মালেমগী খ্বাইদগী চাউবা দেমোক্রেসী অনিগী মরক্তা পার্তনরশিপ খুমাং চাউশিন্নবা মখোয়গী অনকপা মরী অদু নৌনা চেৎশিনহন্নবা অমসুং অনৌবা লম্বী য়াৎনবা অহানবা হকথেংননা লুংচিংবা অসিনা উননবা রাস্ত্রপতি জোসেফ আর বাইদেন্না ঙসি প্রধান মন্ত্রী নরেন্দ্র মোদীবু হ্বাইত হাউসতা তরাম্না ওকখ্রে।

লুচিংবশিংনা য়ু.এস.-ইন্দিয়াগী মরী অসি লমজিংনবা ময়েক শেংবা ভিজন অমা থমখি: ইন্দো-পেসিফিক রিজন অমসুং মসিগী ৱাংমদা শিয়র ইন্তরেস্ত প্রমোত তৌনবা এ.এস.ই.এ.এন. অমসুং ক্বাদ মেম্বরশিং য়াওবা রিজনেল গ্রুপিংশিংগা লোয়ননা স্ত্রেতেজিক পার্তনরশিপ অমা শেমগৎপা অমসুং পুন্না থবক তৌবা; লৈবাক অনিমক্তা লৈরিবা থবক শুবা ইমুং-মনুংশিং চাউখৎপা হেনগৎনবা ত্রেদ অমসুং ইনভেস্তমেন্ত পার্তনরশিপ অমা দিবেলপ তৌবা; কোবিদ১৯ লাইচৎ অমদি অতৈ হকশেলগী ওইবা শীংনবশিংগা লান্থেংনরিবা অসি লোইশিনবা; ক্লাইমেৎ এক্সন হেনগৎনবা মালেমগী ওইবা খোঙথাংশিং থৌগৎপা; ঐখোয়গী মীয়ামগীদমক্তা মতেং পাংনবা দেমোক্রেতিক ভেল্যুশিং অমসুং ইন্সতিত্যুসনশিং মপাঙ্গল কনখৎহনবা; অমসুং লৈবাক অনিবু মপাঙ্গল কনখৎহল্লিবা মীয়ামগী মরক্তা লৈনরিবা মরী অসি চেৎশিনহনবা।

রাস্ত্রপতি বাইদেন অমসুং প্রধান মন্ত্রী মোদীনা হৌখিবা চহিদগী লৈবাক অনিগী অৱাবা তানফমশিংদা ইমর্জেন্সী রিলিফ সপ্লাইশিং তৌনবা অমুক্তা ওইখিদ্রিবা মওংশিংদা সরকার, সিভিল সোসাইতী, বিজিনেসশিং অমসুং দাইস্পোরা কাংলুপশিং মোবিলাইজ তৌদুনা কোবিদ-১৯ লাইচৎ লান্থেংননবা মখোয়গী লৈবাকশিংনা মতেং পাংনখিবা অদুদা চাউথোকচবা অমসুং থাগৎপা ফোঙদোকখি। মখোয় মশাগী প্রজাশিংবু ঙাকথোক্নবা মরমদমদা অমসুং মপাল লৈবাক্তা ভেক্সিন দোক করোর কয়া-কয়া কাপখিবদা মখোয়না লাইচৎ অসি লোইশিন্নবা মালেমগী থাক্তা লৌখৎপা থৌরাংগীদমক মখোয়না হোৎনরিবা অদু নৌহৌনা ফোঙদোকখি। রাস্ত্রপতি বাইদেন্না ভারতনা কোভাক্স য়াওনা শাফবা অমসুং কান্নবা কোবিদ-১৯ ভেক্সিনশিং এক্সপোর্ত তৌবা হৌরগনি হায়না লাউথোকখিবা অদু তরাম্না ওকখি।  লুচিংবশিংনা লাইচৎকী শেম-শাবা অমসুং বাইওমেদিকেল রিসর্চ য়াওনা মালেমগী হকশেলদা অকাইবা পীরিবা মরু ওইবা লমশিং, তুংদা থোরকপা লাইচৎশিংগী খুদোংথিবা হন্থহন্নবা মতেং পীননবা পুম্নমক শুনা য়াওরবা হেল্থ এন্দ বাইওমেদিকেল সাইন্সেসকী মেমোরেন্দম ওফ অন্দরস্তেন্দিং ফাইনেলাইজ তৌবদা থাগৎপা ফোঙদোকখ্রে।

