অৱাং-নোংপোক রাজ্যশিং অপুনবনা হিদাক-লাংথক্কী ওইবা আয়ুশকী সিস্তেম অমসুং মসিগী ঙাকথোকপা, ফহনবা অমসুং হনগৎহনবা অসি পুখৎনবা খুৎশম্নখ্রে। মশক থোকপা খোঙথাং অমদা, আয়ুশ মিনিস্ত্রীনা হায়রিবা অসিদা অৱাং-নোংপোক রাজ্যশিংগী আয়ুশ অমসুং হেলথ মন্ত্রীশিংনা শরুক য়াবা কনফরেন্স অমা ওগস্ত ২৮দা শিল্লি। আয়ুশকী কেন্দ্র মন্ত্রী শ্রী সর্বানন্দা সোনোৱাল, আয়ুশকী এম.ও.এস. দাঃ মুঞ্জাপরা মহেন্দ্রভাই অমসুং অসমগী মুখ্য মন্ত্রী শ্রী হিমন্তা বিস্বাস শর্ম্মা লোয়ননা অতোপ্পা দিগ্নিতরীশিংনা থৌরম অসিদা শরুক য়াগনি। কনফরেন্স অসি গুৱাহাতিগী, খনাপারাদা লৈবা অসম এদমিনিস্ত্রেতিব স্তাফ কোলেজদা পাংথোক্কনি।

অৱাং-নোংপোক রাজ্যশিংদা হিদাক লাংথক্কী ওইবা আয়ুশ সিস্তেমদা মরুওইবা মথৌ হাপ্লিবা মহৌশাগী ওইবা রিসোর্সশিং অমসুং থায়নগী চৎনবি কয়া অমা মরাং কাইনা ফংলি। হিরম অসিদা, আয়ুশ সিস্তেম অসি অৱাং-নোংপোক রাজ্যশিংদা হেন্না মমিং লৈরক্লি। কনফরেন্স অসিনা অৱাং-নোংপোক রাজ্যশিংদা হিদাক লাংথক্কী ওইবা আয়ুশ সিস্তেমগী ওইবা কান্নবা য়াম্না ফংলগনি অমসুং আয়ুশকী সিস্তেম অমসুং মসিগী ঙাকথোকপা, ফহনবা অমসুং হনগৎহনবা অসি পুখৎনবা, মরুওইনা কোবিদ মেনেজমেন্ত অসিদা কান্নবা ফংলগনি।

নেস্নেল আয়ুশ মিসন (এন.এ.এম.)গী মখাদা আয়ুশ মিনিস্ত্রীনা অৱাং-নোংপোক্কী মফমশিংদা আয়ুশকী ইনফ্রাস্ত্রকচর চাউখৎনবা পুক্নিং চংলি। বেদ ৫০ লৈবা ইন্তিগ্রেতেৎ অনৌবা আয়ুশ হোস্পিতাল অমা লিংখৎপা, পি.ঐচ.সি.শিং, সি.ঐচ.সি.শিং অমসুং দিস্ত্রীক্ত হোস্পিতালগুম্বা মীয়মগী ওইবা হকশেলগী খুদোংচাবাশিংদা আয়ুশ সিস্তেম থম্বা অসিদা মিনিস্ত্রী অসিনা মতেং পীরি। মিনিস্ত্রী অসিনা হিদৈক লাংথক্কী ওইবা পাম্বীশিং মফম অসিদা থানবা মতেং পীরি।

নোর্থ-ইস্তর্ন ইন্সতিত্যুৎ ওফ আয়ুর্বেদা এন্দ হোমিওপেথী (এন.ই.আই.এ.ঐচ.)না শিল্লংদা হান্ননা নেস্নেল ইন্সতিত্যুৎ ওফ আয়ুর্বেদা এন্দ হোমিওপেথীগী থবক হৌখ্রে। মখা তানা, ভারত সরকারনা অরুনাচল প্রদেশকী পাশিঘাত্তা লৈবা নোর্থ-ইস্তর্ন ইন্সতিত্যুৎ ওফ ফোল্ক মেদিসন (এন.ই.আই.এফ.এম.)বু  নোর্থ-ইস্তর্ন ইন্সতিত্যুৎ ওফ আয়ুর্বেদা এন্দ ফোল্ক মেদিসিন রিসর্স (এন.ই.আই.এ.এফ.এম.আর.)গী নোমেনক্লেচর অমসুং মেন্দেৎশিং হোংদোক্নবা অয়াবা পীখ্রে। হায়রিবা অসিনা মফম অসিদা আয়ুর্বেদা তম্বদা মপাঙ্গল কনখৎহনবা ঙম্লগনি। মসিগী মথক্তা, কোবিদ-১৯ লায়চৎ মনুংদা, থবক শুবা মীওইশিং য়াওনা, ইনফ্রাস্ত্রকচরশিং মফম অসিদা মীয়ামগী কান্ননবগীদমক শিজিন্নৈ।

***