ਕੇਂਦਰੀ ਖਾਣ , ਕੋਇਲਾ ਅਤੇ ਪਾਰਲੀਮਾਨੀ ਮਾਮਲੇ ਮੰਤਰੀ ਸ਼੍ਰੀ ਪ੍ਰਹਲਾਦ ਜੋਸ਼ੀ ਨੇ ਮਾਣਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦਾ ਆਮਦਨ ਕਰ ਅਦਾਇਗੀ ਤੋਂ 165 ਜਿ਼ਲ੍ਹਾ ਖਣਿਜ ਫਾਊਂਡੇਸ਼ਨ ਟਰਸਟਾਂ (ਡੀ ਐੱਮ ਐੱਫ) ਛੋਟ ਦੇਣ ਲਈ ਧੰਨਵਾਦ ਕੀਤਾ ਹੈ । ਖਾਣਾਂ ਅਤੇ ਖਣਿਜ (ਵਿਕਾਸ ਅਤੇ ਨਿਯੰਤਰਣ) (ਐੱਮ ਐੱਮ ਡੀ ਆਰ) ਐਕਟ 215 ਵਿੱਚ ਸੋਧ ਰਾਹੀਂ ਭਾਰਤ ਸਰਕਾਰ ਨੇ ਖਾਣਾਂ ਦੁਆਰਾ ਪ੍ਰਭਾਵਿਤ ਸਾਰੇ ਜਿ਼ਲਿ੍ਆਂ ਵਿੱਚ ਜਿ਼ਲ੍ਹਾ ਖਣਿਜ ਫਾਊਂਡੇਸ਼ਨ ਸਥਾਪਿਤ ਕਰਨ ਦੀ ਵਿਵਸਥਾ ਕੀਤੀ ਹੈ । ਜਿ਼ਲ੍ਹਾ ਖਣਿਜ ਫਾਊਂਡੇਸ਼ਨ ਦਾ ਮਕਸਦ ਸੂਬਾ ਸਰਕਾਰ ਦੁਆਰਾ ਨਿਰਧਾਰਿਤ ਅਜਿਹੇ ਢੰਗ ਤਰੀਕਿਆਂ ਨਾਲ ਖਾਣ ਨਾਲ ਸੰਬੰਧਿਤ ਸੰਚਾਲਨਾਂ ਦੁਆਰਾ ਪ੍ਰਭਾਵਿਤ ਖੇਤਰਾਂ ਅਤੇ ਵਿਅਕਤੀਆਂ ਦੇ ਲਾਭ ਅਤੇ ਹਿੱਤਾਂ ਲਈ ਕੰਮ ਕਰਨਾ ਹੈ । ਹੁਣ ਤੱਕ ਦੇਸ਼ ਵਿੱਚ 22 ਸੂਬਿਆਂ ਨੇ 600 ਜਿ਼ਲਿ੍ਆਂ ਵਿੱਚ ਡੀ ਐੱਮ ਐੱਫਸ ਸਥਾਪਿਤ ਕੀਤੇ ਹਨ , ਜਿਹਨਾਂ ਨੇ ਡੀ ਐੱਮ ਐੱਫ ਨਿਯਮ ਬਣਾਏ ਹਨ ।
ਸ਼੍ਰੀ ਜੋਸ਼ੀ ਨੇ ਕੇਂਦਰੀ ਵਿੱਤ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਦਾ ਵੀ ਧੰਨਵਾਦ ਕੀਤਾ । ਵਿੱਤ ਮੰਤਰਾਲਾ (ਮਾਲੀਆ ਵਿਭਾਗ) (ਸਿੱਧੇ ਟੈਕਸਾਂ ਬਾਰੇ ਕੇਂਦਰੀ ਬੋਰਡ) ਦੁਆਰਾ ਬੀਤੇ ਦਿਨ ਇੱਕ ਗਜ਼ਟ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਹੈ । ਖਾਣ ਮੰਤਰਾਲੇ ਨੇ ਆਮਦਨ ਕਰ ਐਕਟ 1961 ਦੇ 10 (46) ਤਹਿਤ ਆਮਦਨ ਕਰ ਛੋਟ ਲਈ ਜਿ਼ਲ੍ਹਾ ਖਣਿਜ ਫਾਊਂਡੇਸ਼ਨਾਂ ਦੇ ਸੰਬੰਧ ਵਿੱਚ ਨੋਟੀਫਿਕੇਸ਼ਨ ਜਾਰੀ ਕਰਨ ਸੰਬੰਧੀ ਮਾਮਲਾ ਵਿੱਤ ਮੰਤਰਾਲੇ ਨਾਲ ਉਠਾਇਆ ਸੀ ।
ਵਿੱਤ ਮੰਤਰਾਲਾ ਨੇ ਡੀ ਐੱਮ ਐੱਫ ਟਰਸਟ ਨੂੰ ਐਕਟ ਦੇ ਸੈਕਸ਼ਨ 10 (46) ਵਿੱਚ ਛੋਟ ਲਈ ਕਈ ਉਪਾਅ ਕੀਤੇ ਹਨ । ਇਸ ਐਕਟ ਨੂੰ ਵਿੱਤ ਐਕਟ 2018 ਦੁਆਰਾ ਸੋਧਿਆ ਗਿਆ ਸੀ , ਤਾਂ ਜੋ ਸਾਰੇ ਡੀ ਐੱਮ ਐੱਫ ਟਰਸਟ "ਅਥਾਰਟੀ ਸ਼੍ਰੇਣੀ" ਵਜੋਂ ਨੋਟੀਫਾਈ ਕੀਤਾ ਜਾ ਸਕੇ । ਇਸ ਅਨੁਸਾਰ ਵਿੱਤ ਮੰਤਰਾਲਾ ਦੇ ਮਾਲੀਆ ਵਿਭਾਗ ਨੇ 10—09—2020 ਨੂੰ 151 "ਜਿ਼ਲ੍ਹਾ ਖਣਿਜ ਫਾਊਂਡੇਸ਼ਨ ਟਰਸਟ" ਨੋਟੀਫਾਈ ਕੀਤੇ ਸਨ ਅਤੇ 10—09—2021 ਨੂੰ 165 ਡੀ ਐੱਮ ਐੱਫਸ ਨੂੰ "ਅਥਾਰਟੀ ਸ਼੍ਰੇਣੀ" ਵਜੋਂ ਨੋਟੀਫਾਈ ਕੀਤਾ ਸੀ ਅਤੇ ਇਹ ਡੀ ਐੱਮ ਐੱਫ ਤੋਂ ਪ੍ਰਾਪਤ ਹੋਣ ਵਾਲੀ ਆਮਦਨ ਦੇ ਸੰਬੰਧ ਵਿੱਚ ਕੀਤਾ ਗਿਆ ਹੈ । ਇਸ ਲਈ ਕੁੱਲ 316 ਜਿ਼ਲ੍ਹਾ ਖਣਿਜ ਫਾਊਂਡੇਸ਼ਨ ਟਰਸਟਾਂ ਨੂੰ ਐੱਮ ਐੱਮ ਡੀ ਆਰ ਐਕਟ ਅਨੁਸਾਰ ਡੀ ਐੱਮ ਐੱਫ ਨੂੰ ਲੀਜ਼ ਧਾਰਕਾਂ ਦੁਆਰਾ ਯੋਗਦਾਨ ਦੇ ਕਾਰਨ , ਡੀ ਐੱਮ ਐੱਫ ਨੂੰ ਹੋਣ ਵਾਲੀ ਆਮਦਨ ਦੇ ਸੰਬੰਧ ਵਿੱਚ "ਅਥਾਰਟੀ ਸ਼੍ਰੇਣੀ" ਨੋਟੀਫਾਈ ਕੀਤਾ ਗਿਆ ਹੈ । ਇਹ ਆਮਦਨ ਡੀ ਐੱਮ ਐੱਫ ਯੋਗਦਾਨ ਲਈ ਦੇਰੀ ਨਾਲ ਕੀਤੀ ਅਦਾਇਗੀ ਤੇ ਵਿਆਜ ਅਤੇ ਅਜਿਹੇ ਹੋਰ ਵਿਸ਼ੇਸ਼ ਇਕੱਤਰਾਂ ਤੋਂ ਹੁੰਦੀ ਹੈ ।
 

*****************

ਐੱਮ ਵੀ / ਐੱਸ ਕੇ