প্রধান মন্ত্রী মোদীনা রাস্ত্রপতি বাইদেন্না ঐখোয়গী কোবিদ-১৯ লাইচৎ থেংননবা লৈরিবা শিয়র কম্মিতমেন্ত অসি য়েংলগা লাইচৎ অসি লোইশিন্নবা অমসুং মথংদা থোরকপদা থেংননবা হেন্না অফবা মওংদা শেমগৎনবগী মতাংদা গ্লবেল কোবিদ-১৯ সম্মিত অমা পাঙথোক্নবা থৌরাং পাইখৎপবু তরাম্না ওকখ্রে।

প্রধান মন্ত্রী মোদীনা য়ুনাইতেদ স্তেতসনা পেরিস এগ্রীমেন্তদা অমুক হঞ্জিলকপা য়াইনা ক্লাইমেৎ এক্সনদা য়ু.এস.কী লীদরশিপ অসিবু তরাম্না ওকখ্রে।২০৩০ ফাওবদা গিগাৱাত ৪৫০গী রিন্যুএবল পাৱর ইন্সতোল তৌনবগী দোমেস্তিক পান্দম ফংনবা হোৎনরিবা অসিদা রাস্ত্রপতি বাইদেন্না শৌগৎখি অমসুং ভারতকী য়ুমথোং করোর কয়াদা ক্লীন রিলাইএবল পাৱর পীগদবা রিন্যুএবল, স্তোরেজ অমসুং গ্রিদ ইনফ্রাস্ত্রকচরদা ইনভেস্তমেন্তশিং তৌনবা ফাইনান্স মোবিলাইজ তৌবগী মরু ওইবা অদু একনোলেদজ তৌখি। য়ু.এস.-ইন্দিয়া ক্লাইমেৎ এন্দ ক্লীন ইনর্জী এজেন্দা ২০৩০ পার্তনরশিপকী মখাদা স্ত্রেতেজিক ক্লীন ইনর্জী পার্তনরশিপ (এস.সি.ই.পি.) অমসুং ক্লাইমেৎ এক্সন এন্দ ফাইনান্স মোবিলাইজেসন দাইলোগ (সি.এ.এফ.এম.দি.)গী মরু ওইবা ত্রেক অনিগী খুত্থাংদা, য়ুনাইতেদ স্তেতস অমসুং ভারতনা ক্লীন ইনর্জী ত্রাঞ্জিসন অমগী মাইকৈদা খুমাং চাউশিন্নবা ক্লীন ইনর্জী দিবেলপমেন্ত অমসুং ক্রিতিকেল তেক্নোলোজীশিং দিপ্লোই তৌবগী খোঙজেল য়াংখৎহল্লগনি। ভারতনা য়ুনাইতেদ স্তেতসনা লীদর্শিপ গ্রুপ ফোর ইন্দস্ত্রী ত্রাঞ্জিসন (লীদ.আই.তি.) য়াওরকপদা তরাম্না ওকখ্রে।

রাস্ত্রতি বাইদেন্না য়ুনাইতেদ স্তেতস অমসুং ভারতকী মরক্তা লৈরিবা ঙাকশেলগী মরী চেৎশিনহন্নবা অমুক হন্না থাজবা পীখি অমসুং ইনফোর্মেসন শিয়রিংদা ঙাকশেলগী অনকপা মরীশিং থম্বা, লোজিস্তিক্স অমসুং মিলিতরী-তু-মিলিতরী ইন্তরেক্সনশিং শিয়রিং তৌবা, এদভান্স মিলিতরী তেক্নোলোজীশিংদা কোওপরেসন মপাঙ্গল কনখৎহনবা অমসুং রিজনেল পার্তনরশিং য়াওনা মল্তিলেতরেল ফ্রেমৱর্ক্তা এঙ্গেজমেন্তশিং পাকথোক-চাউথোকপগী খুত্থাংদা অচৌবা দিফেন্স পার্তনর অমা ওইনা ভারত্তা লেংদ্রবা ৱাশক শকখি।  লুচিংবশিংনা এদভান্স ইন্দস্ত্রিএল কোওপরেসনগী মরী চেৎশিল্লকপবু তরাম্না ওকখ্রে। হীরম অসিদা দিফেন্স তেক্নোলোজী অমসুং ত্রেদ ইনিসিএতিবকী মখাদা এয়র-লোঞ্চ অনমেন এরিএল ভেহিকল্স (য়ু.এ.ভি.) কো-দিবেলপ তৌনবা অনৌবা পওজেক্তকী মতাংদা মখোয়না পনখি অমসুং অসিগুম্বা অপুনবা খোঙথাংশিং অসিবু পুক্নীং থৌগৎখি। মখোয়না সরকার অমসুং লনাই স্তেকহোল্দরশিংদা দিফেন্দ ত্রেদকী কো-দিবেলপমেন্ত, কো-প্রদক্সন অমসুং পাকথোক-চাউথোকহন্নবা দিফেন্স ইন্দস্ত্রীজতা হৌজিক লৈরিবা ইন্নোভেসন অমুং ওন্তপ্রিওর্শিপকী ইকোসিস্তেমশিং শীজিন্ননবা হায়খ্রে। হায়-এন্দ দিফেন্স ইন্দস্ত্রিএল কোলাবোরেসনগী খুদোংচাবা পীনবা ইন্দস্ত্রিএল সেক্যুরিতী এগ্রীমেন্ত সম্মিতকী হৌদোকপগীমীফমবুসু খৌরাংনা ঙাইরি।

লুচিংবশিংনা য়ুনাইতেদ স্তেতস অমসুং ভারতনা গ্লোবেল তেরোরিজমগী মায়োক্তা পুন্না লেপ্পি অমদি য়ু.এন.এস.সি.আর. ১২৬৭ সেঙ্কসন্স কম্মিতিনা প্রোস্ক্রাইব তৌবা গ্রুপশিং য়াওনা তেরোরিস্ত গ্রুপ পুম্নমক্কী মায়োক্তা অকনবা এক্সন লৌখৎকনি হায়না অমুক হন্না থাজবা পীখি, ক্রোস-বোর্দর তেরোরিজম য়ানীংদবা ফোঙদোকখি অমসুং ২৬/১১ মুম্বাই এতেক্সকী মরাল লৈবা মীওইশিং চৈরাক পীনবা ফোঙদোকখি। মখোয়না মখল অমত্তগী তেরোরিস্ত প্রোক্ষীশিং শীজিন্দনবা অমসুং তেরর এতেক্সশিং পাঙথোকপদা নত্ত্রগা থৌরাং তৌবদা শীজিন্নবা য়াবা লোজিস্তিক, ফাইনান্সিএল নত্ত্রগা মোলিতরী মতেং অমত্তা পীদনবগী মতাংদা মীৎয়েং থমখি। মখোয়না মখা তারদুনা হায়খি হন্দক্কী য়ু.এস.-ইন্দিয়া কাউন্তরতেরোজিজম জোইন্ত ৱর্কিং গ্রুপ, দেজিগ্নেসন্স দাইলোগ অমসুং রিন্যু তৌরবা য়ু.এস.-ইন্দিয়া হোমলেন্দ সেক্যুরিতী দাইলোগনা ইন্তেলিজেন্স শিয়রিং অমসুং লো এনফোর্সমেন্ত কোওপরেসনগী লমশিং য়াওনা ভারত অমসুং য়ুনিআতেদ স্তেতসকী মরক্তা কাউন্তরতেরোরিজমগী কোওপরেসন মপাঙ্গল কনখৎহল্লগনি। মখোয়না কাউন্তরতেরোরিজম তেক্নোলোজীশিং দিবেলপ তৌনবা খুদোংচাবশিংসু তরাম্না ওকখি। মখোয়না য়ু.এস.-ইন্দিয়া কাউন্তর নর্কোরিক্স ৱর্কিং গ্রুপকী মতাংদা অমসুং দ্রগ ত্রাফিক্কিং, আইন্না য়াদবা নর্কোতিক্স পুথোকপা অমসুং প্রিকর্সর কেমিকেল সপ্লাই চেনশিং থিংনবা পুন্না খোঙথাং লৌখৎপদা মতেং পাংগদবা অনৌবা বাইলেতরেল ফ্রেমৱে্ক অমা ফাইনেলাইজ তৌনবা হোৎনখি হায়না ফোঙদোকখি।

