ಗೃಹ ವ್ಯವಹಾರಗಳ ಸಚಿವಾಲಯ
azadi ka amrit mahotsav

ದೆಹಲಿಯಲ್ಲಿ ಜರುಗಿದ ರಾಷ್ಟ್ರೀಯ ಪ್ರಕೃತಿ ವಿಕೋಪ (ವಿಪತ್ತು) ನಿರ್ವಹಣಾ ಪ್ರಾಧಿಕಾರ(ಎನ್‌ಡಿಎಂಎ)ದ 17ನೇ ಸಂಸ್ಥಾಪನಾ ದಿನಾಚರಣೆ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡ ಕೇಂದ್ರ ಗೃಹ ವ್ಯವಹಾರ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ

ಆಪದಾ ಮಿತ್ರ (ಆಪದ್ಬಾಂಧವ) ಯೋಜನೆಯ ತರಬೇತಿ ಕೈಪಿಡಿ, ಆಪದಾ ಮಿತ್ರ ಮತ್ತು ಸಾಮಾನ್ಯ ಎಚ್ಚರಿಕೆ ನೀಡುವ ಶಿಷ್ಟಾಚಾರ ಯೋಜನೆಗಳ ದಾಖಲೆಗಳನ್ನು ಬಿಡುಗಡೆ ಮಾಡಿದ ಶ್ರೀ ಅಮಿತ್ ಶಾ

ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಘನ ನಾಯಕತ್ವದಲ್ಲಿ, ಎಂತಹ ಗಂಭೀರ ವಿಪತ್ತು ಎದುರಾದರೂ, ಒಂದು ಜೀವವನ್ನೂ ಕಳೆದುಕೊಳ್ಳದಂತಹ ಬಲಿಷ್ಠ ವಿಕೋಪ ನಿರ್ವಹಣಾ ವ್ಯವಸ್ಥೆಯನ್ನು ಸೃಜಿಸುವತ್ತಾ ಸಾಗುತ್ತಿದ್ದೇವೆ. ನಾವು ಇದನ್ನು ಸಾಧಿಸಲು ಸದೃಢರಾಗಿದ್ದೇವೆ: ಅಮಿತ್ ಶಾ

ಶ್ರೀ ನರೇಂದ್ರ ಮೋದಿ ಅವರು ಗುಜರಾತ್ ಮುಖ್ಯಮಂತ್ರಿ ಆಗಿದ್ದಾಗ, ದೇಶದಲ್ಲಿ ಪ್ರಕೃತಿ ವಿಕೋಪಗಳು ಏಕೆ ಸಂಭವಿಸುತ್ತಿವೆ ಎಂಬುದನ್ನು ಅರಿಯಲು ಗಮನ ನೀಡಿದ ಏಕೈಕ ನಾಯಕ

ಹವಾಮಾನ ಬದಲಾವಣೆ ಮತ್ತು ಜಾಗತಿಕ ತಾಪಮಾನದ ಪ್ರತೀಕೂಲಗಳನ್ನು ಸಮರ್ಥವಾಗಿ ನಿಭಾಯಿಸಲು ಶ್ರೀ ನರೇಂದ್ರ ಮೋದಿ ಮುಖ್ಯಮಂತ್ರಿಯಾಗಿದ್ದಾಗ ದೇಶದಲ್ಲೇ ಮೊದಲಿಗೆ ಗುಜರಾತ್ ನಲ್ಲಿ ಹವಾಮಾನ ಬದಲಾವಣೆಯ ಪ್ರತ್ಯೇಕ ಇಲಾಖೆ ಸ್ಥಾಪಿಸಿದ್ದರು: ಅಮಿತ್ ಶಾ

2016 ರಲ್ಲಿ ಶ್ರೀ ನರೇಂದ್ರ ಮೋದಿ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಯೋಜನೆ ಆರಂಭಿಸಿ, ಮೊದಲ ರಾಷ್ಟ್ರೀಯ ಯೋಜನೆಗಾಗಿ ನೀಲನಕ್ಷೆ ರೂಪಿಸಿದ್ದಾರೆ

ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಪ್ರಕೃತಿ ವಿಕೋಪಗಳ ಗಂಡಾಂತರ ನಿಯಂತ್ರಣದ 10 ಅಂಶಗಳ ಕಾರ್ಯಕ್ರಮವನ್ನು ವಿಶ್ವದ ಮುಂದೆ ತೆರೆದಿಟ್ಟರು; ಈ 10 ಅಂಶಗಳ ಕಾರ್ಯಕ್ರಮವನ್ನು ಕಾರ್ಯಗತಗೊಳಿಸುವುದು ದೇಶದ ಗುರುತರ ಜವಾಬ್ದಾರಿ: ಅಮಿತ್ ಶಾ

Posted On: 28 SEP 2021 7:05PM by PIB Bengaluru

ವಿಪತ್ತು ನಿರ್ವಹಣಾ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುವ ಎಲ್ಲಾ ಎನ್ ಜಿಒಗಳು, ಸಾಮಾಜಿಕ ಕಾರ್ಯಕರ್ತರು ಮತ್ತು ಸರ್ಕಾರಿ ಉದ್ಯೋಗಿಗಳನ್ನು ಪ್ರೋತ್ಸಾಹಿಸುವ ಸಲುವಾಗಿ ಶ್ರೀ ನರೇಂದ್ರ ಮೋದಿ ನಾಯಕತ್ವದ ಭಾರತ ಸರ್ಕಾರವು ಸುಭಾಶ್ ಚಂದ್ರ ಭೋಸ್ ಆಪದಾ ಪ್ರಬಂಧನ್ ಪುರಸ್ಕಾರ ಸ್ಥಾಪಿಸಿದೆ

ರಾಷ್ಟ್ರೀಯ ವಿಕೋಪ ನಿರ್ವಹಣಾ ಪ್ರಾಧಿಕಾರದ ಅನುಷ್ಠಾನ ಸಂಸ್ಥೆಗಳಾಗಿರುವ ಎನ್‌ಡಿಆರ್‌ಎಫ್ ಮತ್ತು ಎಸ್‌ಡಿಆರ್‌ಎಫ್ ದೇಶದಲ್ಲಿ ವಿಕೋಪ ನಿರ್ವಹಣೆಯ ಪರಿವರ್ತನೆಗೆ ಕಾರ್ಯ ನಿರ್ವಹಿಸಿವೆ: ಅಮಿತ್ ಶಾ

ದೇಶದಲ್ಲಿ ಪ್ರಕೃತಿ ವಿಕೋಪ ಕಾಣಿಸಿಕೊಂಡಾಗ ತಕ್ಷಣವೇ ಸ್ಪಂದಿಸುವ ಕೆಲಸವನ್ನು ಜನರು, ಸಮಾಜ ಮತ್ತು ಗ್ರಾಮಗಳ ತರಬೇತಾದ ಅಪದಾ ಮಿತ್ರ ಸಿಬ್ಬಂದಿ ಮಾತ್ರ ಮಾಡಬಲ್ಲರು. ಇದು ಸಹಜವಾಗಿ ಉತ್ತಮ ಪರಿಕಲ್ಪನೆಯಾಗಿದೆ

ದೇಶದ 25 ರಾಜ್ಯಗಳ ಪ್ರವಾಹ ಬಾಧಿತ 30 ಜಿಲ್ಲೆಗಳಲ್ಲಿ ಪ್ರಾಯೋಗಿಕ ಆಧಾರದಲ್ಲಿ ಅಪದಾ ಮಿತ್ರ ಯೋಜನೆ ಜಾರಿಗೆ ತರಲಾಗಿದೆ. ಪ್ರವಾಹ ಪರಿಸ್ಥಿತಿ ನಿಯಂತ್ರಿಸಲು, ರಕ್ಷಣಾ ಮತ್ತು ಪರಿಹಾರ ಕಾರ್ಯಾಚರಣೆಗಾಗಿ 5,500 ಸಂಖ್ಯೆಯ ಆಪದಾ ಮಿತ್ರರು ಮತ್ತು ಆಪದಾ ಸಖಿಗಳಿಗೆ ತರಬೇತಿ ನೀಡಲಾಗಿದೆ

ಪ್ರಕೃತಿ ವಿಕೋಪದಿಂದ ಬಾಧಿತವಾಗಿರುವ ದೇಶದ 350 ಜಿಲ್ಲೆಗಳಲ್ಲಿ ನಾವು ಅಪದಾ ಮಿತ್ರ ಯೋಜನೆ ಕಾರ್ಯಗತಗೊಳಿಸಲು ಮುಂದಾಗಿದ್ದೇವೆ

