ঙসি, উপ রাস্ত্রপতি শ্রী এম. ভেনকিয়া নাইদুনা রেপিদ আর্বানাইজেসনবু খুদোংচাবা অমা ওইনা উবিনবা ময়ামদা হায়খ্রে অমদি প্রজাদা মরু ওইনা খনবা আর্বান প্লানিং অমদি দিবেলপমেন্তদা মীৎয়েং চংবগী তঙাই ফদবা লৈ হায়না ফোংদোকখ্রে৷ “শহরশিংদা ইশিংগী সপ্লাই পীবা, সিৱর কন্নেক্সনশিং, য়ুম শাবা হেনগৎহন্দুনা অমদি সর্ভিস দেলিভরীগী ফিভম ফগৎহন্দুনা ঐখোয়গী শহরশিং অসি শহরগী লাইরবদা তঙাই ফদনা চংলিবা মরু ওইবশিং পীরিবা ইনক্লুসিব শহরশিং ওইনা ঐখোয়না উগদবনি,” হায়না মহাক্না ফোংদোকখি৷

ৱারোলশিং অসি ত্রিপুরা সরকারনা উপ রাস্ত্রপতিবু ইকাই খুম্নবা উৎপা ওইনা শিনখিবা সিভিক রিসেপ্সন অমদা মহাক্না ফোংদোকখিবনি৷ থৌরম অসিদা, শ্রী নাইদুনা অগর্তালা শহরগী লম্বীশিংবু স্মার্ত রোদশিংদা ওন্থোক্নবগী প্রোজেক্ত অদুসু লোঞ্চ তৌখি৷

মফম অমা হেক্তা মপুং ফানা চাওখৎহনবদা লম্বীশিং মতিক চানা শম্নহনবা অসি য়াম্না মরু ওই হায়না ফোংদোক্লদুনা, মসি ঐখোয়গী লেন্দলোক অৱাং-নোংপোক রাজ্যশিংগী ওইনদি হেন্না চুম্লগনি হায়না মহাক্না ফোংদোকখি৷

“ফিজিকেলবু ওইরবসু নত্রগা দিজিতেলবু ওইরবসু-কন্নেক্তিবিতী অসি ফগৎহনগদবনি, মসিনা ইনবেস্তমেন্ত ফ্লো লৈহনবা ঙমগনি অমদি ইকোনোমিক এক্তিবিতী খোঙজেল য়াংনা পাইখৎপা ঙমগনি,”হায়না মহাক্না মখাতাখি৷ নৌনা পুথোরক্লিবা প্রোজেক্ত অসিগী মখাদা, অগর্তালা শহরগী মনুংদা লৈরিবা লম্বীশিং অমদি কোনুং অদুগা শহরদগী লাপ্না লৈরিবা মফমশিংগা শম্নহল্লিবা লম্বীশিং অসি লুপা কোতি ৪৩৯গী শেনফম থাদদুনা ক্লাইমেত-রিসাইলেন্দ ওইবা লম্বীশিংদা ওন্থোক্লগনি৷ প্রোজেক্ত অসিনা শহর অসি চিনবা হন্থহনবতা নত্তনা অগর্তালাগী ইমুংশিংদা মৈ নিংথিনা ফংহন্দুনা, খোঙলম্বীশিং, সিগনেজ, স্তোর্ম ৱাতর দ্রেনশিং অমদি য়ুতিলিতী কোরিদোর অমা, অতৈ অতোপ্পশিং য়াওনা হেন্না ফবা ফেসিলিতীশিংসু ফংহল্লগনি৷ “মসিগী দিবেলপমেন্ত প্রোজেক্তশিং অসিনা শহরগী ইচাওশিং হন্থহন্দুনা অমদি নুংশিৎকী ক্বালিতী ফগৎহন্দুনা পব্লিক হেল্থ হেন্না ফগৎহল্লগনি,” হায়না শ্রী নাইদুনা ফোংদোকখি৷

