ಗೃಹ ವ್ಯವಹಾರಗಳ ಸಚಿವಾಲಯ

2022ನೇ ಸಾಲಿನ ಪದ್ಮ ಪ್ರಶಸ್ತಿಗಳಿಗಾಗಿ ನಾಮ ನಿರ್ದೇಶನಕ್ಕೆ ಸೆಪ್ಟೆಂಬರ್‌ 15, 2021ರವರೆಗೆ ಅವಕಾಶ

Posted On: 09 AUG 2021 11:26AM by PIB Bengaluru

2022 ಗಣರಾಜ್ಯೋತ್ಸವದ ಸಂದರ್ಭದಲ್ಲಿ ಪ್ರಕಟಿಸಲಾಗುವ  ಪದ್ಮ ಪ್ರಶಸ್ತಿಗಳಿಗೆ (ಪದ್ಮ ವಿಭೂಷಣ, ಪದ್ಮಭೂಷಣ ಮತ್ತು ಪದ್ಮಶ್ರೀ) ಆನ್‌ಲೈನ್ ಮೂಲಕ ನಾಮನಿರ್ದೇಶನ/ಶಿಫಾರಸುಗಳನ್ನು ಆಹ್ವಾನಿಸಲಾಗಿದೆ. ಪದ್ಮ ಪ್ರಶಸ್ತಿಗಳಿಗೆ ನಾಮನಿರ್ದೇಶನ ಮಾಡಲು 2021 ಸೆಪ್ಟೆಂಬರ್ 15  ಕೊನೆಯ ದಿನಾಂಕವಾಗಿರುತ್ತದೆ. ಪದ್ಮ ಪ್ರಶಸ್ತಿಗಳ ನಾಮನಿರ್ದೇಶನಗಳು/ಶಿಫಾರಸುಗಳನ್ನು ಪದ್ಮ ಪ್ರಶಸ್ತಿ ಪೋರ್ಟಲ್‌ನಲ್ಲಿ https://padmaawards.gov.in ಮಾತ್ರ ಆನ್‌ಲೈನ್ ಮೂಲಕ ಸ್ವೀಕರಿಸಲಾಗುವುದು

ಪದ್ಮ ಪ್ರಶಸ್ತಿಗಳನ್ನು "ಜನತಾ ಪದ್ಮ" ಆಗಿ ಪರಿವರ್ತಿಸಲು ಸರಕಾರ ಬದ್ಧವಾಗಿದೆ. ನಿಟ್ಟಿನಲ್ಲಿ ತಮ್ಮ ಪ್ರಾವಿಣ್ಯ ಹಾಗೂ ಸಾಧನೆ ಮೂಲಕ ಗುರುತಿಸಲು ನೈಜ ಅರ್ಹತೆ ಪಡೆದಿರುವ ಹಾಗೂ ಸಮಾಜಕ್ಕೆ ನಿಸ್ವಾರ್ಥ ಸೇವೆ ಸಲ್ಲಿಸುತ್ತಿರುವ ಮಹಿಳೆಯರು, ಎಸ್ಸಿ/ಎಸ್ಟಿಗಳು, ದಿವ್ಯಾಂಗ ವ್ಯಕ್ತಿಗಳನ್ನು ಗುರುತಿಸಿ, ಅವರ ನಾಮ ನಿರ್ದೇಶನ ಮಾಡುವಂತೆ ಎಲ್ಲಾ ನಾಗರಿಕರನ್ನು ಕೋರಲಾಗಿದೆ.

ನಾಮನಿರ್ದೇಶನಗಳು/ ಶಿಫಾರಸುಗಳು ಮೇಲೆ ಹೇಳಲಾದ ಪದ್ಮ ಪೋರ್ಟ್‌ನಲ್ಲಿ ನಿರ್ದಿಷ್ಟಪಡಿಸಿದ ನಮೂನೆಯಲ್ಲಿ ಎಲ್ಲಾ ಸಂಬಂಧಿತ ವಿವರಗಳನ್ನು ಒಳಗೊಂಡಿರಬೇಕು. ಶಿಫಾರಸು ಮಾಡಲಾದ ವ್ಯಕ್ತಿ ಕ್ಷೇತ್ರದಲ್ಲಿ ಮಾಡಿದ ಅಸಾಧಾರಣ ಸಾಧನೆಗಳು / ಸೇವೆ, ಅವರ ವಿಶಿಷ್ಟತೆ ಬಗ್ಗೆ ಸ್ಪಷ್ಟವಾಗಿ ನಿರೂಪಣಾ ಶೈಲಿಯ ಬರಹವನ್ನು (ಗರಿಷ್ಠ 800 ಪದಗಳು) ಒಳಗೊಂಡಿರಬೇಕು.

ಕುರಿತು ಹೆಚ್ಚಿನ ವಿವರಗಳು ಗೃಹ ವ್ಯವಹಾರಗಳ ಸಚಿವಾಲಯದ ವೆಬ್‌ಸೈಟ್‌ನಲ್ಲಿ (www.mha.gov.in) 'ಪ್ರಶಸ್ತಿಗಳು ಮತ್ತು ಪದಕಗಳು' ಶೀರ್ಷಿಕೆಯಡಿ ಲಭ್ಯವಿವೆ. ಪ್ರಶಸ್ತಿಗಳಿಗೆ ಸಂಬಂಧಿಸಿದ ಶಾಸನಗಳು ಮತ್ತು ನಿಯಮಗಳು https://padmaawards.gov.in/AboutAwards.aspx ವೆಬ್‌ಸೈಟ್ ಲಿಂಕ್‌ನಲ್ಲಿ ಲಭ್ಯವಿವೆ.

ಯಾವುದೇ ವಿಚಾರಣೆ/ಸಹಾಯಕ್ಕಾಗಿ, ದಯವಿಟ್ಟು ಸಂಖ್ಯೆಗಳಿಗೆ ಕರೆ ಮಾಡಿ:

011-23092421, +91 9971376539, +91 9968276366, +91 9711662129, +91 7827785786

***



(Release ID: 1744005) Visitor Counter : 248