প্রধানমন্ত্রীগী লোইশঙ

পি.এম.না ওক্তোবর ৭তা পি.এম.-কিয়র্সকী মখাদা লিংখৎপা পি.এস.এ.ওক্সিজেন প্লান্তশিং জাতি মীয়ামদা খুৎশিন্নগনি


পি.এম.না রাজ্য অমসুং য়ু.তি. ৩৫দা পি.এস.এ. ওক্সিজেন প্লান্ত ৩৫ খুৎশিন্নগনি

হৌজিক লৈবাক অসিগী জিলা পুম্নমক্তা পি.এস.এ. ওক্সিজেন প্লান্তশিং কম্মিসন তৌখ্রে

Posted On: 06 OCT 2021 2:35PM by PIB Imphal

প্রধান মন্ত্রী শ্রী নরেন্দ্র মোদীনা ওক্তোবর ৭, ২০২১গী অয়ুক পুং ১১ তাবা মতমদা উত্তরাখন্দগী এম্স রিশিকেশতা পাঙথোক্কদবা থৌরম অমদা রাজ্য অমসুং য়ুনিয়ন তেরিতোরী ৩৫দা পি.এম. কিয়র্সকী মখাদা লিংখৎখিবা প্রেসর স্বিং এদসোর্পসন (পি.এস.এ.) ওক্সিজেন প্লান্ত ৩৫ জাতি মীয়ামদা খুৎশিন্নগনি। মসিগা লোয়ননা লৈবাক অসিগী জিলা পুম্নমক্তা হৌজিক কম্মিসন তৌরবা পি.এস.এ. ওক্সিজেন প্লান্তশিং লৈরগনি। প্রধান মন্ত্রীনা থৌরম অদুদা তিল্লিবা মীয়ামদসু ৱা ঙাংগনি।

হৌজিক ফাওবদা লৈবাক শিনবা থুংবদা পি.এম. কিয়র্সকী মখাদা পি.এস.এ. ওক্সিজেন প্লান্ত পুন্না ১২২৪ ফন্দিং তৌখ্রে, মসিগী মনুংদা প্লান্ত ১১০০ হেন্না কম্মিসন তৌখ্রে, অমদি নোংমদা ওক্সিজেন এম.তি. ১৭৫০ হেনবগী আউতপুত পুথোক্লি। মসি কোবিদ-১৯ লাইচৎ হৌরবা মতুংদা ভারতকী মেদিকেল ওক্সিজেন জেনরেসন কেপাসিতী চাউথোক্নবা সরকারনা পাইখৎপা প্রোএক্তিব ওইবা থৌরাংশিংগী খুদম অমনি।

লৈবাক অসিগী জিলা খুদিংমক্তা পি.এস.এ. ওক্সিজেন প্লান্ত অমা কম্মিসন তৌনবগী প্রোজেক্ত অসি চীংনুং মানুংদা লৈবা মফমশিং, ইথৎশিং অমসুং লমিৎ-তুমিৎকী ওইবা শীংনবশিং লৈবা মফমশিংগী শীংনবশিং মায়োক্নদুনা পাইখৎখি।

প্লান্তশিং অসিগী ওপরেসনশিং অমসুং মেন্তেনেন্স অসি পর্সনেল ৭,০০০ হেন্না ত্রেন তৌদুনা য়েংশিনহনখি। মখোয় অসি কন্সোলিদেতেদ ৱেব পোর্তেল অমগী খুত্থাংদা মখোয়গী ফঙ্কস্নিং অমসুং পর্ফোর্মেন্স অসি রিএল তাইম মোনিতরিং তৌনবগদীদমক ইন্তর্নেত ওফ থিংস (আই.ও.তি.) দিভাইস অমা এম্বেদেদ তৌরগা লাকই।

থৌরম অসিদা উত্তরাখন্দগী রাজ্যপাল অমসুং মুখ্য মন্ত্রী, লোয়ননা কেন্দ্রগী হকশেল মন্ত্রীসু শরুক য়াগনি।

*****



(Release ID: 1761498) Visitor Counter : 265