ভিদিও কনফরেন্সিংগী খুত্থাংদা এগ্রিকলচর ফোর রবি কেম্পেন ২০২১গী নেস্নেল কনফরেন্স শঙ্গারদুনা, কেন্দ্রগী লৌউ-শিংউ মন্ত্রী, শ্রী নরেন্দ্র সিংহ তোমারনা রাজ্যশিংনা পোত্থোক পুথোকপা হেনগৎপা অমসুং ক্লাইমেৎ চেঞ্জ অমদি রেনফেদ এগ্রিকলচরনা থোকহনবা শিংনবা কয়া থেংনবদা কেন্দ্র সরকারনা মপুং ওইবা তেংবাংনবা খোঙফম চেৎলি হায়না ফোংদোকখ্রে। প্রধান মন্ত্রীনা লৌমীশিংবু ঙাক-শেন্নবা অমসুং ঙাক্লৌ পীবগী পান্দমদা মতম পুম্বদা খোঙফম চেৎলি অমসুং ‘আত্মানির্ভর কিশান’ ওইহন্নবা খোঙথাং কয়া অমসু পায়খৎলি হায়না মখা তানা ফোংদোকখি।

মন্ত্রীনা রাজ্যশিংদা মৈ, ঈশিং অমসুং হার নীংথিজনা শিজিন্ননবা অমসুং লৈবাক লৈহাও হেন্না ফহন্নবগীদমক্তা খরা হোঙবা নেনো-য়ুরিয়া শিজিন্ননবা ৱাফমসু ফোংদোকখি। অপিকপা লৌমীশিংদা সরকারনা পীরিবা তোঙানবা স্কিম কয়াগী কান্নবা ফংহন্নবগীদমক্তা কে.ভি.কে.গী কৃষি বিগ্যান কেন্দ্রশিংনা পাউ ফাওগদবনি হায়না মন্ত্রীনা হায়খি। লৌমী খুদিংদা পি.এম. কিসান অমসুং কে.সি.সি. শোইদনা ফংহন্নবা রাজ্যশিংনা হোৎনগদবনি। হৌজিক ফাওবদা, কে.সি.সি. করোর ২.২৫ হেন্না য়েন্থোকখ্রে অমসুং মসিগী খুত্থাংদা লুপা লাখ করোর ২.২৫ হেনবগী লোনসু লৌমীশিংদা পীখ্রবনি। পি.এম. ফসল বিমা য়োজনানা লৌমীশিংদা প্রোতেক্তিব কভর্সু ফংহল্লিবনি হায়না মহাক্না মখা তানা ফোংদোকখি।

কনফরেন্স অসিগী পান্দমদি হৌজিক চৎলিবা কুমগী মমাংদা ওইখিবা লৌরোক্কী ফিভম য়েংশিনবা অমসুং রাজ্য সরকারগা খন্নদুনা রবি কুমগী লৌরোক্কী পান্দম থম্বা, মরু ওইবা ইনপুৎ পীবা অমসুং লৌরোক হেনগৎপগী পান্দম থমদুনা অনৌবা তেক্নোলোজী শিজিন্নবগী খুদোংচাবা ফংহনবনি। সরকারগী ওইনা খ্বাইদগী হান্না পাংথোক্কদবা থৌওংদি থাউ থোকপা মরু অমসুং হৱাই পুথোকপা হেনগৎপনি।

রবি কুমগীদমক্তা লৌরোক শেন্নবগী থৌওং-থৌশিলগী অকুপ্পা প্রজেন্তেসন অমা শেম্লদুনা, দাঃ এস.কে. মলহোত্রা, এগ্রিকলচর কম্মিস্নরনা লৈবাক অসিনা সরকারনা মতম চানা তেংবাংবদগী হৱাই-চেংৱাই অমসুং থাউ থোকপা মরু পুথোকপদা হান্নদগী হেন্না খ্বাইদগী য়াম্না পুথোকপা ঙম্লে হায়খি। হৌজিক্তি, থাউ থোকপা মরু, হৱাই অমসুং মলতি সিরিএল পুথোকপদা অখন্নবা মিৎয়েং চঙলবনি। মহাক্না ইং ২০২১-২২গী লৌরোক পুথোকপগী পান্দমসু শুগায়না তাকখি।

মহাক্কী প্রজেন্তেসন অদুদা, রবি ২০২১-২২গী মথৌ তাবশিং অমদি মরু হুন্নবা লৈবগী মশিং অমসুং মদুগীদমক্তা শিজিন্নগদবা অমসুং মথৌ তাগদবা হারগী মতাংদসু কুপ্না পনখি।

কেন্দ্রগী রাজ্য মন্ত্রী (এ. অমসুং এফ.দবল্যু) সুশ্রী সোভা করন্দলাজেনা রাজ্যশিংনা মগুন লৈবা মরু অমসুং হারশিং লৌমীশিংদা শোইদনা ফংহনগদবনি হায়বা ৱাফমসু থমখি।