এক্ত ইস্ত পোলিসীগী মখাদা অৱাং-নোংপোক লমদমদা পাংথোক্লিবা অচৌবা ইনফ্রাস্ত্রকচর দিবেলপমেন্ত অসি পল্লদুনা, মসিগী শাফু অসি শিজিন্নদুনা, ত্রিপুরা সরকারনা রাজ্য অসিগী সোসিএল অমদি ইকোনোমিক দিবেলপমেন্ত হেন্না লাকহন্নবা ইনিসিয়েতিব কয়া অমা লৌখৎখ্রে হায়না উপ রাস্ত্রপতিনা অপেনবা অমগা লোইননা ফোংদোকখ্রে৷ ত্রান্সপোর্তেসন য়াম্না লাইনা তৌহন্নবা প্রোজেক্ত কয়া অমবু পল্লদুনা, রেলৱে নেতৱার্কনা মাংজৌননা ত্রিপুরাগী অরোইবা শরুক-সাব্রুম ফাওবা চাওথোকহনখ্রে  অমদি অথুবা মতমদা ত্রান্সপোর্তেসনগী অহোংবা মোদ অমসুং ইফিসিয়েন্ত ওইনা থোক্লক্কদৌরিবা ইশিং লম্বীশিং অসি হিংগৎহন্নবা য়াম্না কন্না হোৎনরি হায়না মহাক্না ফোংদোকখি৷ এম.বি.বি. এয়রপোর্ত অপগ্রেদ তৌনবা অমদি কৈলাশাহর এয়রপোর্তপু ওপরেস্নেল ওইহন্নবা হোৎনরিবা অদুবু থাগৎলদুনা, অসুম্না হোৎনরিবশিং অসিনা ত্রিপুরাগী তুরিজম অমদি অতোপ্পা ইন্দস্ত্রীশিংগী ফিভম ফগৎহল্লগনি হায়না শ্রী নাইদুনা ফোংদোকখি৷

ত্রিপুরাদা উহৈশিং মমিং ওইনা হায়রবদা কিহোম, থৈবোং, চমপ্রা, কোমলাগী ওইনদি য়াম্না চুনবা লমদম অমা্ ওই হায়বসি খঙলদুনা, হায়রিবা উহৈশিং অসিগীদমক ভারত্তা অমদি মপান লৈবাকশিংদা অচুম্বা মার্কেৎ লিঙ্কেজশিং লৈহন্নবা রাজ্য সরকারনা হোৎনরিবা অসিদা উপ রাস্ত্রপতিনা থাগৎখি৷ “নৌনা হৌদোকখিবা কিসান রেলনা ত্রিপুরাদগী ন্যু দিল্লী,কোলকতা অমদি অতোপ্পা শহরশিংগা শম্নহন্দুনা ত্রিপুরাগী লৌমীশিংনা মখোয়গী পোত্থোক অদু লৈবাক অসিদা য়োন্নবগী অনৌবা মফম অমা হাংদোক্লগনি,” হায়না মহাক্না ফোংদোকখি৷ ঐখোয়গী ইন্দিজিনিয়র্স পোত্থোকশিং অসি মালেমদা মশক খঙহন্দুনা ঐখোয়গী হোর্তিকল্চর পোত্থোকশিং এক্সপোর্ত তৌবগী চাং হেনগৎহন্নবা কেন্দ্র অমদি রাজ্যশিংনা মীৎয়েং থমগদবনি হায়না মহাক্না ফোংদোকখি৷ এগ্রী পোত্থোকশিং এক্সপোর্ত তৌবা হেনগৎননবা ঐখোয়গী লৌমীশিংগী ই-পাউ হেন্না ফংহন্নবা অমদি হেন্না ফবা ব্রান্দিং, মার্কেতিং অমদি কন্নেক্তিবিতী লৈহন্নবা মহাক্না ময়ামদা হায়খ্রে৷

