উপ-রাস্ত্রপতিগী লোইশঙ

উপ রাস্ত্রপতিনা শোইবদগী মীৎ উবা ঙমদবা থোকহনদনবা হায়খ্রে


মীমান্নদ্রবা মীওইশিংগীদমক্তা পব্লিক বিলদিংশিং অমসুং য়ুতিলিতীশিংদা ফেসিলিতীশিং লৈহনগদবনি: উপ রাস্ত্রপতি

ভি.পি.না প্রাইবেৎ সেক্তরদা মীমান্নদ্রবা মীওইশিংদা থবক পীবদা চাউনা শরুক য়ানবা হায়খ্রে

উপ রাস্ত্রপতিনা মীৎ দান তৌবা অসি খ্বাইদগী অথোইবা থৌওং অমনি হায়না ফোঙদোকখ্রে

হকশেলদা খুদোংথিবশিং থোকহনদনবা ঐখোয়না দিজিতেল দিভাইসশিং শীজিন্নবা রিগ্যুলেৎ তৌবা মথৌ তাই: উপ রাস্ত্রপতি

উপ রাস্ত্রপতিনা শ্রী রামাকৃষ্ণ সেবাশ্রমাগী চহি ২৫শুবগী কুমওনগী পালন থৌরমদা ভর্চ্যুএল ওইনা শরুক য়াখ্রে, পাবাগরাদা লৈবা শ্রী শরাদা দেবি আই হোস্পিতাল এন্দ রিসর্চ সেন্তরগী অনৌবা ব্লোক শঙ্গাখ্রে

Posted On: 04 SEP 2021 5:01PM by PIB Imphal

উপ রাস্ত্রপতি, শ্রী এম. বেঙ্কাইয়া নাইদুনা ঙসি মীৎ ফনা থম্নবগী মতাংদা এৱের্নেস শন্দোক্তুনা অমসুং খুঙ্গংগী মীয়াম্না ফংবা ঙমগদবা শেল চংদবা আই কিয়র সোল্যুসন দিবেলপ তৌদুনা শোইবদগী মীৎ উদবা থোকহনদনবগী মথৌ তাবগী মতাংদা অকনবা ৱাফম থমখ্রে। মহাক্না হায়খি মসিনা খুঙ্গংগী মফমশিংদা মালেমগী থাক্কী হেল্থ কিয়র ফেসিলিতীশিং ফংহনদুনা প্রাইবেৎ সেক্তরনা অচৌবা মওং অমদা শরুক তম্বা য়াগনি।

উপ রাস্ত্রপতিনা শ্রী রামাকৃষ্ণ সেবাশ্রমা, পাবাগরাগী চহি ২৫শুবগী কুমওন থৌরম অমসুং শ্রী শরাদাদেবি আই হোস্পিতাল এন্দ রিসর্চ সেন্তরগী অনৌবা ব্লোক শঙ্গাবদা ভর্চ্যুএল ওইনা ৱা ঙাংখি। ‘মীৎ দান তৌবা’ অসি খ্বাইদগী অথোইবা থৌওংনি হায়না ফোঙদোক্লদুনা শ্রী নাইদুনা মীয়ামদা মখোয়না চীংনবা পোক্লিবা অদু থাদোক্তুনা মখোয়না লৈখিদ্রবা মতুংদা মখোয়গী মীৎ দান তৌনবা মাংদা থোকপীরকউ হায়না ফোঙদোকখ্রে। লৈবাক অসিদা কোর্নিএল দোনোরশিংগী দিমান্দ চাওনা লৈবা অসি পল্লদুনা উপ রাস্ত্রপতিনা অচৌবা মওং অমদা কোর্নিয়া দোনেসন তৌবা থৌগৎপা মথৌ তারে হায়না ফোঙদোকখ্রে।

