মশিং য়ামদবা কাংবুগী মন্ত্রালয়

ভারতকী নীংখা তম্বগী চহি ৭৫ শুবগী থৌরম “অমৃত মহোৎসবকী” মখাদা “হুনর হাত” ৭৫ পাংথোক্লগনি: মুখতার অব্বাস নকবী


লৈবাক শিনবা থুংবদা লৈরিবা ৱকফ লমশিংদা “অমৃত মহোৎসব পার্ক” ৭৫ শারগনি

Posted On: 16 AUG 2021 2:58PM by PIB Imphal

ভারতকী নীংখা তম্বগী চহি ৭৫ শুবগী থৌরম “অমৃত মহোৎসবকী”গী শরুক অমা ওইনা লৈবাক শিনবা থুংবদা পাঙথোক্কদবা “হুনর হাত” ৭৫কী খুত্থাংদা আর্তিসেন, খুৎশা হৈবা লাখ ৭কা লিশিং ৫০দা থবক্কী খুদোংচাবশিং পীনবা পান্দম অমা থম্বা তাই হায়না মফম অসিদা ঙসি মাইনোরিতী এফিয়র্সকী মন্ত্রী মুখতার অব্বাস নকবীনা ফোঙদোকখ্রে।

শ্রী নকবীনা হায়খি কেন্দ্রগী মাইনোরিতী এফিয়র্স মন্ত্রালয়গী “ৱকফ তরক্কীয়ত স্কীম” অমসুং “প্রধান মন্ত্রী জন বিকাস কর্য়াক্রম” (পি.এ.জে.ভি.কে.)গী মখাদা লৈবাক শিনবা থুংবদা লৈরিবা অহাংবা ৱকফ লমশিংদা “অমৃত মহোৎসব পার্ক” ৭৫ শারগনি।

মহাক্না হায়খি লৈবাক অসিগী শরুক পুম্নমক্তা “লোকেলগীদমক ভোকেল” হায়বা ফিরেপ অসিগা লোইননা “হুনর হাত” ৭৫ পাঙথোক্কনি, মসিদা লৈবাক অসিগী রিজন খুদিংমক্তগী আর্তিসেনশিং, খুৎশা হৈবশিংনা মখোয়না খুৎনা শাজবা ইন্দিজিনস প্রদক্তশিং উৎকনি অমসুং য়োনগনি। মসিদা লৈবাক অসিগী তোঙান-তোঙানবা রিজনশিংগী ওইবা নাৎকী মথেলশিং মীয়াম্না মহাও তংবা ফংনবা “হুনর হাত” অসিদা ত্রেদিস্নেল কলিনরী এক্সপর্তশিংগী “বাৱর্চীখানা” কৌবা সেক্সন অমসু লৈগনি। “হুনর হাত”তা নুমিৎ খুদিংগী নুমিদাংৱাইরমদা লৈবাক অসিগী মশক নাইবা আর্তিস্তশিংনা তোঙান-তোঙানবা নাৎকী ওইবা প্রোগ্রামশিং উৎকনি।

মন্ত্রীনা হায়খি “অমৃত মহোৎসবৱ”, “মেরা ৱতন, মেরা চমন”গী মখাদা ২০২৩ ফাওবা লৈবাক অসিদা মুশায়রে অমসুং কবি সম্মেলনশিংসু পাঙথোক্কনি লোইননা হৌগৎলক্লিবা কবিশিংনা “এক ভারত-শ্রেস্থা ভারত” কী লাইবক নীংবগী পাউজেল অসি নীংথিনা শন্দোক্কনি।

শ্রী নকবীনা হায়খি লৈবাক অসিদা “অমৃত মহোৎসব পারগক” ৭৫ শানবা লৈবাক অসিগী তোঙান তোঙানবা ৱকফ বোর্দশিংনা লম অসি পীবীখিবনি। মসিগী “অমৃত মহোৎসব পার্কশিং” অসিনা আর্তিস্তিক ওইবা মওং অমদা নীংতম ইহৌদা অখন্নবা রিজন অদুনা পুৱারীদা লৌখিবা থৌদাং অদু উৎকনি। পার্কশিং অসিদা য়োগ, হকচাং শাজেল, খোঙনা চৎনবা, অঙাংশিংগী শান্নফম, গ্রীন এরিয়া অমসুং কম্মন সর্ভিস সেন্তর অসিগুম্বা খুদোংচাবশিং ফংহনগনি।

*****



(Release ID: 1746498) Visitor Counter : 289