মোবাইল ফোনশিংগুম্বা দিজিতেল দিভাইসশিংদা লাইচুদুনা লৈরিবা অসিদগী লাপথোক্নবগী তঙাই ফদবা লৈরিবা অসিদা নহাশিংগী মরক্তা এৱার্নেস পীননবা উপ রাস্ত্রপতি শ্রী এম ভেনকিয়া নাইদুনা হায়খ্রে৷

তোঙান তোঙানবা ফিল্দশিংগী এচিবরশিং-অইবশিং, এজুকেতরশিং, সোসিএল ৱার্করশিং, ইতানগর অমসুং অরুনাচল প্রদেশতা ওল্তরপ্রিনর অমা অমদি চিংগারোই অমগা ৱারি-ৱাতায় শানরদুনা, অঙাংশিং অমদি নহাশিংনা দিজিতেল দিভাইসশিং লেপ্প-লৈতনা শিজিন্নবা অমদি ইন্তরনেত্তা কা-হেন্না মখা পোন্দুনা লৈরিবা অসিদগী চেকশিন্না লৈবগী তঙাই ফদবা লৈ হায়না মহাক্না ফোংদোকখি৷ “মসিগী ক্রেতিবিতী মাংহনগনি অমদি কা-হেনবা ৱাখল খঞ্জিনহনগনি”, হায়না মহাক্না মখাতাখি৷

জেন্দর দিসক্রিমিনেসন অমসুং দ্রগ এদিক্সনগুম্বা সোসিএল ইভিলশিংগী মরমদা নহাশিং অসি তাকপি-তম্বিবদা লমজিন্নবা তোঙান তোঙানবা ফিল্দশিংদা লৈরিবা সেলেব্রিতীশিংদা উপ রাস্ত্রপতিনা তকশিনখি৷ মহৌশা অমদি ইশিংগী বোদীশিং কনবগী তঙাই ফদবা লৈরিবা অমদি ক্লাইমেত হোংলকপনা মরম ওইদুনা পীরিবা শাথিরবা ইফেক্তশিংগী মতাংদসু মখোয়দা খঙহনগদবনি৷

কবদ্দিগুম্বা ভারতকী মশান্নশিং অসিবুসু পুক্নিং থৌগৎপা মহাক্না পামখি৷ নহাশিং অসি ফিজিকেল্লী ফিৎ ওইনা থম্বগী তঙাই ফদবগী মতাংদা ৱা ঙাংলদুনা, কোবিদ-১৯না ফিজিকেল ফিৎনেসকী মরু ওইবা অদু তাকপিরে হায়না মহাক্না ফোংদোকখি৷ “মীওই অমনা ফিজিকেল্লী ফিৎ ওইনা লৈবা তারবদি মীওই অদু মেন্তেল্লী এলর্ত ওইনা লৈবা ঙমগনি”,হায়না মহাক্না ফোংদোকখি৷

নহাশিংগী মরক্তা ‘সেয়রিং অমসুং কেয়রিং’গী ৱাখল্লোন অসি চেলহনবগী তঙাই ফদবা লৈ হায়নসু শ্রী নাইদুনা ফোংদোকখি৷ “সেয়র অমসুং কেয়র অসিনা ইন্দিয়ন ফিলোসোফীগী মরু ওইবা শরুক ওই“ হায়না মহাক্না ফোংদোকখি৷

অরুনাচল প্রদেশকী রাজ্যপাল, ব্রিগ(দা.) বি.দি. মিশ্রা(রিতাইয়র্দ), অরুনাচল প্রদেশকী মুখ্য মন্ত্রী, শ্রী পেমা খান্দু অমদি অতোপ্পা মীওইশিংনা থৌরম অসিদা শরুক য়াখি৷

*****