খরিফ ২০২১-২২গী মনুংদা, হৱাইগী মিনিকিৎ মরু (অর্হর, উরাদ অমসুং মুং) লাখ ১০.৯০ য়েন্থোকখি অমসুং রবি ২০২১-২২গী হান্নদগী খ্বাইদগী হেনবা লেন্তিলগী মিনিকিৎ মরু, হায়বদি রাজ্যশিংদা লাখ ২.০৬ য়েন্থোকখি। থাউ থোকপা মরুগী মতাংদনা, মরু মিনিকিৎ লাখ ২.১৪ (সোয়বীন, গ্রাউদ নৎ অমসুং সীসামম) অসি খরিফ ২০২১-২২গী মনুংদা য়েন্থোকখি অমসুং রবি ২০২১-২২গী ওইনা মিনিকিৎ মরু (মস্তার্দ, গ্রাউন্দ নৎ, লিনসীদ অমসুং সেফ্লোৱর) লাখ ৮.৬৭ য়েন্থোকখি। মসিগী থাউ থোকপা মরু অমদি হৱাইগী অনৌবা ঐচ.ৱাই.ভি.গী মিনিকিৎ মরুনা লৌমীশিংদা য়ৌদুনা পোত্থোক পুথোকপা হেনগৎপদা তেংবাংগনি।

রবি কুমদা মস্তার্দ, নুমিৎলৈ অমসুং ওইল পাল্মদা অখন্নবা মিৎয়েং থম্লদুনা থাউ থোকপা মরু পুথোকপা হেনগৎহন্নবা অখন্নবা কেম্পেনসু হৌদোক্কনি। হন্দক্তা হৌদোকখিবা ওইল পাল্ম মিসন্না আন্ধ্র প্রদেশ, তেলঙ্গানা, কর্নাতকা, তমিল নাদু, ওরিশা, গুজরাত, ছতিসগর, অৱাং-নোংপোক রাজ্যশিং অমসুং অন্দমান অমদি নিকোবরদা লাখ ঐচ.এ. ৬.৫০গী অহেনবা লমসু ওইল পাল্ম থাবগীদমক্তা শিজিন্নগনি। মসিনা ওইল পাল্ম থাবগী লমগী শরুক্তা লাখ হেক্ত্যার ৬.৫ হেনগত্তুনা ইং ২০২৫-২৬কী মনুংদা লাখ হেক্ত্যার ১০.০০ (মসিগী মনুংদা লাখ হেক্ত্যার ৩.২২না ভারতকী অতোপ্পা মফমশিংগীনি অমসুং লাখ হেক্ত্যার ৩.৩৮না অৱাং-নোংপোক লমদমগীনি) অমসুং ২০২৯-৩০গী মনুংদা লাখ হেক্ত্যার ১৬.৭১ য়ৌহনগনি। ক্রুদ পাল্ম ওইল (সি.পি.ও.) পুথোকপগী চাং অসি ২০২৫-২৬কী মনুংদা লাখ তোন ১১.২০দা হেনগৎকনি অমসুং ২০২৯-৩০দনা লাখ তোন ২৮.১১দা হেনগৎকনি হায়বগী থাজবা থম্নরি। অখন্নবা মস্তার্দ অসি মরু ওইবা রেপসীদ ১১ অমসুং মস্তার্দ থাবা রাজ্যশিংদা পোত্থোক পুথোকপা হেনগৎহন্নবা পীথগনি। পোত্থোক পীবগী চাংনা ২০ ক্যু./ঐচ.এ.দগী হেন্না পুথোকপা ঙমগদবা অনৌবা মখলশিং অসি মখোয়শিংবু মীয়ামদা হেন্না শকখঙহন্নবা অমসুং পুথোকপগী চাং হেনগৎহন্নবগীদমক্তা মিনিকিৎ মরু ওইনা য়েন্থোক্কনি। হাইব্রিদ মখলশিংদা মিৎয়েং চঙবগা লোয়ননা নুমিৎলৈসু অখন্নবা মিৎয়েং চঙদুনা লৈগনি।

শ্রী সঞ্জয় অগর্ৱাল, সেক্রেতরী, এম.ও.এ.এফ.দবল্যু., শ্রী রাজেশ কুমার চতুর্বেদী, সেক্রেতরী, দিপার্তমেন্ত ওফ ফর্তিলাইজর, জি.ও.আই., দাঃ ত্রিলোচান মহাপাত্রা, সেক্রেতরী, দি.এ.আর.ই. অমসুং দি.জি., আই.সি.এ.আর.না রবি কুমগী মউংদা লৌরোক থাবগী শিংনবা অমসুং থৌশিল থৌরাংগী মতাংদা রাজ্যশিংদা পাউতাক কয়া পীখি। দি.এ.সি. অমসুং এফ.দবল্যু., আই.সি.এ.আর.গী অতোপ্পা সেনিয়র ওফিসরশিং অমদি তোঙান-তোঙানবা রাজ্য সরকারশিংগী ওদফিসরশিংনা নেস্নেল কনফরেন্স অসিদা ভিদিও কনফরেন্সিংগী খুত্থাংদা শরুক য়ানখি।

প্রজেন্তেসনগীদমক্তা মফম অসিদা ক্লিক তৌবীয়ু

*****