তেলঙ্গনা অমসুং মেঘলয়দা এভিএসন ইনফ্রাস্ত্রকচর ফগৎহন্নবগী তোঙান তোঙানবা হিরমশিং রাজ্য অনিমক্কী মুখ্য মন্ত্রীশিংনা হকথেংননা য়েংশিন্নবা সিভিল এভিএসনগী কেন্দ্রগী মন্ত্রী, শ্রী জ্যোতিরঅদিত্য এম. সিন্দিয়ানা রাজ্য অনিমক্কী মুখ্য মন্ত্রীশিংদা চিথী ইদুনা হায়জখ্রে৷

তেলঙ্গনাগী মুখ্য মন্ত্রী, শ্রী কে. চন্দ্রশেখর রাওদা চিথী ইরদুনা, শ্রী সিন্দিয়ানা হাইদ্রবাদ ইন্তরনেস্নেল এয়রপোর্ত লিমিতেদ(ঐচ.আই.এ.এল.)কী কন্সেসন এগ্রীমেন্তগী মতম অদু শাংদোক্নবগী ইসু অদুগী মাইকৈরোমদা মহাক্কী পুক্নিং চিংশিনখি৷ হাইদ্রবাদ ইন্তরনেস্নেল এয়রপোর্ত অসি শেমগৎনবা, ওপরেসন অমসুং মেন্তিনেন্স তৌননবগীদমক ভারত সরকারগী সিভিল এভিএসন মন্ত্রালয় অমসুং ঐচ.আই.এ.এল.গী মরক্তা ২০০৪গী দিসেম্বর ২০দা কন্সেসন এগ্রীমেন্ত(সি.এ.) অমা পাংথোকখি হায়না মহাক্না পনখি৷ সি.এ.গী ক্লোজ ১৩.৭.১গী তর্মশিংদা, এম./এস. ঐচ.আই.এ.এল.না মমাংগী চহি ৩০, হায়বদি ২০৩৮গী মার্চ ২৩গী মতুংদগী ২৩.০৩.২০৬৮ ফাওবা অতোপ্পা চহি ৩০গী মতম অমগা মহাক্কী কন্সেসন পেরিয়র্দ অদু শাংদোক্নবগীদমক মহাক্না হায়জখ্রে৷ কন্সেসন এগ্রীমেন্তগী মতম শাংদোক্নবগীদমক ঐচ.আই.এ.এল.দগী হায়জরক্লিবা অদু অমুক হন্না য়েংশিন্নবা রাজ্য সরকারদা হায়জখ্রে অমসুং মহাক্কী রিকম্মেন্দেসনশিং সিভিল এভিএসন মন্ত্রালয়দা ফংহনখ্রে৷

ৱরঙ্গল এয়রপোর্ত ওপরেসনেলাইজেসন তৌনবগী ইসু অমসুং রিজনেল কন্নেক্তিবিতী স্কিম (আর.সি.এস.)-উধান(উদে দেশ কা আম নগরিক)গী মখাদা ইনক্লুজন তৌননবা শ্রী সিন্দিয়ানসু পনখি৷ ৱরঙ্গল এয়রপোর্ত অসি ঐচ.আই.এ.এল.গী এরিএল দিস্তেন্স কি.মি. ১৫০গী মনুংদা লৈ অমসুং তেলঙ্গনাগী রাজ্য সরকারগা লোইননা ঐচ.আই.এ.এল. অমসুং এয়রপোর্তস ওথোরিতী ওফ ইন্দিয়া(এ.এ.আই.)না এক্সপ্লোর তৌগদৌরিবা মুচুএল্লী এগ্রীএবল সোলুসনগা লোইননা শেমগৎপা য়াগনি৷

