হকশেল অমসুং য়াইফ-য়ুম্বালগী কেন্দ্রগী রাজ্য মন্ত্রী, দা. ভারতি প্রবীন পাওয়ারনা শরুক য়াদুনা ঙসি মফম অসিদা পাংথোকখিবা ৱর্ল্দ পেসেন্ত দে থৌরমদা হকশেল অমসুং য়াইফ-যুম্বালগী কেন্দ্রগী মন্ত্রী, শ্রী মনসুখ মান্দাভিয়ানা থৌবুরেল ওইনা শরুক য়াখি৷

২০২১গী সেপ্তেম্বর ১১দগী ১৭ ফাওবা ভারত্তা পাংথোকখিবা “রোগি সুরক্সা সপ্তাহ”গী থৌরম অদু ৱর্ল্দ পেসেন্ত সেফতী দেনা অমুক্কা হেন্না মপুং ফাহনখি৷ চহি অসিগী ৱর্ল্দ পেসেন্ত সেফতী দেগী থীম অদুদি ‘’মেতর্নেল অমদি ন্যু-বোর্ন কেয়রদা সেফতী’’ ওইহনবা হায়বনি৷

কেন্দ্রগী হকশেল মন্ত্রীনা পব্লিক হেল্খ ফেসিলিতীস ২০২১দা ক্বালিতী এসুরেন্সকী ওপরেস্নেল গাইদলাইনশিং, এন.ক্ব্যু.এ.এস. ইনিসিয়েতিবকী মখাদা লৈরিবা মরু ওইা এচিবমেন্তশিং অমদি লর্নিংশিংগী মতাংদা থা তরুক খুদিংগী ফোংলিবা ক্বালিতী দর্পন, এপ্রীল-জুন ২০২১দা চয়েলগী ওইনা ফোংলিবা প্রোগ্রেস রিপোর্ত ই-বূকলেত অয়ুশমান ভারত হেল্থ অমসুং ৱেল্নেস সেন্তর, ইন্তিগ্রেতেদ আর.এম.এন.সি.এ.ঐচ.+এন কাউন্সিলিংগী রিফরেন্স মেনুএল রিলিজ তৌখি৷

হেল্থ ফেসিলিতীশিংদা ক্বালিতী সর্ভিসশিং অঙাংশিংদা ফংহন্নবা পান্দম থম্লিবা স্কিম অমা মুস্কান মেতর্নেল পেরিনেতেল চাইল্দ দেথ সর্ভিলেন্স রেস্পোন্স(এম.পি.সি.দি.এস.আর.) সোফতৱেয়রগা লোইননা কেন্দ্রগী হকশেল মন্ত্রীনা লোঞ্চ তৌখি৷

নেস্নেল ক্বালিতী এসুরেন্স স্তেন্দর্দ(এন.ক্ব্যু.এ.এস.) অমদি লকশ্য চৎনহনবদা রাজ্যশিং অমদি য়ু.তি.শিংগী পর্ফোমেন্স অদুগীদমক শ্রী মান্দাবিয়ানা থৌরম অদুদা রাজ্যশিং অমদি য়ু.তি.শিং অদুবুসু থাগৎখি৷ মখাগী রাজ্যশিং/য়ু.তি.শিং অসিদা মনা পীখি:

লকশ্য স্কিমগী মখাদা মখাগী রাজ্যশিং/য়ু.তি.শিং অসি মনা পীখি

এৱার্দীশিংবু থাগৎলদুনা, ক্বালিতী অসি খোঙচৎনি অমদি মসি ৱান-তাইম এক্তিবিতী অমা নত্তে, মসি ঐখোয়গী নুংতি-নুমিৎতী থবকশিংদা পুন্দুনা য়াওগদবনি: “মদু হৈনবী অমা ওইরক্কদবনি৷ অরিবা মতমগী হেল্থকেয়র প্রেক্তিস লেপ্প-লৈতনা চত্থরকপনা পেসেন্তশিং তেক্ত-কাইদবা ওইহল্লকপনি৷  মোদিফিকেসন খরা খজিক্তমক তৌদুনা ঙসি ফাওবা শিজিন্নদুনা লাক্লিবা মেদিকেল ইন্সত্রুমেন্ত কয়া অমা সুশ্রুতাগী চরকা সমহিতানা পল্লি” হায়না কেন্দ্রগী হকশেল মন্ত্রীনা ফোংদোকখি৷ মসিনা মীপুম খুদিংমক্কী পুন্সি ঙাক শেনবদা ঐখোয়গী ইপা-ইপুশিংনা কৎথোকলম্বা অদু উৎখি হায়না মহাক্না মখাতাখি৷

