بندرگاہوں، جہاز رانی  اور آبی گزرگاہوں کے مرکزی وزیر جناب سربانند سونووال نے آج  کولکاتا میں بندرگاہ سے متعلق موبائل اپیلی کیشن  ’مائی پورٹ ایپ‘ کا آغاز کیا۔ اس ایپ میں بندرگاہ کی تما م تفصیلات ڈیجیٹل طور پر شامل ہیں اور یہ  کام کاج کو کو ورچوئل طریقے سے  مانیٹر کرتا ہے۔مختلف قسم کی بندرگاہ خدمات حاصل کرنے کےلئے  بندرگاہ کو استعمال کرنے والوں  کو ذہن میں رکھ کر  تیار کئے گئے اس ایپ کا مقصد  شفافیت کو فروغ دینا اور بندرگاہ سے متعلق معلومات  تک باآسانی رسائی فراہم کرانا ہے۔اس ایپ میں  مختلف معلومات مثلاً  جہاز برتھنگ، ریک اور انڈینٹ، ریک ریسیٹ، کنٹینر صورتحال، ٹیرف، بلس، بندرگاہ کی چھٹیوں وغیرہ کی معلومات بھی دی گئی اور اس پر کہیں سے بھی  ساتوں دن 24 گھنٹے معلومات حاصل کی جاتی ہے اور براہ راست بندرگاہ تک رسائی کی جاسکتی ہے۔ وزیر موصوف  مغربی بنگال کے دو روزہ دورے پر ہیں جہاں انہوں نے  352 کروڑ روپے مالیت کے  کئی پروجیکٹوں کا افتتاح، آغاز کیا  اور انہیں  قوم کےنام وقف کیا۔

جناب سونووال  نے  بندرگاہ کے کام کاج کے لئے  قابل تجدید توانائی  پیدا کرنے کے لئے  ہلدیہ بندرگاہ پر ایک میگا واٹ کے سولر پلانٹ کا افتتاح بھی کیا۔ 14 لاکھ کے ڈبلیو ایچ  سالانہ  بجلی پیدا کرنے کی  گارنٹی شدہ صلاحیت کے ساتھ  یہ پروجیکٹ  نیشنل سولر مشن کے لئے عہد بندی کو پورا کرنے کے لئے  کاربن کے اختراج کو کم کرے گا۔ اس کے نتیجے میں پیدا ہونے والی بجلی  کی یونٹ شرح میں بھی کمی آئے گی اور اس سے  سالانہ 70 لاکھ روپے کی بچت کرنے میں مدد ملے گی۔

شیاما پرساد مکھرجی پورٹ کی  ہلدیہ ڈاک کمپلکس میں  بندرگاہ کے کام کاج کو بہتر بنانے کے لئے  جی سی برتھ روڈ کی توسیع و ترقی کا کام بھی پور اکیا ہے۔ 1.6 کلو میٹر کی لمبائی میں  29 کروڑ روپے کی لاگت کے  اس پروجیکٹ کا مقصد  ڈاک کی مغربی سائڈ میں  ٹریفک کی آمد و رفت کے لئے  کنکٹی وٹی تیار کرنا ہے۔ سڑک کو چوڑا کئے جانے  سے  سامان جلدی لانے لے جانے میں  مدد ملے گی اور  ایک ہی  سمت ٹریفک چلنے سے  حادثات میں کمی آئے گی۔

۔۔۔۔۔۔۔۔۔۔۔

ش ح۔ا گ۔ن ا۔

U-9854