তুরিজম মন্ত্রালয়
অৱাং নোংপোক রাজ্যশিংগী তুরিজম অমসুং কলচরগী মিনিস্তরশিংগী নুমিৎ নিনিগী ওইবা কনফরেন্স অমা গুৱাহাতীদা সেপ্তেম্বরগী ১৩-১৪দা পাংথোক্কদৌরি
শ্রী জি. কিশন রেদ্দী অমসুং শ্রী হিমন্ত বিস্বাসনা হৌদোকপগী সেসন্দা ৱা ঙাংগনি
Posted On:
11 SEP 2021 5:34PM by PIB Imphal
মরুওইনা হাইলাইত
- কনফরেন্স অসিদা অৱাং-নোংপোক লমদমদা তুরিজমগী চাউখৎ থৌরাং অমসুং লম্বী ফাওনবগী মরী লৈনবা হিরমশিং খন্নগনি
- সেপ্তেম্বর ১৪গী তেক্নিকেল সেসন অসিনা তুরিজম মিনিস্ত্রীগী স্বাদেশ দর্শন অমসুং প্রশাদ স্কীমগী মখাদা অৱাং নোংপোক্কীদমক কাইথখিবা প্রোজেক্ত কয়া অমগী থবক য়েংশিনগনি
তুরিজম, কলচর অমসুং দোনরগী, কেন্দ্রগী মন্ত্রী শ্রী জি. কিশন রেদ্দী অমসুং অসমগী মুখ্য মন্ত্রী শ্রী হিমন্তা বিস্বা শর্ম্মানা ২০২১গী সেপ্তেম্বর ১৩দা গুৱাহাতীদা অৱাং নোংপোক লমদমদা লৈরিবা রাজ্যশিংগী তুরিজম অমসুং কলচর মিনিস্তরশিংগী কনফরেন্সকী অনিশুবা নুমিত্তা হৌদোকপা সেসন্দা ৱা ঙাংগনি।
ভারত সরকারগী তুরিজম মিনিস্ত্রীনা অৱাং-নোংপোক লমদমদা তুরিজমগী চাউখৎ থৌরাং অমসুং লম্বী ফাওনবগী মরী লৈনবা হিরমশিং খন্নবা, কলচর অমসুং দোনর, তুরিজম মিনিস্তরগী চেয়রমেনশীপ মখাদা ২০২১গী সেপ্তেম্বরগী ১৩ অমসুং ১৪দা নুমিৎ নিনিগী কনফরেন্স শিল্লি।
নুমিৎ নিনিগী ওইবা কনফরেন্স অসিদা সেন্ত্রেল মিনিস্ত্রীশিং, মফম অদুগী রাজ্য সরকার লোয়ন-লোয়ননা ইন্দস্ত্রীগী মীহুৎশিংগী মকোক থোংবা ওফিসিএলশিংনা শরুক য়াগনি। শরুক য়ারিবশিংনা মফম অদুদা কেন্দ্র সরকারনা লৌখৎলিবা চাউখৎ থৌরাংগী থবকশিং অমসুং প্রোজেক্তশিংগী মতাংদা ৱা ঙাংগনি।
নোর্থ ইস্তর্ন রিজন (এন.ই.আর.)গী রাজ্যশিং মহৌশাগী খুৎশেমগী ফজবা, তুরিস্তপু পুক্নিং চিংশিনবা মফম কয়া অমা, ময়েক লারবা থায়নগী চৎনবীশিং অমসুং রাজ্য খুদিংমক মশাগী ওইজবা তোঙান তোঙানবা শক্তম লৈজৈ। এন.ই.আর.গী তুরিজমদা চাউখৎহনবা অমসুং পুখৎপা অসি তুরিজম মিনিস্ত্রীগী অহানবা পান্দম্নি। তুরিজম মিনিস্ত্রীনা মফম অসিদা তুরিজম য়োকখৎনবা লেপ্পা লৈতনা থবক কয়া অমা হায়বদি ইনফ্রাস্ত্রকচর চাউখৎহনবা, পুক্নিং থৌগৎপা অমসুং পাওজেল পীবা, স্কীল দিবলপমেন্ত অসিনচিবশিং অসি লৌখৎলি।
