়াম্না মরুওইবা থৌদাং লৈ‍। হীরম অসিদা স্তেত/য়ু.তি.শিংদা তেংবাং পীননবগীদমক শেলথুম মন্ত্রালয়না শেনবা চহি ২০২১-২২ মনুংদা বেক-তু-বেক লোন ফেসিলিতীগী মখাদা (চহিসিমগী চাউরাকপা অপুনবা অৱাৎপগী চাদা ৭২ হেন্না) তেংবাং অসি থাদোক্নবা শেনফম অসি মাঙজৌননবা খাক্তুনা থম্লবনি‍। ৱাৎহৌরিবা শেনফম মতমগী মতুং ইন্না থাদোরক্কনি‍।

ঙসি থাদোক্লিবা লুপা করোর ৪০,০০০গী শেনফম অসি মথংশিৎনা চহিদা চাদা ৫.৬৯ অমসুং চাদা ৪.১৬কী ৱেতেদ এভরেজ য়ীল্দগী চাংদা চৎলিবা শেনবা চহিসিদা ইসু তৌখিবা লুপা করোর ২৩,৫০০গী চহি ৫গী সিক্যুরিতী অমসুং লুপা করোর ১৫,৫০০গী চহি ২গী সিক্যুরিতীগী ভারত লৈঙাক্না পুবা শেনফমদগী থাদবনি‍। থাদোক্লিবা শেনফম অসিগীদমক কেন্দ্র লৈঙাক্না অহেনবা মার্কেত বোরোৱিং অমত্তা লৌবা লৈতে‍।

থাদোক্লিবা শেনফম অসিনা স্তেত/য়ু.তি.শিংবু হকশেলগী মচাক মথুম অমদি অতৈ মচাক মথুম শেমগৎপগী প্রোজেক্তশিংগী ফীভম ফগৎহন্নবা মখোয়গী পব্লিক এক্সপেন্দিচর অমদি অতৈ এক্সপেন্দিচরশিং শীন-লাঙবদা মতেং ওইগনি হায়না পারি‍।

“জি.এস.তি. কম্পেন্সেসনগী মহুত্তা বেক তু বেক লোন” ওইনা ০৭.১০.২০২১দা স্তেত/য়ু.তি.শিংদা থাদোকখিবা শেনফম

(লুপা করোরগী খুজিংদা)

****