কোর্নিএল ব্লাইন্দনেসকী অচৌবা হকশেলগী শীংনবা অসিদা পুক্নীং চিংশিল্লদুনা, শ্রী নাইদুনা নেস্নেল ব্লাইন্দনেস সর্ভে (২০১৫-১৯)গী মতাংদা পনখি অমসুং ভারত্তা চাউরাক্না মীওই লাখ ৬৮না য়ামদ্রবদা মীৎ নামদা কোর্নিএল ব্লাইন্দনেস নারি অমসুং মসিগী মনুংদা মীওই লাখ ১০রোমনা মীৎ অনিমক উবা ঙমদ্রে হায়না মহাক্না ফোঙদোকখি। “নেস্নেল ব্লাইন্দনেস অমসুং বিজ্যুএল ইমপিয়রমেন্ত সর্ভে ২০১৯না ভারত্তা লৈরিবা চহি ৫০গী মখাগী অনাবা মীওইশিংগী মরক্তা কোর্নিএল ব্লাইন্দনেস অসিনা মীৎ উদনবগী অচৌবা মরম অমা ওইরি, মসি কেসশিংগী ৩৭.৫% ওইরি অমসুং চহি ৫০গী মথক্কী অনাবা মীওইশিংগী মরক্তা মীৎ উদনবগী অনিশুবা মরম ওইখি হায়না রিপোর্ত তৌরকখি” হায়না মহাক্না মখা তাখি।

মীৎ উবা ঙমদ্রবা মীওইশিংনা মায়োক্নরিবা অৱাবগী মতাংদা মহাক্না নুংঙাইতবা ফোঙদোক্লদুনা উপ রাস্ত্রপতিনা মীৎ উবা ঙমদ্রবশিংনা মখোয়গী পুন্সিদা শীংনবা কয়া মায়োক্নরি অমসুং মীপুম খুদিংমক্না মখোয়গী অৱাবশিং অসি হন্থহন্নবা তৌবা য়াবা খুদিংমক তৌগদবনি অমসুং শীংনবশিং অসি হন্থহন্নবা মখোয়গী মতেং পাংবা তাই হায়না ফোঙদোকখি।

শ্রী নাইদুনা সরকার অমসুং প্রাইবেৎ সেক্তরদা মীমান্নদ্রবশিংদা খুদোংচাগদবা ইনফ্রাস্ত্রকচর শেমগৎনবা অপীল তৌখি মরমদি মসিনা মীমান্নদ্রবা মীওইশিংদা চাওনা কান্নবা পীগনি হায়না  ফোঙদোকখ্রে। মহাক্না হায় পব্লিক বিল্দিং অমসুং য়ুতিলিতী খুদিংমক্তা মীমান্নদ্রবশিংগী ফেসিলিতীশিং য়াওহনগদবনি। “দিসএবল ফ্রেন্দলী ইনফ্রাস্ত্রকচরগীদমক হান্নদগী গাইদলাইনশিং লৈখ্রে মরম অসিনা লোকেল বোদী পুম্নমক অমদি রাজ্য সরকারশিংনা মদু এনফোর্স তৌহনগদবনি” হায়না মহাক্না মখা তাখি।

উপ রাস্ত্রপতিনা প্রাইবেৎ সেক্তরদা রিজর্বেসনশিং থমদুনা মীৎ উবা ঙমদ্রবা অমসুং অতৈ মীমান্নদ্রবা মীওইশিংদা থবক পীবদা থৱায় য়াওনা শরুক য়ানবা হায়খ্রে।

হৌজিক লৈরিবা লাইচৎ মনুংদা দিজিতেল দিভাইসশিং শীজিন্নবা হেনগৎখি হায়না ফোঙদোক্লদুনা উপ রাস্ত্রপতিনা তেক্নোলোজী কা হেন্না শীজিন্নবনা মরম ওইদুনা হকশেলগী খুদোংথিবশিং থোক্লকপা হেনগৎলকপা অসিগী মতাংদা নুংনাংবা ফোঙদোকখ্রে। মহাক্না অঙাংশিংগী মক্তা গদজেত এদিক্সন হেনগৎলকপা অমসুং মমা-মপা অমসুং ওজাশিংনা মসিদা মীৎয়েং চংবা মথৌ তাই হায়না ফোঙদোকখি।

উপ রাস্ত্রপতিনা তেক্নোলোজী শীজিন্নবা মতমদা মসিনা হকশেলদা খুদোংথিবা থোকহল্লোইদবনি নত্ত্রগা মসি কা হেন্না শীজিন্নদনবা হোৎনগদবনি হায়খি। মহাক্না হায়, “ঐখোয়না দিজিতেল দিভাইসশিং শীজিন্নবা রিগ্যুলেৎ তৌবা মথৌ তাই অমসুং মসি অঙাংশিংগী মতাংদনা হেন্না হকচিন্না লৌগদবনি”। শ্রী নাইদুনা খুমাং চাউশিল্লকপগী মতুং ইন্না অয়াম্বা পোৎলমশিং অসি দিজিতাইজ তৌরক্কনি মরম অসিনা দিজিতাইজেসন তৌবনা হকশেলদা পীবা অকায়বশিং হন্থহন্নবা লম্বীশিং থীদোকপা মরু ওই হায়খি।

