প্রধানমন্ত্রীগী লোইশঙ

পি.এম.না “এনহেন্সিং মেরিতাইম সেক্যুরিতী: এ কেস ফোর ইন্তরনেস্নেল কোওপরেসন” হায়বা হীরমদা য়ু.এন.এস.সি.গী অৱাংবা থাক্কী ওপন দিবেৎ অমদা ময়াই তাংবল লৌগনি

Posted On: 08 AUG 2021 4:58PM by PIB Imphal

প্রধান মন্ত্রী শ্রী নরেন্দ্র মোদীনা ওগস্ত ৯গী নুমিদাং ৱাইরম পুং ৫.৩০ তাবা মতমদা ভিদিও কনফরেন্সিংগী খুত্থাংদা “এনহেন্সিং মেরিতাইম সেক্যুরিতী: এ কেস ফোর ইন্তরনেস্নেল কোওপরেসন” হায়বা হীরমদা য়ু.এন.এস.সি.গী অৱাংবা থাক্কী ওপন দিবেৎ অমদা ময়াই তাংবল লৌগনি।

মীফম অসিদা য়ুনাইতেদ নেসন্স সেক্যুরিতী কাউন্সিলগী মেম্বর স্তেৎশিংগী স্তেৎ অমসুং সরকারগী মকোকথোংবা কয়া অমসুং য়ু.এন. সিস্তেম অমসুং মরু ওইবা রিজনেল ওর্গনাইজেসনশিংদগী অৱাংবা থাক্কী ব্রিফরশিংনা শরুক য়ারবা য়াই হায়না পান্নরি। ওপন দিবেৎ অসিনা মেরিতাইম ক্রাইম অমসুং ইনসেক্যুরিতী নীংথিনা লাকশিন্নবা অমসুং মেরিতাইম দোমেন্দা কোওরদিনেসন মপাঙ্গল কনখৎহন্নবা লম্বীশিংদা মীৎয়েং চংগনি।

য়ু.এন. সেক্যুরিতী কাউন্সিলনা মেরিতাইম সেক্যুরিতী অমসুং মেরিতাইম ক্রাইমগী তোঙান-তোঙানবা হীরমশিংদা খন্নখি অমসুং রিজোলুসনশিং পাস তৌখি। অদুম ওইনমক অসিগুম্বা অৱাংবা থাক্কী ওপন দিবেৎ অমদা অখন্নবা এজেন্তাগী ৱাফম অমা ওইনা হোলিস্তিক ওইবা মওং অমদা মেরিতাইম সেক্যুরিতীগী মতাংদা খনবা অসি হন্দক্না অহানবা ওইরগনি। লৈবাক অমত্তনা নাইতোম ওইনা মেরিতাইম সেক্যুরিতীগী য়াম্লবা হীরমশিং অসি থুংহনবা ঙমলোইদবনা ৱাফম অসি য়ুনাইতেদ নেসন্স সেক্যুরিতী কাউন্সিলদা হোলিস্তিক ওইবা মওং অমদা খন্নবা য়াম্না মরু ওই। মেরিতাইল সেক্যুরিতীগী কম্প্রিহেন্সিব এপ্রোচ অমনা মেরিতাইম দোমেনদা ত্রেদিস্নেল অমসুং নন-ত্রেদিস্নেলগী অপনবশিং অসি থেংনবগা লোইননা আইন্না য়াবা মেরিতাইমগী থবক-থৌরমশিং পাঙথোকপদা ঙাকশেল পীবা অমসুং মতেং পাংবা তাই।

ইন্দস ভেলী সিবিলাইজেসনগী মতমদগী হৌদুনা ভারতকী পুৱারীদা সমুদ্রশিংনা মরু ওইবা থৌদাং অমা লৌদুনা লাকখি। সমুদ্রবু শান্তি অমসুং চাউখৎপা পুরকপা ঙম্বা অমা ওইনা উবগী ঐখোয়গী সিবিলাইজেসনগী চৎনবীশিং অসিদা য়ুম্ফম ওইরগা প্রধান মন্ত্রী শ্রী নরেন্দ্র মোদীনা সাগর – ‘সেক্যুরিতী এন্দ গ্রোথ ফোর ওল ইন দি রিজন’গী এক্রোনীম অমা, হায়রিবা অসিগী ৱাখল্লোন অসি ২০১৫দা পুথোকখি। ৱাখল্লোন অসিনা সমুদ্র অসি তুংকোইনা চৎকদবা মওংদা শীজিন্ননবা অমনা অমগী মতেং পাংনদুনা পাইখৎপা থৌরাংশিংদা অমসুং রিজন অদুদা শাফবা, সেক্যুর ওইবা অমসুং তংদু লৈতাবা মেরিতাইম দোমেন অমগীদমক ফ্রেমৱর্ক অমা পীনবদা মীৎয়েং চংখি। ২০১৯দা, ইস্ত এসিয়া সম্মিত্তা, থৌরাং অসি মেরিতাইম ইকোলোজী; মেরিতাইম রিসোর্স; কেপাসিতী বিল্দিং অমসুং রিসোর্স শিয়রিং; দিজাস্তর রিস্ক রেদক্সন অমসুং মেনেজমেন্ত; সাইন্স, তেক্নোলোজী অমসুং একাদেমিক কোওপরেসন; অমসুং ত্রেদ কনেক্তিবিতী অমসুং মেরিতাইম ত্রান্সপোর্ত য়াওনা মেরিতাইম সেক্যুরিতীগী য়ুম্বী তরেৎতা মীৎয়েং থম্বগা লোইননা ইন্দো-পেসিফিক ওসীন্স’ ইনিসিএতিব (আই.পি.ও.আই.)গী খুত্থাংদা মখা তানা মপাঙ্গল কনখৎহনখি।

শ্রী নরেন্দ্র মোদীনা য়ু.এন. সেক্যুরিতী কাউন্সিলগী ওপন দিবেৎতা ময়াই তাংবল লৌবা ভারতকী অহানবা প্রধান মন্ত্রী ওইরগনি। থৌরম অসি য়ুনাইতেদ নেসন্স সেক্যুরিতী কাউন্সিলগী ৱেবসাইত্তা লাইভ ওইনা শন্দোক্কনি অমসুং আই.এস.তি.দা পুং ১৭৩০/ এন.ৱাই.তি. দা ০৮০০দগী য়েংবা য়াগনি।

***



(Release ID: 1743868) Visitor Counter : 98