২০২৫ ফাওবগী মনুংদা চহি অমদা লুপা কোতি ২০০০ য়ৌনা রাজ্য অসিদা অগর-বেজ ইকোনোমী অমা শেমগৎনবগী পান্দমদা হন্দক্তা ইকুই কুইদ্রিঙৈদা ত্রিপুরাদা লোঞ্চ তৌখিবা অগর মিসন অদু শ্রী নাইদুনা তরাম্না ওকখি৷ মসিনা ত্রিপুরাদা অগর বেজ ইন্দস্ত্রীশিং য়োকখৎপদা নত্তনা অগর পাম্বীশিং হেন্না হেন্না থাজিনবদা পু্ক্নিং থৌগৎতুনা মাংখিদগদৌরবা পাম্বী মখল অসি ঙাক শেনবা অমদি শন্দোকপা ঙমহল্লগনি হায়না মহাক্না ফোংদোকখি৷ লৈবাক অসিদা  নেচরেল রবর খ্বাইদগী য়াম্না পুথোকপদা ত্রিপুরানা কেরলাগী হেক মথং অনিশুবদা লৈরি হায়না পল্লদুনা রবর থাবদা সরকার অসিনা মতেং পাংলিবা অমসুং রবর-বেজ ইন্দস্ত্রীদা হেন্না থৌনা হাপ্পগীদমক মহাক্না সরকার অসিবু থাগৎখি৷ রাজ্য অসিগী মীয়ামবু মঙ্গোল পীরদুনা, শ্রী বিপলাব কুমার দেবকী লুচিং মখাদা পাল্লিবা ত্রিপুরা সরকার অসিনা ত্রিপুরাগী প্রজাশিংগী য়াইফননবগীদমক লেপ্প-লৈতনা হোৎনগনি হায়না শ্রী নাইদুনা খনখি৷ লৈঙাক্তা ত্রান্সপরেন্সী অমদি একাউন্তেবিলিতীগী মরু ওইবা অদু পল্লদুনা, সরকারগী ইনিসিয়েতিবশিংগী মহৈশিং অদু বেনিফিসরী অমতা চিথদনা য়ৌহনগদবনি হায়না মহাক্না ফোংদোকখি৷

মতুং তারকপদা, উপ রাস্ত্রপতিনা প্রাইমরী সেক্তর, এস.ঐচ.জি. মেম্বরশিং অমদি ফ্রন্তলাইন ৱর্করশিংদগী এচিবরশিংগা ৱারি-ৱাতায় শানখি৷

এস.ঐচ.জি.শিংনা থৱাই য়াওনা কৎথোকপা অমগা লোইননা হোৎনখিবা অদুগীদমক থাগৎলদুনা, মখোয়না নুপীশিংদা শক্তি হেন্না পীনবা হোৎনবদা য়াম্না মরু ওইবা থৌদাং লৌবতা নত্তনা খুঙ্গংগী শেল-থুমগী ফিভম ফগৎহন্নবসু হোৎনৈ হায়না মহাক্না ফোংদোকখি৷ হেল্থ ৱর্করশিংগা উনখিবদা, ৱর্করশিংনা লাইনা-লাইচৎকী মতমদা লৈবাক অসিদা মখোয়না তৌখিবা থবকশিং অদু উপ রাস্ত্রপতিনা থাগৎখ্রে অমদি অনিশুবা ৱেবকী মতমদা মখোয়না থেংনখিবা এক্সপরিয়েন্সশিং অদুগী মরমদা খঙবা ঙমখ্রে৷

ত্রিপুরাগী মুখ্য মন্ত্রী, শ্রী বিপলাব কুমার দেব, সোসিএল জস্তিস অমসুং এম্পৱারমেন্ত মন্ত্রালয়গী কেন্দ্রগী রাজ্য মন্ত্রী, শ্রীমতি প্রিমিতা ভৌমিক, ত্রিপুরাগী দিপুতী মুখ্য মন্ত্রী শ্রী জিশনু দেব ভর্ম, ত্রিপুরা সরকারগী চীফ সেক্রেতরী দা. কুমার অলোক অমসুং অতোপ্পা মশক নাইবা মীওইশিংনা থৌরম অসিদা শরুক য়াখি৷

ৱারোল অদুগী মপুং ওইবা অইবা অদু মখাদা লৈরে:

“খুরুমজরি,

ময়াম পুম্নমক্তা ইকাই খুম্নবা উৎপগা লোইননা ঐ ৱা ঙাংজগে৷ মসিনা ঐগী অনিশুবা ত্রিপুরা খোঙচৎনি অমদি মফম অসিদা অমুক হন্না লাকপা ঙমজবা অসিদা ঐ অদুক্কী মতিক নুংঙাইবা ফাওই৷ ঐঙোন্দা ত্রিপুরাগী প্রজা মীয়ামনা উৎপিরিবা থৌগল্লোন অমসুং মিনুংশিং অসিগীদমক ঐনা থাগৎপা ৱাহৈ ফোংদোক্নিংঙাই লৈজদ্রে৷

