শীংথানীংঙাই ওইবা মাইপাকপা অমদা, ভারতনা ভেক্সিন দোজ করোর ১ কাপখিবগী অহানবা নুমিৎ অদু উবা ফংখ্রবা মতুং শুপ্নগী নুমিৎ মঙানিগী মতুংদা ঙসি রেকোর্দ ওইনা খ্বাইদগী ৱাংনা ভেক্সিন দোজ করোর ১.০৪ (১,০৪,৪২,১৮৪) কাপখ্রে। ভারতকী কোবিদ-১৯ ভেক্সিনেসনগী কভরেজ অসি করোর ৬৫ (৬৫,১২,১৪,৭৬৭)গী মরু ওইবা মাইলস্তন অমা ঙসি লানখ্রে।

মসি ঙসি নুমিদাং পুং ৭তা ফোঙবা প্রোভিজনেল রিপোর্তকী মতুং ইন্নি। নোংমগী কাপ্পা ভেক্সিনগী মশিং অসি ঙসি নুমিদাং অথেংবগী পুনশিল্লবা অরোইবা রিপোর্তশিংগা লোইননা হেনগৎলকপা য়ান্না লৈ।

নুমিৎ মঙানিগী মতমগী মনুংদা অনিশুবা নুমিৎ ওইনা দোজ করোর ১ হেন্না কাপবদা মাইপাকপা ঙমখিবগীদমক্তা কেন্দ্রগী হকশেল মন্ত্রী শ্রী মনসুখ মন্দাবিয়ানা লৈবাক পুম্ববু থাগৎপা ফোঙদোকখ্রে।

মহাক্না ভেক্সিনগী অহানবা দোজ অসি পুন্না করোর ৫০ হেন্না কাপখিবগী অচৌবা মাই পাকপা অসিগীদমক কোবিদ ৱারিয়রশিংনা কান্না হোৎনখিবা অমসুং ভাব তারবা প্রজাশিংনা মতেং পাংখিবা অদুগীদমক থাগৎপা ফোঙদোকখ্রে।

ভেক্সিন দোজশিংগী অপুনবা ভেক্সিনেসন কভরেজ অসি মখাদা পীরিবা অসুম্না পোপুলেসন প্রাইওরিতী গ্রুপশিংদা য়ুম্ফম ওইরগা খাইদোকখি:

পোপুলেসন প্রাইওরিতী গ্রুপশিংদা য়ুম্ফম ওইরগা খাইদোকখিবা ঙসিগী ভেক্সিনেসনগী থবক চত্থবদা মাইপাকখিবা অদু মখাদা পীরি:

ভেক্সিনেসনগী থবক অসিনা লৈবাক অসিদা লৈরিবা খ্বাইদগী খুদোংথিনীংঙাই ওইবা মীওই কাংলুপশিংবু কোবিদ-১৯দগী ঙাকথোক্নবা খুৎলাই অমা ওইনা মখা তানা অৱাংবা থাক্তা চাং নাইনা য়েংশিল্লগনি।

****