ନୂଆଦିଲ୍ଲୀ,୬/୧୦: ପ୍ରଧାନମନ୍ତ୍ରୀ ଭାରତୀୟ ଜନୌଷଧି ପରିଯୋଜନା (ପିଏମବିଜେପି)ର କାର୍ଯ୍ୟାନ୍ୱୟନ ଏଜେନ୍ସି ଫାର୍ମାସୁ୍ୟଟିକାଲ୍ସ ଆଣ୍ଡ ମେଡିକାଲ ଡିଭାଇସେସ ବୁ୍ୟରୋ ଅଫ ଇଣ୍ଡିଆ (ପିଏମବିଆଇ) ୨୦୨୧ ସେପ୍ଟେମ୍ବର ଶେଷ ପୂର୍ବରୁ ୨୦୨୧-୨୨ ଆର୍ଥିକବର୍ଷ ପାଇଁ ୮,୩୦୦ ପ୍ରଧାନମନ୍ତ୍ରୀ ଭାରତୀୟ ଜନ ଔଷଧି କେନ୍ଦ୍ର (ପିଏମବିଜେକେ) ଖୋଲିବାର ଧାର୍ଯ୍ୟଲକ୍ଷ୍ୟକୁ ପୂରଣ କରିଛି । ପ୍ରଧାନମନ୍ତ୍ରୀ ଭାରତୀୟ ଜନୌଷଧି ପରିଯୋଜନା (ପିଏମବିଜେପି) ଅଧୀନରେ ଦେଶର ସମସ୍ତ ଜିଲ୍ଲାକୁ ସାମିଲ କରାଯାଇ ପାରିଛି । ସମସ୍ତ ଷ୍ଟୋରରେ ଠିକ ସମୟରେ ଔଷଧ ବିତରଣକୁ ସୁନିଶ୍ଚିତ କରାଇବା ପାଇଁ ସଫଳ ଆଇଟି-ଅନୁକୂଳ ପରିବହନ ଓ ଯୋଗାଣ ଶୃଙ୍ଖଳ ବ୍ୟବସ୍ଥା ମଧ୍ୟ ପ୍ରଚଳନ କରାଯାଇଛି ।

ପିଏମବିଜେପିର ଉତ୍ପାଦ ଥଳିରେ ବର୍ତ୍ତମାନ ୧,୪୫୧ ଔଷଧ ଓ ୨୪୦ ସର୍ଜିକାଲ ଉପକରଣ ସାମିଲ ରହିଛି । ଅଧିକନ୍ତୁ, ନୂଆ ଔଷଧ ଓ ନୁ୍ୟଟ୍ରାସୁ୍ୟଟିକାଲ ଉତ୍ପାଦ ଯଥା ଗ୍ଲୁକୋମିଟର, ପ୍ରୋଟିନ ପାଉଡର, ମାଲ୍ଟ ଭିତ୍ତିକ ଖାଦ୍ୟ ସପ୍ଲିମେଣ୍ଟ, ପ୍ରୋଟିନ ବାର୍, ଇମୁ୍ୟନିଟି ବାର୍, ଇତ୍ୟାଦି ଶୁଭାରମ୍ଭ କରାଯାଇଛି ।

ସାଧାରଣ ଜନତା, ବିଶେଷକରି ଗରିବମାନଙ୍କୁ ସୁଲଭ ଦରରେ ଗୁଣଯୁକ୍ତ ଔଷଧ ଯୋଗାଇବା ଲକ୍ଷ୍ୟ ନେଇ, ସରକାର ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ର (ପିଏମବିଜେକେ) ସଂଖ୍ୟା ୨୦୨୪ ମାର୍ଚ୍ଚ ସୁଦ୍ଧା ୧୦,୦୦୦କୁ ବଢ଼ାଇବା ଲାଗି ଏକ ଲକ୍ଷ୍ୟ ସ୍ଥିର କରିଛନ୍ତି । ୨୦୨୧ ଅକ୍ଟୋବର ୫ ସୁଦ୍ଧା, ଷ୍ଟୋର ସଂଖ୍ୟା ୮,୩୫୫କୁ ବୃଦ୍ଧି ପାଇଛି । ଏହି କେନ୍ଦ୍ରଗୁଡ଼ିକ ଦେଶର ପ୍ରତି କୋଣାନୁକୋଣରେ ଗରିବ ଲୋକଙ୍କ ପାଖରେ ଶସ୍ତା ଔଷଧର ସହଜ ପହଞ୍ଚକୁ ସୁନିଶ୍ଚିତ କରିବେ ।

ବର୍ତ୍ତମାନ ପିଏମବିଜେପିର ୩ଟି ପଣ୍ୟାଗାର ଗୁରୁଗ୍ରାମ, ଚେନ୍ନାଇ ଓ ଗୁଆହାଟୀରେ କାର୍ଯ୍ୟକ୍ଷମ ଥିବା ବେଳେ ସୁରଟରେ ଚତୁର୍ଥ ପଣ୍ୟାଗାର ନିର୍ମାଣାଧୀନ ସ୍ଥିତିରେ ଅଛି । ଏହାବ୍ୟତୀତ, ଦୁର୍ଗମ ଓ ଗ୍ରାମାଞ୍ଚଳଗୁଡ଼ିକରେ ଔଷଧ ଯୋଗାଣରେ ସହଯୋଗ ନିମନ୍ତେ ଦେଶବ୍ୟାପୀ ୩୭ ବିତରକଙ୍କୁ ନିଯୁକ୍ତ କରାଯାଇଛି ।

