مہارتنا سی پی ایس ای اسٹیل اتھارٹی آف انڈیا لمیٹڈ (سیل) نے اسٹیل کی وزارت کے تحت اپنے مختلف پلانٹس اور یونٹوں میں 'آزادی کے امرت مہوتسو' کے تحت بھارت کی آزادی کے 75 سالی جشن کے طور پر مختلف سرگرمیاں شروع کی ہیں۔

12 اگست 2021 کو اس تقریب کا آغاز سیل کے راؤرکیلا اسٹیل پلانٹ میں بڑے پیمانے پر شجرکاری مہم کے ساتھ کیا گیا جس میں راؤرکیلا ہاؤس میں 'بکُل' پلانٹ لگایا گیا تھا۔ سیکٹر-20 گراؤنڈ کے قریب مختلف گروپوں نے مل کر شجرکاری کی سرگرمیاں انجام دیں جن میں بزرگ شہریوں، مختلف کمیونٹی مراکز کے یوگا گروپ ممبران، کوویڈ واریئرز، روٹری کلب ممبران، سی آئی ایس ایف کے جوانوں اور ٹاؤن انجینئرنگ، ٹاؤن سروسز اور سی ایس آر کے عملے نے شرکت کی۔ اس موقع پر مختلف کھیپوں میں کنچن، کمکم، پٹولی، کیس لتا اور بکل کے تقریباً 325 پھولدار پودے لگائے گئے۔

آزادی کے امرت مہوتسو کی تقریبات کے دوران شجرکاری کی سرگرمیاں جاری رہیں گی۔ دریں اثنا اسٹیل پلانٹ کی جانب سے ملازمین اور معاشرے کے مختلف طبقات کی فعال شرکت کے ذریعے آزادی کے 75 ویں سال کی یاد میں متعدد سرگرمیاں بھی تیار کی گئی ہیں۔

سیل، راؤرکیلا اسٹیل پلانٹ نے 13 اگست 2021 کو آزادی کے امرت مہوتسو کے موقع پر شروع کیے گئے 'فٹ انڈیا فریڈم رن' میں شرکت کرکے ملک گیر فٹنس مہم میں حصہ لیا۔ دوڑ کا آغاز اس حلف سے ہوا کہ تمام لوگ اپنی روزمرہ زندگی میں روزانہ کم از کم 30 منٹ تک جسمانی سرگرمیوں میں مشغول رہیں گے۔ رن فار انڈیا پروگرام کا بنیادی مقصد ملک کے شہریوں کی صحت مند بنانا ہے تاکہ وہ بھارت کی آزادی کے 75 ویں سال کا جشن منانے اور ہر شہری کی صحت اور فلاح و بہبود کو یقینی بنانے کے لیے زیادہ سے زیادہ شامل ہوسکیں۔

سیل کی بڑی اکائیوں میں سے ایک، بھلائی اسٹیل پلانٹ نے بھی آزادی کے امرت مہوتسو کو منانے کے لیے مختلف سرگرمیاں شروع کی ہیں جن میں اس کی فعال شرکت بھی نظر آتی ہے۔ آزادی کے امرت مہوتسو تقریبات کے تحت اسپات بھون اور میتری باغ کے قریب 75 پودے لگائے گئے۔

ایچ آر ڈی سینٹر میں مینجمنٹ ٹرینی کے لیے India@75 پر ایک کوئز کا اہتمام کیا گیا تھا۔ سرکاری زبان کے محکمے نے ایک آن لائن 'کوی سمیلن' کا بھی اہتمام کیا۔ ہینڈ بال گراؤنڈ میں خواتین ہاکی میچ پر نمائش کا بھی اہتمام کیا گیا۔ بوکارو اسٹیل پلانٹ، سیل میں آزادی کے امرت مہوتسو تقریبات حصے کے طور پر موہن کمار منگلم اسٹیڈیم، بی ایس ایل میں فٹ انڈیا رن کا اہتمام کیا گیا۔ تقریب میں سینئر افسران، منیجرز اور مینجمنٹ ٹرینی سمیت بڑی تعداد میں لوگوں نے شرکت کی۔

***

U. No. 7967

 (ش ح - ع ا - ع ر)