ਮਹਿਲਾ ਤੇ ਬਾਲ ਵਿਕਾਸ ਮੰਤਰਾਲਾ
ਪੋਸ਼ਣ ਅਭਿਯਾਨ ‘ਤੇ ਖੇਤਰੀ ਆਉਟਰੀਚ ਬਿਉਰੋ, ਗੁਵਾਹਾਟੀ ਦੇ ਦੁਆਰਾ ਵੈਬੀਨਾਰ ਦਾ ਆਯੋਜਨ
Posted On:
21 SEP 2021 5:35PM by PIB Chandigarh
ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਸੱਦੇ ਦੇ ਨਾਲ ਬੱਚਿਆਂ , ਕਿਸ਼ੋਰਾਂ , ਗਰਭਵਤੀ ਮਹਿਲਾਵਾਂ ਅਤੇ ਦੁੱਧ ਚੁੰਘਾਉਣ ਵਾਲੀਆਂ ਮਾਤਾਵਾਂ(Lactating mothers) ਵਿੱਚ ਪੋਸ਼ਣ ਨਾਲ ਜੁੜੀਆਂ ਸਥਿਤੀਆਂ ਵਿੱਚ ਸੁਧਾਰ ਅਤੇ ਕੁਪੋਸ਼ਣ ਦੇ ਮੁੱਦਿਆਂ ਨੂੰ ਮਿਸ਼ਨ ਮੋਡ ਵਿੱਚ ਸੁਲਝਾਉਣ ਲਈ ਸਤੰਬਰ ਮਹੀਨੇ ਦੇ ਦੌਰਾਨ ਦੇਸ਼ ਭਰ ਵਿੱਚ ‘ਪੋਸ਼ਣ ਮਾਹ’ ਮਨਾਇਆ ਜਾ ਰਿਹਾ ਹੈ । ਇਸੇ ਕ੍ਰਮ ਵਿੱਚ ਖੇਤਰੀ ਆਉਟਰੀਚ ਬਿਉਰੋ, ਗੁਵਾਹਾਟੀ ਨੇ ਮੰਗਲਵਾਰ ਨੂੰ ਪੋਸ਼ਣ ਅਭਿਯਾਨ ‘ਤੇ ਵੈਬੀਨਾਰ ਆਯੋਜਿਤ ਕੀਤਾ ਜਿਸ ਵਿੱਚ ਪੋਸ਼ਣ ਦੇ ਮਹੱਤਵ ‘ਤੇ ਚਰਚਾ ਕੀਤੀ ਗਈ। ਵੈਬੀਨਾਰ ਦਾ ਵਿਸ਼ਾ ‘ਪੋਸ਼ਣ ਅਭਿਯਾਨ-ਮਹਿਲਾਵਾਂ ਅਤੇ ਬੱਚਿਆਂ ਵਿੱਚ ਪੋਸ਼ਣ ਅਤੇ ਪ੍ਰਤੀਰੱਖਿਆ’ ਸੀ ।
ਆਪਣੇ ਸੁਆਗਤ ਭਾਸ਼ਣ ਵਿੱਚ ਸ਼੍ਰੀ ਅਰਿਜੀਤ ਚਕਰਵਰਤੀ, ਡਿਪਟੀ ਡਾਇਰੈਕਟਰ, ਆਰਓਬੀ, ਗੁਵਾਹਾਟੀ ਨੇ ਇਸ ਗੱਲ ‘ਤੇ ਚਾਨਣਾ ਪਾਇਆ ਕਿ ਕਿਵੇਂ ਪੋਸ਼ਣ ਅਭਿਯਾਨ ਅਗਲੇ ਤਿੰਨ ਸਾਲਾਂ ਵਿੱਚ ਕੁਪੋਸ਼ਣ ਵਿੱਚ ਜ਼ਿਕਰਯੋਗ ਢੰਗ ਨਾਲ ਕਮੀ ਲਿਆ ਸਕਦਾ ਹੈ । ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਮਿਸ਼ਨ ਦਾ ਮੁੱਖ ਉਦੇਸ਼ ਕੁਪੋਸ਼ਣ ਵਿੱਚ ਕਮੀ ਲਿਆਉਣ ਅਤੇ 2022 ਤੱਕ ਦੇਸ਼ ਵਿੱਚ ਬੱਚਿਆਂ ਦੇ ਪੋਸ਼ਣ ਪੱਧਰ ਨੂੰ ਵਧਾਉਣਾ ਹੈ ।