ପ୍ରଧାନମନ୍ତ୍ରୀ ଭାରତୀୟ ଜନୌଷଧି ପରିଯୋଜନା (ପିଏମବିଜେପି) ପାଇଁ ‘ଜନୌଷଧି ସୁଗମ’ ନାମକ ଏକ ମୋବାଇଲ ଆପ୍ଲିକେସନ ରହିଛି, ଯାହା ଲୋକମାନଙ୍କୁ ଏକ ଡିଜିଟାଲ ପ୍ଲାଟଫର୍ମ ପ୍ରଦାନ କରୁଛି, ଯେଉଁଥିରେ ସେମାନେ ନିଜ ଅଙ୍ଗୁଳି ଟିପରେ ଯୋଜନାର ଫାଇଦା ନେଇପାରୁଛନ୍ତି ।

ସ୍କିମ ଅଧୀନରେ ଉତ୍ପାଦଗୁଡ଼ିକର ଗୁଣବତ୍ତାକୁ ସୁନିଶ୍ଚିତ କରିବା ଲାଗି ବିଶ୍ୱ ସ୍ୱାସ୍ଥ୍ୟ ସଂଗଠନ- ଉତ୍ତମ ଉତ୍ପାଦନ ବ୍ୟବସ୍ଥା (ଡବ୍ଳୁ୍ୟଏଚଓ-ଜିଏମପି) ପ୍ରମାଣିତ ଯୋଗାଣକାରୀଙ୍କଠାରୁ ଔଷଧ ସଂଗ୍ରହ କରାଯାଉଛି । ଏହାବ୍ୟତୀତ, ‘ନ୍ୟାସନାଲ ଆକ୍ରେଡିଟେସନ ବୋର୍ଡ ଫର ଟେଷ୍ଟିଙ୍ଗ ଆଣ୍ଡ କାଲିବ୍ରେସନ ଲାବୋରେଟୋରିଜ୍ (ଏନଏବିଏଲ)’ ଦ୍ୱାରା ସ୍ୱୀକୃତିପ୍ରାପ୍ତ ଲାବୋରେଟୋରିଗୁଡ଼ିକରେ ପ୍ରତ୍ୟେକ ବ୍ୟାଚ ଔଷଧକୁ ପରୀକ୍ଷା କରାଯାଉଛି । ଗୁଣବତ୍ତା ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ହିଁ ଔଷଧଗୁଡ଼ିକୁ ପିଏମବିଜେପି କେନ୍ଦ୍ରଗୁଡ଼ିକୁ ପ୍ରେରଣ କରାଯାଉଛି । ପିଏମବିଜେପି ଅଧୀନରେ ଉପଲବ୍ଧ ଔଷଧଗୁଡ଼ିକ ବ୍ରାଣ୍ଡଯୁକ୍ତ ଉତ୍ପାଦର ଦାମ ତୁଳନାରେ ୫୦%-୯୦% କମ ରହୁଛି । ଆର୍ଥିକବର୍ଷ ୨୦୨୦-୨୧ରେ ପିଏମବିଜେପି ୬୬୫.୮୩ କୋଟି ଟଙ୍କା (ଏମଆରପିରେ)ର ବିକି୍ର ହାସଲ କରିଥିଲା । ଏହାଦ୍ୱାରା ଦେଶର ସାଧାରଣ ନାଗରିକଙ୍କର ପାଖାପାଖି ୪,୦୦୦ କୋଟି ଟଙ୍କା ସଞ୍ଚୟ ହୋଇପାରିଛି ।

କୋଭିଡ-୧୯ ସଂକଟ ଦେଖାଦେବା ପରେ ପ୍ରଧାନମନ୍ତ୍ରୀ ଭାରତୀୟ ଜନୌଷଧି ପରିଯୋଜନା (ପିଏମବିଜେପି) ଦେଶକୁ ଅତ୍ୟାବଶ୍ୟକ ସେବା ଯୋଗାଇ ଆସୁଛି । ଲକଡାଉନ ସମୟରେ ଷ୍ଟୋରଗୁଡ଼ିକ କାର୍ଯ୍ୟକ୍ଷମ ଅବସ୍ଥାରେ ରହି ନିରବଚ୍ଛିନ୍ନ ଅତ୍ୟାବଶ୍ୟକ ଔଷଧର ଉପଲବ୍ଧତାକୁ ସୁନିଶ୍ଚିତ ପାଇଁ ଉଦ୍ଦିଷ୍ଟ ସେମାନଙ୍କ ପ୍ରତିଶ୍ରୁତିବଦ୍ଧତାର ଅଂଶ ଭାବେ ପରିଚାଳନା ବଜାୟ ରଖିଛନ୍ତି ।

SR