ਸਾਰੇ ਵਿਦਿਆਰਥੀਆਂ ਨੂੰ ਆਨਲਾਈਨ ਸਿੱਖਿਆ ਦੀ ਸਹੂਲਤ ਦੇਣ ਲਈ ਇੱਕ ਸਮੁੱਚੀ ਪਹਿਲਕਦਮੀ — ਈ ਪੀ ਐੱਮ ਈ ਵਿੱਦਿਆ 17 ਮਈ 2020 ਨੂੰ ਆਤਮਨਿਰਭਰ ਭਾਰਤ ਅਭਿਆਨ ਦੇ ਇੱਕ ਹਿੱਸੇ ਵਜੋਂ ਸ਼ੁਰੂ ਕੀਤੀ ਗਈ ਸੀ , ਜੋ ਡਿਜੀਟਲ / ਆਨਲਾਈਨ / ਆਨ ਏਅਰ ਸਿੱਖਿਆ ਨਾਲ ਸੰਬੰਧਿਤ ਸਾਰੇ ਯਤਨਾਂ ਨੂੰ ਇਕੱਠਿਆਂ ਕਰਦਿਆਂ ਸਿੱਖਿਆ ਲਈ ਬਹੁ ਢੰਗੀ ਪਹੁੰਚ ਦਿਦੀ ਹੈ । ਪਹਿਲਕਦਮੀ ਵਿੱਚ ਹੇਠ ਲਿਖੇ ਸ਼ਾਮਲ ਹਨ :—
1.   ਦੀਕਸ਼ਾ (ਇੱਕ ਰਾਸ਼ਟਰ , ਇੱਕ ਡਿਜੀਟਲ ਪਲੇਟਫਾਰਮ) ਸੂਬਿਆਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਸਕੂਲ ਵਿੱਦਿਆ ਲਈ ਮਿਆਰੀ ਈ—ਕੰਟੈਂਟ ਮੁਹੱਈਆ ਕਰਨ ਲਈ ਕੌਮੀ ਡਿਜੀਟਲ ਬੁਨਿਆਦੀ ਢਾਂਚਾ ਹੈ ਅਤੇ ਇਸ ਤੇ ਕਿਉ ਆਰ ਕੋਡੇਡ ਇਨਰਜਾਈਜ਼ਡ ਪਾਠ ਪੁਸਤਕਾਂ ਸਾਰੇ ਗਰੇਡਾਂ ਲਈ ਉਪਲਬੱਧ ਹਨ ।
2.   ਇੱਕ ਵਿਸ਼ੇਸ਼ ਸੰਵਯਮ ਪ੍ਰਭਾ ਟੀ ਵੀ ਚੈਨਲ ਪ੍ਰਤੀ ਕਲਾਸ ਇੱਕ ਜਮਾਤ ਤੋਂ 12 ਜਮਾਤਾਂ ਤੱਕ (1 ਜਮਾਤ ਇੱਕ ਚੈਨਲ) ।
3.   ਰੇਡੀਓ , ਕਮਿਊਨਿਟੀ ਰੇਡੀਓ ਅਤੇ ਸੀ ਬੀ ਐੱਸ ਈ ਬਰੋਡਕਾਸਟ — ਸਿ਼ਕਸ਼ਾ ਵਾਣੀ ਦੀ ਵਿਸਥਾਰਿਤ ਵਰਤੋਂ ।
4.   ਅਪੰਗ ਵਿਅਕਤੀਆਂ ਲਈ ਵਿਸ਼ੇਸ਼ ਈ—ਕੰਟੈਂਟ ਡਿਜੀਟਲੀ ਅਸੈਸੀਬਲ ਇਨਫਰਮੇਸ਼ਨ ਸਿਸਟਮ ਤੇ ਵਿਕਸਿਤ ਕੀਤਾ ਗਿਆ ਹੈ ਅਤੇ ਇਸ਼ਾਰਿਆਂ ਦੀ ਭਾਸ਼ਾ ਵਿੱਚ ਐੱਨ ਆਈ ਓ ਐੱਸ ਵੈੱਬਸਾਈਟ ਅਤੇ ਯੂ ਟਿਊਬ ਤੇ ਹੈ ।
ਇਹ ਸਾਰੀਆਂ ਸਕੀਮਾਂ/ਪ੍ਰੋਗਰਾਮ ਦੇਸ਼ ਭਰ ਵਿੱਚ ਸਾਰੇ ਵਿਦਿਆਰਥੀਆਂ ਲਈ ਉਪਲਬੱਧ ਹਨ ।
