ਅਗਸਤ 2021 ਤੱਕ ਭਾਰਤ ਸਰਕਾਰ ਦੇ ਮਹੀਨਾਵਾਰ ਖਾਤਿਆਂ ਨੂੰ ਕੰਸੋਲੀਡੇਟ ਕੀਤਾ ਗਿਆ ਹੈ ਤੇ ਰਿਪੋਰਟਾਂ ਪ੍ਰਕਾਸਿ਼ਤ ਕੀਤੀਆਂ ਗਈਆਂ ਹਨ । ਮੁੱਖ ਝਲਕੀਆਂ ਹੇਠਾਂ ਦਿੱਤੀਆਂ ਗਈਆਂ ਹਨ :—
ਭਾਰਤ ਸਰਕਾਰ ਨੇ ਅਗਸਤ 2021 ਤੱਕ 8,08,672 ਕਰੋੜ ਰੁਪਏ ਪ੍ਰਾਪਤ ਕੀਤੇ (ਕੁੱਲ ਪ੍ਰਾਪਤੀਆਂ ਦੇ 2021—22 ਬੀ ਈ 40.9%) ਇਸ ਵਿੱਚ 6,44,843 ਕਰੋੜ ਕਰ ਮਾਲੀਆ (ਕੇਂਦਰ ਨੂੰ ਨੈੱਟ) , 1,48,650 ਕਰੋੜ ਰੁਪਏ ਗੈਰ ਟੈਕਸ ਮਾਲੀਆ ਅਤੇ 15,179 ਕਰੋੜ ਰੁਪਏ ਗੈਰ ਡੈਬਟ ਪੂੰਜੀ ਪ੍ਰਾਪਤੀਆਂ ਸ਼ਾਮਲ ਹਨ । ਗੈਰ ਡੈਬਟ ਪੂੰਜੀ ਪ੍ਰਾਪਤੀਆਂ ਵਿੱਚ  6,808 ਕਰੋੜ ਰੁਪਏ ਦੇ ਕਰਜਿ਼ਆਂ ਦੀ ਰਿਕਵਰੀ ਸ਼ਾਮਲ ਹੈ ਅਤੇ 8,371 ਕਰੋੜ ਰੁਪਏ ਹੋਰ ਪੂੰਜੀ ਪ੍ਰਾਪਤੀਆਂ ਹਨ । 2,12,606 ਕਰੋੜ ਰੁਪਏ ਅਗਸਤ 2021 ਤੱਕ ਭਾਰਤ ਸਰਕਾਰ ਦੁਆਰਾ ਸੂਬਾ ਸਰਕਾਰਾਂ ਦੇ ਟੈਕਸਾਂ ਦੇ ਹਿੱਸੇ ਵਜੋਂ ਤਬਦੀਲ ਕੀਤੇ ਗਏ ਹਨ ।
ਭਾਰਤ ਸਰਕਾਰ ਦੁਆਰਾ ਕੀਤਾ ਗਿਆ ਕੁੱਲ ਖਰਚਾ 12,76,681 ਕਰੋੜ ਰੁਪਏ ਹੈ (ਬੀ ਈ 2021—22 ਦਾ 36.77%) ਇਸ ਵਿੱਚੋਂ 11,04,813 ਕਰੋੜ ਰੁਪਏ ਮਾਲੀਆ ਖਾਤੇ ਅਤੇ 1,71,868 ਕਰੋੜ ਰੁਪਏ ਪੂੰਜੀ ਖਾਤੇ ਵਿੱਚ ਹਨ । ਕੁੱਲ ਮਾਲੀਆ ਖਰਚੇ ਵਿੱਚੋਂ 2,78,371 ਕਰੋੜ ਰੁਪਏ ਵਿਆਜ਼ ਅਦਾਇਗੀਆਂ ਦੇ ਖਾਤੇ ਅਤੇ 1,47,398 ਕਰੋੜ ਰੁਪਏ ਮੁਖ ਸਬਸਿਡੀਆਂ ਦੇ ਖਾਤੇ ਵਿੱਚ ਹੋਇਆ ਹੈ ।

*******************

ਆਰ ਐੱਮ / ਕੇ ਐੱਮ ਐੱਨ