ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିର୍ଣ୍ଣାୟାତ୍ମକ ନେତୃତ୍ୱରେ ଭାରତ ସରକାର ରପ୍ତାନୀକାରୀମାନଙ୍କୁ ସବୁ ବକେୟା ପ୍ରୋତ୍ସାହନ ରାଶି ପ୍ରଦାନ କରିବାକୁ ୨୦୨୧-୨୨ ବଜେଟ୍‌ରେ ୫୬, ୦୨୭ କୋଟି ଟଙ୍କା ପ୍ରଦାନ କରିବାକୁ ନିଷ୍ପତ୍ତି ନେଇଛନ୍ତି । ଏହି ଅର୍ଥ ରପ୍ତାନୀକାରୀଙ୍କୁ ଏମଇଆଇଏସ, ଏସଇଆଇଏସ, ଆରଓଏସଟିଏଲ ଓ ଅନ୍ୟାନ୍ୟ ଯୋଜନା ଭିତ୍ତିକ ସ୍କିମରେ ପ୍ରୋତ୍ସାହନ / ସହାୟତା ଆକାରରେ ମିଳିବ । ଏହି ସହାୟତା ଓ ପ୍ରୋତ୍ସାହନର ଲାଭ ୪୫ହଜାରରୁ ଅଧିକ ରପ୍ତାନୀକାରୀ ପାଇବେ । ସେମାନଙ୍କ ମଧ୍ୟରୁ ୯୮ ଶତାଂଶ ଏମ୍‌ଏସଏମଇ କ୍ଷେତ୍ରର ରପ୍ତାନୀକାରୀ, ଖୁବ୍ ଶୀଘ୍ର ଏହି ସହାୟତା ରାଶି ସମ୍ପୃକ୍ତ ହିତାଧିକାରୀଙ୍କୁ ପ୍ରଦାନ କରାଯିବ ।

ମୋଟ ୫୬, ୦୨୭ କୋଟିର ଏହି ଅର୍ଥ ରାଶି ବକେୟା ରପ୍ତାନୀ ପ୍ରୋତ୍ସାହନ ବାବଦରେ ବିଭିନ୍ନ ଯୋଜନା ପାଇଁ ଦିଆଯିବ । ସେଥିମଧ୍ୟରେ  ଏମଇଆଇଏସ ପାଇଁ ୩୩,୦୧୦କୋଟି, ଏସଇଆଇଏସ ପାଇଁ ୧୦,୦୦୨ କୋଟି, ଆରଓଏସସିଟିଏଲ୍‌ ନିମନ୍ତେ ୫୨୮୬କୋଟି, ଆରଓଏସଏଲ୍‌ ପାଇଁ ୩୩୦କୋଟି,  ଆରଓଡିଟିଏସପ ସକାଶେ ୨୫୬୮ କୋଟି ଟଙ୍କା ଅନ୍ତର୍ଭୁକ୍ତ । ଏହାଛଡା ଟାର୍ଗେଟେଡ ପ୍ଲସ ଲିଗାସୀ ସ୍କିମରେ ହିତାଧିକାରୀଙ୍କୁ ୪୮୩୧ କୋଟି ଟଙ୍କା ଯୋଗାଇ ଦିଆଯିବାକୁ ଅର୍ଥ ମଞ୍ଜୁର ହୋଇଛି । ସରକାର ଏହି ଯୋଜନାରେ ଯେଉଁ ଅର୍ଥ ଯୋଗାଇ ଦେବାକୁ  ଯାଉଛନ୍ତି ତାହାକୁ ଛାଡି ସମ୍ପୃକ୍ତ ରପ୍ତାନୀକାରୀଙ୍କୁ ଜଙଊଞଋଚ ଓ ଜଙଝଉଞଖ ସ୍କିମ୍‌ରେ ଯଥାକ୍ରମେ ୧୨, ୪୫୪ କୋଟି ଓ ୬୯୪୬ କୋଟି ଟଙ୍କା ଅତିରିକ୍ତ ସହାୟତା ଯୋଗାଇ ଦେବାକୁ ଘୋଷଣା କରିଛନ୍ତି । ଚଳିତ ଆର୍ଥିକ ବର୍ଷ (୨୦୨୧-୨୨)ର ରପ୍ତାନୀ ପାଇଁ ରପ୍ତାନୀକାରୀ ଏହି ପ୍ରୋତ୍ସାହନ ରାଶି ପାଇବେ ।