শ্রী নাইদুনা শ্রী রামাকৃষ্ণ সেবাশ্রমাগী ফাউন্দর অমসুং চিয়রমেন ওইরিবা স্বামি জপানন্দজীনা লায়রবশিংদা অফবা হেল্থ কিয়র ফংহনবগীদমক অমসুং মহাক অমদি মহাক্কী খোঙলোইনা খুন্নাই অসিদগী ত্যুবর্ক্যুলোসিস অমসুং লেপ্রোসী হন্থহন্নবা মশাগী খন্দনা শেবা তৌবা অদুগীদমক থাগৎপা ফোঙদোকখি। মহাক্না হায়খি, “লম খুদিংমক্তা সরকারনা হোৎনরিবা অসিদা প্রাইবেৎ সেক্তর, কোওপরেতিব সেক্তর, সিবিল সোসাইতী ওর্গনাইজেসনশিং অমসুং এন.জি.ও.শিংনা মতেং পাংবীনবা “ঐহাক্না তোয়না হায়জৈ”।

স্বামি বিবেকানন্দনা সোসিএল সর্ভিসকী মতাংদা পীবীরম্বা ৱাখল্লোনশিং অমসুং মমল য়াম্লবা পাউতাকশিং অদু উপ রাস্ত্রপতিনা নীংশিংখ্রে। সর্ভিস ফংহনবগী লম্বী অমসুং স্পিরিচ্যুএলিতী অনি অসি চপ মান্নৈ হায়না ৱাফম অসি পাল্লদুনা শ্রী নাইদুনা স্বামি বিবেকানন্দনা ‘সিয়র অমসুং কিয়র’ হায়বা অরিবা সব্যাতাগী পাউতাকশিং অসিদা য়ুম্ফম ওইরগা অনৌবা ভারত অমা শেমগৎনবা হোৎনরমখি হায়না ফোঙদোকখি।

শ্রী নাইদুনা মীয়ামদা ‘সর্ভিস’কী ৱাখল্লোন অসি পোক্নবা অমসুং লৈত-লায়রবগী য়াইফনবগীদমক মখোয়না অঙম্বা শরুক তম্নবা অপীল তৌখ্রে। পুম্নমক্কী য়াইফনবা অসিগুম্বা ৱাখল্লোন অসি ঐখোয়গী অরিবা পাউতাক ‘বসুদৈবা কুতুম্বকম’গী নুংগী ওইবা ৱারোল অদুনি হায়না মহাক্না ফোঙদোকখি।

উপ রাস্ত্রপতিনা নৌনা হাপচিনখিবা ব্লোক অসিগীদমক শেলগী তেংবাং পীবীরকপগীদমক ইনফোসিস ফাউন্দেসনগী চিয়রমেন শ্রীমতি সুধা মুর্তীবু থাগৎপা ফোঙদোকখি।

থৌরম অদুদা অদম্যা চেৎনা ফাউন্দেসনগী চিয়রপর্সন শ্রীমতি তেজাস্বিনি আনন্থ কুমার, বেঙ্গলোর ইনফোসিস সেন্তরগী হেদ শ্রী গুরুরাজ দেশপান্দেসু শরুক য়াখি।

 

থমখিবা ৱারোলগী মপুং ফাবা ৱারোল মখাদা পীরি

 

“ইচিল-ইনাওশিং,

শ্রী রামাকৃষ্ণ সেবাশ্রমা, পাবাগরাগী চহি ২৫শুবগী কুমওন থৌরমদা য়াওজবা ফংজবা অমসুং শ্রী শরাদাদেবি আই হোস্পিতাল এন্দ রিসর্চ সেন্তরগী অনৌবা ব্লোক শঙ্গাবা ফংজবা অসিদা য়াম্না নুংঙাইবা পোকই। অনৌবা হোস্পিতাল কমপ্লেক্স অসিনা আই কিয়রতা নত্তনা কেন্সর খঙদোকপা/লায়েংবগী কেম্পশিং লোইননা ই.এন.তি.গী লায়েং চত্থনবা কেম্পশিং হৌদুনা সর্ভিসকী স্কোপ চাওথোক্লগনি তাবদা ঐহাক নুংঙাইবা ফাওই।

