ইকাই খুম্নজরিবা প্রধান মন্ত্রীনা চেয়র লৌবা কেবিনেত কম্মিতী ওন ইকোনোমিক এফিয়র্স (সি.সি.ই.এ.)না কেন্দ্র সরকারদগী লুপা কোতি ৫৪,০৬১.৭৩ অমসুং রাজ্য অমসুং য়ু.তি. সরকারদগী লুপা কোতি ৩১,৭৩৩.১৭গী ফাইনান্সিএল আউতলে ওইবা ‘স্কুলশিংদা পি.এম. পোশনগী নেস্নেল স্কীম’ ২০২১-২২দগীনা ২০২৫-২৬কী ওইবা চহি মঙা মখা তানা চৎথনবা অয়াবা পীখ্রে। কেন্দ্র সরকারনা অহেনবা লুপা কোতি ৪৫,০০০গী শেনফম অমা চেং হৱায়দা পুগনি। মরম অদুনা স্কীম অসিগী অপুনবা বজেত অসি লুপা কোতি ১,৩০,৭৯৪.৯০ ওইগনি।

ঙসি সি.সি.ই.এ.না ২০২১-২২দগীনা ২০২৫-২৬ ফাওবা সরকারগী অমসুং সরকারগী এদেদ স্কুলশিংদা শানা থোংলবা চাকলেন অমা পীনবা পি.এম. পোশন স্কীম লৌথোকখ্রে। হায়রিবা কেন্দ্রনা পুথোকপা স্কীম অসি সরকারগী অমসুং সরকারগী এদেদ স্কুলশিংদা ক্লাস I-VIIIদা তম্লিবা মহৈরোইশিংদা কোল্লি। স্কীম অসিগী হান্না ‘নেস্নেল স্কীম ফোর মিদ দে মীল ইন স্কুল’ কৌবা মীয়াম্না মিদ দে মীল স্কীম হায়না খঙনবা অদুনি।

স্কীম অসিনা লৈবাক অসিগী স্কুল লাখ ১১.২০দা তম্লিবা মহৈরোই কোতি ১১.৮০ কোল্লি। ২০২০-২১গী মনুংদা, ভারত সরকারনা স্কীম অসিদা চেং-হৱায়গী শেনফম লুপা কোতি ১১,৫০০ য়াওনা লুপা কোতি ২৪,৪০০ হেন্না শেন্থং তৌখি।

স্কীম অসিগী ইফিসিএন্সি অমসুং ইফেক্তিবনেস হেনগৎনবা লৌখিবা ৱারেপ মখাদা উৎলি:

1. স্কীম অসিনা ইলিমেন্তরী ক্লাসশিংদা তম্লিবা মহৈরোইশিং অসগী মথক্তা সরকারগী অমসুং সরকারগী এদেদ স্কুলশিংদা তম্লিবা প্রি-প্রাইমরী নত্ত্রগা বাল ভতিকাসকী মহৈরোইশিংদা চাউথোক্নবা প্রপোজ লৈরি।
2. তিথী ভোজনগী ৱাখল্লোনবু হেন্না পুক্নিং থৌগৎকনি। তিথী ভোজন অসি অখন্নবা থৌরম/কুমহৈনচিংবদা মীয়াম্না অঙাংশিংদা অখন্নবা চান-থক্নবা পীবা কালুপ কয়ানা শরুক য়াবা থৌরম অমনি।
3. সরকারনা অঙাংশিংনা মহৌশাগী ওইবা অমসুং ইঙ্খোল কোইবগী হৈনবী লৈনবা স্কুলশিংদা ইঙ্খোল কোইবগী শেমগৎনবা পুক্নিং থৌগৎলি। ইঙ্খোল কোইবগী লোকপা অসিনা অহেনবা মাইক্রো ন্যুত্রেন্তগী স্কীমদা হাপক্নি। হায়রিবা স্কুলদা ইঙ্খোল কোইবা অসি স্কুল লাখ অমগী মথক্তা হান্না শেমগৎখ্রে।
4. স্কীম অসিগী মীয়ামগী ওইবা ওদিত অসি দিস্ত্রীক্ত খুদিংদা শোইদনা পাংথোক্কদবা অমা ওইরি।
5. হেন্না খুদোং চাদবা অমসুং এনেমিয়ানা ৱাংনা লৈরিবা দিস্ত্রীক্তশিংদা লৈরিবা অঙাংশিংদা অহেনবা চিঞ্জাক পীনবা অখন্নবা প্রোভিজন শেম্লি।
6. খুঙ্গংগী থাক্তগী জাতিগী থাক ফাওবা মফম  অদুদা ফংবা এনশাং নাপীনা থোং-থাকপগী চাংদম্নবশিং  পাংথোক্তুনা অনৌবা মথেল লুকোই কয়া অমা পুথোক্নবা পুক্নিং থৌগৎপা।
7.  আত্মানির্ভর ভারতকী লোকেল ফোর ভোকেল: স্কীম অসি হাপ্পদা ফার্মরস প্রদুসর ওর্গানাইজেসন (এফ.পি.ও.) অমসুং নুপীগী সেলফ হেলফ গ্রুপ য়াওহন্নবা পুক্নিং থৌগৎপা। লোকেলদা হৌবা থায়নদগী লৈরক্লবা পোৎলমশিং লোকেল ইকোনোমিক চাউখৎনবা পুক্নিং থৌগৎপা।
8. য়ুনিভর্সিতীশিং/ইন্সতিত্যুসনশিং অমসুং রিজনেল ইন্সতিত্যুৎ ওফ এজুকেসন্স (আর.আই.ই.) অমসুং দিস্ত্রীক্ত ইন্সতিত্যুৎ ওফ এজুকেসন অমসুং ত্রেনিং (দি.আই.ই.তি.) চংশিল্লিবা থবকশিং য়েংশিন্নবা মফমশিংদা চৎপা হেন্না লাইথোকহনবা।   

*****