উপ-রাস্ত্রপতিগী লোইশঙ

উপ রাস্ত্রপতিনা জাতিগী অমত্তা ওইবগী মপাঙ্গলবু থুগাইনবা হোৎনরিবশিং লান্থেংননবা হায়খ্রে

ভি.পি.না মালেমগী ওইবা মচিল-মনাও ওইবগী পুক্নিং থৌগৎনবা হায়খ্রে

ভারতকী নহারোলশিংবু মখোয়গী অনিং অপাম্বদা মশাগী ওইজবা মকা লাম্না ৱাখল খন্নবা অমসুং নোংচুপলোমগী মতৌ তমদনবা হায়রি

উপ রাস্ত্রপতিনা শ্রী ঔরোবিন্দোগী পুন্সিগী ওইহবা ফোতোশিংগী একজিবিসন হৌদোকখ্রে

শ্রী ঔরোবিন্দোগী পাউতাক মালেম পুম্বদা শন্দোক্নবা হায়খ্রে

লাইনিং লাইশোন অসি ভারতকী চাওরবা চৎনবীগী কাংলোন্নি

ওজাশিংনা মহৈরোইশিংগী মরক্তা চিং-লেম্বা অমসুং লাইনিং-লাইশোনগী মতৌ তমহনগদবনি -উপ রাস্ত্রপতি

কনাগুম্বা অমনা ধর্ম্মদা অচুম্বা লাইনিং-লাইশোন ইল্লবদি, ধর্ম্মগী ওইবা খৎন-চৈনবা অমত্তা লৈরোই-উপ রাস্ত্রপতি

Posted On: 04 SEP 2021 1:32PM by PIB Imphal

উপ রাস্ত্রপতি, শ্রী এম. ভেঙ্কাইয়া নাইদুনা ঙসি ধর্ম্ম, লোল, জাৎ, বিজাৎ অমসুং কুচু খেন্নবগী সমাজদা খাইদোক্না হোৎনরিবা অসি লান্থেংননবা মীয়ামদা হায়খ্রে। মহাক্না হায় মদুদি ঐখোয়গী নিং-খা তম্বগী চহি ৭৫শুরকপা অসিদা ঐখোয়গী মখল কয়াগী খেন্নবা লৈরিবা সমাজ অসিদা অমত্তা ওইবা অমসুং অপুনবা অমা ওইনা চেৎশিন্নবা মখা তানা ৱাশক লৌগদবনি।

শ্রী ঔরোবিন্দোগী পুন্সিগা মরী লৈনবা ফোতো একজিবিসন হৌদোক্লদুনা  শ্রী ঔরোবিন্দো ইন্তর্নেস্নেল স্কুলগী মহৈরোই অমসুং ওজাশিংদা ৱা ঙাংলদুনা উপ রাস্ত্রপতিনা মরুওইবা পীরদুনা হায় মদুদি ভারতকী তুংগী ওইবা অমগীদমক খাইদোক্নরিবশিং অসি শমজিনবা অমা মথৌ তাই হায়খি। ধর্ম্মগী অফবা ৱাখল্লোল অমা পুথোক্লদুনা মহাক্না হায় মদুদি করিগুম্বা মীপুম খুদিংনা ধর্ম্মা অসি অশেংবা থম্মোয়গী ওইবা অমদা চৎনরবদি ধর্ম্মদা খৎন-চৈনবা অমত্তা লৌরোই।

ভারতকী লাইনিং লাইসোন্দা শ্রী ঔরোবিন্দ্রোগী মিৎয়েং অসি হন্না হায়রদুনা , শ্রী নাইদুনা হায় মদুদি ভারতকী লাইনিং লাইশোন্দা য়াম্না ৱাংবা থাক্তা লৈরিবা অসি হৌদোক্তুনা লাক্লিবা মতমশিংদা মালেমগী ওইবা অনৌবা মওং অমা থমবা মথৌ তাই। ভারত ইমানা মশাগী লৈরিবা লল অসিনা শাগোন্নদুনা লৈবা পাম্লিবা অসি পল্লদুনা মহাক্না নহারোলশিংদা মখোয়গী ৱাখলোল মকা লাম্না লৈনবা অমসুং মীরমগী ওইবা মীতৌ তমদনা কন্না হায়খি। উপ রাস্ত্রপতিনা ঐখোয়গী হৌগৎলক্লিবা নহারোশিংদা ভারতকী চৎনবী অসিবু মখোয়দা লৈহৌনবা কন্না হায়খি।