ਡਾ. ਪੂਜਾ ਜੈਸਵਾਲ, ਐੱਮਬੀਬੀਐੱਸ, ਕਲੀਨਿਕਲ ਐਂਡ ਸਪੋਰਟਸ ਨਿਊਟ੍ਰੀਸ਼ਨਿਸਟ, ਨੇ ਕਿਹਾ ਕਿ ਜੀਵਨ ਦੇ ਹਰ ਪੜਾਅ ਵਿੱਚ ਸਿਹਤ ਅਤੇ ਸਿਹਤ ਲਈ ਪੋਸ਼ਣ ਜ਼ਰੂਰੀ ਹੈ। ਉਨ੍ਹਾਂ ਨੇ ਕੁਪੋਸ਼ਣ ਦੇ ਜੀਵਨ ਚੱਕਰ ‘ਤੇ ਅਸਰ ਦੇ ਮੁੱਦਿਆਂ ਨੂੰ ਹੱਲ ਕਰਨ ਲਈ ਪੋਸ਼ਣ ਅਭਿਯਾਨ ਦੀ ਚਰਚਾ ਇੱਕ ਪ੍ਰੋਗਰਾਮੈਟਿਕ ਦ੍ਰਿਸ਼ਟੀਕੋਣ ਦੇ ਰੂਪ ਵਿੱਚ ਕੀਤੀ। ਉਨ੍ਹਾਂ ਨੇ ਵਿਸ਼ੇਸ਼ ਰੂਪ ਨਾਲ ਗਰਭਵਤੀ ਮਹਿਲਾਵਾਂ ਲਈ ਸੰਤੁਲਿਤ ਆਹਾਰ ਦੇ ਮਹੱਤਵ ‘ਤੇ ਚਾਨਣਾ ਪਾਇਆ। ਉਨ੍ਹਾਂ ਨੇ ਮਾਤਾਵਾਂ ਦੇ ਆਹਾਰ ਵਿੱਚ ਲੜੀਂਦਾ ਪ੍ਰੋਟੀਨ ਸੇਵਨ ‘ਤੇ ਜ਼ੋਰ ਦਿੱਤਾ ਅਤੇ ਪ੍ਰਤਿਭਾਗੀਆਂ ਨੂੰ ਗਰਭਅਵਸਥਾ ਦੇ ਦੌਰਾਨ ਐਨੀਮੀਆ ਤੋਂ ਬਚਣ ਲਈ ਸੰਤੁਲਿਤ ਆਹਾਰ ਦੀ ਜ਼ਰੂਰਤ ਬਾਰੇ ਦੱਸਿਆ ।
ਸ਼੍ਰੀਮਤੀ ਰੋਨਿਕਾ ਦੇਵਰਿਸ਼ੀ, ਸਲਾਹਕਾਰ, ਐੱਸਪੀਐੱਮਯੂ , ਪੋਸ਼ਣ ਅਭਿਯਾਨ , ਅਸਾਮ ਨੇ ਇਸ ਗੱਲ ‘ਤੇ ਚਾਨਣਾ ਪਾਇਆ ਕਿ ਕਿਵੇਂ ਕਿਸ਼ੋਰਾਂ , ਬੱਚਿਆਂ , ਗਰਭਵਤੀ ਮਹਿਲਾਵਾਂ ਅਤੇ ਸਤਨਪਾਨ ਕਰਾਉਣ ਵਾਲੀਆਂ ਮਾਤਾਵਾਂ ਦੇ ਪੋਸ਼ਣ ਸੰਬੰਧੀ ਸਥਿਤੀਆਂ ਵਿੱਚ ਸੁਧਾਰ ਲਈ ਭਾਰਤ ਦੀ ਪ੍ਰਮੁੱਖ ਯੋਜਨਾ ਦੇ ਰੂਪ ਵਿੱਚ ਪੋਸ਼ਣ ਅਭਿਯਾਨ ਦੀ ਪਰਿਕਲਪਨਾ ਕੀਤੀ ਗਈ ਹੈ। ਉਨ੍ਹਾਂ ਨੇ ਰਾਜ ਵਿੱਚ ਪੋਸ਼ਣ ਅਭਿਯਾਨ ਦੁਆਰਾ ਕੀਤੀਆਂ ਗਈਆਂ ਕਈ ਗਤੀਵਿਧੀਆਂ ਅਤੇ ਪੋਸ਼ਣ ਮਾਹ ਦੇ ਦੌਰਾਨ ਕੀਤੀਆਂ ਗਈਆਂ ਵਿਸ਼ੇਸ਼ ਗਤੀਵਿਧੀਆਂ ‘ਤੇ ਚਾਨਣਾ ਪਾਇਆ।
ਸ਼੍ਰੀਮਤੀ ਡਬਲਿਊ ਪੰਥੋਬੀ ਸਿੰਘਾ ਨੇ ਵੈਬੀਨਾਰ ਦਾ ਸੰਚਾਲਨ ਅਤੇ ਸਾਰ ਪੇਸ਼ ਕੀਤਾ ਅਤੇ ਸ਼੍ਰੀਮਤੀ ਸਿਮਤਾ ਸੈਕੀਆ, ਐੱਮਸੀਓ , ਪੀਆਈਬੀ ਨੇ ਬੁਲਾਰਿਆਂ ਅਤੇ ਮੌਜੂਦ ਪ੍ਰਤਿਭਾਗੀਆਂ ਦਾ ਧੰਨਵਾਦ ਪ੍ਰਸਤਾਵ ਦੇ ਨਾਲ ਵੈਬੀਨਾਰ ਦੀ ਸਮਾਪਤੀ ਟਿੱਪਣੀ ਦਿੱਤੀ। ਵੈਬੀਨਾਰ ਵਿੱਚ ਖੇਤਰ ਦੀ ਆਂਗਨਵਾੜੀ ਵਰਕਰਾਂ ਅਤੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਅਧਿਕਾਰੀਆਂ ਨੇ ਭਾਗ ਲਿਆ ।
*****
(Release ID: 1757031)
ਵਿਜ਼ੀਟਰ ਕਾਊਂਟਰ : 191