ଭାରତରେ ଗତ କେଇ ମାସରେ ରପ୍ତାନୀ ବାଣିଜ୍ୟରେ ଏକ ବଡ ଅଭିବୃଦ୍ଧି ଘଟିଛି । ୨୦୨୧ ଏପ୍ରିଲ-ଅଗଷ୍ଟ ଅବଧିରେ ଭାରତ ମୋଟ ୧୬୪ ବିଲିୟନ ଡଲାର ମୂଲ୍ୟର ସାମଗ୍ରୀ ରପ୍ତାନୀ କରିଛି । ଗତ ଆର୍ଥିକ ବର୍ଷର ଏହି ସମୟର ରପ୍ତାନୀଠାରୁ ଏହା ୬୭ ଶତାଂଶ ଏବଂ ୨୦୧୯-୨୦ ତୁଳନାରେ ୨୩% ଅଧିକ । ଚଳିତ ଆର୍ଥିକ ବର୍ଷ ମଧ୍ୟରେ ରପ୍ତାନୀକାରୀଙ୍କୁ ସମସ୍ତ ବକେୟା ପ୍ରୋତ୍ସାହନମୂଳକ ଅର୍ଥରାଶି ପ୍ରଦାନ କରିବା ନିଷ୍ପତ୍ତି ଫଳରେ ଆସନ୍ତା ମାସଗୁଡିକରେ ରପ୍ତାନୀ ବାଣିଜ୍ୟକୁ ବଢାଇବାରେ ସହାୟକ ହେବ ।

            ସାମଗ୍ରୀ ରପ୍ତାନୀ ପାଇଁ ଏମ୍‌ଇଆଇଏମ୍ ବ୍ୟବସ୍ଥାରେ ସବୁ କ୍ଷେତ୍ରକୁ ଅନ୍ତର୍ଭୁକ୍ତ କରାଯାଇଛି । ଏଥିରେ ଔଷଧପତ୍ର, ଲୁହା ଓ ଇସ୍ପାତ, ଇଞ୍ଜିନିୟରିଂ ସାମଗ୍ରୀ, ରସାୟନ, ମତ୍ସ୍ୟ, କୃଷି ଓ ତତ୍‌ସଂଲଗ୍ନ କ୍ଷେତ୍ରଗୁଡିକ ଅନ୍ତର୍ଭୁକ୍ତ । ସେହିଭଳି ଅଟୋ ଓ ଅଟୋ ଯନ୍ତ୍ରାଂଶ ଉଦ୍ୟୋଗ ପୂର୍ବବର୍ଷରେ ଯେଉଁସବୁ ସାମଗ୍ରୀ ରପ୍ତାନୀ କରିଛନ୍ତି ସେ ବାବଦରେ ମଧ୍ୟ ପ୍ରୋତ୍ସାହନ ରାଶି ଦାବି କରିପାରିବେ । ଏହି ପ୍ରୋତ୍ସାହନ ରାଶି ଯୋଗାଣ ଫଳରେ ସମ୍ପୃକ୍ତ ସବୁ ଉଦ୍ୟୋଗର ନଗଦ ଆବଶ୍ୟକତା (କ୍ୟାସ ଫ୍ଲୋ) ପୂରଣ ହୋଇପାରିବ  । ଏହା ଦ୍ୱାରା ସେମାନେ ଆନ୍ତର୍ଜାତିକ ବଜାର ଚାହିଦା ପୂରଣ ପାଇଁ ନିଜର ରପ୍ତାନୀ ବଢାଇବାରେ ସମର୍ଥ ହେବେ । ଏବେ ଆନ୍ତର୍ଜାତିକ ରପ୍ତାନୀ ବାଣିଜ୍ୟ ସ୍ଥିତିରେ ଦ୍ରୁତ ଉନ୍ନତି ଘଟୁଛି । ଭାରତୀୟ ରପ୍ତାନୀକାରୀ ଏହା ସୁଯୋଗ ନେଇପାରିବେ ।

