کانکنی کی  منصوبہ بندی  اور  ڈیزائن کے مرکزی انسٹی ٹیوٹ لمیٹڈ (سی ایم پی ڈی آئی) کے سی ایم ڈی  اور  کول انڈیا لمیٹڈ (سی آئی ایل) کے ڈائریکٹر  (ٹی) جناب بنائے دیال نے  گزشتہ روز  سی ایم پی  ڈی آئی ،  آر آئی – V ، بلاسپور  کا دورہ کیا  اور   نو  تیار شدہ  گراؤنڈ پینیٹریٹنگ رڈار  (جی پی آر) کا  افتتاح کیا  نیز  کانکنی کی  پیداوار  سے متعلق  معاملات  کو سلجھانے کے لئے  نئی  ٹیکنالوجی کو استعمال کرنے کی  سفارش کی۔ جناب دیال  نے  زلزلے  سے متعلق  اعدادو شمار کی  پروسیسنگ اور  انٹر پریٹیشن مرکز کا  بھی  افتتاح کیا ، اس کے علاوہ  انہوں  نے  پیراڈیجیم سافٹ ویئر  کی کارکردگی  اور  اس کی افادیت  کا جائزہ لیا، جسے  سی ایم پی ڈی آئی  نے  حاصل کیا ہے، جو  کوئلے کی وزارت کے تحت  ایک  چھوٹی رتن کمپنی ہے۔

آزادی کا امرت مہوتسو  (اے کے اے ایم) تقریبات کے حصے کے طور پر  جناب  دیال اور دیگر  سینئر  عملے کے افراد نے آر آئی – V کے احاطے میں شجر کاری کی۔ انہوں  نے  سی ایم پی ڈی آئی  کے  علاقائی انسٹی ٹیوٹ  - V کے  اقامتی  کمپلیکس/ کالونی  کا دورہ  کیا  اور  ادارے  میں دستیاب مجموعی  ضروری  سہولیات  اور  دیگر بنیادی ڈھانچے  کا  معائنہ  بھی کیا۔

آزادی کا امرت مہوتسو  تقریبات  کو اور شاندار بنانے کی کاوش میں  سی ایم پی ڈی آئی  کے  دھنباد کی آر آئی -11   کے ذریعے  مختلف  مقابلوں کا  اہتمام کیا گیا ہے۔ آزادی  کا امرت مہوتسو  کی سرگرمیوں   میں  ،کرماتند کے اپ گریڈٹ ہائی اسکول میں  منعقدہ  تقریب  اور  کوئز  کے مقابلے شامل ہیں۔ بچوں  نے اپنے  نظریات  پیش کئے اور  ہمارے  مجاہدین آزادی کی  حصہ رسدی  اور  ہندوستان  میں جدو جہد  آزادی   کی تحریک کے بارے میں  اپنے  خیالات کا  اظہار کیا ۔ ملک کی  آزادی کی تحریک پر مبنی   ایک  مقصدی کوئز   مقابلہ،  ان تقریبات  کی نمایاں سرگرمیوں میں سے ایک ہے۔ بچوں نے  مقابلے میں  انتہائی  جوش وخروش  اور  حب الوطنی کے جذبے کے ساتھ شرکت کی۔

******

(ش ح- اع- ق ر)

(29-09-2021)

U-9496