লুচিংবশিংনা তালিবান্না য়ু.এন.এস.সি. রিজোল্যুসন ২৫৯৩(২০২১) অসি ঙাক্না চৎকদবনি হায়না ৱারেপ লৌখি, হায়রিবা অসিনা আফঘান তেরিতোরী অসি লৈবাক অমা হেক্তদা কিহন-খঙহন্নবা নত্ত্রআ লান্দানবা নত্ত্রগা তেরোরিস্তশিংগী চংজফম পীনবা নত্ত্রগা ত্রেন তৌনবা, নত্ত্রআ তেরোরিস্তকী এতেকশিংগী প্লান তৌবা নত্ত্রগা শেল থাদবা অমুক হন্না শীজিন্নবা য়ারোই হায়না দিমান্দ তৌখি অমসুং মখোয়না আফঘানিস্তান্দা তেরোরিজম লাকশিনবা মথৌ তাই হায়না ফোঙদোক্নখি। লুচিংবশিংনা তালিবান্না হায়রিবশিং অসি অমসুং আফঘানশিং অমসুং অতৈ মীরৈবাক্কী মীরৈচাশিং আফঘানিস্তানদগী তেক্তা কাইদনা অমসুং মথং মনৌ নাইনা থাদোক্তুনা চৎহনবা অমসুং নু্পী, অঙাং অমদি মশিং য়ামজদ্রবা কাংলুপকী মীওইশিং য়াওনা আফঘান পুম্নমক্কী মীওইবগী হকশিং ইকাই খুম্নবা হায়রিবা অসি য়াওনা অতৈ কম্মিতমেন্তশিং ঙাক্না চৎনবা হায়খ্রে। মখোয়না আফঘানিস্তানদা হ্যুমেনিতরিয়ন এসিস্তেন্স পীনবা হোৎনবা মরু ওই হায়না অকনবা ৱাফম থমখি অমসুং তালিবান্দা য়ুনাইতেদ নেস্নস, মাগী স্পেসিএলাইজ এজেন্সীশিং অমসুং ইমপ্লিমেন্তিং পার্তনরশিং, অমসুং হ্যুমেনিতরিয়ন রিলিফ এক্তিবিতীগী থবক তৌরিবা হ্যুমেনিতরিয়ন এক্তর পুম্নমক্না, অমসুং ইন্তর্নেলী দিস্প্লেস পর্সনগা মরী লৈনবা য়াওনা হায়রিনশিংনা মপুং ফানা, শাফনা, হকথেংননা অমসুং অপনবা পীদনা এক্সেস তৌহনবা য়াহন্নবা তালিবান্দা হায়খ্রে। আফঘান মীয়ামগীদমক্তা চাউখৎ-থৌরাং অমসুং শেন্মীৎলোনগী খুদোংচাবা ফংহন্নবা মখোয়গী লোং-তর্ম কম্মিতমেন্তগী মতাংদা পল্লদুনা মখোয়না কুপ্না কোওর্দিনেৎ মখা তানা তৌনবা অমসুং আফঘান পুম্নমক্কী ইনক্লুসিব ওইবা অমসুং শান্তি লৈবা উংলমচৎ অমগী মাইকৈদা পার্তনরশিংগী পুন্না থবক তৌনবা ফোঙদোকখ্রে।

লুচিংবশিংনা হিংশা শীজিন্নদনবা, রাজনিতীগী ওইবা থবক তৌরম্বা বোন্দিশিং থাদোক্নবগী, অমসুং ম্যেন্মারদা দেমোক্রেসী অমুক হন্না হল্লকহন্নবগীদমক্তা হায়খ্রে। মখোয়না এ.এস.ই.এ.এন.গী পোইন্ত মঙাগী কন্সেন্সস অথুবদা ইমপ্লিমেন্ত তৌনবা মখা তানা ফোঙদোকখ্রে।

