কোবিদ-১৯গী মাইয়োক্তা মরু ওইনা লাইচৎ অসিগী অনিশুবা ৱেব অসি লান্থেংনবদা, অয়ুশ সিস্তেম ওফ মেদিসিননা প্রজা মীয়ামগী ইম্ম্যুনিতী ফগৎহন্দুনা য়াম্না মরু ওইবা থৌদাং অমা লৌখ্রে হায়না ভারতকী রাস্ত্রপতি, শ্রী রাম নাথ কোবিন্দনা ফোংদোকখি৷ ঙসি(২০২১গী ওগস্ত ২৮) উত্তর প্রদেশকী গোরখপুরদা শাগদৌরিবা মহায়োগী গুরু গোরখনাথ অয়ুশ বিস্ববিদ্যলয়গী উরেপ-উয়ুং তম্বগী থৌরমদা মহাক্না ৱা ঙাংখ্রে৷

ভারতকী রাস্ত্রপতিনা উরেপ-উয়ুং তম্লবা মতুং ৱা ঙাংবা হেক হৌরকপদা, নোং চুরকখি৷ মসিগী কোইন্সিদেন্স অসি প্রোজেক্ত অসি মাই পাকপা হৌরকপগী খুদম অমনি হায়না রাস্ত্রপতিনা ফোংদোকখি৷

থৌরম অদুদা ৱা ঙাংলদুনা, রাস্ত্রপতিনা অসুম্না ফোংদোকখি মদুদি ঙল্লিঙৈ মতমদগী হৌদুনা ঐখোয়গী লৈবাক অসিদা হিলিং অমসুং হেল্থকেয়রগী নন-কনবেস্নেল অমসুং ত্রেদিস্নেল সিস্তেম কয়া অমা শাগোন্নদুনা লাকখ্রে৷ মখোয়গী চাওখৎ-থৌরাংগীদমক ভারত সরকারনা লেপ্পা-লৈতনা হোৎনখ্রে৷ হিদাক-লাংথক্কী লৈরিবা সিস্তেমশিং অসি সিস্তেমেতিক নাইনা তাকপি-তম্বিনবা অমসুং রিসর্স পাংথোক্ননবগীদমক, অয়ুশ মন্ত্রালয় অসি ২০১৪দা শেমখি৷ উত্তর প্রদেশ সরকারনসু অয়ুশ দিপার্তমেন্ত অসি ২০১৭তা লিংখৎখি হায়না মহাক্না পনখি৷ মহায়োগী গুরু গোরখনাথ অয়ুশ য়ুনিভর্সিতী অসি শেমগৎলক্তুনা রাজ্য অসিগী অয়ুশ মেদিকেল ইন্সতিত্যুতশিংনা য়ুনিভর্সিতী অসিদা এফিলিয়েত তৌদুনা মশা মশাগী মরী লৈনবা ফিল্দশিংদা হেন্না ফবা থবক তৌবা ঙমহল্লগনি হায়না মহাক্না ময়েক শেংনা থাজৈ৷

ইমর্জেন্সী হিদাক-লাংথকশিং ওইনা মিনরেলশিং অমসুং মেতলশিংদগী হিদাক শেমখিবা য়াম্না মমিং লৈরবা মীওইশিংগী মনুংদা বাবা গোরখনাথসু অমনি হায়না থাজনরি হায়না রাস্ত্রপতিনা ফোংদোকখি৷ মরম অদুনা য়ুনিভর্সিতী অসিগী মমিং “মহায়োগী গুরু গোরখনাথ অয়ুশ বিস্ববিদ্যলয়গী” হায়না থোল্লিবা অসি অদুক্কী মতিক চান্নৈ৷

ভারত লৈবাক অসি য়ুনিতী ইন দাইভর্সিতীগী খ্বাইদগী মতিক চারবা খুদম্নি হায়না রাস্ত্রপতিনা ফোংদোকখি৷ ঐখোয়গী লৈবাক অসিদা তোঙান তোঙানবা মেদিকেল সিস্তেমশিং প্রেক্তিস তৌরিবা অসিসু মসিগী ৱাখল্লোন অসিগী মহৈনি৷ য়োগ, অয়ুর্বেদ অমসুং সিধা অসি ভারতনা মালেম অসিদা পীবা খুদোলনি৷

ঙসিদি, ইন্তিগ্রেতিব সিস্তেম ওফ মেদিসিনগী ৱাখল্লোন অসি মালেম শিনবা থুংনা মশক খঙলি হায়না রাস্ত্রপতিনা ফোংদোকখি৷ কমপ্লিমেন্তরী সিস্তেম অমা ওইনা প্রজা মীয়ামগী অনাবশিং ফনবা লাইয়েংবদা তোঙান তোঙানবা মেদিকেল সিস্তেমশিংনা মতেং পাংলি৷

ত্রাইবেল সোসাইতীনা অপিকপা পাম্বীশিং অমসুং পাম্বীশিংদগী শেম্বা হিদাকশিংগী মতাংদা কা হেন্না খঙজরবসু, হৌখিবা চহি খুজিং অনি অসিদা, অয়ুশ সিস্তেম ওফ মেদিসিনগী মিংচৎ অসি লৈবাক শিনবা থুংনা হেনগৎলকখ্রে হায়না রাস্ত্রপতিনা ফোংদোকখি৷ হিদাক লাংথক্কী ওইবা অপিকপা পাম্বীশিং অসিগী দিমান্দ হেনগৎলকখ্রে অমসুং মসিনা লৌমীশিং, উমংদা লৈরিবা মীওইশিংগী ইনকম হেনগৎহল্লি অমসুং থবক্কী খুদোংচাবা ফংহল্লি৷ গোরখপুরদা মহায়োগী গুরু গোরখনাথ অয়ুশ বিস্ববিদ্যলয় শেমগৎলক্কদৌরিবা অসিনা অয়ুশ সিস্তেমশিংগী মতাংদা হেন্না খঙহল্লগনি অমসুং অহেনবা মিংচৎ ফংহল্লগনি হায়না মহাক্না য়াম্না থাজনা ফোংদোকখি৷

রাস্ত্রপতিগী হিন্দীদা পীবা মেসেজ অদু উবা ফংনবা মফম অসিদা নম্বিয়ু

*****