ಸ್ವಯಂಸೇವಕರು ಮತ್ತು ಅವರ ಕುಟುಂಬಗಳಿಗೆ ಧೈರ್ಯ ತುಂಬುವ ಸಲುವಾಗಿ, ಭಾರತ ಸರ್ಕಾರವು ಅವರಿಗೆ ವಿಮಾ ರಕ್ಷಣೆ ಒದಗಿಸುವ  ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ

ಒಡಿಶಾದಲ್ಲಿ 1999 ಭಾರಿ ಚಂಡಮಾರುತ ಮತ್ತು ಗುಜರಾತ್ ಭುಜ್ ನಲ್ಲಿ 2001ರಲ್ಲಿ ಸಂಭವಿಸಿದ ಭೂಕಂಪನ ದೇಶವನ್ನೇ ನಡುಗಿಸಿತು. ಇವೆರಡು ಗಂಡಾಂತರಗಳಿಂದ ಹೊಳೆದ ಹೊಸ ಪರಿಕಲ್ಪನೆಯ ಪರಿಣಾಮವಾಗಿ, ಸ್ವತಂತ್ರ ವಿಕೋಪ ನಿರ್ವಹಣಾ ವ್ಯವಸ್ಥೆಯನ್ನು ಹೊಂದುವ, ಹೊಸ ಸಂಸ್ಥೆಯನ್ನು ಸ್ಥಾಪಿಸುವ ಆಲೋಚನೆ ಹೊರಮೂಡಿತು

ಆಗ ಪ್ರಧಾನ ಮಂತ್ರಿಯಾಗಿದ್ದ ಅಟಲ್ ಬಿಹಾರಿ  ವಾಜಪೇಯಿ ಅವರು ಕಾರ್ಯಪಡೆಯೊಂದನ್ನು ರಚಿಸಿದ್ದರು; ಪ್ರಾಸಂಗಿಕವಾಗಿ, ಆಗ ಶ್ರೀ ನರೇಂದ್ರ ಮೋದಿ ಅವರು ಗುಜರಾತ್ ಮುಖ್ಯಮಂತ್ರಿಯಾಗಿದ್ದರು

ಪ್ರಕೃತಿ ವಿಕೋಪ ಕಾಣಿಸಿಕೊಂಡಾಗ ಸರ್ಕಾರದ ಮೊದಲಿನ ಗಮನ ಪರಿಹಾರದತ್ತ ಕೇಂದ್ರೀಕೃತವಾಗಿತ್ತು, ಇದೀಗ ಅದರ ಗಮನ ಪೂರ್ವ ವಿಪತ್ತುಗಳ ಮುನ್ಸೂಚನೆ, ಪೂರ್ವಸಿದ್ಧತೆ, ಪೂರ್ವಭಾವಿ ತಡೆಗಟ್ಟುವಿಕೆ ಮತ್ತು ಜೀವಹಾನಿ ಕಡಿಮೆ ಮಾಡುವ ಕಡೆಗೆ ನೆಟ್ಟಿದೆ

ಯಾವುದೇ ದೃಷ್ಟಿಯಿಂದ ಎನ್‌ಡಿಆರ್‌ಎಫ್ ಮತ್ತು ಎಸ್‌ಡಿಆರ್‌ಎಫ್ ಸಂಸ್ಥೆಗಳ ಕಾರ್ಯ ನಿರ್ವಹಣೆ ಪರಾಮರ್ಶಿಸಿದರೆ, ಅವು ಜನರಲ್ಲಿ ಆತ್ಮವಿಶ್ವಾಸ ತುಂಬುವ ಅತಿಮುಖ್ಯ ಮತ್ತು ಮಹತ್ವದ ಕೊಡುಗೆ ನೀಡಿವೆ

ದೇಶದ ಯಾವುದೇ ಭಾಗದಲ್ಲಿ ಇಂದು ಪ್ರಕೃತಿ ವಿಕೋಪ ಕಾಣಿಸಿಕೊಂಡರೆ, ತಕ್ಷಣವೇ ಅಲ್ಲಿಗೆ ಎನ್‌ಡಿಆರ್‌ಎಫ್ ತಂಡಗಳು ಧಾವಿಸುತ್ತವೆ, ನಾವು ಬದುಕುಳಿಯುತ್ತೇವೆ ಎಂಬ ಭಾವವನ್ನು ಸಂತ್ರಸ್ತರಲ್ಲಿ ಮೂಡಿಸುತ್ತವೆ

