ਮੁੱਖ ਝਲਕੀਆਂ:

*ਉਤਰਾਖੰਡ ਅਤੇ ਸਿੱਕਮ ਵਿੱਚ ਬਹਾਦਰੀ ਪੁਰਸਕਾਰ ਜੇਤੂਆਂ ਅਤੇ ਯੋਧਿਆਂ ਦਾ ਸਨਮਾਨ ਕੀਤਾ ਗਿਆ

*ਸਮਾਰੋਹਾਂ ਦੇ ਹਿੱਸੇ ਵਜੋਂ ਦੇਸ਼ ਭਰ ਵਿੱਚ ਮੈਡੀਕਲ ਕੈਂਪ, ਪੌਧੇ ਲਗਾਉਣ ਦੀਆਂ ਮੁਹਿੰਮਾਂ ਅਤੇ ਸਕੂਲ ਸੰਵਾਦ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ

*ਭਾਰਤ ਦੇ 75 ਸਭ ਤੋਂ ਉੱਚੇ ਦਰਰਿਆਂ ਤੇ ਰਾਸ਼ਟਰੀ ਝੰਡਾ ਲਹਿਰਾਇਆ ਜਾਵੇਗਾ

ਬਾਰਡਰ ਰੋਡਜ਼ ਆਰਗੇਨਾਈਜੇਸ਼ਨ (ਬੀਆਰਓ) ਨੇ ਭਾਰਤ ਦੀ ਸੁਤੰਤਰਤਾ ਦੇ 75 ਸਾਲਾਂ ਦੀ ਯਾਦ ਵਿੱਚ 'ਅਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ' ਦੇ ਜਸ਼ਨਾਂ ਦੀ ਸ਼ੁਰੂਆਤ ਕੀਤੀ। ਇਸ ਮਹੱਤਵਪੂਰਣ ਮੌਕੇ ਨੂੰ ਮਨਾਉਣ ਲਈ, ਬੀਆਰਓ ਦੇਸ਼ ਭਰ ਵਿੱਚ ਕਲਿਆਣ ਅਤੇ ਦੇਸ਼ ਭਗਤੀ ਦੀਆਂ ਗਤੀਵਿਧੀਆਂ/ਸਮਾਗਮਾਂ ਦਾ ਆਯੋਜਨ ਕਰ ਰਿਹਾ ਹੈ ਜਿਸ ਵਿੱਚ 75 ਮੈਡੀਕਲ ਕੈਂਪ, 75 ਥਾਵਾਂ ਤੇ ਪੌਦੇ ਲਗਾਉਣ ਦੀਆਂ ਮੁਹਿੰਮਾਂ ਅਤੇ 75 ਸਕੂਲ ਸੰਵਾਦ ਆਯੋਜਿਤ ਕਰ ਰਿਹਾ ਹੈ ਤਾਂ ਜੋ ਬੱਚਿਆਂ ਨੂੰ ਗੱਲਾਂਬਾਤਾਂ ਅਤੇ ਲੈਕਚਰਾਂ ਰਾਹੀਂ ਪ੍ਰੇਰਤ ਕੀਤਾ ਜਾ ਸਕੇ। ਮੁੱਖ ਸਮਾਗਮ ਸੁਤੰਤਰਤਾ ਦਿਵਸ ਤੇ  ਭਾਰਤ ਦੇ 75 ਸਭ ਤੋਂ ਉੱਚੇ ਦਰਰਿਆਂ ਤੇ ਰਾਸ਼ਟਰੀ ਝੰਡਾ ਲਹਿਰਾਉਣ ਦਾ ਹੋਵੇਗਾ।

