దేశవ్యాప్తంగా నిర్వ‌హిస్తున్న‌ 'ఆజాది కా అమృత్ మహోత్సవ్' వేడుకలలో భాగంగా కేంద్ర బొగ్గు
మంత్రిత్వ శాఖ పరిధిలోని మినీరత్న కంపెనీ (కోల్ ఇండియా లిమిటెడ్ యొక్క అనుబంధ సంస్థ) అయిన భారత్ కోకింగ్ కోల్ లిమిటెడ్ (బీసీసీఎల్‌) ప్రత్యేకంగా కోవిడ్-19 టీకా డ్రైవ్‌ను
నిర్వ‌హించింది. ధన్‌బాద్ లోని జగ్జీవన్ నగర్‌లో గ‌ల‌ అంబేద్కర్ స్కూల్ ఆఫ్ మార్షల్ ఆర్ట్స్‌లో ఈ కార్య‌క్ర‌మాన్ని చేప‌ట్టారు. ఈ డ్రైవ్ పెద్ద సంఖ్య‌లో ప్ర‌జ‌ల‌కు ప్ర‌యోజ‌నాన్ని చేకూర్చింది. ముఖ్యంగా బీసీసీఎల్‌కు చెందిన 250 మందికి కోవిషీల్డ్ మొద‌టి డోస్ టీకాను అందించారు.
కోవిడ్‌-19కు వ్యతిరేకంగా బీసీసీఎల్ చేస్తున్న పోరులో సఫాయికారులు వెన్నెముకగా నిలుస్తూ వ‌స్తున్నారు. వారి అంకితభావం మరియు నిరంతర ప్రయత్నాలతో బీసీసీఎల్‌ తన కోవిడ్ -19 ఆసుపత్రుల‌లో, క్వారెంట‌యిన్‌ కేంద్రాలు, కార్యాలయాల‌లో, గనులు మరియు కాలనీలలో నిరంతరంగా సేవలను అందించగలిగింది. వ్యాక్సిన్ యొక్క మొదటి మోతాదు తీసుకున్న‌ వారికి హ్యాండ్ శానిటైజర్ బాటిల్, పునర్వినియోగానికి వీలుగా ఉండే కాటన్ ఫేస్‌మాస్క్‌లు  ఉన్న ఎన్వలప్‌లు జారీ చేయడ‌మైంది. ఈ సందర్భంగా మొత్తం 300 హ్యాండ్ శానిటైజర్‌లు మరియు ఫేస్ మాస్క్‌లు పంపిణీ చేయబడ్డాయి.

***