প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী থোংদা শ্রীল ভক্তিবেদান্ত স্বামি প্রভুপাতজীগী ১২৫শুবা মপোক কুমওনগী থৌরমদা অখন্নবা নীংশিং শেনয়েক অমা ফোঙখ্রে। কলচর, তুরিজম অমসুং অৱাং-নোংপোক থংবা লমদমগী চাউখৎ-থৌরাং (দোনর)গী কেন্দ্রগী মন্ত্রী শ্রী জি কিশন রেদ্দীনা অমসুং অতৈশিংনা থৌরম অদুদা শরুক য়াখি।

মীতিন অদুদা ৱা ঙাংলদুনা প্রধান মন্ত্রীনা ঙরাং শ্রী কৃষ্ণ জনমাঅস্তমী তাখিবা অমসুং শ্রীল প্রভুপাতকী ১২৫শুবা মপোক কুমওন পুন্না পালন তৌবদা নুংঙাইবা ফোঙদোকখি। ‘মসি সাধনাগী নুংঙাইবা অমসুং অপেনবা অনিমক অমত্তা ওইনা পুনশিনবা ওইনা থোক্লি।’ মহাক্না থৌরম অসি আজাদী কা অমৃত মহোৎসব পাঙথোক্লিঙৈ চৈরক্তা পালন তৌরি হায়নসু ফোঙদোকখি। ‘মসিগী ৱাখল্লোন অসি ঙসি মালেম পুম্বদা লৈরিবা শ্রীল প্রভুপাত স্বামিবু তুং ইল্লিবা মীওই করোর কয়ানা অমসুং কৃষ্ণগী ভক্তা করোর কয়ানা ফাওরি’ হায়না প্রধান মন্ত্রীনা ফোঙদোকখি।

মন্ত্রী প্রভুপাদ স্বামি অসি কৃষ্ণবু থোইদোক হেন্দোক্না নীংজবা ভক্তা অমা ওইবতা নত্তনা মহাক অসি ভারতকী অথোইবা ভক্তা অমসু ওইখি হায়না ফোঙদোকখি। মহাক্না লৈবাক অসিগী নীংতম ইহৌগীদমক লান্থেংনখি। মহাক্না নন-কোওপরেতিব মুফমেন্তবু শৌগৎপা ওইনা স্কোতিশ কোলেজতগী মহাক্কী দিপ্লোমা ফাওবা লৌ হায়বা য়াখিদে, হায়না প্রধান মন্ত্রীনা ফোঙদোকখি।

প্রধান মন্ত্রীনা হায়খি মালেম পুম্বদা ঐখোয়গী য়োগগী লৌশিং, ভারতকী লৈরিবা তুংকোইনা চৎকদবা পুন্সি মহিং, আয়ুর্বেদকুম্বা বিজ্ঞান অসি শন্দোকখি। মসিগী কান্নবা মালেম পুম্বদা ফংহনবা হায়বা অসি ঐখোয়গী ৱারেপনি হায়না শ্রী মোদীনা ফোঙদোকখি। প্রধান মন্ত্রীনা হায়, ঐখোয়না অতোপ্পা লৈবাক অমা হেক্তদা চৎপা মতমদা অমসুং মফম অদুদা মীয়াম্না উনবদা ‘হরে কৃষ্ণ’ হায়না কৌনবা মতমদা ঐখোয়দা ঐখোয়গী মীনি হায়না খল্লি অমসুং চাউথোকচবা পোকই। অসিগুম্বা ঐখোয়গী ওইবা ৱাখল্লোন অসি ঐখোয়গী মেদ ইন ইন্দিয়া প্রদক্তশিংকীদমক লৈরবদি ঐখোয়দা চপ মান্নবা ৱাখল্লোন অসি ফাওগনি হায়না প্রধান মন্ত্রীনা ফোঙদোকখি। ঐখোয়না হীরম অসিদা ইস্কোনদগী তমজনীংঙাই কয়া লৈ।