সেপ্তেম্বর ১৩গী প্লেনেরী সেসনগী প্রজেন্তেসন মনুংদা, তুরিজম মিনিস্ত্রীনা অৱাং নোংপোক্কী মফমশিংদা তুরিজম ইনফ্রাস্ত্রকচর, প্রোমোসন অমসুং স্কীল দিবলপমেন্ত প্রোগ্রামশিং পুথোক্নবা লৌখৎলিবা প্রোজেক্ত অমসুং খোঙথাং কয়া অমগী মরমদা পাউদমগনি। প্রজেন্তেসন অসিদা কলচর মিনিস্ত্রীনা তুরিজম চাউখৎনবা মফম অসিগী কলা অমসুং সংস্কৃতী প্রোমোসনগী মতাংদা পীগনি। অতোপ্পা কেন্দ্র সরকারগী মিনিস্ত্রীশিং হায়বদি সিবিল এবিএসন, রেলৱেজ, রোদ ত্রন্সপোর্ত অমসুং হায়ৱেজ অমসুং তেলেকম্ম্যুনিকেসন দিপার্তমেন্তনা মফম অসিগী ইনফ্রাস্ত্রকচর অমসুং লম্বী ফাওনবা হেনগৎনবা অমসুং চাউখৎকী মরমদা মখোয়না লৌখৎলিবা খোঙথাং কয়া অমগী প্রজেন্তেসন পীগনি।
তুরিজম মিমনিস্ত্রীনা মকোয়গী ইনফ্রাস্ত্রকচর চাউখৎ থৌরাংগী স্কীম, ‘স্বাদেশ দর্শন’ অমসুং ‘প্রশাদ’ (নেস্নেল মিসন ওন পিলগ্রিমেজ রিজুবেনেসন অমসুং স্পিরিচুএল, হেরিতেজ ওগমেন্তেসন দ্রাইব) মখাদা তুরিস্তকী মফম কয়াদা তুরিজম ইনফ্রাস্ত্রকচর চাউখৎনবা রাজ্যশিংদা শেলগী মতেং পীরি। স্বাদেশ দর্শন স্কীমগী মখাদা তুরিজম চাউখৎ থৌরাং অসি তীম কয়াগী মখাদা তায়র II অমসুং তায়র IIIগী মফমশি লৌখৎকনি। তুরিজম মিমনিস্ত্রীনা স্বাদেশ দর্শন স্কীমগী মখাদা অৱাং নোংপোক্কী মফমশিং মদুদি অৱাং নোংপোক, হেরিতেজ, ইকো সর্ক্যুইত, স্পিরিচুএল, ত্রাইবেল অসিনচিংবা অসিদা লুপা কোতি ১৩০০ হেনবা অমগী প্রোজেক্ত ১৬ কায়থখ্রে।
প্রশাদ স্কীমগী মখাদা মশক খঙদ্রিবা পিলগ্রিমেজ অমসুং হেরিতেজ দেস্তিনেসন অসিগী অপুনবা চাউখৎ থৌরাং লৌখৎলি। স্কীম অসিগী মখাদা অৱাং নোংপোক্কী মফমশিংদা লুপা কোতি ২৯.৯৯গী শেনফম ওইগদবা “গুৱাহাতীদা কামখ্যা মন্দির অমসুং পিলগ্রিমেজ দেস্তিনেসনগী চাউখৎ থৌরাং” য়াওনা লুপা কোতি ১৯৩.৬১গী শেনফম ওইগদবা অপুনবা প্রোজেক্ত ৬ কাইথখ্রে।
সেপ্তেম্বর ১৪গী তেক্নেকেল সেসন্দা স্বাদেশ দর্শন অমসুং প্রশাদ স্কীমগী মখাদা কাইথখিবা প্রোজেক্ত কয়াগী চংশিল্লিবা থবকশিং য়েংশিনগনি।
অৱাং নোংপোক্কী লমদমদা তুরিজম হেন্না পুখৎনবা, অনৌবা মফমশিং খঙদোকপা, মখোয়গী অকোইবদা লৈরিবা ফাওনবা য়াবা লম্বীশিং চাউখৎহনবা, এৱার্নেস তৌবা য়াবা মফমশিং খঙদোকপা অমসুং মখোয়দা হৈ-শিংবা পীনবা স্তেকহোল্দরশিদা ৱার্কশোপ/সেমিনার শিন্নবা পান্দমদা তুরিজম মিনিস্ত্রীনা তুরিজম মিনিস্ত্রীগী এদ্দিসনেল দাইরেক্তর জেনেরেলগী চেয়রমেনশিপকী মখাদা অমসুং এন.ই.আর.দা এক্তিব ওইরিবা স্তেকহোল্দরশিংনা লোয়ননা কমিতী অমা শেমখ্রে।
*******
(Release ID: 1754321)
Visitor Counter : 141