অগর্তালা শহরবু স্মার্ত রোদশিংদা ওন্থোক্নবগী প্রোজেক্ত অসি শঙ্গাবা অসিদা ঐহাক অদুক্কী মতিক অপেনবা ফাওজৈ৷ ভারত সরকারনা লাওথোকখিবা স্মার্ত সিতী ১০০গী মনুংদা অগর্তালাসু অমনি৷ লুপা কোতি ৪৩৯গী শেনফম থাদদুনা, অগর্তালা সহরগী মনুংদা লৈরিবা লম্বীশিং অমসুং কোনুংগা অমদি শহরদগী লাপ্না লৈরিবা মফমশিংগা শম্নরিবা লম্বীশিং অসি ক্লাইমেত-রিসাইলেন্ত ওইবা লম্বীশিংদা ওন্থোক্লগনি৷ প্রোজেক্ত অসিদা শহরদা চিল্লিবা অসি হন্থহনবতা নত্তনা অগর্তালাগী রিসাইদেন্তশিংদা হেন্না ফরবা ফেসিলিতীশিংসু ফংহল্লগনি৷ মহৌশানা, মসিনা অগর্তালাগী ইমুংশিংদা মৈ নিংথিনা ফংহল্লগনি, খোঙলম্বীশিং, দেদিতেকেদ পার্কিং, বোল্লার্দশিং, সিগনেলিং, স্তোর্ম ৱাতর দ্রেনশিং শেম-শারগনি অমসুং য়ুতিলিতী কোরিদোর অমা য়াওনা অতৈ অতোপ্পশিংগী খুদোংচাবশিং ফংহল্লগনি৷ মসিগী দিবেলপমেন্ত প্রোজেক্তশিং অসিনা শহরগী ইচাওশিং হন্থহন্দুনা অমদি নুংশিৎকী ক্বালিতী ফগৎহন্দুনা পব্লিক হেল্থ হেন্না ফগৎহল্লগনি৷

নুংশিরবা মরুপশিং,

মফম অমা হেক্তা মপুং ফানা চাওখৎহনবদা লম্বীশিং মতিক চানা শম্নহনবা অসি য়াম্না মরু ওই অমসুং মসি ঐখোয়গী লেন্দলোক অৱাং-নোংপোক রাজ্যশিংগী ওইনদি হেন্না চুম্লগনি৷ ইনবেস্মেন্ত ফ্লো লৈহন্নবা অমদি ইকোনোমিক এক্তিবিতী খোঙজেল য়াংনা পাইখৎপা ঙম্নবগীদমক ফিজিকেলবু ওইরবসু নত্রগা দিজিতেলবু ওইরবসু-কন্নেক্তিবিতী অসি ফগৎহনগদবনি৷ মসিনা স্মার্ত সিতীস মিসনগী কোনরস্তোন ওইরি— স্মার্ত রোদশিং অমদি পব্লিক ত্রান্সপোর্ত অসিনা স্কিম অসিগী খ্বাইদগী মরু ওইবা ওইরি৷ ২০২১গী জুন ফাওবদা, শহর ৭০না স্মার্ত সিতীস মিসনগী মখাদা ইন্তিগ্রেতেদ কম্মন অমসুং কন্ত্রোল সেন্তরশিং শেমগৎখ্রে অমদি মথৌ তৌবা হৌহনখ্রে৷ অদুগা, স্কিম অসিগী মখাদা স্মার্ত রোদ প্রোজেক্ত ৩১০, স্মার্ত সোলর প্রোজেক্ত ৫৭ অমসুং স্মার্ত ৱাতর প্রোজেক্ত ১০১ মপু ফানা লোইশিনখ্রে৷

ভারতকী রেপিদ আর্বানাইজেসনবু খুদোংচাবা অমা ওইনা উবা দরকার ওই৷ প্রজাদা মরু ওইনা খনবা আর্বান প্লানিং অমদি দিবেলপমেন্তদা মীৎয়েং চংবা অসিসু য়াম্না মরু ওই৷শহরশিংদা ইশিংগী সপ্লাই পীবা, সিৱর কন্নেক্সনশিং, য়ুম শাবা হেনগৎহন্দুনা অমদি সর্ভিস দেলিভরীগী ফিভম ফগৎহন্দুনা ঐখোয়গী শহরশিং অসি শহরদা লৈরিবা লাইরবশিংনা তঙাই ফদনা চংলিবা মরু ওইবশিং পীরিবা ইনক্লুসিব শহরশিং ওইনা ঐখোয়না উগদবনি৷

