وزارت خزانہ
azadi ka amrit mahotsav g20-india-2023

انکم ٹیکس محکمے نے دہلی، پنجاب اور مغربی بنگال میں تلاشی کی کارروائیاں انجام دیں

Posted On: 21 SEP 2021 1:20PM by PIB Delhi

انکم ٹیکس محکمے نے 18 ستمبر2021 کو ہندوستان کے  ایک  ایسےسرکردہ  کاروباری گھرانے کے خلاف تلاشی اور ضبط کرنے کی کارروائی انجام دی جو کپڑا اور لچھی والے دھاگے بناتا ہےاور اس کے کارپوریٹ دفاتر دہلی ، پنجاب اور کولکاتہ میں واقع ہیں ۔

تلاشی کی کارروائی کے دوران کئی قابل اعتراض دستاویز لوز شیٹس ،ڈائریاں ،ڈیجیٹل ثبوت وغیرہ برآمد ہوئے ہیں جن میں اس بات کا ذکر ہے کہ  اس گروپ  نے اپنی ہندوستانی کمپنیوں میں بلا حساب کتاب والے فنڈس  یا سرمایہ کاروبار میں لگایا ہے ،اس کے ایسے غیر ملکی بینک کھاتوں کا بھی پتہ چلا ہے جس کے بارے میں محکمہ کو معلوم نہیں تھا۔کھاتوں کی کتابوں کے باہر لین دین کے خاطر خواہ ثبوت بھی ملے ہیں۔ زمین کے سودوں میں نقد لین دین کا بھی پتہ چلا ہے ،کھاتوں کی کتابوں میں بوگس اخراجات بھی دیکھے گئے ہیں ۔اینٹری اوپریٹرسے بنا حساب کتاب والے نقد لین دین  اورایکوموڈیشن انٹریاں بھی ضبط کی گئی ہیں۔

اس گروپ نے اپنے غیر ملکی کھاتوں میں تقریباً 350 کروڑ روپے کا بغیر حساب کتاب والا فنڈ بھی برقرار رکھا ہے اور ٹیکس سے محفوظ رہنے کیلئے جعلی ادارے قائم کرکے واپس اپنے سرمایہ کو کاروبار میں لگایا ہے۔یہ بھی بات سامنے آئی ہے کہ غیر ملکی کمپنیوں اور ٹرسٹوں کو بلا حساب کتاب والی رقوم کی دیکھ بھال کیلئے مینجمنٹ فیس ادا کی جارہی ہے۔

تلاشی کی کارروائی ابھی بھی جاری ہے اور اس سلسلے میں مزید پوچھ تاچھ جاری ہے۔

******

( ش ح۔ ح ا ۔م ش)

U. No. 9228



(Release ID: 1756698) Visitor Counter : 133