শ্রী ঔরোবিন্দ্রোনা ভারতকী ফজরবা চৎনবী অমসুং লাইনিং লাইশোন অসিবু অমুক হিংগৎহন্নবা হায়রম্বা অসি নিংশিংলদুনা শ্রী নাইদুনা হায় মদুদি লাইনিং লাইোল অসিনা নুমিৎ খুদিংগী ওইবা পুন্সি মহিংগী চংদ্রবা য়াদবা অমনি। উপ রাস্ত্রপতিনা হায় মদুদি জি.দি.পি. অমসুং নুঙাই য়াইফবনা অরোইহবা ওইরোইদবনি।

শ্রী ঔরোবিন্দ্রোবু শক্নাইরবা য়োগী, ফিলোজোফর, কবি অমসুং নিংতম লান্মী অমা ওইনা লৌরদুনা উপ রাস্ত্রপতিনা হায় মদুদি মহাক অসি ভারত পুম্বগী পুক্নিং থৌগৎনিঙাইনি। “মহাক্কী ৱাঙাং অমসুং অইবসিংদা, মহাক্না মহাক্না মীয়ামদা নিং তম্বা অমা খক্তা নত্তনা মহাক্না লৈবাকঅসিগী অহোংবা অমা তম্বা পামখি” হায়না মহাক্না মখা তাখি।

১৯৪৭দা, ইন্দিপেন্দেন্স দেদা শ্রী ঔরোবিন্দ্রোনা লৈবাক্তা পীখিবা ৱারোল অমদা, শ্রী নাইদুনা হায়খি মদুদি মহাক্কী ৱাহৈশিং অসি য়াম্না পান্দম লৈবা অমসুং মীওই অমা, লৈবাক অমা অমসুং মালেমগী ওইনা মরী য়াম্না লৈনৈ হায়খি।  শ্রী ঔরোবিন্দ্রোনা এসিয়া অসি মীওইবা খুনাই অমা চাউখৎপদা থৌদাং লৌখিবা, মহাক্না হায়খি এসিয়া অসি চাউখৎপদা ভারত অসি পুনশিনবা অমা মথৌ তাই হায়খি।

শ্রী নাইদুনা লাইনিং লাইশোন অসি মরু ওইবা কাংলোন অমনি হায়রদুনা মসি ঐখোয়গী নুমিৎ খুদিংগী ওইবা মরী লৈনহনগদবনি হায়খি। “মীওইবা খুদিংমক ঙসিমক করি তৌবা মথৌ তাই হায়বা খঙবা মথৌ তাই,” হায়না মহাক্না হায়খি।

 

উপ রাস্ত্রপতিনা হায় মদুদি পুদুচেরীদা ঔরোভাইল লিংখৎখিবা অসি শ্রী ঔরোবিন্দ্রোগী মালেমবু পুনশিনবগী পান্দম অমনি।  মহৈরোই অমগী পাউখুম পীরদুনা মহাক্না হায় মদুদি জাতি খুদিংমক পুনশিনবা অমা মথৌ তাই। লৈবাক খরনা মখোয়না হেল্লি হায়না লৈরিবা অসিদা য়ানিংদবা ফোংদোক্তুনা  মহাক্না হায় মদুদি মীওইবা খুনাই অমা চাউখৎপদা পুনশিনবা অমা মথৌ তাই হায়খি।

শ্রী ঔরোবিন্দ্রোগী মিৎয়েং নিংশিংলদুনা উপ রাস্ত্রপতিনা হায় মদুদি মহৈ তম্বা অসিনা থবক অমা তৌদুনা পুন্সি লেন্বা খক্তদা লেপ্লোইদবনি অদুবু ইমা লৈবক্কীদমক করি তৌবা ঙমগদগে হায়বা অসিদা পান্দম থমগদবনি। মহাক্না মরু ওইবা পীরদুনা হায় ওজাশিংনা মহৈরোইশিংগীদমক্তা ঐখোয়গী থায়নগী ভারতকী চৎনবী তম্বিগদবনি।

মহৈ তম্বা অসি থবক্কী খক্তা নত্তে অদুবু ৱাখল লৌশিং লৈনবনি হায়না মরু ওইবা পীরদুনা উপ রাস্ত্রপতিনা ভারত অসি বিশ্বা গুরু অমুক হন্না শেম্নবা হায়খি। “ভারতনা বিশ্বা গুরু শেমগদৌরিবা অশি মালেমবু শুপনমগীদমক নত্তে  মসিনা ৱাখল অমসুং লৌশিং শন্দোক্নবনি,” হায়না মহাক্না হায়খি।

