દેશવ્યાપી 'આઝાદી કા અમૃત મહોત્સવ' ઉજવણી અંતર્ગત કોલસા મંત્રાલય હેઠળની મીનીરત્ન કંપની (કોલ ઇન્ડિયા લિમિટેડની પેટાકંપની) ભારત કોકિંગ કોલ લિમિટેડ (BCCL) એ કોવિડ -19 સામે ખાસ રસીકરણ અભિયાનનું આયોજન કર્યું છે. આંબેડકર સ્કૂલ ઓફ માર્શલ આર્ટ્સ, જગજીવન નગર, ધનબાદ ખાતે યોજાયેલ આ અભિયાનથી મોટી સંખ્યામાં લોકોને ખાસ કરીને BCCL ના 250 સફાઈ કર્મીઓને કોવિશિલ્ડનો પ્રથમ ડોઝ આપવામાં આવ્યો છે.

સફાઈકર્મીઓ શરૂઆતથી જ કોવિડ -19 સામે બીસીસીએલની લડાઈની કરોડરજ્જુ રહ્યા છે. તેમના સમર્પિત અને સતત પ્રયાસોથી, બીસીસીએલ તેની કોવિડ -19 હોસ્પિટલો, સંસર્ગનિષેધ કેન્દ્રો, કચેરીઓ, ખાણો અને વસાહતોમાં અવિરત સેવાઓ પૂરી પાડવા સક્ષમ રહી છે. જેમને રસીનો પ્રથમ ડોઝ મળ્યો છે તેમને હેન્ડ સેનિટાઇઝરની બોટલ અને ફરીથી વાપરી શકાય તેવા કોટન ફેસ માસ્ક સાથેનું એક પરબિડીયું પણ આપવામાં આવ્યું હતું. આ પ્રસંગે કુલ 300 હેન્ડ સેનિટાઈઝર અને ફેસ માસ્કનું વિતરણ કરવામાં આવ્યું હતું.

SD/GP/BT