প্রধান মন্ত্রীনা হায় মীনাই নাইথাংগী মতমদা ভক্তিনা ভারতকী থৌনা অদুবু য়োখৎতুনা থমখি। মহাক্না হায় করিগুম্বা ভক্তিগী মতমগী সোসিএল রিভোলুসন লৈরমদ্রবদি ভারতকী স্তেতস অমসুং মওং মতৌ অসি তোঙানবা মওং অমদা লৈরমগনি হায়না স্কোলরশিংনা ফোঙদোক্লি। ভক্তিনা থাজবা মাংহনবা, সমাজগী খেন্নবা অমসুং খুদোংচশিংগী মরক্তা খেন্নবা লৈহন্দনা ঐখোইবু শেম্বীরিবা মপুগা ইশ্বরগা শম্নহল্লি। মদিগী লুরবা মতমশিং অদুদা ফাওবদা ঐখোয়গী খুন্নাইদা ভক্তিগী ৱাখল্লোন ফংওহনখিবা, চৈতন্য মহাপ্রভুনা ‘ইশানা ইশাদা থাজবা থম্বগী’ লাইৱা পীবীখি।

প্রধান মন্ত্রীনা হায় মতম অমদা করিগুম্বা স্বামি বিকেকানন্দগুম্বা লাইপোক্না বেদ-বেদান্তনা নোংচুপতা য়ৌহনবা ঙম্লবদি, শ্রীল প্রভুপাত অমসুং ইস্কোন্না ভক্তি য়োগ অসি মালেমদা য়ৌহন্নবা হোৎনবা মতমদা অচৌবা থৌদাং অমা লৌখি। মহাক্না ভক্তি বেদান্তবু মালেমগী জ্ঞানগা শম্নহন্নবা থবক তৌখি হায়না প্রধান মন্ত্রীনা ফোঙদোকখি।

প্রধান মন্ত্রীনা হায় ঙসিদি মালেমগী তোঙান-তোঙানবা লৈবাকদা ইস্কোন লাইশঙ চা কয়ামরুম লৈরে অদুগা গুরুকুল কয়ামরুম্না ভারতকী নাৎ অসি য়োকখৎতুনা থম্মি। ইস্কোন্না ভারতকী ওইনা থাজবা অসি থৌনা, ইনোৎ হাপ্পা অমসুং হরাও তয়াম্বা অমদি মীওইবা খুনাইদা থাজবা থম্বনি হায়না মালেমদা শন্দোক্লি। শ্রী মোদীনা কুচ্ছতা থোকখিবা জ্বার হাবা, উত্তরাখন্দগী অৱাবা, ওরিশা অমসুং বেঙ্গলদা থোকখিবা সাইক্লোনশিংদা ইস্কোন্না পাংখিবা তেংবাংগী মতাংদা পনখি। প্রধান মন্ত্রীনা লাইচৎ অসিগী ইস্কোন্না লৌখিবা থৌদাংবুসু থাগৎপা ফোঙদোকখি।

থৌরম অসি কলচর মন্ত্রালয় অমসুং ইস্কোন্না পুন্না শিনবনি। থৌরম অদুদা জি. কে. রেদ্দীনা “ক্রনবন্তো বিশ্বমার্য়মগী পান্দমগা লোইননা মীওইবা খুন্নাইবু খুন্নাই অমসুং নাৎ চাউখৎহন্নবা লম্বী য়াৎলমখিবা ভারতকী কলচরেল এম্বেসেদরশিংগী মরক্তা অমা ওইরিবা” হায়না ফোঙদোকখি।

কেন্দ্রগী কলচর মন্ত্রী, শ্রী জি কিশন রেদ্দীজীনা থৌরম অসিদা ভর্চ্যুএল ওইনা তরাম্না ওকপগী ৱারোল থমলদুনা হায়, “ভারত অসি মীয়ামগী থৌগল তৌনবা পুন্সি কত্থোকখিবা অমসুং মশিং লাকঙমদ্রবা মীওইশিংদা পুন্সিগী অচুম্বা লেম্বেল তাকপীখিবা মহা-পুরুশশিংগী লমদম ওইরমখি। শ্রীল প্রভুপাতকী পুন্সি অসিমক কত্থোকপা অমসুং থৌনা লৈবগী ৱারী ওইরি অমসুং ঙসি স্বামিজীনা হৌদোকলম্বা ইহৌ, ইস্কোন অসি মালেম পুম্বদা কত্থোকপা অমসুং ভাগ্বান শ্রী কৃষ্ণগী লম্বীশিং অমসুং ভারতকী (ভারতিয়া) নাৎ, লৌশিং অমসুং চৎনবীশিং শন্দোকপগীদমক খঙনরি।”