স্বামি জপানন্দজী, শ্রী রামাকৃষ্ণ সেবাশ্রমাগী ফাইন্দর অমসুং চিয়রমেন ওইরিবা অসিনা হৌখিবা চহি ৪০ অসিদা অফবা হেল্থ কিয়র অমসুং মেদিকেলগী মতেং খুন্নাই অসিগী খ্বাইদগী লায়রবশিং অমসুং খুদোংচাবা ফংদ্রবা কাংলুপশিংদা পীনবা হোৎনদুনা লাক্লি। চহি কয়া অসিদা, মহাক অমদি মহাক্কী খোঙলোইনা খুন্নাই অসিদগী ত্যুবর্ক্যুলোসিস অমসুং লেপ্রোসী হন্থহন্নবা মশাগী খন্দনা শেবা তৌদুনা লাকখি।

শ্ররাদাদেবি আই হোস্পিতালদা ২০০০দগী হৌনা মীৎকী সর্জরী ৩২,০০০ হেন্না হৌজিক ফাওবদা তৌখ্রে হায়না ঐঙোন্দা তাকপীখি। মসি স্বামি জপানন্দজী অমসুং মহাক্কী খোঙলোইশিংগী ৱাশক চেৎপা, কত্থোকপা অমসুং হোৎনবা কনবগী শীংথানীংঙাই ওইবা খোঙথাং অমনি অমসুং প্রমান ওইরি।

শ্রী রামাকৃষ্ণ সেবাশ্রমানা খুন্নাই অসিগী য়াইফনবা অতৈ প্রোগ্রাম কয়া পাইখৎলি তাবদা ঐহাক্না পেনজৈ। মসিগী মনুংদা শ্রী শরাদাদেবি ভিজন মেনেজমেন্ত ইন্সতিত্যুতনা মীৎ উবা ঙমদ্রবা অঙাংশিংদা দিকিয়র এজুকেসন অমসুং ত্রেনিং পীরি।

“বাতসল্য সুধা”গী মখাদা নুমিৎ খুদিংগী লায়রবা অঙাং ১০০দা মচি ওইবা ব্রেকফাস্ত পীরি অমসুং মখোয়দা কলচর, হেরিতেজ অমসুং লৈবাক নীংবগী অফবা ৱাখল্লোন পোকহল্লি হায়নসু ঐঙোন্দা তাকপীরি। ঐহাক্না স্বামিজীবু মহাক্কী থোইদোক-হেন্দোকপা অমসুং মশাগী খন্দনা লৈবাক অসিগী শেবা তৌবগীদমক থাগৎপা ফোঙদোকচরি।

লম খুদিংমক্তা সরকারনা হোৎনরিবা অসিদা প্রাইবেৎ সেক্তর, কোওপরেতিব সেক্তর, সিবিল সোসাইতী ওর্গনাইজেসনশিং অমসুং এন.জি.ও.শিংনা মতেং পাংবীনবা ঐহাক্না তোয়না হায়জৈ। মসি ঐখোয়গী লৈবাক্কী চাউখৎ-থৌরাংগী পান্দমশিং ফংনবা হোৎনবদা মরু ওই। ঐখোয়না তীম ইন্দিয়াগুম্না পুন্না থবক তৌমিন্নবা আই অমসুং ভারতনা অনৌবা পন্দোম লোম্বা ঙম্নবা লম্বী য়াৎপা তাই।

নুংশিরবা ইচিল-ইনাওশিং,

ৱর্ল্দ হেল্থ ওর্গনাইজেসন (দবল্য.ঐচ.ও.)গী মতুং ইন্না মালেমদা য়ামদ্রবদা মীওই বিলিয়ন ২.২ না অনকপা নত্ত্রগা অরাপ্পা উবা ঙমদে, মসিগী মনুংদা মীৎ শোকপগী কেস বিলিয়ন ১রোমদি ঙাকথোকহৌবা য়াবা নত্ত্রা লায়েংদবা ওইরি। মীৎ উবা ঙমদবা অসিনা চহি কাংলুপ পুম্নমক্কী মীওইশিংদা শোকহনবা ঙম্লি অদুবু মীৎ শোকপা অমসুং মীৎ উবা ঙমদবা অসিনা অয়াম্বনা চহি ৫০গী মথক্কী মীওইশিং ওইরি।