মরুপশিং,

ত্রিপুরা অসি ফজরবা কল্চর অমদি নিংথৌ পাল্লিঙৈ মতমগী মমল লৈরবা কল্চরেল হেরিতেজকা লোইননা মশিং য়াম্লবা বেঙ্গালী মীয়ামগা লোইননা তোহান তোঙানবা ত্রাইবশিংনা খুন্দারিবা লমদম অমনি৷ মহাক্কী ঙমখৈ অসি মাইকৈ অহুমদা বঙ্গলাদেশকা থংনরদুনা,  অৱাং-নোংপোক ভারতকী মসিগী লেন্দ-লোক রাজ্য অসিনা হৌখিবা চহি খরা অসিদা চাওখৎলকপগী শক্তম উবা ফংখি৷ এক্ত ইস্ত পোলিসীগী মখাদা অৱাং-নোংপোক লমদমদা অচৌবা ইনফ্রাস্ত্রকচর দিবেলপমেন্ত পাইখৎলি৷ হৌজিক হৌজিক ত্রিপুরাদা পাল্লিবা সরকার অসিনা রাজ্য অসিগী সোসিএল অমদি ইকোনোমিক দিবেলপমেন্ত হেন্না লাকহন্নবা ইনিসিয়েতিব কয়া অমা লৌখৎখ্রে হায়রিবা পাউ অসি তাবদা ঐ য়াম্না নুংঙাই৷

ত্রান্সপোর্তেসন তৌবা হেন্না লাইথোকহন্নবা, ইন্তরনেল অমসুং নেস্নেল হাইৱেজকী নেতৱার্ক অমা রাজ্য অসিদা শেমগৎলি৷ রেলৱে নেতৱার্ক অসি মাংজৌননা ত্রিপুরাগী অরোইবা শরুক—সাব্রুমদা য়ৌহনখ্রে অমসুং অগর্তালা-অখৌরা রেল লাইনসু খোঙজেল য়াংনা পাইখৎলি৷

মনিং-মখা তমদ্রিঙৈ মমাংগী মতমদা, ইশিংগী লম্বী অসিনা ত্রিপুরাগী ওইনা অচৌবা ত্রান্সপোর্তেসনগী উপাই অমা ওইরমখি৷ মসিগী মোদ অসি হিংগৎহন্নবা সরকার অসিনা হোৎনখ্রে অমদি হৌখিবা তহিগী সেপ্তেম্বর থাদা মসিগী ইশিংগী লম্বী অসিদা ত্রাইএল ওইনা দৌদকান্দিদগী(বঙ্গলাদেশ)লাকখিবা অহানবা পোৎ-চৈ পুবা বেসেল অদু সোনামুরাগী শ্রীমন্তাপুর তর্মিনেলগী ফ্লোতিং জেত্তীদা থুংখি৷ তুংদা, এন্তরপ্রাইস, ইনিসিয়েতিব অমসুং মেনেজমেন্তগা লোইননা, মসিগী ত্রান্সপোর্তেসনগী মোদ অসি ইফিসিয়েন্ত ওইহনবা অমদি হেন্না মথৌ তৌহনবা য়াগনি, মসিনা ভারতকী মফম অমদগী অতোপ্পা মফম অমদা পোৎ-চৈশিং পুথোক-পুশিন তৌবদা চংলিবা মমল অদু হন্থহল্লগনি৷

অৱাং-নোংপোক লমদমদা এম.বি.বি. এয়রপোর্ত অসিনা গুৱাহাতি এয়রপোর্তকী হেক মতুংদা খ্বাইদগী চিনবা অনিশুবা এয়রপোর্ত ওইরি৷ মসিবু ইন্তরনেস্নেল এয়রপোর্ত অমা ওইনা লাওথোক্লবা য়াই হায়না ঐঙোন্দা হায়রকখিবা লৈ৷ হেলিকোপ্তর সর্ভিসশিংগী খুৎথাংদা অনৌবা পন্থুংফমশিং প্রমোত তৌবগী মথক্তা কৈলাশাহর এয়রপোর্ত অসি মথৌ তৌহন্নবা য়াম্না কন্না হোৎনরি৷

শ্রী বিপলাব কুমার দেবকী লুচিং মখাদা ত্রিপুরা সরকারনা ত্রিপুরা প্রজাগী য়াইফনবা হোৎনখিবা অদু মহাক্কী ফজরবা থবক্তা মমিং তারিবা অসিনা ঐহাকপু পেলহল্লে৷

ত্রিপুরা সরকারদা ঐনা থমোই শেংনা থাগৎপা ফোংদোকচরি অমদি নুংঙাই য়াইফবা, হেল্দী ওইবা অমসুং চাওখৎপা তুং অমা ওইননবা ঐনা য়াইফ-মঙ্গোলশিং পীরি৷

জয় হিন্দ!”

******