শ্রী ঔরোবিন্দ্রোগী ৱাহৈশিং পল্লদুনা শ্রী নাইদুনা হায় মদুদি ভারত অসি নেস্নেল এজুকেসনগী সিস্তেম অসিদা তৌবা য়াবা মপুং ফানা পাংথোক্লবা অমসুং ভারতকী নহারোলশিংবু শ্রী ঔরোবিন্দ্রোগী মংলান মংফাওননবা হোৎনবা অসিনা ওইথোকপা ঙমগনি। মহাক্না মখা তানা হায় মদুদি মীওইবা খুনাই অমা চাউখৎহনবা অসি শ্রী ঔরোবিন্দ্রোগী পাউতাক্না ওইথোকপা ঙমগনি। মহাক্না শ্রী ঔরোবিন্দ্রোগী ইন্তর্নেস্নেল স্কুলবু শ্রী ঔরোবিন্দ্রোগী পাউতাক্না লাইনিং লাইশোন্না অঙাংশিংবু পুক্নিং থৌগৎপগীদমক থাগৎপা ফোংদোকখি।

মহাক্না স্কুল অসিবু শ্রী ঔরোবিন্দ্রোগী পুন্সিদা মহাক্কী ১৫০শুবা মপোক কুমওন নিংশিং থৌরমদা ফোতো একজিবিসন অমা থমখিবা অসিদা থাগৎপা ফোংদোকখি। শ্রী ঔরোবিন্দ্রোগী স্কুলগী মহৈরোইশিংনা সংস্কৃত, তেলুগু, অমসুং ইংলিসতা প্রজেন্তেসন পীখি অমসুং বুরাকথাগী থোংদা শ্রী ঔরোবিন্দ্রোগী রেন্দিসন পীখি। শ্রী নাইদুনা মহৈরোইশিংবু ভারতকী সংস্কৃতী, চৎনবী অমসুং শ্রী ঔরোবিন্দ্রোগী পাউজেল পীবগীদমক থাগৎপা ফোংদোকখি।

শ্রী ঔরোবিন্দ্রোগী থৌরমগী এদভাইজরী মেম্বর শ্রী রামাচন্দ্রু তেজাবাথ, তেলঙ্গনাগী অখন্নবা মীহুৎ প্রোফেসর তি. তিরুপতি রাও, চেয়রমেন গবর্ননিং বোদী, মনিপুর য়ুনিভর্সিতীগী চাঞ্চচেলর দাঃ ছালামায়ি রেদি, শ্রী ঔরোবিন্দ্রো ইন্তর্নেস্নেল স্কুলগী প্রিন্সিপাল, ওজা, স্তাফ অমসুং মহৈরোইশিংনা থৌরম অসিদা শরুক য়াখি।

মপুং ফাবা ৱারোল মখাদা পীরি -

“ইচিল ইনাওশিং,

ঐহাক্না ঙসি ‘দ সাক্রেদ জর্নী ওফ শ্রী ঔরোবিন্দ্রোস লাইফ’ অসিদা ফোতো-একজিবিসন অসি য়াওবদা য়াম্না নুঙাইবা ফাওজৈ।

শ্রী ঔরোবিন্দ্রো, শক্নাইরবা রিবোলুসনরী য়োগী, ফিলোজোফর, কবি অমসুং নিংতম লান্মী অসিনা ভারত পুম্বদা পুক্নিং থৌগৎখি। মহাক্কী ৱাহৈ অমসুং অইবনা মীওই কয়াদা নিং তম্বগী অকনবা অনিংবা লৈবতা নত্তনা মহাক্কী ‘ইন্তিগ্রেল য়োগা’না পাউতাক কয়া অমা তম্বিখি।

চহি অসি লৈবাক অসিগী ওইনা য়াম্না চাউথোকচনিঙাই ওইবা মিৎকুপ অমনি নুঙাইরবা ওগস্ত ১৫ অসি পুৱারী ওইরবা থৌদোক অনি – ঐখোয়গী লৈবাক্কী নিং খা তম্বগী চহি ৭৫শুবা অমসুং শ্রী ঔরোবিন্দ্রোগী ১৫০শুবা মপোক কুমওন থোক্লি। নিংশিংনিঙাই ওইরবা থৌরম অসিদা শক্নাইরবা মহারিশী শিংগী লমজিং লমতাকশিং অসি ঐখোয়গী তুংগীদমক হন্না য়েংবা মথৌ তারে।

শ্রী ঔরোবিন্দ্রোনা ১৯৪৭দা মহাক্না লৈবাক অসিগীদমক থমখিবা মিৎয়েং মহাক্কী মংলান মঙা থোক্না ফোংদোকখি। মংলান মঙা পুম্নমক মীওই অমগী, লৈবাক্কী অমসুং মালেমগী ওইনা য়াম্না চাউবা পান্দম লৈজৈ।