প্রোসেসশিং অসি পেসেন্ত-সেন্ত্রিক ওইহন্নবা শ্রী মান্দিভিয়ানা ইন্সতিত্যুসন মেনেজর খুদিংমক্তা হায়জখি৷ “অনাবা মীওইশিংদা হেল্থকেয়র ৱর্করশিংনা উৎলিবা শাজৎ অদুসু লাইয়েং চত্থবগী য়াম্না মরু ওইবা শরুক অমনি” হায়না মহাক্না ফোংদোকখি৷

পব্লিক হেল্থ ফেসিলিতীশিংদা প্রজা মীয়ামগী থাজবা অমদি কনফিদেন্স অদু অমুক হন্না লৈহনবদা এন.ক্ব্যু.এ.এস. অমদি লকশ্য, কয়কাল্প, মেরাঅস্পাতলগুম্বা স্কিমশিংনা য়াম্না মরু ওইবা থৌদাং অমা লৌখ্রে হায়বসি মহাক্না মখাতানা উবা ফংখি৷ কেয়রগী ক্বালিতী হেনগৎনবা হোৎনবদা রাজ্যশিং/য়ু.তি.শিংনা উৎলিবা থৌনা অমদি মখোয়গী কল্লেক্তিব ইফর্তশিং অসি মখাতানা অদুমক লৈরগনি হায়না মহাক্না খনখি৷

ভারত অমদি মালেমদা লৈরিবা অঙাংশিংগী স্তেতিস্তিকশিংগী অকুপ্পা মরোলশিং অদু পল্লদুনা, এনিমিয়া, হাইপর্তেন্সন, সেপ্সিসকুম্বা মোর্বিদিতীশিংনা মরম ওইদুনা প্রিবেন্তেবল মেতর্নেল দেথ পুম্নমক থোকহন্দনবগী তঙাই ফদবা লৈ হায়না দা. ভারতি পাওয়ারনা ফোংদোকখি৷ মেদিসিন প্রেক্তিস তৌবদা মহাক্না থেংনরিবা এক্সপরিয়েন্স অদুদগী মওং চাদবা সেত্তিংশিংদা অঙাং অমা পোকপা হায়বসি  ইমোস্নেল ত্রোমাগী সোর্স অমা ওইবা য়াই৷ ইকাই খুম্নবা মওং অমদা নুপী খুদিংমক্না অঙাং উনহনবগী হক অদুগী মতাংদা পনখি৷ ইন্ত্রা পার্তম অমদি পোস্ত-পার্তম কেয়র ফংহনবদা লকশ্য স্কিমনা লৌরিবা থৌদাং অদু পল্লদুনা,  মু্স্কাননা চহি ১২গী মখাদা লৈরিবা অঙাংশিং অমদি অপিকপা অঙাংশিংগী হেল্থকেয়র অসি মখোয় মখোয়গী মমা-মপাশিংগী অপেনবা অদু য়ৌনা পীরগনি হায়না মহাক্না ফোংদোকখি৷

কেন্দ্রগী হকশেল সেক্রেতরী, শ্রী রাজেশ ভুশন, এন.ঐচ.এম.গী এদিস্নেল সেক্রেতরী অমদি মিসন দাইরেক্তর, শ্রী বিকাস শীল, জোইন্ত সেক্রেতরী(পোলিসী), শ্রী বিশাল চৌহনসু শরুক য়াখি৷

ভারত্তা লৈরিবা দবল্যু.ঐচ.ও. কন্ত্রী রিপ্রজেন্তেতিব, দা. রোদিরিকো ওফ্রিন ইন্সদী, দবল্যু.ঐচ.ও. ঐচ.ক্ব্যু.গী ইন্তিগ্রেতেদ হেল্থ সর্ভিসেস, দা. ইরিনা পেপাইভ, ফর্নান্দেজ ফাউন্দেসনগী চিয়রপর্সন, দা. ইবিতা ফর্নান্দেজ, জোন হোপ্কিন্স য়ুনিভর্সিতীগী সেনিয়র সাইন্তিস্ত, দা. অনিতা শেত, এ.আই.আই.এম.এস. ভোপাল অমদি এ.আই.আই.এম.এস. জম্মুগী রাস্ত্রপতি, দা. ৱাই.কে. গুপ্তা, সি ক্যোর মি হেল্থকেয়র প্রাইভেৎ লিমিতেদকী ফাউন্দর-দাইরেক্তর, শ্রী তরুন গোয়লনা থৌরম অসিদা মখোয় মখোয়গী ৱাখল্লোনশিং অমদি অপাম্বশিং অদু ফোংদোরকখ্রে৷

*****