মতৌ অসিগুম্না, তুরা এয়রপোর্ত খোংজেল য়াংনা ওপরেসন তৌরিবা অসিদা মেঘালয়গী মুখ্য মন্ত্রী, শ্রী কোনরদ কে. সঙ্গমানা হকথেংননা য়েংশিন্নবা শ্রী সিন্দিয়ানা হায়জখ্রে৷ প্রজা মীয়ামদা এয়র ত্রাবেল অসি এফোর্দেবল ওইহন্দুনা লৈবাক অসিদা লৈরিবা অনসর্ব অমসুং আন্দরসর্ব এয়রপোর্তশিংদগী রিজনেল এয়র কন্নেক্তিবিতী ফগৎহন্নবা সিভিল এভিএসন মন্ত্রালয়না আর.সি.এস.-উধান লোঞ্চ তৌখ্রে হায়না মহাক্না ফোংদোকখি৷ তুরা এয়রপোর্ত অসি অনসর্ব এয়রপোর্তকী তেন্তেতিব লিস্ততা য়াওরগনি৷ বিদ্দিংগী অখন্নবা রাউন্দ ৪.১দা আর.সি.এস. রুত অনিগীদমক, হায়বদি শিল্লোংদগী তুরা ভি.ভি. অমসুং গুৱাহতিদগী তুরা ভি.ভি. ফাওবগী ওইনা হেলিকোপ্তর ওপরেসনশিংগী বিদশিং ফংখ্রে অমসুং হায়রিবা অদুমক স্কিম দোকুমেন্তগী প্রোভিজনগী মতুং ইন্না অথুবা মতমদা ফাইনেলাইজ তৌরবা য়াই৷

মখাগী ইসুশিং অসিদা মহাক্না শ্রী সঙ্গমাগী পুক্নিং চিংশিনখ্রে:

• তুরা এয়রপোর্ত অসি য়েংশিন্নবগীদমক এয়রপোর্তস ওথোরিতী ওফ ইন্দিয়াদা মেঘালয় সরকারনা হায়জরকপগী মতুং ইন্না, এ.এ.আই.না ২০১৩দা দ্রাফত এম.ও.য়ু. অমা রাজ্য সরকারদা পীশিনখ্রে৷
• লোইন-লোইননা, এ.তি.আর.-৭২ তাইপ এয়রক্রাফত ওপরেসন তৌননবগীদমক এয়রপোর্ত চাওথোক্নবা অমসুং শেমগৎননবগীদমক, লুপা কোতি ১৮৩.৬৩গী দিবেলপমেন্ত কোস্ত য়াওবা দি.পি.আর. অমা অমসুং লম একর ৫৬.৫ লৌশিন্নবগী প্রপোজেল এ.এ.আই.না ১২.০৬.২০১৭তা চিথীগী খুৎথাংদা রাজ্য সরকারদা পীশিনখি৷ ১৮.০৮.২০২০দা থোকখিবা চিথীদা রাজ্য সরকারনা সর্ভে অসি মপুং ফারে অমসুং ওবস্তেকল লৌথোকপগী প্রোসেস পাংথোক্লি হায়না ফোংদোকখি৷ হৌজিক লৈরিবা ইনফ্রাস্ত্রকচর, লম, ফাইনান্স, ত্রাফিক দিমান্দ অমসুং এক্সন প্লান অসি মতাংদা অহেনবা ই-পাউ খঙহনলক্নবগীদমক ১৮.০৯.২০২০দা এ.এ.আই.না ইখিবা চিথীনা হায়জরকখ্রে৷
• এয়র সেফতী রিক্বেয়রমেন্তগী মতুং ইন্না, ২৪০ মীতর x ৬০ মীতরগী রনৱে এন্দ সেফতী এরিয়া(রেসা)গী প্রোভিজন অদু রিকম্মেন্দ তৌই অমসুং সিতী সাইদ ইনফ্রাস্ত্রকচর, রনৱে এক্সতেন্সনগা লোইননা ফেস-১দা সিম্পল এপ্রোচ লিতনিং(এস.এ.পি.এল.)য়াওবা ভি.এফ.আর. ওপরেসন প্রপোস তৌরকই৷ মদুনা মরম ওইদুনা, অহেনবা লম একর ৬৮.৫ লৌশিনবা দরকার ওই৷ অসুম্না, ফেস-১ এয়রপোর্ত অসি শেমগৎননবগীদমক ফ্রী ওফ কোস্ত অমসুং এনকমব্রেন্স পুম্নমক্তগী ফ্রী ওইনা লৌশিন্দুনা এ.এ.আই.দা খুৎশিন্নবা  দরকার ওইরিবা অপুনবা লমগী মফম অসি একর ১২৫নি৷
• মখাতানা, আই.এল.এস. অমসুং সি.এ.তি.-১ লাইতনিং সিস্তেমগা লোইননা আই.এফ. আর. ওপরোসন তৌননবগীদমক, অহেনবা লম একর ১১৫ রাজ্য সরকারনা রিজর্ব তৌরবা য়াই৷

*****