ತ್ಯಾಗ, ಕಠಿಣ ಪರಿಶ್ರಮ, ಶಿಸ್ತು ಮತ್ತು ನಿರಂತರ ತರಬೇತಿ ಇಲ್ಲದಿದ್ದರೆ ಜನರಲ್ಲಿ ಇಂತಹ ನಂಬಿಕೆಯನ್ನು ಮೂಡಿಸುವುದು ಅಸಾಧ್ಯ

ಇದಕ್ಕೂ ಮುನ್ನ, ವಿಕೋಪ ಸಂಭವಿಸಿದ ನಂತರ ಕೇಂದ್ರದ ಅಂತರ್ ಸಚಿವಾಲಯ ತಂಡಗಳು ರಾಜ್ಯಗಳಲ್ಲಿ ಉಂಟಾಗಿರುವ ವಿಕೋಪ ಸ್ಥಳಗಳಿಗೆ ಭೇಟಿ ನೀಡುತ್ತಿದ್ದವು ಮತ್ತು ಹಾನಿ ಅಂದಾಜು ಮಾಡುತ್ತಿದ್ದವು. ಆನಂತರ ರಾಜ್ಯಗಳಿಗೆ ಅನುದಾನ ಕಳಿಸುತ್ತಿದ್ದವು. ಇದರಿಂದ ಅಪಾರ ಸಮಯ ವ್ಯರ್ಥವಾಗುತ್ತಿತ್ತು

ಆದರೀಗ, ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ನಾಯಕತ್ವದಲ್ಲಿ ಕೇಂದ್ರ ಗೃಹ ಸಚಿವಾಲಯವು, ಅಂತಹ ವರದಿಗಳು ಅಗತ್ಯವಿಲ್ಲ ಎಂದು ನಿರ್ಧರಿಸಿ, ಮುಂಗಡವಾಗಿ ಕೇಂದ್ರದ ಅಂತರ್ ಸಚಿವಾಲಯ ತಂಡವನ್ನು ಕಳಿಸುತ್ತಿದ್ದೇವೆ. ತಂಡವು ತಕ್ಷಣವೇ ಬಾಧಿತ ರಾಜ್ಯಕ್ಕೆ ಪ್ರಾಥಮಿಕ ಅಂದಾಜಿನ ಪ್ರಕಾರ, ತುರ್ತು ಪರಿಹಾರ ಒದಗಿಸುತ್ತದೆ. ವಿಕೋಪ ಸಂಭವಿಸಿದಾಗಲೇ ತಂಡವು ಸಹಾಯಕ್ಕೆ ಬರುತ್ತದೆ

ನರೇಂದ್ರ ಮೋದಿ ಸರ್ಕಾರವು ವಿಕೋಪ ನಿರ್ವಹಣೆಗಾಗಿ ಎನ್‌ಡಿಆರ್‌ಎಫ್ ಗೆ ಸುಮಾರು 53,000 ಕೋಟಿ ರೂಪಾಯಿ ಹಾಗೂ ಎಸ್‌ಡಿಆರ್‌ಎಫ್ ಗೆ ಸುಮಾರು 60,000 ಕೋಟಿ ರೂ. ಆರ್ಥಿಕ ನೆರವು ಒದಗಿಸಿದೆ

