ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲੇ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਅੱਜ ਬਾਅਦ ਦੁਪਹਿਰ ਇਨਫੋਸਿਸ ਦੇ ਐੱਮ ਡੀ ਤੇ ਸੀ ਈ ਓ ਸ਼੍ਰੀ ਸਲਿਲ ਪਾਰੇਖ ਨਾਲ ਮੁਲਕਾਤ ਕਰਕੇ ਕਰਦਾਤਾਵਾਂ ਵੱਲੋਂ ਇਸ ਪੋਰਟਲ ਦੇ ਲਾਂਚ ਤੋਂ ਢਾਈ ਮਹੀਨੇ ਬਾਅਦ ਤੱਕ ਆਮਦਨਕਰ ਵਿਭਾਗ ਦੇ ਈ—ਫਾਈਲਿੰਗ ਪੋਰਟਲ ਵਿੱਚ ਲਗਾਤਾਰ ਆ ਰਹੀਆਂ ਖਾਮੀਆਂ ਬਾਰੇ ਸਰਕਾਰ ਦੀ ਡੂੰਘੀ ਨਰਾਜ਼ਗੀ ਅਤੇ ਚਿੰਤਾ ਪ੍ਰਗਟ ਕੀਤੀ । ਉਹਨਾਂ ਕਿਹਾ ਕਿ ਇਸ ਪੋਰਟਲ ਨੂੰ ਪਹਿਲਾਂ ਹੀ ਦੇਰ ਨਾਲ ਲਾਂਚ ਕੀਤਾ ਗਿਆ ਸੀ । ਸ਼੍ਰੀਮਤੀ ਸੀਤਾਰਮਣ ਨੇ ਕਰਦਾਤਾਵਾਂ ਨੂੰ ਪੇਸ਼ ਆ ਰਹੇ ਬਾਰ ਬਾਰ ਮੁੱਦਿਆਂ ਦੀ ਵਿਆਖਿਆ ਮੰਗੀ ਹੈ ।
ਵਿੱਤ ਮੰਤਰਾਲੇ ਨੇ ਜੋ਼ਰ ਦੇ ਕੇ ਕਿਹਾ ਹੈ ਕਿ ਇਨਫੋਸਿਸ ਦੀ ਤਰਫੋਂ ਹੋਰ ਸਰੋਤ ਅਤੇ ਯਤਨ ਕਰਨ ਦੀ ਲੋੜ ਹੈ ਤਾਂ ਜੋ ਪਹਿਲਾਂ ਹੀ ਬਹੁਤ ਦੇਰ ਹੋ ਚੁੱਕੀਆਂ ਸਹਿਮਤ ਸੇਵਾਵਾਂ ਦੀ ਸਪੁਰਦਗੀ ਨੂੰ ਯਕੀਨੀ ਬਣਾਇਆ ਜਾ ਸਕੇ । ਸ਼੍ਰੀ ਪਾਰੇਖ ਨੂੰ ਕਰਦਾਤਾਵਾਂ ਨੂੰ ਪੇਸ਼ ਮੁਸ਼ਕਲਾਂ ਅਤੇ ਪੋਰਟਲ ਦੇ ਕੰਮਕਾਜ ਵਿੱਚ ਦੇਰੀ ਕਾਰਨ ਪੈਦਾ ਹੋ ਰਹੀਆਂ ਮੁਸ਼ਕਲਾਂ ਬਾਰੇ ਵੀ ਸਚੇਤ ਕੀਤਾ ਗਿਆ ।
ਵਿੱਤ ਮੰਤਰੀ ਨੇ ਮੰਗ ਕੀਤੀ ਕਿ ਪੋਰਟਲ ਦੀ ਮੌਜੂਦਾ ਕਾਰਜ ਕੁਸ਼ਲਤਾਵਾਂ ਅਤੇ ਟੈਕਸ ਕਰਦਾਤਾਵਾਂ ਨੂੰ ਟੀਮ ਦੁਆਰਾ 15 ਸਤੰਬਰ 2021 ਤੱਕ ਹੱਲ ਕੀਤਾ ਜਾਣਾ ਚਾਹੀਦਾ ਹੈ ਤਾਂ ਜੋ ਕਰਦਾਤਾ ਅਤੇ ਪੇਸ਼ੇਵਰ ਪੋਰਟਲ ਤੇ ਨਿਰਵਿਘਨ ਕੰਮ ਕੀਤਾ ਜਾ ਸਕੇ । ਸ਼੍ਰੀ ਪਾਰੇਖ ਨੇ ਦੱਸਿਆ ਕਿ ਉਹ ਤੇ ਉਹਨਾਂ ਦੀ ਟੀਮ ਪੋਰਟਲ ਦੇ ਸੁਚਾਰੂ ਕੰਮਕਾਜ ਨੂੰ ਯਕੀਨੀ ਬਣਾਉਣ ਲਈ ਸਭ ਕੁਝ ਕਰ ਰਹੀ ਹੈ । ਸ਼੍ਰੀ ਪਾਰੇਖ ਨੇ ਅੱਗੇ ਕਿਹਾ ਕਿ ਇਸ ਪ੍ਰਾਜੈਕਟ ਤੇ 750 ਤੋਂ ਵੱਧ ਟੀਮ ਮੈਂਬਰ ਕੰਮ ਕਰ ਰਹੇ ਹਨ । ਇਨਫੋਸਿਸ ਦੇ ਸੀ ਈ ਓ ਸ਼੍ਰੀ ਪ੍ਰਵੀਨ ਰਾਓ ਖੁੱਦ ਇਸ ਪ੍ਰਾਜੈਕਟ ਦੀ ਨਿਗਰਾਨੀ ਕਰ ਰਹੇ ਹਨ । ਸ਼੍ਰੀ ਪਾਰੇਖ ਨੇ ਭਰੋਸਾ ਦਿੱਤਾ ਕਿ ਇਨਫੋਸਿਸ ਪੋਰਟਲ ਤੇ ਕਰਦਾਤਾਵਾਂ ਨੂੰ ਖਾਮੀ ਰਹਿਤ ਅਭਿਆਸ ਯਕੀਨੀ ਬਣਾਉਣ ਲਈ ਤੇਜ਼ੀ ਨਾਲ ਕੰਮ ਕਰ ਰਹੀ ਹੈ ।
 

******************

ਆਰ ਐੱਮ / ਕੇ ਐੱਮ ਐੱਨ