ਬਿਜਲੀ ਮੰਤਰਾਲਾ

ਆਰਈਸੀ ਲਿਮਿਟੇਡ ਅਤੇ ਜੇ-ਪਾਲ (J-PAL) ਦੱਖਣੀ ਏਸ਼ੀਆ ਨੇ ਡੇਟਾ-ਸ਼ੇਅਰਿੰਗ ਸਮਝੌਤਾ ਕੀਤਾ

Posted On: 22 SEP 2021 3:38PM by PIB Chandigarh

ਸਮਝੌਤੇ ਦਾ ਉਦੇਸ਼ ਖਪਤਕਾਰ ਸੇਵਾ ਸਪੁਰਦਗੀ ਵਿੱਚ ਸੁਧਾਰ ਕਰਨਾ ਅਤੇ ਖਪਤਕਾਰਾਂ ਨੂੰ ਭਰੋਸੇਯੋਗ ਬਿਜਲੀ ਸਪਲਾਈ ਯਕੀਨੀ ਬਣਾਉਣਾ ਹੈ 

 

 ਆਰਈਸੀ ਲਿਮਿਟੇਡ, ਬਿਜਲੀ ਮੰਤਰਾਲੇ ਦੇ ਅਧੀਨ ਇੱਕ ਜਨਤਕ ਬੁਨਿਆਦੀ ਢਾਂਚਾ ਵਿੱਤ ਕੰਪਨੀ ਅਤੇ ਅਬਦੁਲ ਲਤੀਫ ਜਮੀਲ ਪਾਵਰਟੀ ਐਕਸ਼ਨ ਲੈਬ (ਜੇ-ਪਾਲ) ਦੱਖਣੀ ਏਸ਼ੀਆ ਦੇਸ਼ ਭਰ ਵਿੱਚ ਉਪਭੋਗਤਾ ਸੇਵਾ ਸਪੁਰਦਗੀ ਨੂੰ ਬਿਹਤਰ ਬਣਾਉਣ ਅਤੇ ਖਪਤਕਾਰਾਂ ਨੂੰ ਭਰੋਸੇਯੋਗ ਬਿਜਲੀ ਸਪਲਾਈ ਯਕੀਨੀ ਬਣਾਉਣ ਲਈ 79 ਪਬਲਿਕ ਅਤੇ ਨਿੱਜੀ ਬਿਜਲੀ ਵੰਡ ਕੰਪਨੀਆਂ (ਡਿਸਕੌਮਸ) ਦਾ ਸਾਲਾਨਾ, ਡੇਟਾ-ਅਧਾਰਿਤ ਮੁਲਾਂਕਣ ਤਿਆਰ ਕਰਨ ਲਈ ਭਾਈਵਾਲੀ ਕਰ ਰਹੇ ਹਨ।

 

 ਇਸ ਸਾਂਝੇਦਾਰੀ ਦੇ ਤਹਿਤ, ਆਰਈਸੀ ਅਤੇ ਜੇ-ਪਾਲ ਦੱਖਣੀ ਏਸ਼ੀਆ ਰੁਝਾਨਾਂ ਦਾ ਪਤਾ ਲਗਾਉਣ ਅਤੇ ਬਿਜਲੀ ਸਪਲਾਈ ਦੀ ਗੁਣਵੱਤਾ ਵਿੱਚ ਖਾਮੀਆਂ ਦੀ ਪਹਿਚਾਣ ਕਰਨ ਲਈ ਡਿਸਕੌਮਜ਼ ਸੇਵਾਵਾਂ ਦੇ ਮੌਜੂਦਾ ਅੰਕੜਿਆਂ ਦਾ ਲਾਭ ਉਠਾਉਣ ਲਈ ਸਹਿਯੋਗ ਕਰਨਗੇ। ਇਨ੍ਹਾਂ ਡੇਟਾਸੈਟਾਂ ਦੀ ਵਰਤੋਂ ਇੱਕ "ਖਪਤਕਾਰ ਸੇਵਾ ਸੂਚਕਾਂਕ" ਬਣਾਉਣ ਲਈ ਕੀਤੀ ਜਾਏਗੀ ਜੋ ਕਿ ਹੋਰ ਗੱਲਾਂ ਦੇ ਨਾਲ-ਨਾਲ ਸੇਵਾਵਾਂ ਦੀ ਸਪੁਰਦਗੀ ਦੇ ਆਕਾਰਾਂ, ਸਪਲਾਈ ਦੇ ਘੰਟਿਆਂ, ਸ਼ਿਕਾਇਤ ਨਿਵਾਰਨ ਪ੍ਰਣਾਲੀਆਂ, ਅਤੇ ਬਿਲਿੰਗ ਦੇ ਵੇਰਵਿਆਂ ਅਤੇ ਸਮਾਂ-ਸੀਮਾਵਾਂ ਦੇ ਅਧਾਰ ‘ਤੇ ਕੰਪਨੀਆਂ ਨੂੰ ਦਰਜਾ ਦੇਵੇਗੀ। 

 