শ্রীল প্রভুপাতজী অমসুং মহাক্কী তুংইল্লিবশিংনা হোৎনরমখিবশিং অদুনা মরম ওইরগা ঙসি রুসিয়া, অর্জেন্তিনা, ঘানাগুম্বা লৈবাকশিংগী মীওই লিশিং কয়ানা সরী অমসুং ধোতি চেৎরুনা, সংস্কৃতকী মন্ত্র শোনবা, শ্রীমদ ভাগবদ গীতা অমসুং অতৈ পুরানাশিং পাবা, ম্রিদঙ্গা অমসুং খোলগুম্বা জন্ত্রশিং খোঙবা উবা ফংলি, মসি তশংনা শ্রীল প্রভুপাতনা ঐখোয়গী হেরিতেজকী কলচরেল এম্বেসেদর অমা ওইনা পুরকখিবা কলচরেল রিভোল্যুসন অমনি” হায়না মহাক্না মখা তাখি। শ্রী কিশন রেদ্দীনা মখা তারদুনা হায়খি, “ভারতকী স্পিরিচ্যুএল কলচর অসি হিংগৎহন্নবা অচেৎপা অপাম্বা অমগা লোইননা শ্রীল প্রভুপাতজীনা মহাক্কী পুন্সিদা ভারত্তা সেন্তর ৮ লিংখৎলমখি হায়রিবা অসি ঙসিদি সেন্তর ৩৩০ শুরে”।

সমাজ অসিগী মীয়ামগী ওইবা থৌদাংশিং লৌবগী থাগৎপা ফোঙদোক্লদুনা কেন্দ্রগী মন্ত্রীনা হায় “ঙসিদি ইস্কোনগী চান-থক্নবা য়েন্থোকপগী থবক অসি মালেম পুম্বদা মমিং চৎলি। কোবিদ লাইচৎকী মনুংদা দ্বার্কা দিল্লীদা লৈবা মেগা কিচন্দা চৎপগী খুদোংচাবা অমা ফংখি অদুগা ঐহাক্না মীওই লাখ ৪গী চান-থক্নবা মতৌ করম্না থোংবগে অমসুং সিস্তেমেতিক ওইনা য়েন্থোকপগে হায়বা উবা ফংখি। লাইচৎ অসিগী মনুংদা ইস্কোন অমসুং মসিদা এফিলিএৎ তৌরিবা য়ুনিৎশিংনা সরকারগা খুৎশম্নরগা মখোয়গী চাকশঙ ৭২গী খুত্থাংদা ভারত পুম্বদা চাকলেন প্লেৎ করোর ২৫ পীজখি হায়বা খংবদা ঐহাক্না অপেনবা পোকখি। ইস্কোনগী ফুদ ফোর লাইব অসি মালেমগী খ্বাইদগী চাউবা ভেজিতরিয়ন ফুদ রিলিফ প্রোগ্রাম অমনি হায়না খংবদসু ঐহাক্না অপেনবা পোকই”।  

“শ্রীল প্রভুপাতজীনা হোৎজরম্বশিং অদুগী খুত্থাংদা লৈবাক কয়ামরুম্না য়োগ, ভারতকী পুন্সি মহিং, ম্যুজিক অমসুং নাৎকী মরমদা খংনিংবগী ইখৌ লাংবা অদু ঐখোয়না উবা ফংলে। মসিনা মরম ওইদুনা চহি খুদিংগী মালেমগী লমকোইবা অমসুং লাইনিংবা লিশিং কয়ানা ব্রিন্দাবন, পুরি, ময়াপুরগুম্বা লাইফমশিংদা লাক্তুনা মফম অদুগী চাউখৎ থৌরাংদা শরুক তম্লি। অদুবু ঐহাক্কী ৱাখল্লোন্দদি মহাক্কী খ্বাইদগী মায় পাকপা অসি মহাক্না ভারতকী অরিবা মতমগী সিবিলাইজেসনগী মমিং লৈরবা এম্বাসেদর অমা ওইখিবদুনি। মসিগী মরমদি অদোম, মহাক্কী তুং ইল্লিবশিংনা এজুকেসন, নাৎ অমসুং চাউখৎ থৌরাংগী লমদা ভারতকী মপুং অমসুং মপান্দা প্রমোৎ তৌখিবা অদুগী চপ মান্নবা চৎনবী অদু মহাক্না পুদুনা চৎখিবা অদুনি”

****