ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ (ਐਮਓਸੀਏ) ਅਤੇ ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਏਵੀਏਸ਼ਨ (ਡੀਜੀਸੀਏ) ਨੇ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ਆਈਸੀਐਮਆਰ) ਅਤੇ ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨੋਲੋਜੀ, ਬੰਬੇ (ਆਈਆਈਟੀ-ਬੀ) ਨੂੰ ਡਰੋਨ ਨਿਯਮ, 2021 ਤੋਂ ਸ਼ਰਤ ਮੁਕਤ ਛੋਟ ਦਿੱਤੀ ਹੈ। ਆਈਸੀਐਮਆਰ ਨੂੰ ਅੰਡੇਮਾਨ ਅਤੇ ਨਿਕੋਬਾਰ ਟਾਪੂਆਂ, ਮਨੀਪੁਰ ਅਤੇ ਨਾਗਾਲੈਂਡ ਵਿੱਚ ਡਰੋਨਾਂ ਦੀ ਵਰਤੋਂ ਨਾਲ 3000 ਮੀਟਰ ਦੀ ਉਚਾਈ ਤੱਕ ਤਜ਼ੁਰਬੇ ਦੇ ਤੌਰ ਤੇ ਵੇਖਣਯੋਗ ਰੇਖਾ ਤੋਂ ਪਰਾਂ (ਬੀਵੀਐਲਓਐਸ) ਟੀਕੇ ਦੀ ਸਪੁਰਦਗੀ ਕਰਨ ਦੀ ਆਗਿਆ ਦਿੱਤੀ ਗਈ ਹੈ। ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੌਜੀ, ਬੰਬੇ (ਆਈਆਈਟੀ-ਬੀ) ਨੂੰ ਆਪਣੇ ਹੀ ਅਹਾਤੇ ਵਿੱਚ ਖੋਜ, ਵਿਕਾਸ ਅਤੇ ਡਰੋਨਾਂ ਦੀ ਜਾਂਚ ਲਈ ਡਰੋਨ ਦੀ ਵਰਤੋਂ ਦੀ ਇਜਾਜ਼ਤ ਪ੍ਰਾਪਤ ਹੋਈ ਹੈ।

ਇਹ ਛੋਟ ਨਿਰਧਾਰਤ ਏਅਰਸਪੇਸ ਕਲੀਅਰੈਂਸ ਦੇ ਨਿਯਮਾਂ ਅਤੇ ਸ਼ਰਤਾਂ ਦੇ ਨਾਲ ਹੋਵੇਗੀ ਅਤੇ ਨਿਰਧਾਰਤ ਏਅਰਸਪੇਸ ਕਲੀਅਰੈਂਸ ਦੀ ਪ੍ਰਵਾਨਗੀ ਦੀ ਮਿਤੀ ਤੋਂ ਲੈ ਕੇ ਅਗਲੇ ਹੁਕਮਾਂ ਤਕ, ਜੋ ਵੀ ਪਹਿਲਾਂ ਹੋਵੇ, ਇੱਕ ਸਾਲ ਦੀ ਮਿਆਦ ਲਈ ਵੈਧ ਹੋਵੇਗੀ। 

ਜਨਤਕ ਸੂਚਨਾਵਾਂ ਦੇ ਲਿੰਕ ਨੂੰ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਦੀ ਵੈਬਸਾਈਟ ਤੋਂ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। 

ਇਸ ਤੋਂ ਪਹਿਲਾਂ, 11 ਸਤੰਬਰ 2021 ਨੂੰ, ਕੇਂਦਰੀ ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਜਯੋਤਿਰਾਦਿੱਤਿਆ ਸਿੰਧੀਆ ਨੇ ਤੇਲੰਗਾਨਾ ਰਾਜ ਦੇ ਵਿਕਾਰਾਬਾਦ ਵਿਖੇ ਆਪਣੀ ਕਿਸਮ ਦਾ ਪਹਿਲਾ' ਸਕਾਈ ਤੋਂ  ਦਵਾਈਆਂ' ਪ੍ਰੋਜੈਕਟ ਲਾਂਚ ਕੀਤਾ ਸੀ, ਜਿਸ ਦੇ ਤਹਿਤ ਡਰੋਨ ਦੀ ਵਰਤੋਂ ਨਾਲ ਦਵਾਈਆਂ ਅਤੇ ਟੀਕੇ ਦਿੱਤੇ ਜਾਣਗੇ।

25 ਅਗਸਤ 2021 ਨੂੰ, ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਨੇ ਡਰੋਨ ਅਪਰੇਸ਼ਨਾਂ ਵਿੱਚ ਸੁਰੱਖਿਆ ਨੂੰ ਸੰਤੁਲਿਤ ਕਰਦੇ ਹੋਇਆਂ, ਸੁਪਰ ਨਾਰਮਲ ਗ੍ਰੋਥ ਦੇ ਯੁੱਗ ਦੀ ਸ਼ੁਰੂਆਤ ਕਰਨ ਲਈ ਡਰੋਨ ਨਿਯਮ, 2021 ਨੋਟੀਫਾਈ ਕੀਤੇ ਸਨ।

---------------------------

ਆਰਕੇਜੇ/ਐਮ