রোদ ত্রান্সপোর্ত অমসুং হায়ৱেজ মন্ত্রালয়না ইলেক্ত্রোনিক মোনিতরিং এন্দ এনফোর্সমেন্ত ওফ রোদ সেফতীগী মতাঙদা নোতিফিকেসন জি.এস.আর. ৫৭৫(ই).১১ ওগস্ত, ২০২১-রুল ১৬৭এ থোকখ্রে‍। চৎন-কাঙলোনশিং অসিদা ইলেক্ত্রোনিক এনফোর্সমেন্ত দিভাইসশিং (স্পীদ কেমেরা, কোজ-সর্কিত তেলিভিজন কেমেরা, স্পীদ গন, বোদী ৱিয়রেবল কেমেরা, দেসবোর্দ কেমেরা, ওতোমেতেদ নম্বর প্লেত রিকোগনিসন (এ.এন.পি.আর.) ৱৈ ইন মেচিন (দব্লিউ.আই.এম.) অমসুং অসিগুম্বা তেক্নোলোজী অমা হেক্তা) থম্বগী মতাংদা মচা খায়বা ৱাফমশিং য়াওরি‍।

স্তেত লৈঙাকশিংনা হায়রিবা ইলেক্ত্রোনিক এনফোর্সমেন্ত দিভাইসশিং অসি নেসনেল হায়ৱে অমসুং স্তেত হায়ৱেশিংগী রিস্ক ৱাংবা অমদি গারী য়াম্না কুংবা মফমশিংদা অমদি য়াম্না মরুওইবা জংসনশিংদা, তঙাই ফদনা মীশিং মিলিয়ন অমা হেন্না লৈবা অচৌবা ময়োল্লমশিংদা অমদি চৎন-কাঙলোনসিদা পীরিবা তেবলদা পল্লিবা ময়োল্লম ১৩২ সিদদি শোয়দনা থমগদবনি‍। ইলেক্ত্রোনিক এনফোর্সমেন্ত দিভাইসশিং অসি অয়েৎ অপন থোক্লোইদবা, মীৎনা উবগী পরিংদা অপনবা পীদনবা অমদি ত্রাফিক ফ্লোদা অয়েৎপা পীদনবা মওংদা খিনগদবনি‍।

ইলেক্ত্রোনিক এনফোর্সমেন্ত দিভাইস অমদগী মফম, তারিখ অমসুং মতমগী ইলেক্ত্রোনিক স্তাম্প য়াওরবা ফুতেজ মখাদা পীরিবা অরানবা থৌওংশিংসিগীদমক চলান পীননবগীদমক শীজিন্নবা য়াই‍:-

(১) অপীবা স্পীদ লিমিতকী মনুংদা গারী থৌদবা (সেক্সন ১১২ অমসুং ১৮৩);

(২) গারী খাম্বা য়াদবা মফমদা লেপ্পা নৎত্রগা খাম্বা (সেক্সন ১২২);

(৩) গারী থৌবা অমদি তোংলিবশিংগী সেফতী থৌরাংশিং লৌখত্তবা (সেক্সন ১২৮);

(৪) ঙাকথোক্নবা হেদগিয়র নৎত্রগা হেল্মেৎ উপ্তবা (সেক্সন ১২৯);

(৫) রেদ লাইত থৌওইদবা, স্তোপ সাইন থৌওইদবা, গারী থৌরিঙৈদা খুত্তা পায়বা কম্ম্যুনিকেসন দিভাইস শীজিন্নবা, চৎন-পথাপকী ৱাংমদা অতোপ্পা গারীশিং পাস তৌবা অমদি হেনগৎপা, অয়াবা পীবা ত্রাফিক্কী ফ্লোগী মায়োক্নবদা থৌবা, মতিক চারবা অমদি চেকশিঞ্জবা দ্রাইভর অমনা থৌরক্কদবা মওংদগী য়াম্না হন্থবা মওংদা থৌবা অমদি মতিক চাবা অমসুং চেকশিঞ্জবা দ্রাইভর অমগী মীৎয়েঙদা থৌরিবা খুত্থৌদু খুদোংথিনিংঙাই ওইরে হায়না খল্লবা (সেক্সন ১৮৪)