মহাক্কী মংলান্দা, শ্রী ঔরোবিন্দ্রো ভারত অসিবু অপুনবা অমা ওইনবা য়াম্ন লিংবা সমাজ অমা ওইনবা খেন্নবা থম্লিবশিং মুথৎনবা হায়খি। ১৯৪৭বু নিংশিংলদুনা হায় মদুদি “ঙসি ওইরিবা ভারত অসি নিংবা থুংলে অদুবু মহাক্না পুনশিনবদি ঙমদ্রি”। শ্রী ঔরোবিন্দ্রোনা ভারতকী ফজরবা চৎনবী অমসুং লাইনিং-লাইশোন অমুক হন্না লিংখৎনবা কন্না লাওখি।

অতোপ্পা অমদা শক্নাইরবা লমদম অসিগী মচা সর্দার বল্লভাই পতেলগী মিৎয়েং অমসুং লুচিংবু থাগৎচরি। ঐখোয়গী নিংখা তম্বগী চহি ৭৫শুবা অসিদা ঐখোয়না ধর্ম্ম, মফম, লোল, জাৎ বিজাৎ অমসুং কুচু খেন্নবগী তোখাইনা তান্নবা হোৎনরিবা অসি লান্থেংননবা ঐখোয় পুন্না ৱাশক্লসি। খেন্নবা মখল কয়া অমা লৈরিবা সমাজ অসিদা অমত্তা ওইবা অমসুং অপুনবা অমা ওইনবা ঐখোয়না ৱা ঙাক্লসি।

শ্রী ঔরোবিন্দ্রোগী অনিশুবা মংলান “এসিয়াগী মীয়ামগী হান্নগী ফিভমদা হঞ্জিনবা অমসুং নিং-তম্বা অমসুং মীওইবা খুনাইগীদমক চাউখৎনবা হোৎনবদা চাউরবা থৌদাং অমা লৌবা” অসিনি। মহাক্কী অহানবা মংলান ভারত অসিবু নুঙাই য়াইফবা অমসুং পুনশিনবা অমা ওইনবা হোৎনবদা এসিয়া অসি মালেমগী ওইনা ফিভম ফগৎহনবা মথৌ তাই।

শ্রী ঔরোবিন্দ্রোগী অহুমশুবা মংলান অসি “মীওইবা খুনাই পুম্বগী ওইনা মালেম অসি য়াম্না হেন্না ঙান্বা পুন্সি অমা ওইনা পুনশিনবা”। পুদুচেরীদা মালেমগী অমত্তা ওইবগী তাউনশীপ অমা ওইনবা ঔরোভাইল অমা লিংখৎপা অসিনা মীওইবা খুনাইগীঅমত্তা ওইবগী খুংদম অমনি

মহাক্কী মরিশুবা মংলান, শক্নাইরবা রিশী অসিনা মরুওইবা পীদুনা হায় মদুদি “মালেমদা ভারতকী লাইনিং লাইশোনগী খুদোল’। মহাক্না পুৱারী অসি অমুক হন্না ইনবা অমসুং নহা ওইরিবা মীরোলদা সংস্কৃতীগী চৎনবী অসি তম্বিনবগী মরুওইবা ফোংদোকখি।

শ্রী ঔরোবিন্দ্রোগী অরোইবা মংলান অসি – হেন্না ৱাংবা ৱাখল্লোন অমা থম্বা অসিনি। “মীওইবগী খুনাই অসি থাক অমদা খোঙকাপ অমা থাংজিনবা” মহাক্না পামখি। মসিনা মীওইবা খুনাইগী থেংনরিবা অৱাবা কয়া অমা মায়োক্নবা ঙমগনি।

নুংশিজরবা মহৈরোইশিং,

মংলান মঙা অসিনা শ্রী ঔরোবিন্দ্রোনা ভারত্তা ওইরকপা য়াবা ময়েক শেংনা উৎলি। অমদি ভারতকী নহারোল অদোমগী মথক্তা লৈবক অসিদা মংলানশিং অসি মংফাওনবা থৌদাংশিং নমাংদা তাদুনা লৈরি। চহি ১০০গী মমাংদা, ১৯১৮দা শ্রী ঔরোবিন্দ্রোনা হায়খি অমসুং থমখি, “খ্বয়দগী লৌশিং লৈবা অমসুং ইনাক খুনবনা ভারতগী থায়নগী চৎনবিশিং পুরকপা ঙম্মী; মীওইবা খুনাইনা ঙাইরিবা অদু মঙোন্দা লৈরি, তুংদা লাক্কদৌবা কয়া, পুম্নমক অসি নেস্নেল এজুকেসনগী সিস্তেমনা ওইথোকপা ঙমগনি।

ভারত অমসুং মালেমগী মফম খুধিংদা শ্রী ঔরোবিন্দ্রোগী থৌরমশিং মফম খুদিংদা পাকথোকপদা মায় পাক্নবা ঐহাক্না য়াইফ পাউজেল পীজরি।

জয় হিন্দ!”

*****



(Release ID: 1752286) Visitor Counter : 38