শীংথানীংঙাই ওইবা মাইপাকপা অমদা ঙসি ভারতকী অপুনবা কোবিদ-১৯ ভেক্সিনেসনগী কভরেজ অসি করোর ৬৭ হেনখ্রে। ভেক্সিন দোজ ৭৪,৮৪,৩৩৩ কাপখিবগা লোইননা হৌখিবা পুং ২৪দা ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং করোর ৬৭.০৯ (৬৭,০৯,৫৯,৯৬৮) হেনখ্রে। মসি সেসন ৭০,৩৪,৮৪৬গী খুত্থাংদা কাপখি।

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা অশুম্না লৈরি:

কেন্দ্র সরকারনা লৈবাক শিনবা থুংনা কোবিদ-১৯ ভেক্সিনেসনগী খোঙজেল হেনগৎহন্নবা অমদি স্কোপ পাকথোক চাউথোকহন্নবা ফিরেপ লৌরি‍।

হৌখিবা পুং ২৪ অসিদা মীওই ৩৪,৭৯১ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,২০,৬৩,৬১৬দা হেনগৎহনখি (লাইচৎ হৌবদগী হৌদুনা)।

মসিনা মরম ওইরগা ভারতকী ফগৎলকপগী চাং ৯৭.৪৫%দা লৈরি‍।‍

কেন্দ্র অমদি রাজ্য/য়ু.তি. সরকারশিংগী লেপ্পা নাইদনা অমদি পুন্না হোৎনমিন্নবনা থংন-থংননা হৌখিবা নুমিৎ ৬৮নি অসিদা নোংমগী ওইবা অনৌবা রিপোর্ত তৌরকপা কেস মশিং অসো ৫০,০০০দগী তাদুনা লাক্লি।

হৌখিবা পুং ২৪দা ভারত্তা নোংমগী ওইবা অনৌবা কেস ৪৫,৩৫২ রিপোর্ত তৌরকখি। 

হৌজিক্কী ওইনা এক্তিব কেসলোদ ৩,৯৯,৭৭৮দা লৈরি। এক্তিব কেস মশিং অসি লৈবাকসিগী অপুনবা পোজিতিব কেস মশিংগী ১.২২% ওইরি‍।

লৈবাক শিনবা থুংনা তেস্তিং কেপাসিতী চাওনা হেনগৎহনখি। হৌখিবা পুং ২৪ অসিদা লৈবাক অসিদা পুন্না তেস্ত মশিং ১৬,৬৬,৩৩৪ তৌখি‍। হৌজিক ফাওবদা ভারতনা পুন্না তেস্ত মশিং করোর ৫২.৬৫ (৫২,৬৫,৩৫,০৬৮)  হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোয়ননা চয়োলগী ওইবা পোজিতিবিতী রেৎ ২.৬৬%দা লৈরে অমদি হৌখিবা নুমিৎ ৭০নি অসিদা ৩%দগী তানা লৈরি। নোংমগী ওইবা পোজিতিবিতী রেত অসি ২. ৭২%দা লৈরি। হৌজিক্কী ওইনা থংন-থংননা নুমিৎ ৮৮নি অসিদা নোংমগী ওইনা পোজিতিবিতী অসি অসি ৫%গী মখাদা লৈরি‍।

****