ਆਨਲਾਈਨ ਸਿੱਖਿਆ ਨੂੰ ਉਤਸ਼ਾਹਿਤ ਕਰਨ ਲਈ ਯੂ ਜੀ ਸੀ ਨੇ ਇੱਕ ਲੋੜੀਂਦਾ ਰੈਗੂਲੇਸ਼ਨ ਨੋਟੀਫਾਈ ਕੀਤਾ ਹੈ , ਜੋ ਯੂਨੀਵਰਸਿਟੀਆਂ ਨੂੰ ਮੁਕੰਮਲ ਆਨਲਾਈਨ ਪ੍ਰੋਗਰਾਮ ਕਰਵਾਉਣ ਦੀ ਸਹੂਲਤ ਦਿੰਦਾ ਹੈ । ਇਸ ਤੋਂ ਅੱਗੇ ਇੱਕ ਪ੍ਰੋਗਰਾਮ ਵਿੱਚ 20% ਆਨਲਾਈਨ ਕੋਰਸਿਜ਼ ਦੀ ਮੌਜੂਦਾ ਵਿਵਸਥਾ , ਯੂ ਜੀ ਸੀ ਸੰਵਯਮ ਵਿਵਸਥਾਵਾਂ ਅਨੁਸਾਰ ਅਤੇ ਓ ਡੀ ਐੱਲ ਰੈਗੂਲੇਸ਼ਨਜ਼ ਨੂੰ ਕੋਵਿਡ 19 ਦੌਰਾਨ ਰਾਸ਼ਟਰੀ ਹਿੱਤ@ ਵਿਚਾਰਦਿਆਂ ਲਾਗੂ ਕਰਨ ਲਈ ਵੱਧ ਤੋਂ ਵੱਧ 40% ਤੱਕ ਵਧਾਇਆ ਗਿਆ ਹੈ ਅਤੇ ਈ ਸਰੋਤਾਂ ਦੀ ਪ੍ਰਭਾਵਸ਼ਾਲੀ ਵਰਤੋਂ ਨੂੰ ਯਕੀਨੀ ਵੀ ਬਣਾਇਆ ਗਿਆ ਹੈ ।
ਸਿੱਖਿਆ ਮੰਤਰਾਲੇ ਵੱਲੋਂ ਵੱਖ ਵੱਖ ਡਿਜੀਟਲ ਪਹਿਲਕਦਮੀਆਂ ਵੀ ਕੀਤੀਆਂ ਗਈਆਂ ਹਨ , ਜਿਵੇਂ ਸੰਵਯਮ ("ਸਟਡੀ ਵੈਬਸ ਆਫ ਐਕਟਿਵ ਲਰਨਿੰਗ ਫਾਰ ਯੰਗ ਇੰਸਪਾਇਰੀ ਮਾਈਂਡਸ"), ਸੰਵਯਮ ਪ੍ਰਭਾ , ਕੌਮੀ ਡਿਜੀਟਲ ਲਾਇਬ੍ਰੇਰੀ , ਵਰਚੁਅਲ ਲੈਬ , ਈ ਯੰਤਰਾ , ਨੀਟ (ਨੈਸ਼ਨਲ ਐਜੂਕੇਸ਼ਨ ਅਲਾਇੰਸ ਫਾਰ ਤਕਨਾਲੋਜੀ) , ਫੋਸੀ (ਐੱਫ ਓ ਐੱਸ ਐੱਸ ਈ (ਫ੍ਰੀ ਓਪਨ ਸੋਰਸ ਸਾਫਟਵੇਅਰ ਫਾਰ ਐਜੂਕੇਸ਼ਨ)) ਆਦਿ ਵਿਦਿਆਰਥੀਆਂ ਨੂੰ ਮਿਆਰੀ ਸਿੱਖਿਆ ਯਕੀਨੀ ਬਣਾਉਣ ਲਈ ਹਨ ।
 

ਇਹ ਜਾਣਕਾਰੀ ਅੱਜ ਰਾਜ ਸਭਾ ਵਿੱਚ ਕੇਂਦਰੀ ਸਿੱਖਿਆ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ ।
*******************

ਐੱਮ ਜੇ ਪੀ ਐੱਸ / ਏ ਕੇ