ভারত্তা চাউরাক্না মীওই লাখ ৬৮না মীৎ নামদা কোর্নিএল ব্লাইন্দনেস নারি অমসুং মসিগী মনুংদা মীওই লাখ ১০রোমনা মীৎ অনিমক উবা ঙমদি। নেস্নেল ব্লাইন্দনেস অমসুং বিজ্যুএল ইমপিয়রমেন্ত সর্ভে ২০১৯না ভারত্তা লৈরিবা চহি ৫০গী মখাগী অনাবা মীওইশিংগী মরক্তা কোর্নিএল ব্লাইন্দনেস অসিনা মীৎ উদনবগী অচৌবা মরম অমা ওইরি, মসি কেসশিংগী ৩৭.৫% ওইরি অমসুং চহি ৫০গী মথক্কী অনাবা মীওইশিংগী মরক্তা মীৎ উদনবগী অনিশুবা মরম ওইখি হায়না রিপোর্ত তৌরকখি।

মালেমগী ওইনা মীৎ শোকপগী মপুং ওইবা মরমশিং অসি চুমথোক্ত্রবা রিফ্রাক্তিব এরোরশিং, কেতরেক্ত, চহিগা মরী লৈনবা মেক্যুলর দিজেনরেসন, গ্লুকোমা, দাইবেতিক রেতিনোপেথী, কোর্নিএল ওপাসিতী অমসুং ত্রাকোমা অসিনি।

দবল্যু.ঐচ.ও.গী রিপোর্ত মতুং ইন্না বিজন, মীশিং য়ামখৎলকপা, পুন্সি মহিংদা অহোংবা লাকপা অমসুং আই কিয়র নীংথিনা য়েংশিনদবা অসিনা মীৎ শোকপা মীওইশিংগী মশিং হেনগৎলকপগী মরু ওইবা মরমশিং ওইরি।

নুংশিংরবা ইচিল-ইনাওশিং,

শোইবদগী মীৎ উবা ঙমদবা অসি ঙাকথোকপা য়াম্না মরু ওই। ঐখোয়না মীৎ ফনা থম্নবগী মতাংদা এৱের্নেস শন্দোক্তুনা অমসুং খুঙ্গংগী মীয়াম্না ফংবা ঙমগদবা শেল চংদবা আই কিয়র সোল্যুসন দিবেলপ তৌদুনা শোইবদগী মীৎ উদবা থোকহনদনবগী মথৌ তাই। মসিনা খুঙ্গংগী মফমশিংদা মালেমগী থাক্কী হেল্থ কিয়র ফেসিলিতীশিং ফংহনদুনা প্রাইবেৎ সেক্তরনা অচৌবা মওং অমদা শরুক তম্বা য়াগনি।

ঐখোয়না ওনলাইনদা ই-পাও কয়া অমা ফংলিবা দিজিতেল এজ অমদা হিংলি। অমরোমদা মালেমদা লৈরিবা মীওইশিংদা তেক্নোলোজীনা শীংথানীংঙাই ওইনা কান্নবা পীরি অদুম ওইনমক অতৈগুম্না মসিগী কান্নবশিং অমসুং মাংজবশিং লৈরি। অঙাংশিংগী ওইনদু মসিনা মখোয়দা অহোংবা কয়া লাকহনখ্রে, লাইরিক, গেম, আক্তিবিতী নত্ত্রগা মরুপশিংগা পাও ফাওনবা হৌজিক পুম্নমক শুপ্নগী ক্লিক অমদা পুম্নমক ফংলে।