লুচিংবশিংনা তেরিতোরিএল ইন্তিগ্রিতী অমসুং সোভরেন্তী অমসুং ইন্তর্নেস্নেল লোগা মরী লৈননা ফ্রী, ওপন অমসুং ইনক্লুসিব ইন্দো-পেসিফিকগী শিয়র ভিজন অসি য়েংলগা মল্তিলেতরেল দোমেন য়াওনা ক্বাদকী মখাদা কোওপরেসন হেনগৎলকপা অসিবু তরাম্না ওকখ্রে। ২০২১ ওগস্ততা মখোয়গী য়ু,এন. সেক্যুরিতী কাউন্সিল প্রসিদেন্সীগী মনুংদা ভারতকী মপাঙ্গল কনবা লীদরশিপ অসিবু রাস্ত্রপতি বাইদেন্না থাগৎখি। হীরম অসিদা রাস্ত্রপতি বাইদেন্না রিফোর্ম তৌরবা য়ু.এন. সেক্যুরিতী কাউন্সিলদা ভারতকী পর্মিনেন্ত মেম্বরশিপ অমসুং মল্তিলেতরেল কোওপরেসনগী মরু ওইবা চেম্পিয়নশি ওইরিবা অতৈ লৈবাকশিংগীদমক্তা মতেং পীগনি হায়না অমুক হন্না ফোঙদোকখ্রে অমসুং য়ু.এন. সেক্যুরিতী কাউন্সিলদা পর্মিনেন্ত সীতশিং লৌনবা থৌগৎখি। মহাক্না ন্যুক্লিয়র সপ্লায়র্স গ্রুপ্তা ভারতনা চংলকপদা য়ু.এস.না মতেং পীগনি হায়না অমুক হন্না থাজবা পীখ্রে। মখোয়না মরু ওইনা ইন্দো-পেসিফিক অমসুং অফ্রিকা য়াওনা মালেমগী অকোইবদা গ্লোবেল দিবেলপমেন্তগী শীংনবশিং অসি কোকহন্নবা ভারত অমসুং য়ুনাইতেদ স্তেতসকী অপুনবা কেপাসিতীশিং হেনগৎহন্নবা ত্রাইএঙ্গুলর কোওপরেসন ফোর গ্লোবেল দিবেলপমেন্তগী গাইদিং প্রিন্সিপলশিংগী স্তেতমেন্ত শাংদোকপদা তরাম্না ওকখ্রে। মসিগী মথক্তা, মখোয়না হেল্থ এজুকেসন অমসুং এনভাইর্নমেন্তদা কোওপরেসন খুমাং চাউশিনহন্নবা য়ু.এস.-ইন্দিয়া গান্ধি-কিং দিবেলপমেন্ত ফাউন্দেসন হৌদোক্নবা মাংদা চংশিল্লি।

ত্রেদকী খুদোংচাদবশিং কোকহন্দুনা, ত্রেদকী মরীগী তুংলমচৎকীদমক অচৌবা অমসুং শিয়র ভিজনগী এঙ্গজেসমেন্ত হেনগৎহন্দুনা অমসুং দিবেলপমেন্ত তৌনবা অখক্নবা লমশিং খঙদোক্তুনা বাইলেতরেল ত্রেদকী মী ফগৎহন্নবা ২০২১গী অরোইবা শরুক্কী মমাংদা ইন্দিয়া-য়ু.এস. ত্রেদ পোলিসী অমুক হন্না কনভেন্স তৌনবা হোৎনরি। লুচিংবশিংনা প্রাইবেৎ সেক্তরগী তেলেন্তশিং শীজিন্নদুনা ২০২২গী অঙনবা শরুক্তা য়ু.এস.-ইন্দিয়া সি.ই.ও. ফোরম অমসুং কম্মর্সিএল দাইলোগ কনভেন তৌনবা হোৎনরি। লুচিংবশিংনা দিবেলপমেন্ত প্রোজেক্তশিংদা ইনভেস্তমেন্ত থৌগৎনবা ইনভেস্তমেন্ত ইন্সেন্তিব এগ্রীমেন্তদা হৌজিক চত্থরিবা নেগোসিএসনশিং অমসুং মসি অথুবদা ৱারোইশিন পুরক্নবগী মতাংদা পনখি। মখোয়না ইন্দো-পেসিফিক শিনবা থুংবদা শেন্মীৎলোনশিং ফগৎহন্নবা তুং কোইনা চৎকদবা অমসুং মনুং-মপান ফাওনা উবা ঙম্বা কাংলোনশিং থম্নবা য়ুনাইতেদ স্তেতস অমসুং ভারতনা কারম্না থবক তৌমিন্নগদগে হায়না মখা তানা খন্নখ্রে। মখৌয়না কোলিজন ফোর দিজাস্তর রেজিলেন্ত ইনফ্রাস্ত্রকচর অমসুং অনৌবা ইন্দো-পেসিফিক বিজিনেস ফোরমগী খুত্ধাংদা চুংশিন্নবা হেনগৎহন্নবা তরাম্না ওকখ্রে।