ದೇಶದಲ್ಲಿ ಕೋವಿಡ್-19 2ನೇ ಅಲೆ ಕಾಣಿಸಿಕೊಂಡಾಗ ಚಂಡಮಾರುತ ಅಪ್ಪಳಿಸುವ ಕಾಲಘಟ್ಟ ಎದುರಾಯಿತು, ಸಮಯದಲ್ಲಿ ರಾಷ್ಟ್ರೀಯ ವಿಕೋಪ ನಿರ್ವಹಣಾ ಪ್ರಾಧಿಕಾರವು 2ನೇ ಅಲೆ ವಿರುದ್ಧದ ಹೋರಾಟದಲ್ಲಿ ಅತ್ಯುತ್ತಮವಾಗಿ ಕಾರ್ಯ ನಿರ್ವಹಿಸಿತು. ಪ್ರಧಾನ ಮಂತ್ರಿ ನರೇಂದ್ರ ಮೋದಿ ನಾಯಕತ್ವದಲ್ಲಿ ಆಮ್ಲಜನಕ ಹೊತ್ತ ರೈಲುಗಳ ಸಂಚಾರಕ್ಕೆ ಯಾವುದೇ ಅಡಚಣೆ ಉಂಟಾಗದಂತೆ ಎನ್ ಡಿಎಂಎ ನಿಗಾ ವಹಿಸಿತು. ಚಂಡಮಾರುತ, ಪ್ರವಾಹ ಸಂತ್ರಸ್ತ ಭಾಗಗಳಲ್ಲಿ ಕೋವಿಡ್-19 ಸೋಂಕಿತರಿಗೆ ಜೀವಹಾನಿ ಆಗದಂತೆ ಆಮ್ಲಜನಕ ಮತ್ತು ವಿದ್ಯುತ್ ಪೂರೈಕೆ ಸರಾಗವಾಗಿ ನಡೆಯಿತು

ಈಶಾನ್ಯ ರಾಜ್ಯಗಳಲ್ಲಿ ನಾರ್ಥ್ ಈಸ್ಟ್ ಸ್ಪೇಸ್ ಅಪ್ಲಿಕೇಷನ್ ಮೂಲಕ ಬಾಹ್ಯಾಕಾಶ ವಿಜ್ಞಾನ ಬಳಸಿಕೊಳ್ಳಲು ಸೊಸೈಟಿ ರಚನೆ ಮಾಡುವ ಮೂಲಕ ಮಹತ್ವದ ಆರಂಭಕ್ಕೆ ನಾಂದಿ ಹಾಡಲಾಯಿತು

ಈಶಾನ್ಯ ರಾಜ್ಯಗಳಲ್ಲಿ ಉಪಗ್ರಹಗಳ ನೆರವಿನಿಂದ ನೀರಿನ ಸ್ವಾಭಾವಿಕ ಹರಿವಿನ ಮಾರ್ಗಗಳನ್ನು ನಿಖರವಾಗಿ ಪತ್ತೆ ಮಾಡಲಾಯಿತು. ಅಲ್ಲದೆ, ರಸ್ತೆ ಮತ್ತು ರೈಲು ಮಾರ್ಗಗಳನ್ನು ನಿರ್ಮಿಸಲಾಗುತ್ತಿದ್ದು, ರಸ್ತೆಗಳ ಕೆಳಗೆ ನೀರು ಹರಿದು ಹೋಗುವ ಸಮಗ್ರ ವ್ಯವಸ್ಥೆ ರೂಪಿಸಲು ಮುಂಗಡವಾಗಿ ಯೋಜನೆ ರೂಪಿಸಬಹುದಾಗಿದೆ

 

ಕೇಂದ್ರ ಗೃಹ ವ್ಯವಹಾರ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ದೆಹಲಿಯಲ್ಲಿಂದು ಆಯೋಜಿಸಲಾಗಿದ್ದ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ(ಎನ್‌ಡಿಎಂಎ) 17ನೇ ಸಂಸ್ಥಾಪನಾ ದಿನಾಚರಣೆಯ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡಿದ್ದರು. “ಹಿಮಾಲಯ ಭಾಗದಲ್ಲಿ ಪ್ರಕೃತಿ ವಿಕೋಪಗಳಿಂದ ಎದುರಾಗುವ  ಪರಿಣಾಮಗಳನ್ನು ನಿಲ್ಲಿಸುವುದುಎಂಬುದೇ ವರ್ಷದ ಸಂಸ್ಥಾಪನಾ ದಿನದ ಘೋಷವಾಕ್ಯವಾಗಿದೆ.