ପର୍ଯ୍ୟଟନ, ଭ୍ରମଣ, ଆତିଥ୍ୟ ସମେତ ସେବା କ୍ଷେତ୍ରରେ ସବୁ ରପ୍ତାନୀକାରୀ ୨୦୧୯-୨୦ ଆର୍ଥିକ ବର୍ଷ ପାଇଁ ଝଋଓଝ ର ଲାଭ ଦାବି କରିପାରିବେ । ଏଥିପାଇଁ ୨୦୬୧ କୋଟି ଟଙ୍କାର ବ୍ୟବସ୍ଥା କରାଯାଇଛି । ଏଥିପାଇଁ ମଧ୍ୟ ଆବଶ୍ୟକ ବିଜ୍ଞପ୍ତି ପ୍ରକାଶ ପାଇଲାଣି । ଏହି ସହାୟତା ସମ୍ପୃକ୍ତ କ୍ଷେତ୍ର/ଉଦ୍ୟୋଗର ନୂଆ ନିଯୁକ୍ତି ସୁଯୋଗ ସୃଷ୍ଟି କରିବ ।

ବସ୍ତ୍ର /ପୋଷାକ ଉଦ୍ୟୋଗ ଏକ ଶ୍ରମିକ ବହୁଳ କ୍ଷେତ୍ର । ଏହି କ୍ଷେତ୍ରର ରପ୍ତାନୀକାରୀ ସେମାନଙ୍କର ବକେୟା ପ୍ରୋତ୍ସାହନ ଅର୍ଥ ଆର୍‌ଓଏସ୍‌ସିଟିରେ ଓ ଆର୍‌ଓଏସ୍‌ଏଲ୍ ଯୋଜନାରେ ପାଇବେ । ଏହା ଫଳରେ ଆସନ୍ତା ପାର୍ବଣ ଋତୁରେ ଏହି ଉଦ୍ୟୋଗର ଯୋଗାଣ ବ୍ୟବସ୍ଥା ସୁଦୁଢ ହେବା ସହିତ ଆନ୍ତର୍ଜାତିକ ବଜାରର ଚାହିଦାକୁ ପୂରଣ କରାଯାଇପାରିବ ।

ପୁରୁଣା ବା ବକେୟା ପ୍ରୋତ୍ସାହନ ରାଶି ପାଇବାକୁ ସମ୍ପୃକ୍ତ ହିତାଧିକାରୀଙ୍କୁ ୨୦୨୧ ଡିସେମ୍ବର ୩୧ ସୁଦ୍ଧା ଆବେଦନ କରିବାକୁ ପଡିବ । ଏହି ସମୟ ସୀମା ଭିତରେ ଆବେଦନ ନ କଲେ ଅର୍ଥ ମିଳିବାରେ ଅସୁବିଧା ହେବ । ଆବେଦନ ପାଇଁ ଖୁବ୍ ଶୀଘ୍ର ଅନଲାଇନ୍ ଆଇଟି ପୋର୍ଟାଲ କାର୍ଯ୍ୟ ଆରମ୍ଭ କରିବ । ଏଥିପାଇଁ ଅର୍ଥମନ୍ତ୍ରଣାଳୟ ଆବଶ୍ୟକ ବ୍ୟବସ୍ଥା କରିଛି । ବଜେଟ୍ ବ୍ୟବସ୍ଥା ଅନୁସାରେ ସବୁ ହିତାଧିକାରୀଙ୍କୁ ସେମାନଙ୍କ ପ୍ରାପ୍ୟ ଯୋଗାଇ ଦିଆଯିବ ।

କରୋନା ମହାମାରୀ ଯୋଗୁଁ ସରକାରଙ୍କ ରାଜସ୍ୱ ଚାପ ବଢିବା ସତ୍ତ୍ୱେ ରପ୍ତାନୀକାରୀଙ୍କୁ ସେମାନଙ୍କ ପ୍ରୋତ୍ସାହନ ବାବଦ ଅର୍ଥ ବଜେଟ ବରାଦ ଅନୁସାରେ ଚଳିିତ ଆର୍ଥିକ ବର୍ଷ ମଧ୍ୟରେ ଯୋଗାଇ ଦେବାକୁ ସରକାର ନିଷ୍ପତ୍ତି ନେଇଛନ୍ତି । ଦେଶର ଅର୍ଥନୀତିର ଏକ ଗୁରୁତ୍ୱପୂର୍ଣ୍ଣ କ୍ଷେତ୍ରକୁ ଉପଯୁକ୍ତ ସମୟରେ ମହତ୍ୱପୂର୍ଣ୍ଣ ସାହାଯ୍ୟ ସହଯୋଗ ଯୋଗାଇ ଦେଇ ଏହାକୁ ଅଧିକ ଗତିିଶୀଳ କରିବାକୁ ସରକାର ଉଚିତ ମନେ  କରି ଏହି ପଦକ୍ଷେପ ଗ୍ରହଣ କରିଛନ୍ତି ।

*****

TM /SLP