লুচিংবশিংনা মখোয়গী লৈবাকশিংগী মরক্তা স্কিল ৱাংনা লৈবা প্রোফেস্নেলশিং, মহৈরোয়শিং, ইনভেস্তরশিং অমসুং বিজিনেস ত্রেভেলরশিং চত্থোক-চৎশিন তৌবনা মখোয়গী শেন্মীৎলোন অমসুং তেক্নোলোজিকেল পার্তনরশিপ হেনগৎহনখি হায়না ফোঙদোকখি। লুচিংবশিংনা লৈবাক অনিগী মরক্তা মপাঙ্গল কনবা অমসুং সেক্যুর ওইবা সপ্লাই চেনশিংগী মরু ওইবা অদু থমখি। ফার্মাকোতিকেল্স, বাইওক্নোলোজী, সেমিকন্দক্তরশিং অমসুং ইনফোর্নেসন তেক্নোলোজী অসিগুম্বা মরু ওইবা সেক্তরশিংদা মপাঙ্গল কনবা লিঙ্কেজশিং শেমগৎনবা লৈবাক অনিমক্কী প্রাইবেৎ সেক্তরদা শরুক য়াবা অসিদা তরাম্না ওকখ্রে। লুচিংবশিংনা ইকনোমিক গ্রোথ লৈহনবদা অমসুং স্ত্রেতেজিক প্রাইওরিতীশিং ফংনবা হোৎনবদা ক্রিতিকেল অমসুং অনৌবা তেক্নোলোজীশিং মরু ওই হায়খ্রে। মরু ওইবা লমশিংদা হাই তেক্নোলোজী কম্মর্স খোঙজেল য়াংখৎহন্নবা পান্দমগা লোয়ননা ২০২২গী অঙনবা শরুক্তা হাই তেক্নোলোজী কোওপরেসন গ্রুপ (ঐচ.তি.সি.জি.) রিভাইব তৌনবা মখোয়না হোৎনরি।

লুচিংবশিংনা ইন্নোভেসন প্রোসেসশিং অমসুং মথংগী চহিচাগী ইকনোমিক অমসুং সেক্যুরিতী লেন্দস্কেপ দিফাইন তৌগদবা অনৌবা দোমেনশিং অমসুং ক্রিতিকেল অমসুং অনৌবা তেক্নোলোজী – স্পেস, সাইবর, হেল্থ সেক্যুরিতী, সেমিকন্দক্তরশিং, এ.আই, ৫জি, ৬জি অমসুং ফ্যুচর জেনরেসন তেলিকম্ম্যুনিকেসন্স তেক্নোলোজী, অমসুং ব্লোকচেন্দা অসিগুম্বা লম কয়াদা য়ুনাইতেদ স্তেতস অমসুং ভারতনা মখোয়গী পার্তনরশিপ অসি মখা চত্থনবা অমসুং পাকথক-চাউথোক্নবা ৱারেপ লৌখ্রে। লুচিংবশিংনা ক্রিতিকেল ইনফ্রাস্ত্রকচর রেজিলেন্স থৌগৎপা য়াওনা সাইবরস্পেসতা ভলনরেবিলিতীশিং অমসুং থ্রেৎশিং কোকহন্নবা ফাউন্সনেস্নেল ওইনা মথৌ তারিবা অদু মশক খঙদোকখি অমসুং মখোয়গী ঙমখৈশিংগী মনুংদা ওপরেৎ তৌইবা সাইবরক্রিমিনেলশিং লাকশিন্নবা হোৎনবা য়াওনা রেন্সমৱেয়র অমসুং অতৈ সাইবর-ইনেবল ক্রাইম লাকশিন্নবা সরকারশিংগী মরক্তা পার্তনরশিপ হেনগৎলকপদা তরাম্না ওকখ্রে। লুচিংবশিংনা তুং কোইনা চৎকদা কেপাসিতী-বিল্দিংগী মরু ওইবা অদু অমুক হন্না ফোঙদোকখ্রে অমসুং দাইলোগশিং, জোইন্ত মীতিংশিং, ত্রেনিং অমসুং খ্বাইদগী অফবা প্রেক্তিসশিং শিয়র তৌবা য়াওনা সাইবর থ্রেৎশিং রেস্পোন্দ তৌনবা ম্যুচ্যুএল তেক্নিকেল এসিস্তেন্সকী খোঙথাংশিং মরু ওইবা মীৎয়েং চংবা অমসুং হেনগৎহনবা মরু ওই হায়না নৌনা ফোঙদোকখ্রে। চহি অসিগী অরোইবা শরুক্তা আউতর স্পেস এক্তিবিতীগী লোং-তর্ম সস্তেনেবিলিতী লৈহন্নবা মাইকৈদা দেতা অমসুং সর্ভিসশিং শিয়র তৌবদা মতেং পাংগদবা স্পেস সিচ্যুএস্নেল এৱের্নেস মেমোরেন্দম ওফ অন্দরস্তেন্দিং ফাইনেলাইজ তৌনবা মাইকৈদা মখোয়না চংশিল্লি।