হৌজিক লৈরিবা লাইচৎ অসিগী মনুংদা দিজিতেল দিভাইসশিংনা মহৈরোয়শিংদা মখোয়গী এজুকেসন ফংহনবদা অপনবা অমত্তা থোকহনদনা মতেং পাংলি। মসিগী নাকল অমরোমদা অঙাংশিংগী মক্তা গদজেত এদিক্সন হেনগৎলকপা অমসুং মমা-মপা অমসুং ওজাশিংনা মসিদা মীৎয়েং চংবা মথৌ তাই। অমসুং স্ক্রীন তাইম হেনগৎলকপনা মরম ওইরগা মীৎ ৱাবা, মীৎ কংবা অমসুং নুংঙাইরবা অসিগুম্বা সমস্যাশিং অঙাংশিংদা থোকলি। মরম অসিনা তেক্নোলোজী শীজিন্নবা মতমদা মসিনা হকশেলদা খুদোংথিবা থোকহল্লোইদবনি নত্ত্রগা মসি কা হেন্না শীজিন্নদনবা হোৎনগদবনি। ঐখোয়না দিজিতেল দিভাইসশিং শীজিন্নবা রিগ্যুলেৎ তৌবা মথৌ তাই অমসুং মসি অঙাংশিংগী মতাংদনা হেন্না হকচিন্না লৌগদবনি।

খুমাং চাউশিল্লকপগী মতুং ইন্না অয়াম্বা পোৎলমশিং অসি দিজিতাইজ তৌরক্কনি মরম অসিনা দিজিতাইজেসন তৌবনা হকশেলদা পীবা অকায়বশিং হন্থহন্নবা লম্বীশিং থীদোকপা মরু ওই।

নুংশিরবা ইচিল-ইনাওশিং,

ঐখোয়গী মীৎ উবা ঙমদ্রবা মরুপশিংনা মখোয়গী পুন্সিদা শীংনবা কয়া মায়োক্নরি অমসুং মীপুম খুদিংমক্না মখোয়গী অৱাবশিং অসি হন্থহন্নবা তৌবা য়াবা খুদিংমক তৌগদবনি অমসুং শীংনবশিং অসি হন্থহন্নবা মখোয়গী মতেং পাংবা তাই।

সরকার অমসুং প্রাইবেৎ সেক্তরদা মীমান্নদ্রবশিংদা খুদোংচাগদবা ইনফ্রাস্ত্রকচর শেমগৎনবা অপীল তৌজনীংই মরমদি মসিনা মীমান্নদ্রবা মীওইশিংদা চাওনা কান্নবা পীগনি। পব্লিক বিল্দিং অমসুং য়ুতিলিতী খুদিংমক্তা মীমান্নদ্রবশিংগী ফেসিলিতীশিং য়াওহনগদবনি। খুদম ওইনা, পব্লিক লোইননা রেসিদেন্সিএল বিল্দিংশিংদা তেকতাইল পেবিং তৌবনা মীৎ উবা ঙমদ্রবা মীওইশিংনা লায়না চৎপা ঙমগনি।

সরকারগী সেক্তরগুম্না প্রাইবেৎ সেক্তরদা রিজর্বেসনশিং থমদুনা মীৎ উবা ঙমদ্রবা অমসুং অতৈ মীমান্নদ্রবা মীওইশিংদা থবক পীবদা থৱায় য়াওনা শরুক য়াগদবনি।

নুংশিরবা ইচিল-ইনাওশিং,

 ‘মীৎ দান তৌবা’ অসি খ্বাইদগী অথোইবা থৌওংনি। মরম খরদগী মীয়ামদা মখোয়না চীংনবা পোকপনা মখোয়না লৈখিদ্রবা মতুংদা মখোয়গী মীৎ দান তৌনবা থোরক্তে। লৈবাক অসিদা কোর্নিএল দোনোরশিংগী দিমান্দ চাওনা লৈবা মরম অসিনা অচৌবা মওং অমদা কোর্নিয়া দোনেসন তৌবা থৌগৎপা মথৌ তাই। ঐহাক্না লৈবাক অসিদা লৈরিবা মীপুম খুদিংমক্তা মাংদা থোরক্তুনা মখোয়না লৈখিদ্রবা মতুংদা মখোয়গী মীৎশিং দান তৌবীনবা হায়জরি।

 

ঐহাক্না স্বামি জপানন্দজীনা খুদোংচাবা ফংজদ্রবশিংগীদমক শীংথানীংঙাই ওইবা থবক তৌবগীদমক অমুক হান্না থাগৎপা ফোঙদোকচরি। মহাক অমসুং মহাক্কী ফাউন্দেসনগীদমক ঐহাক্না য়াইফ-মঙ্গোল পীজরি।

জয় হিন্দ!”

 

*****



(Release ID: 1752285) Visitor Counter : 171