07 ਅਗਸਤ, 2021 ਨੂੰ, ਬੀਆਰਓ ਨੇ ਉਤਰਾਖੰਡ ਦੇ ਪਿੱਪਲਕੋਟੀ ਅਤੇ ਪਿਥੌਰਾਗੜ੍ਹ ਅਤੇ ਸਿੱਕਮ ਦੇ ਚਾਂਦਮਾਰੀ ਵਿਖੇ ਬਹਾਦਰੀ ਪੁਰਸਕਾਰ ਜੇਤੂਆਂ ਅਤੇ ਜੰਗੀ ਯੋਧਿਆਂ ਨੂੰ ਸਨਮਾਨਿਤ ਕੀਤਾ। ਪਿਥੌਰਾਗੜ੍ਹ ਵਿਖੇ ਬੀਆਰਓ ਦੇ ਪ੍ਰੋਜੈਕਟ ਹਿਰਕ ਵੱਲੋਂ  ਆਯੋਜਿਤ ਇੱਕ ਸਮਾਰੋਹ ਵਿੱਚ, ਸ਼ੌਰਿਯਾ ਚੱਕਰ ਪੁਰਸਕਾਰ ਪ੍ਰਾਪਤ ਕਰਨ ਵਾਲਿਆਂ ਦੇ ਵਾਰਿਸਾਂ - ਈਈਐਮ ਪ੍ਰੇਮ ਸਿੰਘ, ਨਾਇਕ ਚੰਦਰਾ ਸਿੰਘ, ਡਰਾਈਵਰ ਰਾਮ ਸਿੰਘ ਅਤੇ ਡੀਐਮਈ ਦਮਰ ਬਹਾਦਰ ਨੂੰ ਪ੍ਰਸ਼ੰਸਾ ਪੱਤਰ ਪ੍ਰਦਾਨ ਕੀਤੇ ਗਏ। ਪਿੱਪਲਕੋਟੀ ਵਿਖੇ ਇੱਕ ਵੱਖਰੇ ਸਮਾਰੋਹ ਵਿੱਚ ਬੀਆਰਓ ਦੇ ਪ੍ਰੋਜੈਕਟ ਸ਼ਿਵਾਲਿਕ ਨੇ ਕੀਰਤੀ  ਚੱਕਰ ਜੇਤੂ ਮੇਜਰ ਪ੍ਰੀਤਮ ਸਿੰਘ ਕੁੰਵਰ, ਲਾਂਸ ਨਾਇਕ ਰਘੁਬੀਰ ਸਿੰਘ (ਸ਼ੌਰਯਾ ਚੱਕਰ ਜੇਤੂ-ਮਰਨ ਉਪਰੰਤ) ਅਤੇ ਸ਼ੌਰਯਾ ਚੱਕਰ ਜੇਤੂ ਨਾਇਬ ਸੂਬੇਦਾਰ ਸੁਰੇਂਦਰ ਸਿੰਘ ਦੇ ਵਾਰਿਸਾਂ ਨੂੰ ਸਨਮਾਨਤ ਕੀਤਾ।

ਸਿੱਕਮ ਵਿੱਚ ਚਾਂਦਮਾਰੀ ਵਿਖੇ, ਬੀਆਰਓ ਦੇ ਪ੍ਰੋਜੈਕਟ ਸਵਾਸਤਿਕ ਵੱਲੋਂ ਆਯੋਜਿਤ ਸਨਮਾਨ ਸਮਾਰੋਹ ਵਿੱਚ ਸਿੱਕਮ ਸਰਕਾਰ ਦੇ ਵਣ ਅਤੇ ਵਾਤਾਵਰਣ ਮੰਤਰੀ ਸ਼੍ਰੀ ਕਰਮਾ ਲੋਦੇ ਭੂਟੀਆ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ। ਉਨ੍ਹਾਂ ਨੇ ਸਿੱਕਮ ਦੇ ਤਿੰਨ ਸ਼ੌਰਿਯਾ ਚੱਕਰ ਪੁਰਸਕਾਰ ਜੇਤੂਆਂ - ਸੂਬੇਦਾਰ ਆਨਰੇਰੀ ਕੈਪਟਨ ਕਿਸ਼ੋਰ ਰਾਏ, ਨਾਇਕ ਧਨ ਬਹਾਦਰ ਛੇਤਰੀ ਅਤੇ ਪੈਰਾ ਜਵਾਨ ਸੋਨਮ ਸ਼ੇਰਿੰਗ ਤਮਾਂਗ ਨੂੰ ਸਨਮਾਨਿਤ ਕੀਤਾ। ਰਾਜ ਦੇ ਸਥਾਨਕ ਲੋਕਾਂ, ਜਿਨ੍ਹਾਂ ਨੇ ਆਪਣੇ ਆਪ ਨੂੰ ਆਨਲਾਈਨ ਬਹਾਦਰੀ ਪੁਰਸਕਾਰ ਪੋਰਟਲ 'ਤੇ ਰਜਿਸਟਰਡ ਕੀਤਾ ਸੀ, ਨੂੰ ਵੀ ਸਨਮਾਨਿਤ ਕੀਤਾ ਗਿਆ।

ਸਾਰੇ ਸਮਾਗਮਾਂ ਵਿੱਚ ਰਾਜ ਦੀਆਂ ਪ੍ਰਮੁੱਖ ਸ਼ਖਸੀਅਤਾਂ ਨੇ ਸ਼ਿਰਕਤ ਕੀਤੀ ਅਤੇ ਇਨ੍ਹਾਂ ਵਿੱਚ ਪ੍ਰੇਰਣਾਦਾਇਕ ਗੱਲਾਂ ਅਤੇ ਜੰਗੀ ਨਾਇਕਾਂ ਦੀ ਬਹਾਦਰੀ ਦੀਆਂ ਕਹਾਣੀਆਂ ਸ਼ਾਮਲ ਸਨ

-------------------- 

 ਨਾਮਪੀ/ਡੀ ਕੇ/ਸੈਵੀ