نئی دہلی 17 ستمبر 2021: انڈونیشیا کے زیر اہتمام کل منعقدہ جی 33 ورچوئل غیر رسمی وزارتی اجلاس میں جی۔33 کے زرعی ترجیحی مسائل پرغور اور  30 نومبر سے 3 دسمبر 2021 تک بارہویں وزارتی کانفرنس (ایم سی 12) کے رُخ پر بڑھنے کا راستہ ہموار کیا گیا۔

غیر رسمی وزارتی اجلاس کی صدارت جمہوریہ انڈونیشیا کے وزیر تجارت جناب محمد لطفی نے کی۔

ڈبلیو ٹی او کے ڈائریکٹر جنرل ڈاکٹر نگوزی اوکونجو آئیولا نے کلیدی کلمات ادا کئے۔  جی 33 کے مجموعی طور پر 47 ممبران میں سے 21 ممبر ممالک بشمول ہندستان نے مختصراً اظہار خیال کیا۔

میٹنگ میں شریک ہندستان کے سرکاری وفد کی سربراہی تجارت و صنعت، صارفین کے امور اور خوراک اور عوامی نظام تقسیم کے علاوہ  ٹیکسٹائل کے وزیر جناب پیوش گوئل نے کی۔ وزیر موصوف نے اس بات پر زور دیا کہ ایم سی 12 کے لئے اعتماد سازی کی مشق کے ایک حصے کے طور پر جی 33 کو فوڈ سیکورٹی کے انتہائی اہمیت کے حامل  مقاصد کی خاطر پبلک اسٹاک ہولڈنگ (پی ایس ایچ) کے مستقل حل کے مثبت نتائج کے لئے کوشش کرنی چاہیے۔ اسپیشل سیف گارڈ میکانزم (ایس ایس ایم) کو جلد حتمی شکل دینا چاہئے اور گھریلو مدد پر متوازن نتیجہ سامنے لانا چاہئے۔ انہوں نے اس بات کو اجاگر کیا کہ ڈبلیو ٹی او میں زراعت سے متعلق معاہدہ  گہرے عدم توازن سے آلودہ ہے اور ترقی یافتہ ممالک کے حق میں ہے اور ضابطوں کا رُخ بہت سے ترقی پذیر ممالک کے خلاف ہے۔ لہذا زرعی اصلاحات کے پہلے قدم کے طور پر  تاریخی عدم توازن اور تناسب کو درست کرنا ضروری ہے تاکہ ایک اصول پر مبنی ، منصفانہ اور منصفانہ ترتیب کو یقینی بنایا جا سکے۔ انہوں نے جی 33 کے ارکان پر زور دیا کہ وہ جی 33 اتحاد کی ہم آہنگی کو برقرار رکھنے کے لئے اجتماعی طور پر کام کریں۔ اور دوسرے ہم خیال ترقی پذیر گروہوں تک پہنچ کر اسے مزید مضبوط کریں تاکہ وہ ایم سی 12 پر زراعت پر منصفانہ ، متوازن اور ترقی پر مبنی نتائج کے حق میں  حمایت حاصل کر سکیں۔

اجلاس کا اختتام جی 33 مشترکہ وزارتی بیان کی منظوری کے ساتھ ہواجس  میں زراعت میں ڈبلیو ٹی او کے لازمی مسائل کے فوری حل کے عزم کی توثیق کی گئی۔اجلاس میں اس بات پر بھی زور دیا گیا کہ  بین الاقوامی تجارتی مذاکرات کے ایک لازمی جزو کے طور پر خصوصی اور امتیازی سلوک کے ساتھ ترقی پذیر ممالک اور ایل ڈی سی کے ترقیاتی مسائل کو اطمینان بخش طریقے سے حل کیا جائے۔

****

U.No: 9107

ش ح۔رف۔س ا