ವರ್ಚುಯಲ್ ಕಾರ್ಯಕ್ರಮದಲ್ಲಿ ಶ್ರೀ ಅಮಿತ್ ಶಾ ಅವರು ಅಪದಾ ಮಿತ್ರ (ಆಪದ್ಬಾಂಧವ) ಯೋಜನೆಯ ತರಬೇತಿ ಕೈಪಿಡಿಯನ್ನು ಬಿಡುಗಡೆ ಮಾಡಿದರು. ಅಲ್ಲದೆ, ಅಪದಾ ಮಿತ್ರ ಮತ್ತು ಸಾಮಾನ್ಯ ಎಚ್ಚರಿಕೆ ನೀಡುವ ಶಿಷ್ಟಾಚಾರ ಯೋಜನೆಗಳ ದಾಖಲೆಗಳನ್ನು ಬಿಡುಗಡೆ ಮಾಡಿದರು. ಗೃಹ ವ್ಯವಹಾರಗಳ ಸಹಾಯಕ ಸಚಿವರಾದ ಶ್ರೀ ನಿತ್ಯಾನಂದ್ ರಾಯ್, ಶ್ರೀ ಅಜಯ್ ಕುಮಾರ್ ಮಿಶ್ರಾ ಮತ್ತು ಶ್ರೀ ನಿಶಿತ್ ಪ್ರಮಾಣಿಕ್, ಕೇಂದ್ರ ಗೃಹ ಕಾರ್ಯದರ್ಶಿ ಹಾಗೂ ಎನ್ ಡಿಎಂಎ ಅಧಿಕಾರಿಗಳು ಮತ್ತು ಸದಸ್ಯರು, ರಾಷ್ಟ್ರೀಯ ವಿಪತ್ತು ಸ್ಪಂದನಾ ಪಡೆ(ಎನ್‌ಡಿಆರ್‌ಎಫ್) ಮಹಾನಿರ್ದೇಶಕರು ಮತ್ತು ಕೇಂದ್ರ ಗೃಹ ಸಚಿವಾಲಯದ ಉನ್ನತಾಧಿಕಾರಿಗಳು ಹಾಗೂ ವಿಪತ್ತು ನಿರ್ವಹಣೆಯಲ್ಲಿ ತೊಡಗಿಸಿಕೊಂಡಿರುವ ಸಿಬ್ಬಂದಿ ಉಪಸ್ಥಿತರಿದ್ದರು.

ವರ್ಚುಯಲ್ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದ ಸಚಿವ ಶ್ರೀ ಅಮಿತ್ ಶಾ, ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ ಮತ್ತು ಅದರ ಅಡಿ ಅನುಷ್ಠಾನ ಸಂಸ್ಥೆಗಳಾಗಿ ಕಾರ್ಯ ನಿರ್ವಹಿಸುತ್ತಿರುವ ಎನ್‌ಡಿಆರ್‌ಎಫ್ ಮತ್ತು ರಾಜ್ಯ ವಿಪತ್ತು ಸ್ಪಂದನಾ ಪಡೆ (ಎಸ್‌ಡಿಆರ್‌ಎಫ್) ಕಳೆದ 17 ವರ್ಷಗಳಿಂದ ದೇಶದ ವಿಪತ್ತು ನಿರ್ವಹಣೆಯ ಇತಿಹಾಸವನ್ನು ಬದಲಿಸಿವೆ. ದೇಶದ ಸೂಕ್ಷ್ಮತೆಯನ್ನು ವಿಪತ್ತು ನಿರ್ವಹಣೆಯೊಂದಿಗೆ ಜೋಡಿಸುವ ಅತಿದೊಡ್ಡ ಕೆಲಸವನ್ನು ಇವು ಮಾಡಿದ್ದು, ಇದು ಒಂದು ದೊಡ್ಡ ಸಾಧನೆಯಾಗಿದೆ. 130 ಕೋಟಿ ಜನರಿರುವ ಬೃಹತ್ ರಾಷ್ಟ್ರದಲ್ಲಿ ಪ್ರತಿ ರಾಜ್ಯವೂ ವಿಭಿನ್ನ ಹವಾಮಾನ, ಹಲವಾರು ನದಿ ಕೊಳ್ಳಗಳು, ಪರ್ವತ ಪ್ರದೇಶಗಳು, ಸುದೀರ್ಘ ಕರಾವಳಿ ಭಾಗಗಳನ್ನು ಹೊಂದಿದೆ. ಇಂತಹ ಪರಿಸ್ಥಿತಿಯಲ್ಲಿ ನಾವು, ಸಾರ್ವಜನಿಕರು ಮತ್ತು ಸಮಾಜದ ಸೂಕ್ಷ್ಮತೆಯನ್ನು ಕಾಣಲು ಅಸಮರ್ಥರಾದರೆ, ವಿಪತ್ತುಗಳನ್ನು ನಿಯಂತ್ರಿಸಲು ವೈಜ್ಞಾನಿಕ ವ್ಯವಸ್ಥೆಗಳನ್ನು ಪರಿಚಯಿಸಲು ಅಸಮರ್ಥರಾದರೆ, ಇಂತಹ ವಿಪತ್ತುಗಳನ್ನು ತಗ್ಗಿಸಲು ನಾವು ಮನಸ್ಥಿತಿಯನ್ನು ಸಿದ್ಧಪಡಿಸಿಕೊಳ್ಳಲು ಸಾಧ್ಯವಾಗದಿದ್ದರೆ, ನಾವು ಕೊನೆಗೆ ಅಪಾರ ಜೀವಹಾನಿ ಮತ್ತು ಮೂಲಸೌಕರ್ಯಗಳ ನಷ್ಟ ಅನುಭವಿಸಲು ಸಿದ್ಧರಾಗಲೇಬೇಕಾಗುತ್ತದೆ. ಆದರೆ ವಾಸ್ತವವಾಗಿ ನಾವು ಕಳೆದ 17 ವರ್ಷಗಳಲ್ಲಿ ಕ್ಷೇತ್ರದಲ್ಲಿ ಸಾಕಷ್ಟು ಬದಲಾಗಿದ್ದೇವೆ ಎಂದರು.

