وزارت دفاع
مہاراشٹر ، کرناٹک اور گوا میں فوج کے تینوں شعبوں کے ذریعہ سیلاب سے متعلق امدادی کام
Posted On:
25 JUL 2021 9:59AM by PIB Delhi
نئی دہلی۔ 25 جولائی
اہم جھلکیاں:
- ہندوستانی فوج کی ٹاسک فورس نے مہاراشٹرکے سب سے زیادہ متاثرہ تین اضلاع میں راحت اور امدادی کاموں میں مصروف
- کرناٹک میں ہندوستانی بحریہ کی ٹیموں نے 200 سے زائد افراد کو وہاں سے نکالا
- ہندوستانی فضائیہ نے متاثرہ علاقوں میں این ڈی آر ایف کے تقریبا 400 اہلکاروں کو منتقل کیا
- مزید امدادی ٹیمیں اور طیارےاسٹینڈ بائی پر
فوج کے تینوں شعبوں نے مہاراشٹر ، کرناٹک اور گوا کے سیلاب سے متاثرہ علاقوں میں راحت اور بچاؤ کے کاموں میں سول انتظامیہ کے ساتھ ساتھ قومی و ریاستی ڈیزاسٹر مینجمنٹ حکام کے ساتھ ہاتھ ملایا ہے۔ مہاراشٹر کےسب سے زیادہ متاثرہ رتناگیری، کولہا پور اور سانگلی اضلاع کی انتظامیہ کے ساتھ قریبی ہم آہنگی کے ساتھ کام کرتے ہوئے ، ہندوستانی فوج نے متاثرہ علاقوں میں انفینٹری ، انجینئرز ، مواصلات ، بازیابی اور طبی ٹیموں پر مشتمل ٹاسک فورسز کو تعینات کیا ہے۔ان ٹیموں نے چپلون، شیرول، ہاٹ کنگل ، پلوس اور میراج علاقوں میں راحت بچاؤ کے کام انجام دیے اور قیمتی جانیں بچائیں۔
کرناٹک میں ، ہندوستانی بحریہ نے امدادی کاموں کے لئے بحریہ کے غوطہ خوروں ، ربڑ ‘جیمنی’ کشتیوں ، لائف جیکٹ اور طبی ساز وسامان کے ساتھ بہتر انداز میں آراستہ سات امدادی ٹیموں کو تعینات کیں۔ان ٹیموں نے کادرا ڈیم کے قریب سنگوڈا اور بھیرے گاؤں سے 165 افراد کو بحفاظت نکالا جبکہ 70 افراد کو کیگا کے نشیبی علاقوں سے نکال لیا گیا۔
بحریہ کے اسکیینگ ، ایڈوانس لائٹ ہیلی کاپٹر اور ہندوستانی فضائیہ کے ایم آئی – 17 ہیلی کاپٹروں نے متعدد اڑانیں بھریں اور پانی کی سطح میں اچانک اور تیز اضافے کی وجہ سے پھنسے لوگوں کی جانیں بچائیں۔ انہوں نے متاثرہ علاقوں کا فضائی سروے بھی کیا تاکہ اعلی عہدیدار صورتحال کا جائزہ لے سکیں اور راحت و بچاؤ کے کاموں کے لیے منصوبے بنائے جا سکیں۔
قومی آفات سے نمٹنے والی فورس (این ڈی آر ایف) کےتقریبا 400 اہلکاروں کوہندوستانی فضائیہ کے طیاروں کے ذریعہ بھوبھنیشور ، کولکاتہ اور وڈوڈرا سے پونے ، کولہا پور اور مہاراشٹر کے رتناگری اور گوا 40 ٹن امدادی سامان ایر لفٹ کیا ۔
ہندوستانی فوج کے تینوں شعبوں کی ٹیمیں سیلاب سے متاثرہ مقامی لوگوں کو کھانا ، پانی ، میڈیکل کی سہولیات مہیا کرانے کے علاوہ ان کے بچاؤ کے لئے چوبیس گھنٹے کام کر رہے ہیں ۔ مزید امدادی ٹیمیں اور طیارے تعیناتی کے لئے تیار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض ۔ ج ا (
U-6986
(Release ID: 1738825)
Visitor Counter : 304