গ্লোবেল পার্তনরশিং ওইনা য়ুনাইতেদ স্তেতস অমসুং ভারতনা এজুকেসন, সাইন্স অমসুং তেক্নোলোজী অমসুং পিপল-তু-পিপল এঙ্গেজমেন্তদা মখোয়না চুংশিন্নরিবা অসি চেৎশিনহন্নবা ফিরেপ লৌখি। লুচিংবশিংনা চহি অসিগী অরোইবা শরুক্তা ভারত অমসুং য়ুনাইতেদ স্তেতসকী মপাল থৌরম অমসুং ঙাকশেলগী মন্ত্রীশিংগী ২+২ মিনিস্ত্রিএল দাইলোগকী খুত্থাংদা কুপ্না খন্ননবা তরাম্না ওকখ্রে।

লুচিংবশিংনা য়ুনাইতেদ স্তেতস অমসুং ভারতকী মরক্তা অখন্নবা মরী লৈরিবা অমসুং চহি ৭৫কী ময়াদা মখোয়গী পার্তনরশিপ তুং কোইনা চৎখিবা অসিদা লৈবাক অসিগী মীয়ামগী মরক্তা অচেৎপা মরী লৈবদা নুংঙাইবা ফোঙদোকখ্রে। মখোয়না প্রজা পুম্নমক্কী ওইনা ফ্রীদম, দেমোক্রেসী, য়ুনিভর্সেল হ্যুমেন রাইতস, তোলরেন্স অমসুং প্লুরেলিজম অমসুং চপ মান্নবা খুদোংচাবশিংগী শিয়র ভেল্যুশিং অমনা অমদা থৌগৎনবা অমসুং মদু ঙাক্নবা অমসুং তুং কোইবা দিবেলপমেন্ত অমসুং গ্লোবেল পীচ অমসুং সেক্যুরিতীগী মাইকৈশিংদা হোৎন্নবা অমুক হন্না থাজবা পীখি।

প্রধান মন্ত্রী মোদীনা য়ুনাইতেদ স্তেতসনা ভারত্তা অরিবা পোৎলমশিং অমুক ঐখোয়গী লৈবাক্তা অমুক হনহল্লকপদা মহাক্না থাগৎপা ফোঙদোকখ্রে। লুচিংবশিংনা হুরান চিন্থি, আইন্না য়াদবা ললোন-ইতিক তৌবা অমসুং কলচরেল ওবজেক্তশিং ত্রাফিকিং তৌবা লাকশিন্নবা মখোয়না হোৎনবা মপাঙ্গল কনখৎহন্নবা থাজবা পীখি।

য়ু.এস-ইন্দিয়া কম্প্রিহেন্সিব গ্লোবেল স্ত্রেতেজিক পার্তনরশিপ খুমাং চাউশিন্নবা রাস্ত্রপতি বাইদেন অমসুং প্রধান মন্ত্রী মোদীনা মখোয়গী শিয়র ভেল্যুশিং অমসুং প্রিন্সিপলশিং উৎনবা অমসুং স্ত্রেতেজিক কনভর্জেন্স হেনগৎনবা ৱারেপ লৌখি অমসুং য়ুনাইতেদ স্তেতস অমসুং ভারতনা পুন্না করি তৌবা য়াবগে হায়না হোৎনগনি।

***