ಎನ್ ಡಿಎಂಎ ಅನವಾರಣಗೊಳಿಸಿರುವ ಆಪದಾ ಮಿತ್ರ (ಆಪದ್ಬಾಂಧವ) ಮತ್ತು ಸಾಮಾನ್ಯ ಎಚ್ಚರಿಕೆ ನೀಡುವ ಶಿಷ್ಟಾಚಾರ ಯೋಜನೆಯ 2 ಉಪಕ್ರಮಗಳನ್ನು ಪ್ರಸ್ತಾಪಿಸಿದ ಸಚಿವರು, ಅಪ್ದಾ ಮಿತ್ರ ಯೋಜನೆ ಅತಿ ಮುಖ್ಯವಾಗಿವೆ. ಪ್ರಕೃತಿ ವಿಕೋಪ ಸೇರಿದಂತೆ ನಾನಾ ವಿಪತ್ತುಗಳನ್ನು ನಿಯಂತ್ರಿಸಲು ವಿಶ್ವದೆಲ್ಲೆಡೆ ನಡೆದಿರುವ ಸಂಶೋಧನೆ ಮತ್ತು ಉತ್ತಮ ಅಭ್ಯಾಸಗಳ ಅಳವಡಿಕೆಗಳ ಬಗ್ಗೆ ಎನ್ ಡಿಎಂಎ ಅಧ್ಯಯನ ನಡೆಸಬೇಕು. ದೇಶದ ಸನ್ನಿವೇಶ ಮತ್ತು ಸವಾಲುಗಳಿಗೆ ತಕ್ಕಂತೆ ಉತ್ತಮ ಅಭ್ಯಾಸಗಳನ್ನು ಅಳವಡಿಸಿಕೊಂಡು, ಜನರ ಬಳಿಗೆ ಕೊಂಡೊಯ್ಯಬೇಕು ಎಂದರು. ಸರ್ಕಾರದ ಹಲವಾರು ಪ್ರಯತ್ನಗಳು ಮತ್ತು ಉತ್ತಮ ಸೌಲಭ್ಯಗಳ ಹೊರತಾಗಿಯೂ, ವಿಪತ್ತು ಕಾಣಿಸಿಕೊಂಡಾದ ತತ್ ಕ್ಷಣದ ಅಥವಾ ತುರ್ತು ಕ್ರಮಗಳನ್ನು ಕೈಗೊಳ್ಳಲು ಎನ್ ಡಿಎಂಎ, ಎನ್‌ಡಿಆರ್‌ಎಫ್ ಮತ್ತು ಎಸ್‌ಡಿಆರ್‌ಎಫ್ ಗೆ ಕಷ್ಟವಾಗುತ್ತಿದೆ. ವಿಪತ್ತು ಕಾಣಿಸಿಕೊಂಡಾಗ ಎಷ್ಟೇ ವ್ಯವಸ್ಥೆಗಳನ್ನು ಮಾಡಿದ್ದರೂ, ಇಷ್ಟು ದೊಡ್ಡ ದೇಶದಲ್ಲಿ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ತಲುಪಲು ಸ್ವಲ್ಪ ಸಮಯ ತೆಗೆದುಕೊಳ್ಳುವುದು ಸಹಜ. ವಿಪತ್ತು ಸಂಭವಿಸಿದಾಗ ಕೆಲವೇ ಕ್ಷಣಗಳಲ್ಲಿ ತಕ್ಷಣದ ಕ್ರಮಗಳನ್ನು ಕೈಗೊಳ್ಳಬೇಕಾದ ಪರಿಸ್ಥಿತಿ ಸೃಷ್ಟಿಯಾಗುತ್ತದೆ. ಅಂತಹ ಸಂದರ್ಭಗಳಲ್ಲಿ ಸಂಪೂರ್ಣ ತರಬೇತಾದ ವಿಪತ್ತು ನಿರ್ವಹಣಾ ಸಿಬ್ಬಂದಿ ಅಥವಾ ಸ್ನೇಹಿತರು, ಸಮಾಜ, ಗ್ರಾಮಗಳು ನಿರ್ವಹಣಾ ಕೆಲಸವನ್ನು ಮಾಡಲು ಸಾಧ್ಯ. ಇದು ನಿಜಕ್ಕೂ ಉತ್ತಮ ಪರಿಕಲ್ಪನೆಯಾಗಿದೆ ಎಂದು ಸಚಿವರು ತಿಳಿಸಿದರು.

