وزیر اعظم نریندر مودی کی اپیل پر   ملک بھر میں  ستمبر  مہینے میں بچوں ، نو عمر ، حاملہ خواتین  اور دودھ پلانے والی ماؤوں کے لئے  غذائیت  کے نتائج کو بہتر بنانے  اور سوئے تغذیہ  کے مسلے کو  حل کرنے کے لئے  ایک مشن موڈ میں پوشن ماہ منایا جا ر ہا ہے ۔ اسی مناسبت سے  منگل کے روز علاقائی آؤٹ ریچ بیورو، گوہاٹی  نے ایک ویبنار کا اہتمام کیا جہاں غذائیت کی اہمیت پر تبادلہ خیال کیا گیا ۔ ویبنار کا موضوع  ‘ پوشن ابھیان – غذائیت  اور خواتین اور بچوں کے درمیان قوت مدافعت تھا۔

گوہاٹی  میں آر او بی کے  ڈپٹی ڈائریکٹر جناب اریجیت  چکر بورتی  نے  اپنے استقبالیہ خطاب میں  اس بات پر روشنی ڈالی کہ کس طرح پوشن ابیان اگلے تین سالوں میں غذائی قلت کو کم کرنے کے لئے نمایاں  ارادہ  رکھتا  ہے ۔ انہوں نے  غذائیت  کی کمی کی سطح کو کم کرنے لئے مشن کے اہم مقاصد سے  بھی مطلع کیا  ۔ انہوں نے مزید بتایا کہ  ملک میں 2022 تک بچوں کی غذائی حیثیت میں  بھی اضافہ کرنامشن کا مقصد ہے ۔

ایم بی بی ایس ، کلنیکل  اور اسپورٹس نیوٹرینسٹ ڈاکٹر  پوجا  جیسوال نے بتایا کہ  زندگی کے ہر مرحلے میں صحت و تندروستی کے لئے  غذائیت سے بھرپور خوراک  لازمی ہے ۔ انہوں نے  سوئے  تغذیہ  کے انداز حیات کے مسلے کو حل کرنے میں  پروگرامیٹک  نقطہ نظر کے طور پر  پوشن ابھیان  پر تبادلہ خیال کیا ۔ انہوں نے خاص طور سے حاملہ خواتین کے لئے  متوازن خوراک  لینے کی اہمیت پر روشنی ڈالی ۔ انہوں نے زچگی  کے دوران مناسب پروٹین لینے کی ضرورت پر زور دیا اور حمل کے دوران خون کی کمی کو دور کرنے کے لئے صحت مند غذا  لینے کی ضرورت کے تعلق سے شرکاء  کو مطلع کیا  ۔

آسام میں کنسلٹینٹ ، ایس پی ایم یو ، پوشن ابھیان  محترمہ رونیکا  دیوارشی نے اس بات پر روشنی ڈالی کہ کس طرح پوشن ابھیان نو عمروں ، بچوں ،حاملہ خواتین اور دودھ پلانے والی ماؤو ں    کے غذائی نتائج کو بہتربنانے کے لئے بھارت کی پرچم بردار  اسکیم بن گئی ہے انہوں نے ریاست میں پوشن ابھیان کے ذریعہ  انجام دی جا رہی مختلف سرگرمیوں  اور  پوشن ماہ کے دوران کئے گئے مختلف اقدامات پر روشنی ڈالی۔

محترمہ ڈبلیو پنتھوبی  سنگھا  نے پروگرام کی نظامت کی  اور  پی آئی بی میں ایم سی او محترمہ  اسمیتا  سائیکیا نے اسپیکرزاور وہاں موجود شرکاء کا شکریہ ادا کرنے کے ساتھ  ویبنار میں اختتامی کلمات  پیش کیں ۔ ویبنار میں آگن واڈی کارکنان اور  خطّے سے تعلق رکھنے والے اطلا عات  و نشریات   کے عہدیداران  نے شرکت کی ۔

*************

( ش ح ۔ ع ح ۔ ر ب(

U. No.9255