 ਆਰਈਸੀ ਅਤੇ ਜੇ-ਪਾਲ ਦੱਖਣੀ ਏਸ਼ੀਆ ਇਸ ਸਾਲਾਨਾ ਮੁਲਾਂਕਣ ਤੋਂ ਡਿਸਕੌਮਜ਼ ਦੇ ਸਾਹਮਣੇ ਉਭਰਨ ਵਾਲੀਆਂ ਚੁਣੌਤੀਆਂ ਦਾ ਹੱਲ ਕਰਨਗੇ ਅਤੇ ਬੇਤਰਤੀਬੇ ਮੁਲਾਂਕਣਾਂ ਦੀ ਵਰਤੋਂ ਕਰਦੇ ਹੋਏ ਪਾਇਲਟ ਕਰਨ ਦੇ ਨਾਲ-ਨਾਲ ਸੰਭਾਵੀ ਸਮਾਧਾਨਾਂ ਦੀ ਜਾਂਚ ਕਰਨਗੇ। ਜੇ-ਪਾਲ ਦੱਖਣੀ ਏਸ਼ੀਆ ਆਰਈਸੀ ਦੁਆਰਾ ਕੀਤੇ ਗਏ ਹੋਰ ਪ੍ਰੋਗਰਾਮਾਂ ਦੇ ਨਾਲ ਨਾਲ ਵਧੇਰੇ ਸਟੀਕ ਅਤੇ ਪਾਰਦਰਸ਼ੀ ਬਿਲਿੰਗ ਪ੍ਰਣਾਲੀਆਂ ਲਈ ਸਮਾਰਟ ਮੀਟਰਿੰਗ ਵਰਗੇ ਨਵੀਨਤਾਕਾਰੀ ਸਮਾਧਾਨਾਂ ਦੀ ਪ੍ਰਭਾਵਸ਼ੀਲਤਾ ਦਾ ਮੁਲਾਂਕਣ ਕਰਨ ਲਈ ਗੁੰਜਾਇਸ਼ਾਂ ਬਾਰੇ ਅਧਿਐਨ ਵੀ ਕਰੇਗਾ। 

 ਇਸ ਸਾਂਝੇਦਾਰੀ ਦੇ ਜ਼ਰੀਏ, ਆਰਈਸੀ (REC) ਅਤੇ ਜੇ-ਪਾਲ (J-PAL) ਦੱਖਣੀ ਏਸ਼ੀਆ ਦਾ ਉਦੇਸ਼ ਡਿਸਕੌਮਜ਼ ਨੂੰ ਉਨ੍ਹਾਂ ਦੀਆਂ ਸੇਵਾਵਾਂ ਵਿੱਚ ਖਾਮੀਆਂ ਦੀ ਪਹਿਚਾਣ ਕਰਨ ਦੇ ਨਾਲ ਨਾਲ ਬਿਜਲੀ (ਖਪਤਕਾਰਾਂ ਦੇ ਅਧਿਕਾਰ) ਨਿਯਮ 2020 ਦੇ ਅਨੁਸਾਰ ਘਰਾਂ ਲਈ ਬਿਜਲੀ ਦੀ ਵਧੇਰੇ ਭਰੋਸੇਯੋਗ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਇੱਕ ਪਾਰਦਰਸ਼ੀ ਅਤੇ ਸਬੂਤ ਅਧਾਰਿਤ ਚੈਨਲ ਮੁਹੱਈਆ ਕਰਵਾਉਣਾ ਹੈ। ਡਿਸਕੌਮਸ ਦੀ ਸਾਲਾਨਾ ਦਰਜਾਬੰਦੀ ਰਿਪੋਰਟ ਪਬਲਿਕ ਲਈ ਵੀ ਉਪਲਬਧ ਹੋਵੇਗੀ, ਜਿਸ ਨਾਲ ਰਾਜਾਂ ਵਿੱਚ ਬਿਜਲੀ ਦੀ ਵਿਵਸਥਾ ਵਿੱਚ ਵਧੇਰੇ ਜਵਾਬਦੇਹੀ ਦੇ ਰਾਹ ਤਿਆਰ ਹੋਣਗੇ।

 ਇੱਕ ਸਮਾਰੋਹ ਦੌਰਾਨ ਆਰਈਸੀ ਦੇ ਕਾਰਜਕਾਰੀ ਡਾਇਰੈਕਟਰ ਆਰ ਲਕਸ਼ਮਣਨ (ਆਈਏਐੱਸ) ਅਤੇ ਜੇ-ਪਾਲ ਦੱਖਣੀ ਏਸ਼ੀਆ ਦੇ ਕਾਰਜਕਾਰੀ ਡਾਇਰੈਕਟਰ ਸ਼ੋਭਿਨੀ ਮੁਕਰਜੀ ਨੇ ਸਮਝੌਤੇ 'ਤੇ ਦਸਤਖਤ ਕੀਤੇ।

 ਜੇ-ਪਾਲ ਦੱਖਣੀ ਏਸ਼ੀਆ ਆਰਈਸੀ ਲਿਮਿਟੇਡ ਨੂੰ ਪ੍ਰੋਫੈਸਰ ਨਿਕੋਲਸ ਰਯਾਨ (ਯੇਲ ਯੂਨੀਵਰਸਿਟੀ; ਜੇ-ਪਾਲ ਨਾਲ ਜੁੜੇ ਪ੍ਰੋਫੈਸਰ) ਦੀ ਅਗਵਾਈ ਵਿੱਚ ਤਕਨੀਕੀ ਖੋਜ ਸਹਾਇਤਾ ਦੇਵੇਗਾ, ਅਤੇ ਡਾਟਾ ਇਕੱਤਰ ਕਰਨ ਅਤੇ ਵਰਤੋਂ ਬਾਰੇ ਸਮਰੱਥਾ ਨਿਰਮਾਣ ਵੀ ਪ੍ਰਦਾਨ ਕਰੇਗਾ।

 

  *********

 

ਐੱਮਵੀ/ਆਈਜੀ



(Release ID: 1757243) Visitor Counter : 37