ਸ਼੍ਰੀ ਅਨਿਲ ਕੁਮਾਰ ਜੈਨ , ਸੀ ਈ ਓ ਰਾਸ਼ਟਰੀ ਇੰਟਰਨੈੰਟ ਐਕਸਚੇਂਜ ਆਫ ਇੰਡੀਆ (ਐੱਨ ਆਈ ਐਕਸ ਆਈ) ਇਲੈਕਟ੍ਰੌਨਿਕ ਤੇ ਸੂਚਨਾ ਟੈਕਨੋਲੋਜੀ ਮੰਤਰਾਲਾ ਅਤੇ ਚੇਅਰਮੈਨ ਤਾਲਮੇਲ ਕਮੇਟੀ ਇੰਡੀਆ ਇੰਟਰਨੈੱਟ ਗਵਰਨੈਂਸ ਫੋਰਮ 2021 (ਆਈ ਜੀ ਐੱਫ) ਨੇ ਅੱਜ ਨਵੀਂ ਦਿੱਲੀ ਵਿੱਚ ਇਲੈਕਟ੍ਰੋਨਿਕ ਨਿਕੇਤਨ ਵਿਖੇ ਇੰਡੀਆ ਇੰਟਰਨੈੱਟ ਗਵਰਨੈਂਸ ਫੋਰਮ 2021 ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ । ਆਈ ਆਈ ਜੀ ਐੱਫ — 2021 20 ਅਕਤੂਬਰ ਤੋਂ ਸ਼ੁਰੂ ਹੋ ਕੇ ਤਿੰਨ ਦਿਨ ਆਯੋਜਿਤ ਕੀਤਾ ਜਾਵੇਗਾ । ਇਸ ਸਾਲ ਦੀ ਮੀਟਿੰਗ ਦਾ ਥੀਮ ਡਿਜੀਟਲ ਇੰਡੀਆ ਲਈ ਸਮੁੱਚਾ ਇੰਟਰਨੈੱਟ ਹੈ ।



ਅੱਜ ਦੇ ਐਲਾਨ ਦੇ ਨਾਲ ਹੀ ਸੰਯੁਕਤ ਰਾਸ਼ਟਰ ਅਧਾਰਿਤ ਫੋਰਮ ਦਾ ਭਾਰਤੀ ਅਧਿਆਏ ਜਿਸ ਦਾ ਨਾਂ ਇੰਟਰਨੈੱਟ ਗਵਰਨੈਂਸ ਫੋਰਮ ਹੈ — ਸ਼ੁਰੂ ਹੋ ਗਿਆ ਹੈ । ਇਹ ਇੱਕ ਇੰਟਰਨੈੱਟ ਸ਼ਾਸਨ ਨੀਤੀ ਵਿਚਾਰ ਵਟਾਂਦਰਾ ਪਲੇਟਫਾਰਮ ਹੈ ਜੋ ਵੱਖ ਵੱਖ ਗਰੁੱਪਾਂ ਦੇ ਪ੍ਰਤੀਨਿਧੀਆਂ ਨੂੰ ਇਕੱਠਾ ਕਰਕੇ ਇੰਟਰਨੈੱਟ ਨਾਲ ਸੰਬੰਧਿਤ ਜਨਤਕ ਨੀਤੀ ਮੁੱਦਿਆਂ ਤੇ ਵਿਚਾਰ ਵਟਾਂਦਰਾ ਕਰਦਾ ਹੈ । ਰੁਝਾਨ ਦਾ ਤਰੀਕਾ ਇੰਟਰਨੈੱਟ ਸ਼ਾਸਨ ਦਾ ਬਹੁਭਾਗੀਦਾਰੀ ਮਾਡਲ ਵਜੋਂ ਦੱਸਿਆ ਗਿਆ ਹੈ ਜੋ ਇੰਟਰਨੈੱਟ ਦੀ ਸਫਲਤਾ ਲਈ ਮੁੱਖ ਵਿਸ਼ੇਸ਼ਤਾ ਹੈ । ਸੰਯੁਕਤ ਰਾਸ਼ਟਰ ਤਹਿਤ ਆਈ ਜੀ ਐੱਫ (ਇੰਟਰਨੈੱਟ ਗਵਰਨੈਂਸ ਫੋਰਮ) ਦੁਆਰਾ ਬਹੁਭਾਗੀਦਾਰੀ ਧਾਰਨਾ ਨੂੰ ਬੜੀ ਚੰਗੀ ਤਰ੍ਹਾਂ ਅਪਣਾਇਆ ਗਿਆ ਹੈ ਅਤੇ ਇਸ ਨੂੰ ਇੰਟਰਨੈੱਟ ਕਾਰਪੋਰੇਸ਼ਨ ਫਾਰ ਅਸਾਈਨਡ ਨੇਮਜ਼ ਐਂਡ ਨੰਬਰਜ਼ (ਆਈ ਸੀ ਏ ਐੱਨ ਐੱਨ) ਦੁਆਰਾ ਵੀ ਅਪਣਾਇਆ ਗਿਆ ਹੈ ।
ਐਲਾਨਨਾਮੇ ਤੇ ਟਿੱਪਣੀ ਕਰਦਿਆਂ ਇੰਡੀਆ ਇੰਟਰਨੈੱਟ ਗਵਰਨੈਂਸ ਫੋਰਮ — 2021 (ਆਈ ਜੀ ਐੱਫ) ਦੇ ਤਾਲਮੇਲ ਕਮੇਟੀ ਦੇ ਚੇਅਰਮੈਨ ਸ਼੍ਰੀ ਅਨਿਲ ਕੁਮਾਰ ਜੈਨ ਨੇ ਕਿਹਾ "ਭਾਰਤ ਵਿਸ਼ਵ ਵਿੱਚ ਬਰਾਡਬੈਂਡ ਗਾਹਕਾਂ ਵਾਲਾ ਦੂਜਾ ਵੱਡਾ ਦੇਸ਼ ਹੈ ਅਤੇ ਪ੍ਰਤੀ ਯੂਜ਼ਰ ਪ੍ਰਤੀ ਮਹੀਨਾ ਸਭ ਤੋਂ ਵੱਧ ਡਾਟੇ ਦੀ ਖ਼ਪਤ ਵਾਲਾ ਹੈ । ਇਸ ਲਈ ਭਾਰਤੀਆਂ ਦੀਆਂ ਇੱਛਾਵਾਂ ਨੂੰ ਅੰਤਰਰਾਸ਼ਟਰੀ ਨੀਤੀ ਬਣਾਉਣ ਅਤੇ ਭਾਈਵਾਲੀ ਵਿਚਾਰ ਵਟਾਂਦਰੇ ਤੇ ਦਰਸਾਇਆ ਜਾਣਾ ਚਾਹੀਦਾ ਹੈ । ਫੋਰਮ ਦੇਸ਼ ਲਈ ਇੱਕ ਸਹੀ ਪਹਿਲਕਦਮੀ ਹੈ , ਜੋ ਭਾਰਤੀ ਭਾਈਚਾਰੇ ਦੀਆਂ ਲੋੜਾਂ ਅਤੇ ਤਰਜ਼ੇ ਜਿ਼ੰਦਗੀ ਨਾਲ ਮੇਲ ਖਾਂਦਾ ਹੈ । ਬਰਾਡਬੈਂਡ ਵਾਧੇ ਨੂੰ ਯਕੀਨੀ ਬਣਾਉਂਦਾ ਹੈ । ਆਈ ਜੀ ਐੱਫ 2021 ਵਿਸ਼ਵੀ ਆਈ ਜੀ ਐੱਫ ਦੀ ਸਹੀ ਭਾਵਨਾ ਅਨੁਸਾਰ ਈਵੇਂਟ ਆਯੋਜਿਤ ਕਰਨ ਲਈ ਬਹੁਭਾਗੀਦਾਰੀ ਧਾਰਨਾ ਨੂੰ ਅਪਣਾਉਣਾ ਹੈ । ਤਾਲਮੇਲ ਕਮੇਟੀ ਵਿੱਚ ਸਿਵਲ ਸੁਸਾਇਟੀ , ਸਰਕਾਰ , ਉਦਯੋਗ , ਉਦਯੋਗਿਕ ਐਸੋਸੀਏਸ਼ਨ , ਟਰਸਟ ਅਤੇ ਹੋਰ ਭਾਗੀਦਾਰਾਂ ਦੀ ਉਚਿਤ ਪ੍ਰਤੀਨਿਧਤਾ ਹੈ"।
ਅਗਸਤ 2021 ਤੋਂ ਸ਼ੁਰੂ ਹੋਣ ਵਾਲਿਆਂ ਬਹੁਪੂਰਵ ਆਈ ਆਈ ਜੀ ਐੱਫ ਰੁਝਾਨ ਈਵੇਂਟਸ ਕਈ ਕਾਲਜਾਂ ਅਤੇ  ਯੂਨੀਵਰਸਿਟੀਆਂ ਵਿੱਚ ਕਰਵਾਈਆਂ ਜਾਣਗੀਆਂ ਜੋ ਆਈ ਆਈ ਜੀ ਐੱਫ ਉਦਘਾਟਨੀ ਈਵੇਂਟ ਦਾ ਪੂਰਵਗਾਮੀ ਹੋਣਗੀਆਂ । ਇਸ ਦੇ ਪਿੱਛੇ ਵਿਚਾਰ ਇਹ ਹੈ ਕਿ ਨੌਜਵਾਨਾਂ ਅਤੇ ਵਿਦਿਆਰਥੀਆਂ ਨੂੰ ਅਕਤੂਬਰ ਦੀ ਈਵੇਂਟ ਵਿੱਚ ਉਹਨਾਂ ਦੀ ਸਿ਼ਰਕਤ ਲਈ ਰੁਝਾਇਆ ਜਾਵੇ ਅਤੇ ਭਵਿੱਖ ਦੀ ਪੀੜ੍ਹੀ ਨੂੰ ਨੀਤੀ ਬਣਾਉਣ ਵੇਲੇ ਇਸ ਦੇ ਇੱਕ ਹਿੱਸੇ ਵਜੋਂ ਤਿਆਰ ਕੀਤਾ ਜਾ ਸਕੇ ।
ਆਈ ਆਈ ਜੀ ਐੱਫ ਇੰਡੀਆ ਇੰਟਰਨੈੱਟ ਗਵਰਨੈਂਸ ਤਾਲਮੇਲ ਕਮੇਟੀ ਵਿੱਚ ਸ਼੍ਰੀ ਅਨਿਲ ਕੁਮਾਰ ਜੈਨ ਚੇਅਰਮੈਨ ਵਜੋਂ , ਸ੍ਰੀ ਟੀ ਬੀ ਰਾਮਾਚੰਦਰਨ , ਉੱਪ ਚੇਅਰਮੈਨ ਵਜੋਂ ਸ਼੍ਰੀ ਜੈ ਜੀਤ ਭੱਟਾਚਾਰੀਆ ਉੱਪ ਚੇਅਰਮੈਨ ਵਜੋਂ , ਡਾਕਟਰ ਰਜਤ ਮੂਨਾ , ਉਪ ਚੇਅਰਮੈਨ ਵਜੋਂ ਅਤੇ ਲਗਭਗ ਸਰਕਾਰ , ਸਿਵਲ ਸੁਸਾਇਟੀ , ਉਦਯੋਗ , ਟਰਸਟ , ਐਸੋਸੀਏਸ਼ਨਾਂ ਆਦਿ ਤੋਂ 12 ਮੈਂਬਰ ਪ੍ਰਤੀਨਿੱਧ ਵਜੋਂ ਹੋਣਗੇ ।
 

*****************

ਆਰ ਕੇ ਜੇ / ਐੱਮ