ಆಪದಾ ಮಿತ್ರ ಯೋಜನೆ ಮೂಲಕ ಸಾರ್ವಜನಿಕರನ್ನು ಸಜ್ಜುಗೊಳಿಸುವ, ವಿಪತ್ತು ವಿರುದ್ಧ ಹೋರಾಡುವ, ಇತರಿಗಾಗಿ ಕೆಲಸ ಮಾಡುವ, ತಮ್ಮ ಜೀವವನ್ನು ಪಣಕ್ಕಿಟ್ಟು ಸಾರ್ವಜನಿಕರನ್ನು ಉಳಿಸುವ  ಹುರುಪು ಮತ್ತು ಉತ್ಸಾಹ ಹೊಂದಿರುವ ಜನರ ಕೌಶಲ್ಯ ಮೇಲ್ದರ್ಜೆಗೆ ಏರಿಸುವ ಕೆಲಸ ಮಾಡಬೇಕು. ಅವರಿಗೆ ಎಲ್ಲಾ ಶಿಷ್ಟಾಚಾರಗಳ ಬಗ್ಗೆ ಅರಿವು ಮೂಡಿಸಲು ಮತ್ತು ವಿಪತ್ತಿನ ಸಂದರ್ಭದಲ್ಲಿ ತಕ್ಷಣ ಕ್ರಮ ಕೈಗೊಳ್ಳಲು ಸಹ ವ್ಯವಸ್ಥೆ ಮಾಡಬಹುದು.

ದೇಶದ 25 ರಾಜ್ಯಗಳ ಪ್ರವಾಹ ಪೀಡಿತ 30 ಜಿಲ್ಲೆಗಳಲ್ಲಿ ಆಪದಾ ಮಿತ್ರ ಯೋಜನೆಯನ್ನು ಪ್ರಾಯೋಗಿಕವಾಗಿ ಜಾರಿಗೆ ತರಲಾಗಿದೆ. ಪ್ರವಾಹ ಪರಿಸ್ಥಿತಿ ನಿಯಂತ್ರಿಸಲು, ರಕ್ಷಣಾ ಮತ್ತು ಪರಿಹಾರ ಕಾರ್ಯಾಚರಣೆ ನಡೆಸಲು 5,500 ಆಪದಾ ಮಿತ್ರರು ಮತ್ತು ಆಪದಾ ಸಖಿಗಳಿಗೆ ತರಬೇತಿ ನೀಡಲಾಗಿದೆ. ಈಜಲು ಬರುವವರನ್ನು ಕಾರ್ಯಗಳಿಗೆ ಆಯ್ಕೆ ಮಾಡಲಾಗಿದೆ