(৬) অয়াবা পীবা অরুমবদগী হেন্না গারী থৌবা (সেক্সন ১৯৪গী সব-সেক্সন (১);

(৭) সেফ্তী বেল্ত ফাদনা গারী থৌবা (সেক্সন ১৯৪বি);

(৮) মোতোর ভেহিকল্স (দ্রাইভিং) রিগুলেসন্স, ২০১৭ (সেক্সন ১৭৭এ)গী রুল ৬ (লেন দ্রাইভিংগা মরী লৈননা) থুগাইবা;

(৯) পোৎচৈ পুনবা গারীনা পেসেঞ্জর পুবা (সেক্সন ৬৬);

(১০) মোতোর ভেহিকল্স (দ্রাইভিং) রিগুলেসন্স, ২০১৭ (সেক্সন ১৭৭এ)গী রুল ৩৬ (রেজিস্ত্রেসন প্লেতকা মরী লৈননা) থুগাইবা;

(১১) গারীগী নাকন্দা নৎত্রগা মমাঙদা নৎত্রগা মনীংদা অমদি অয়াবা চাংদগী হেন্দোক্না পোৎচৈ পুরগা থৌবা (সেক্সন ১৯৪গী সব-সেক্সন (১এ);

(১২) ইমর্জেন্সী গারীদা লম্বী পীদবা (সেক্সন ১৯৪ই)‍।

ইলেক্ত্রোনিক মোনিতরিং অমসুং এনফোর্সমেন্ত সিস্তেমগী খুত্থাঙদা চলান ওতো জেনেরেসন তৌদুনা ইলেক্ত্রোনিক ওইবা মওংদা রুল ১৬৭গী মখাদা পীবা চলান পুম্নমক মখাগী ৱাফমশিং অসি য়াওগদবনি‍;

(১) তৌরিবা অরানবা থৌওংদুগী খুদম চাংদম অমদি গারীদুগী লাইসেন্স প্লেত য়াওবা ময়েক শেংবা ফোতোগ্রাফ;

(২) ইলেক্ত্রোনিক এনফোর্সমেন্ত দিভাইসতগী মিজরমেন্ত;

(৩) তৌরিবা অরানবা থৌওংদুগী তারিখ, মতম অমসুং মফম

(৪) খোঙ্গাউনরুরিবা এক্ত অদুগী অকক্নবা প্রোভিজনশিং তাকপা নোতিজ;

(৫) মখাগীশিংসি য়াওবা ইন্দিয়ন ইভিদেন্স এক্ত ১৮৭২(১ ওফ ১৮৭২)গী সেক্সন ৬৫বিগী সব-সেক্সন (৪)গী মখাদা পীবা সর্তিফিকেত-

(ক) ইলেক্ত্রোনিক রেকোর্দ অদু তাকপা অমদি মদু পুথোকপগী মওং তাকপা;

(খ) ইলেক্ত্রোনিক রেকোর্দ অদু কম্প্যুতরনা পুথোকপনা হায়বা উৎননবা চৎনবা য়াবা মওংগী মতুং ইন্না ইলেক্ত্রোনিক রেকোর্দ অদু পুথোকপদা শীজিন্নরিবা খুৎলায়শিংদুগী পার্তিকুলরশিং পীবা;

(গ) স্তেত লৈঙাক্না মসিগীদমক্তা ওথোরাইজ তৌরবা ওফিসর অদুনা খুৎয়েক পীবা

ইলেক্ত্রোনিক মোনিতরিং এন্দ এনফোর্সমেন্ত ওফ রোদ সেফ্তীগী মতাঙদো থোকখিবা গেজেত নোতিফিকেসন য়েংননবা মসিদা নমবিয়ু

*****